Class 8 Social Chapter 3 বসতি – সমাধান

Class 8 Social Science Geography Question Answer Chapter 3 বসতি – সমাধান The answer to each chapter is provided in the list so that you can easily browse throughout different chapter Class 8 Social Chapter 3 বসতি and select needs one.

Class 8 Social Science Chapter 3 বসতি

Join Telegram channel

Follow us:

Also, you can read SCERT book online in these sections Solutions by Expert Teachers as per SCERT (CBSE) Book guidelines. These solutions are part of SCERT All Subject Solutions. Here we have given Class 8 Social Chapter 3 বসতি for All Subject, You can practice these here…

বসতি

পাঠ – 3

১/ খালী ঠাই পূৰ কৰা |

(ক) কৃষি কাৰ্য আৰম্ভ হোৱাৰ লগে লগে মানুহ একে ঠাইতে স্থায়ী ভাৱে বসবাস কৰিবলৈ আৰম্ভ কৰিলে |
(খ) পানীৰ উৎসক ভিত্তি কৰি গাঁওবাসীয় ভালেমান সা – সুবিধা ভোগ কৰে |
(গ) আলি – বাট, ৰেলপথ, নদীৰ কাষে কাষে গঢ়ি উঠা বসতিক ৰৈখিক বসতি বোলে |
(ঘ) বৰ্তমান অসমত গাঁৱৰ সংখ্যা হল ২৫,৫৯০ খন |

২/ শুদ্ধ উত্তাটো বাছি উলিওৱা –

(ক) গ্ৰাম্য বসতিৰ মূল বৃত্তি হল বেপাৰ – বাণিজ্য / উদ্যোগ/ কৃষি |
উত্তৰ:- গ্ৰাম্য বসতিৰ মূল বৃত্তি হল কৃষি |

(খ) গ্ৰাম্য অঞ্চলতকৈ নগৰ অঞ্চলত জনসংখ্যাৰ ঘনত্ব কম/ অধিক/ সমান |
উত্তৰ:- গ্ৰাম্য অঞ্চলতকৈ নগৰ অঞ্চলত জনসংখ্যাৰ ঘনত্ব অধিক ।

(গ) ভাৰতৰ প্ৰায় ৭০/ ৮০/ ৬০ শতাংশ লোকে গাঁৱত বাস কৰে |
উত্তৰ:- ভাৰতৰ প্ৰায় ৭০ শতাংশ লোকে গাঁৱত বাস কৰে |

(ঘ) কোনো ঠাইত থূপ খাই থকা বসতিয়েই হল ৰৈখিক/ কেন্দ্ৰীভূত/ পাতল বসতি |
উত্তৰ:- কোনো ঠাইত থূপ খাই থকা বসতিয়েই হল কেন্দ্ৰীভূত বসতি |

৩/ উত্তৰ লিখা : ( ৪টা বা ৫টা বাক্যৰ ভিতৰত )

(ক) মানুহে স্থায়ী ভাৱে বসবাস কৰিবলৈ লোৱাৰ কাৰণ কি বুলি ভবা ?

উত্তৰ:- কৃষিকাৰ্য আৰম্ভ হোৱাৰ লগে লগে মানুহে স্থায়ী ভাৱে বসবাস কৰিবলৈ আৰম্ভ কৰে | বিশেষকৈ মাটি চহোৱা, শস্য চোৱা – চিতা কৰাৰ স্বাৰ্থত মানুহে স্থায়ী ভাৱে বসবাস কৰিবলগীয়া হয় |

(খ) গাঁৱলীয়া বসতিৰ মূল বৈশিষ্ট্য সম্বন্ধে আলোচনা কৰা |

উত্তৰ:- গ্ৰাম অঞ্চলৰ মূল আৰু প্ৰধান বৈশিষ্ট্য হল কৃষভিত্তিক কৰ্ম | সেইকাৰণে গ্ৰাম্য অঞ্চলৰ বসতি স্থান নৈ – বিলৰ পাৰত সাৰুৱা মাটিত, ওখ ঠাইত বসতি কৰে | গাঁৱলীয়া বসতিৰ মূল বৈশিষ্ট্য হল –

(i) কৃষি আৰু পশুপালন

(ii) নদীৰ পানী

(iii) সাৰুৱা মাটি

(iv) সহজ সৰল আত্মনিৰ্ভৰশীল জীৱন |

(গ) কেন্দ্ৰীভূত বসতি কেনে ধৰণে সৃষ্টি হয় লিখা ।

উত্তৰ:- কোনো কোনো অঞ্চলত বিভিন্ন সা – সুবিধা থকাৰ কাৰণে মানুহৰ বসতি একে ঠাইতে থুপ খাই থাকে | এনেদৰে থুপ খাই কেন্দ্ৰীভূত বসতি সৃষ্টি হয় ।

(ঘ) পৌৰ বসতিৰ মানুহৰ জীৱিকাৰ উপায় কেনেকুৱা চমুকৈ লিখা ।

উত্তৰ:- পৌৰ বসতিৰ মানুহৰ জীৱিকাৰ উপায় বোৰ হল – বেপাৰ – বাণিজ্য, শিল্প – উদ্যোগ, শিক্ষানুষ্ঠান, অফিচ – কাছাৰীৰ চাকৰি আদি প্ৰধান ।

(ঙ) গাঁও আৰু নগৰৰ মাজত সম্পৰ্ক আলোচনা কৰা ।

উত্তৰ:- বেপাৰ – বাণিজ্য ই গাঁও আৰু নগৰৰ মাজত সম্পৰ্ক বৰ্তাই ৰাখে । গাঁওবাসীয়ে তেওঁলোকৰ উৎপাদিত কৃষিজাত সামগ্ৰী নগৰত যোগান ধৰে আৰু নগৰেও ঔদ্যোগিক দ্ৰৱ আৰু অন্যান্য সেৱা গাঁৱলৈ আগবঢ়ায় । বেংক, ডাক, বীমা, শিক্ষা – দীক্ষা আদি সেৱাৰ যোগেদি গাঁও আৰু নগৰৰ মাজত এক নিবিড় সম্পৰ্ক স্থাপন হয় ।

৪/ চমুটোকা লিখা ।

ক) ৰৈখিক বসতি ।

উত্তৰ:- কিছুমান বসতি বাট – পথৰ কাষে কাষে দীঘলীয়াকৈ বিস্তাৰিত হৈ থাকে । তেনে বসতিক ৰৈখিক বসতি বোলে। ৰৈখিক বসতি সাধাৰণতে নলা, ৰেলপথ, নদী আদিৰ কাষে কাষে দেখা যায়।

(খ) বৰ্গক্ষেত্ৰ কাৰ বসতি ।

উত্তৰ:- গ্ৰাম্য বসতিৰ আন এবিধ বসতি হল বৰ্গক্ষেত্ৰ কাৰ বসতি । গাঁৱত থকা কৃষি ক্ষেত্ৰক কেন্দ্ৰ কৰিও এক ধৰণৰ বসতিৰ সৃষ্টি হোৱা দেখা যায়। এনে ধৰণৰ বসতিক বৰ্গক্ষেত্ৰ কাৰ বসতি বোলে। একে সংস্কৃতি, ভাষা, ধৰ্মৰ মানুহে এনেদৰে ধৰ্মস্থান বা নামঘৰ সাজি বসবাস কৰে । এনে বসতিৰ চাৰিওফালে সাধাৰণতে বহল খেতি পথাৰ দেখা যায়।

(গ) উচ্চভূমি বসতি ।

উত্তৰ:- উচ্চভূমিত সাধাৰণতে স্থল ভাগৰ ঢাল থিয় হোৱাৰ বাবে বসতি পাতল । অৰুণাচল প্ৰদেশ, মিজোৰাম, চিকিম, হিমাচল প্ৰদেশ, জম্মু আৰু কাশ্মীৰৰ ভূ – প্ৰকৃতি পৰ্বত – পাহাৰ, উপত্যকা ৰে ভৰা বাবে তাত বসতি পাতল হোৱা দেখা যায় ।

৫/ পাৰ্থক্য লিখা –

(ক) গ্ৰাম্য বসতি আৰু পৌৰ বসতি ।

উত্তৰ:- (i) গ্ৰাম্য বসতিৰ মানুহৰ জীৱিকাৰ প্ৰধান উপায় হল – কৃষি, পশুপালন, মাছ ধৰা, চিকাৰ, খনিজ সম্পদ আহৰণ আদি । আনহাতে পৌৰ বসতিৰ মানুহৰ জীৱিকাৰ প্ৰধান উপায় হল – বাণিজ্য, উদ্যোগ, চাকৰি আদি।
(ii) গ্ৰাম্য বসতিৰ যাতায়াত ব্যৱস্থা সুচল নহয় আনহাতে পৌৰ বসতিৰ যাতায়াত ব্যৱস্থা সুচল।
(iii) গ্ৰাম্য বসতিত যানবাহন কম থাকে আনহাতে পৌৰ বসতিত যানবাহন বেছি থাকে।

(খ) ৰৈখিক বসতি আৰু কেন্দ্ৰীভূত বসতি ।

উত্তৰ:- বাট পথৰ কাষে কাষে দীঘলীয়াকৈ বিস্তাৰিত হৈ থকা বসতিক ৰৈখিক বসতি বোলে আনহাতে একে ঠাইতে থুপ খাই থকা বসতিক কেন্দ্ৰীভূত বসতি বোলে।

(গ) উচ্চভূমিৰ বসতি আৰু নিন্মভূমিৰ বসতি ।

উত্তৰ:- (i) উচ্চভূমি অঞ্চলত জনবসতি পাতল আনহাতে নিন্মভূমি অঞ্চলত জনবসতি ঘন ।
(ii) উচ্চভূমি অঞ্চলত যাতায়াত – পৰিবহণ, খেতি – বাতি, বাণিজ্য আদিৰ সুবিধা নাই আনহাতে নিন্মভূমি অঞ্চলত যাতায়াত – পৰিবহণ, খেতি – বাতি, বাণিজ্য আদিৰ সুবিধা আছে।

Dev Kirtonia

Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.