Class 5 Environment Chapter 13 ভাৰতৰ স্বাধীনতা আন্দোলন আৰু অসম, SEBA Chapter 13 ভাৰতৰ স্বাধীনতা আন্দোলন আৰু অসম Class 5 Environment Study Question Answer to each chapter is provided in the list of SEBA so that you can easily browse through different chapters and select needs one. Assam Board Class 5 পৰিৱেশ অধ্যয়ন Question Answer can be of great value to excel in the examination.
ভাৰতৰ স্বাধীনতা আন্দোলন আৰু অসম
Chapter – 13
| অনুশীলনী |
১। উত্তৰ লিখা-
(ক) কেতিয়াৰপৰা ভাৰতে এখন স্বাধীন ৰাষ্ট্ৰ হিচাপে স্বীকৃতি লাভ কৰে?
উত্তৰঃ ১৯৪৭ চনৰ ১৫ আগষ্ট তাৰিখৰ পৰা ভাৰতে এখন স্বাধীন ৰাষ্ট্ৰ হিচাপে স্বীকৃতি লাভ কৰে।
(খ) ভাৰতীয় নাগৰিকৰ কেইটা মৌলিক কৰ্তব্য আছে?
উত্তৰঃ ভাৰতীয় নাগৰিকৰ ১১টা মৌলিক কৰ্তব্য আছে।
(গ) সংবিধান সভাৰ সভাপতি কোন আছিল?
উত্তৰঃ সংবিধান সভাৰ সভাপতি ড° ৰাজেন্দ্ৰ প্ৰসাদ আছিল।
(ঘ) সংবিধান খচৰা কমিটীৰ নেতা কোন আছিল?
উত্তৰঃ সংবিধান খচৰা কমিটীৰ নেতা ড° ভীমৰাও আম্বেদকাৰ আছিল।
(ঙ) ভাৰতীয় সংবিধানখন কেতিয়া গৃহীত হৈছিল?
উত্তৰঃ ভাৰতীয় সংবিধানখন ১৯৫০ চনৰ ২৬ জানুৱাৰীৰ পৰা গৃহীত হৈছিল।
২। খালী ঠাই পূৰ কৰা-
(ক) আমি ১৯৫০ চনৰপৰা প্ৰতি বছৰ ২৬ জানুৱাৰী তাৰিখে__________________হিচাপে পালন কৰোঁ।
উত্তৰঃ আমি ১৯৫০ চনৰপৰা প্ৰতি বছৰ ২৬ জানুৱাৰী তাৰিখে গণতন্ত্র দিৱস হিচাপে পালন কৰোঁ।
(খ) _______________সংবিধানখন অতি দীঘলীয়া সংবিধান।
উত্তৰঃ ভাৰতবৰ্ষৰ সংবিধানখন অতি দীঘলীয়া সংবিধান।
(গ) ভাৰতবৰ্ষ এখন সার্বভৌম __________গণৰাজ্য।
উত্তৰঃ ভাৰতবৰ্ষ এখন সার্বভৌম গণতান্ত্ৰিক গণৰাজ্য।
(ঘ) প্রত্যেক দেশ বা ৰাষ্ট্ৰৰ একোখন নিজস্ব __________আছে।
উত্তৰঃ প্রত্যেক দেশ বা ৰাষ্ট্ৰৰ একোখন নিজস্ব ৰাজ্য আছে।
(ঙ) ________________চনৰ আগষ্টৰ দিনা ভাৰতে স্বাধীনতা লাভ কৰে।
উত্তৰঃ ১৯৪৭ চনৰ ১৫ আগষ্টৰ দিনা ভাৰতে স্বাধীনতা লাভ কৰে।
৩। মৌলিক অধিকাৰ বুলিলে কি বুজা আৰু সেইবোৰ কি কি লিখা।
উত্তৰঃ ভাৰতীয় সংবিধানৰদ্বাৰা এনে কিছুমান বিশেষ অধিকাৰ নিৰ্ধাৰণ কৰা হৈছে, যাক মৌলিক অধিকাৰ বোলা হয়। সংবিধানে আমাক এনেধৰণৰ ছয় বিধ মৌলিক অধিকাৰ প্ৰদান কৰিছে।
সেইবোৰ হ’ল-
১। সাংবিধানিক প্রতিকাৰৰ অধিকাৰ।
২। সমতাৰ অধিকাৰ।
৩। শোষণৰ বিৰুদ্ধে প্ৰতিৰোধৰ অধিকাৰ।
৪। স্বাধীনতাৰ অধিকাৰ।
৫। শিক্ষা আৰু সংস্কৃতিৰ অধিকাৰ।
৬। ধর্মীয় অধিকাৰ।
৪। প’ষ্টাৰ সাজা—
(ক) আমি সকলো ভাৰতীয়।
উত্তৰঃ ছাত্র-ছাত্ৰী নিজে কৰিবা।
(খ) অসম আমাৰ জন্মভূমি।
উত্তৰঃ ছাত্র-ছাত্ৰী নিজে কৰিবা।
৫। চমুটোকা লিখা-
(ক) স্বাধীনতা আন্দোলন।
উত্তৰঃ ভাৰত ত্যাগ আন্দোলনৰ পাছতেই ইংৰাজ চৰকাৰে ভাৰতখন তেওঁলোকৰ অধীনত ৰখাটো সম্ভৱ নহ’ব বুলি অনুভৱ কৰে। সেইমতে ১৯৪৭ চনৰ ১৫ আগষ্ট তাৰিখে আমাৰ দেশৰ শাসনভাৰ দেশবাসীৰ হাতত গতাই দিয়ে। তেতিয়াৰ পৰাই আমাৰ দেশখন স্বাধীন হয়। সেইবাবে আমি ১৫ আগষ্টৰ দিনটো স্বাধীনতা দিৱস হিচাপে পালন কৰোঁ। দেশৰ স্বাধীনতা সংগ্ৰামত অন্যান্য প্ৰান্তৰ দৰে অসমতো জ্বলি উঠিছিল বৃটিছৰ বিৰুদ্ধে প্ৰতিবাদৰ জুই। পুৰুষ-মহিলা উভয়েই জপিয়াই পৰিছিল এই সংগ্ৰামত। দেশৰ স্বাৰ্থত বহু লোকে প্ৰাণ আহুতি দিছিল আৰু বহুলোক চিৰদিনলৈ ঘূণীয়া হৈছিল। কুশল কোঁৱৰ, মণিৰাম দেৱান, কনকলতা বৰুৱা, মুকুন্দ কাকতি, থগী সুঁত আদিৰ প্ৰাণত্যাগে স্বাধীনতা আন্দোলনক তীব্ৰতৰ কৰি তুলিছিল।
(খ) ভাৰতৰ সংবিধান।
উত্তৰঃ ভাৰতৰ সংবিধান ১৯৪৬ চনত গঠন কৰা হয়। এই সংবিধান সভাই ভাৰতৰ বাবে এখন সংবিধান ৰচনাৰ কাম আৰম্ভ কৰে। এই উদ্দেশ্যে ১৯৪৭ চনৰ ২৯ আগষ্টত ড° ভীমৰাও আম্বেদকাৰৰ নেতৃতত এখন খচৰা সমিতি গঠন কৰি লোৱা হয়। ১৯৪৯ চনৰ ২৬ নবেম্বৰত এই খচৰা সমিতিখনে প্রায় তিনি বছৰ কাল অশেষ পৰিশ্ৰম কৰি সংবিধান ৰচনা কৰি উলিওৱাৰ কাম সম্পূর্ণ কৰে। সংবিধান সভাৰ সভাপতি ড° ৰাজেন্দ্ৰ প্ৰসাদে এই খচৰা সংবিধানখনত চহী কৰে আৰু সংবিধান সভাত ভাৰতৰ সংবিধানখন গৃহীত হয়। ১৯৫০ চনৰ ২৬ জানুৱাৰীৰ পৰা এই সংবিধানখন সম্পূৰ্ণৰূপে কাৰ্যকৰী কৰা হয়।
(গ) মৌলিক অধিকাৰ।
উত্তৰঃ ভাৰতীয় সংবিধানৰদ্বাৰা এনে কিছুমান বিশেষ অধিকাৰ নিৰ্ধাৰণ কৰা হৈছে, যাক মৌলিক অধিকাৰ বোলা হয়। এই অধিকাৰসমূহৰ সহায়ত নাগৰিকে সামাজিক, ৰাজনৈতিক, অর্থনৈতিক, সাংস্কৃতিক আদি বিভিন্ন দিশত সমান সুযোগ-সুবিধা লাভ কৰে। সংবিধানে আমাক এনেধৰণৰ ছয় বিধ মৌলিক অধিকাৰ প্ৰদান কৰিছে। সেইবোৰ হ’ল-সাংবিধানিক প্রতিকাৰৰ অধিকাৰ,সমতাৰ অধিকাৰ,শোষণৰ বিৰুদ্ধে প্ৰতিৰোধৰ অধিকাৰ, স্বাধীনতাৰ অধিকাৰ,শিক্ষা আৰু সংস্কৃতিৰ অধিকাৰ আৰু ধর্মীয় অধিকাৰ।
(ঘ) মৌলিক কৰ্তব্য।
উত্তৰঃ দেশৰ কল্যাণ সাধনৰ বাবে জনসাধাৰণে কেৱল মৌলিক অধিকাৰসমূহ ভোগ কৰিলেই নহ’ব। তাৰ বিনিময়ত ৰাষ্ট্ৰৰ প্ৰতি কিছুমান দায়িত্বও পালন কৰিব লাগিব। তেতিয়াহে তেওঁ প্ৰকৃততে ৰাষ্ট্ৰখনৰ সু-নাগৰিক হোৱাৰ যোগ্যতা অর্জন কৰিব পাৰিব। সেইবাবে প্ৰতিজন নাগৰিকৰে কিছুমান কৰণীয় থাকে। দেশখনৰ প্ৰতি থকা নাগৰিকৰ এই কৰণীয়সমূহক মৌলিক কর্তব্য বোলে। ভাৰতীয় নাগৰিকৰ ১১ টা মৌলিক কর্তব্য আছে। মৌলিক কৰ্তব্য সমুহক বাধ্যতামুলক নহ’লেও জনমতৰ জৰিয়তে এইবোৰ কাৰ্যকৰী কৰিব পাৰি। সুস্থ জনমত গঠনৰ দ্বাৰা নাগৰিক সকলক এই কৰ্তব্য সমুহ পালন কৰিবলৈ বাধ্য কৰিব পাৰি| আইন বা ন্যায়ালয়ৰ জৰিয়তে সকলো কাৰ্য সমাধান কৰা সম্ভৱপৰ নহয়। ইয়াৰ বাবে প্ৰয়োজন ভাৰতবৰ্ষৰ সমূহ জনসাধাৰণৰ সহযোগিতা। গণতান্ত্ৰিক ৰাষ্ট্ৰত সুস্থ জনমতৰ বাহিৰে আন কোনো শক্তি নাই এই শক্তিক ভালদৰে প্ৰয়োগ কৰিলেহে মৌলিক কৰ্তব্য সমূহৰ উদ্দেশ্যে সাৰ্থক হ’ব।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
