Class 11 Advance Assamese Chapter 3 প্রিয়তমাৰ চিঠি

Class 11 Advance Assamese Chapter 3 প্রিয়তমাৰ চিঠি Question Answer to each chapter is provided in the list so that you can easily browse throughout different chapters Assam Board HS 1st Year Advance Assamese Chapter 3 প্রিয়তমাৰ চিঠি notes and select needs one.

Class 11 Advance Assamese Chapter 3 প্রিয়তমাৰ চিঠি

Join Telegram channel

Follow us:

Also, you can read the SCERT book online in these sections Solutions by Expert Teachers as per SCERT (CBSE) Book guidelines. Class 11 Advance Assamese Question Answer Chapter 3 are part of SCERT All Subject Solutions. Here we have given Class 11 Advance Assamese Chapter 3 প্রিয়তমাৰ চিঠি Solutions for All Subject, You can practice these here…

প্রিয়তমাৰ চিঠি – হেমচন্দ্ৰ গোস্বামী

Chapter – 3

প্ৰথম গোট

চমু প্ৰশ্ন

১। কবি হেমচন্দ্ৰ গোস্বামীৰ এটি পৰিচয় দিয়া ৷ 

উত্তৰঃ হেমচন্দ্ৰ গোস্বামীৰ জন্ম হয় ১৮৭২ চনত গোলাঘাটৰ গৌৰাংগ সত্ৰত । তেওৰ পিতৃৰ নাম আছিল ডম্বৰুধৰ গোস্বামী । তেওঁ নগাওঁত শিক্ষা লাভ কৰিছিল আৰু সেই সময়তেই গুণাভিৰাম বৰুৱা , ভোলানাথ দাস , ৰত্নেশ্বৰ মহন্ত আদিৰ প্ৰভাৱত পৰিছিল ৷ ফলস্বৰূপে সৰুৰে পৰাই তেওঁৰ সাহিত্যৰ প্ৰতি ধাউতি জন্মিছিল । পিছত কলিকতাত পঢ়িবলৈ যাওঁতে বেজবৰুৱা আৰু চন্দ্ৰকুমাৰ আগৰৱালাৰ লগ লাগি জোনাকী কাকত প্ৰকাশ কৰিছিল । কলিকতাৰ পৰা গুচি আহি মাটিৰ হাকিম হিচাপে কাৰ্যনিৰ্বাহ কৰিলেও অসমীয়া সাহিত্যৰ প্ৰতি তেওঁৰ বিশিষ্ট অৱদান সদায় স্মৰণীয় ৷ ‘ কাকো আৰু হিয়া নিবিলাওঁ ’ , ‘ পুৱা ’ , ‘ ফুলৰ চাকি ’ আদি কবিতাৰে তেওঁ আমাৰ সাহিত্যৰ ভঁৰাল চহকী কৰি গৈছে । তদুপৰি গোস্বামী দেৱেই প্ৰথমে ইটালীয় আৰ্হিত ছনেটৰ অনুগামী চতুর্দশপদী কবিতাৰ আদৰ্শ বঙ্গৰ পৰা কঢ়িয়াই আনে । উল্লেখনীয় যে পাঠ্যপুথিত সন্নিবিষ্ট “ প্রিয়তমাৰ চিঠি ” কবিতাটিয়েই হ’ল প্ৰথম অসমীয়া ছনেট । 

গোস্বামীদেৱে পুৰণি পুথি সম্পাদনাৰ ক্ষেত্ৰতো আদর্শ দেখুৱাই গৈছে ৷ এইবোৰৰ ভিতৰত দৰং ৰাজবংশী , ভট্টদেৱৰ কথাগীতা , পুৰণি অসম বুৰঞ্জী , কামৰূপ তন্ত্র আদি উল্লেখনীয় । তেখেতে অসম সাহিত্য সভাৰ তেজপুৰ অধিবেশনত চতুৰ্থ গৰাকী সভাপতি হিচাপে পৌৰোহিত্য কৰিছিল । 

২। ‘ প্রিয়তমাৰ চিঠি ’ কোন শ্রেণীৰ কবিতা ? তাৰ এটি চমু পৰিচয় দিয়া ৷ 

উত্তৰঃ ‘ প্ৰিয়তমাৰ চিঠি ’ কবিতাটো এটি চতুর্দশপদী কবিতা । উল্লেখনীয় যে ‘ প্রিয়তমাৰ চিঠি ’ হ’ল প্ৰথম অসমীয়া ছনেট । ভাবাদর্শৰ ফালৰ পৰা কবিতাটো এটি ৰোমান্টিক কবিতা । 

ছনেট হ’ল চৈধ্যটা চৰণত সম্পূৰ্ণ হোৱা কবিতা । বিষয় আৰু ভাবৰ ঐক্য ইয়াত মূল কথা । ইয়াৰ চৈধ্যটা শাৰীৰ প্ৰথম আঠটাক অষ্টক আৰু পিছত ছটা শাৰীক ষটক বুলি কোৱা হয় । এটা ছনেটত এটা বিষয়ৰহে অৱতাৰণা কৰা হয় আৰু বিষয়টো সম্পূর্ণকৈ প্ৰকাশ কৰা হয় । ইটো চৰণৰ লগত সিটোৰ অন্তমিল থাকিব লাগিব । সামৰণিত চৰণত ভাবৰ পূর্ণতা অতর্কিতে ফুটি উঠিব লাগিব । “ In a sonnet thought should be set to thought , line added to line in the short architectural sequence , or else there should be a progression like the pressing of waves to the shore , with the finality of arrival swift in a closing couplet or deliberate as in the Miltonic form – Letters , 3rd series . 

৩। ” প্রিয়তমাৰ চিঠি কবিতাটোৰ সাৰাংশ লিখা । 

উত্তৰঃ “ প্রিয়তমাৰ চিঠি কবিতাটোৰ মাজেৰে ৰোমান্টিক ভাবাদর্শ প্রতিফলিত হৈছে । কবিতাটিত মূল বিষয় হ’ল ‘ প্ৰিয়তমাৰ চিঠি ’ । প্রিয়তমাৰ চিঠিখন কবিৰ বাবে ইমানেই সুন্দৰ আৰু মোহনীয় যে তেওঁ প্ৰকৃতিৰ সাজ – ঘৰত পিত পিতকৈ চকু ফুৰায়ো প্রিয়তমাৰ চিঠিৰ মাজত থকা সৌন্দৰ্যৰ অমিয়া বিচাৰি পোৱা নাই । তেওঁৰ প্ৰিয়তমাৰ চিঠিৰ আখৰ কুকুৰা ঠেঙীয়া । কিন্তু সেই কুকুৰাঠেঙীয়া আখৰ কেইটিতে যেন সংসাৰৰ সকলো অমিয়া ঘঁহা আছে । 

কবিতা কাননত বহু কবিতা ফুলে আৰু মলয়াত উটি ভাটি আহি পৃথিৱী পায়হি । মলয়াত ভাঁহি অহা কবিতাৰ সেই সুৰতো গীত আছে , কিন্তু প্রিয়তমাৰ চিঠিয়ে যি গীত জানে তাৰ লগত কবিতাৰ সংগীতৰ তুলনা নহয় । কবিতাৰ মাজত থকা কাব্যগুণে প্রিয়তমাৰ চিঠিৰ মাজত থকা গীতৰ গোন্ধকে নাপায় ৷ 

এই পৃথিৱীত বহু সুন্দৰ ফুল ফুলে আৰু সময় হলে সৰিও পৰে । সুন্দৰ সেউজীয়া বননিও শুকাই যায় । বসন্তৰ কুঁহিপাতো ৰ’দত লেৰেলি যায় , কিন্তু প্রিয়তমাৰ চিঠিত এনে মোহিনী শক্তি আছে যে যি কোনো দিনেই বাহী নহয় । সদায় যেন নতুন পুষ্পেৰে সুশোভিত হৈ উঠে । যিমানেই গোন্ধ লোৱা যায় , যিমানেই চুমা খোৱা যায় সিমানেই সি হৃদয়ত হেঁপাহ জগাই তোলে , কোনোকালেই আমনি নালাগে । 

কবিয়ে কবিতাটিৰ মাজেৰে ইয়াকে বুজাব খুজিছে যে প্রিয়তমাৰ মনৰ খবৰ কঢ়িয়াই অনা চিঠিখন কোনোকালেই পুৰণি নহয় , সদায় তাৰ ন ন অর্থই মন বলীয়া কৰে । এই চিঠিৰ মাজৰ যি সুৰ সি কোনো সুৰৰ লগতে তুলনীয় নহয় । ফুলৰ সৌন্দৰ্য বা বসন্তৰ কোমলতায়ো ইয়াৰ সৌন্দৰ্যক পিছ পেলাব নোৱাৰে । এই উপলব্ধি যেন সকলোৰে ওপৰত । 

৪। প্ৰসংগ সংগতি দৰ্শাই ব্যাখ্যা কৰা ৷

        “ তোমাৰ চিঠিয়ে কিন্তু জানে যিটি গীত । 

         কবিতাৰ কাব্যে তাৰ গোন্ধকে নাপায় ।। ”

উত্তৰঃ উদ্ধৃত কবিতাফাঁকি আমাৰ পাঠ্যপুথি অসমীয়া উচ্চতৰ সাহিত্য সংকলনত সন্নিবিষ্ট হেমচন্দ্ৰ গোস্বামী দেৱৰ ‘ প্রিয়তমাৰ চিঠি ’ নামৰ কবিতাটিৰ পৰা তুলি দিয়া হৈছে ।

কবিয়ে প্রিয়তমাৰ চিঠিখনৰ মহত্ব আৰু সৌন্দর্য কিমান তাকে কবিতাটিৰ মাজেৰে উপস্থাপন কৰিছে আৰু সেই প্ৰসংগতে এই কথাষাৰিৰ অৱতাৰণা কৰিছে । 

কবিয়ে কৈছে যে কবিতা কাননত যিমানেই কবিতা ফুলি নুঠক কিয় , যিমানেই মলয়াত উটি ফুৰি পৃথিৱীত খলক নলগাওক কিয় , তেওঁৰ প্ৰিয়তমাৰ চিঠিৰ লগত তাক তুলনাই কৰিব নোৱাৰি । কাৰণ প্রিয়তমাৰ চিঠিৰ মাজত যি গীত আছে ; অইন কবিতাৰ কাব্যগুণে তাৰ গোন্ধকে নাপায় ৷ 

আচলতে কবিতাৰ মূল গুণ হ’ল তাৰ ভিতৰত থকা কাব্য । কবিতাই মন চুই যাব পৰা অনুভূতিৰ এক সাংগিতিক অনুভৱ কঢ়িয়াই ফুৰে । কিন্তু কবিয়ে কৈছে যে এই সংগীত বা কাব্য গুণ তেওঁৰ প্ৰিয়তমাৰ চিঠিৰ তুলনাত একোৱেই নহয় ৷ কাৰণ তেওঁৰ প্ৰিয়তমাৰ চিঠিৰ যি কাব্যিকতা বা গীতিময়তা , অইন কবিতাবোৰে তেনে গীতিময়তাৰ গোন্ধকে পাব নোৱাৰে ।

৫। শব্দাৰ্থ লিখা । 

উত্তৰঃ 

৬। কুকুৰাঠেঙ্গীয়া মানে কি ? 

উত্তৰঃ কোমল পাতৰ এবিধ বনৰীয়া গছ বা কুকুৰা চৰাইৰ ভৰিৰ দৰে একা বেকা বেয়া সৰু আখৰ ।

৭। হেমচন্দ্ৰ গোস্বামীৰ কবিতা পুথিখনৰ নাম কি ? 

উত্তৰঃ প্রিয়তমাৰ চিঠি ।

Dev Kirtonia

Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.