Class 10 Assamese পাঠ-9 ইন্টাৰনেটৰ তিতা – মিঠা – সমাধান

Class 10 Assamese পাঠ-9 ইন্টাৰনেটৰ তিতা – মিঠা – সমাধান The answer to each chapter is provided in the list so that you can easily browse throughout different chapter Class 10 Assamese পাঠ-9 ইন্টাৰনেটৰ তিতা – মিঠা – সমাধান, দশম শ্ৰেণীৰ অসমীয়া প্ৰশ্ন উত্তৰ ইন্টাৰনেটৰ তিতা মিঠা Class 10 Lesson 9 Question Answer and select needs one.

Join Telegram Groups

Class 10 Assamese পাঠ-9 ইন্টাৰনেটৰ তিতা – মিঠা – সমাধান

Also, you can read SCERT book online in these sections Solutions by Expert Teachers as per SCERT (CBSE) Book guidelines. These solutions are part of SCERT All Subject Solutions. Here we have given Class 10 Assamese পাঠ-9 ইন্টাৰনেটৰ তিতা – মিঠা – সমাধান for All Subject, You can practice these here…

Questions
 [show]

ইন্টাৰনেটৰ তিতা – মিঠা


– ড° প্ৰণয়ী দত্ত

ভাব বিষয়ক :

১। চমুকৈ উত্তৰ লিখা :

( ক ) কুঁৱলীক দেউতাকে কিয় কম্পিউটাৰটো উপহাৰস্বৰূপে দিছিল ?
উত্তৰ:
কুঁৱলীয়ে নৱম শ্রেণীৰপৰা দশম শ্রেণীলৈ প্রথম হৈ উত্তীর্ণ হােৱা বাবে দেউতাকে কুঁৱলীক কম্পিউটাৰটো উপহাৰস্বৰূপে দিছিল ।

( খ ) ইণ্টাৰনেট কি ?
উত্তৰঃ
ইণ্টাৰনেট কোনাে যন্ত্র নহয় , কম্পিউটাৰাে নহয় , কম্পিউটাৰ প্ৰগ্ৰেম বা হার্ডৱেৰ , ছফটৱেৰ নহয় । অথচ এই সকলো মিলি তৈয়াৰ হোৱা তথ্য আদান প্ৰদানৰ এক শক্তিশালীব্যৱস্থা । ইণ্টাৰনেট ( Internet ) অর্থাৎ Interconnection of Networks . ই হৈছে কম্পিউটাৰ নেটৱৰ্কৰ বিশ্বব্যাপি এক ব্যৱস্থা ।

( গ ) কুঁৱলীয়ে প্রথমে কালৈ ই-মেইল কৰিছিল ?
উত্তৰ:
কুঁৱলীয়ে প্রথমে তাইৰ অন্তৰংগ বান্ধৱী শ্বেৰণলৈ ই – মেইল কৰিছিল ।

( ঘ ) পূজাৰ বন্ধত কুঁৱলীহঁত ক’লৈ যােৱাৰ সিদ্ধান্ত লৈছিল ?
উত্তৰ :
পূজাৰ বন্ধত কুঁৱলীহঁতে দক্ষিণ ভাৰতৰ পিনে ফুৰিবলৈ যােৱাৰ সিদ্ধান্ত লৈছিল ।

( ঙ ) ভাইৰাচ কি?
উত্তৰঃ
ভাইৰাচৰ সম্পূৰ্ণৰূপ হৈছে Vital information resources undu seize . ই হৈছে ধ্বংসাত্মক অভিপ্রায়েৰে প্ৰস্তুত কৰা এক কম্পিউটাৰ প্ৰগেম । মূল ব্যৱহাৰকাৰীজনৰ অজ্ঞাতে ই নিজকে কম্পিউটাৰত থকা সুস্থ প্রগেম বা ফাইলৰ লগত সংযুক্ত কৰি সেইবােৰত বিজুতি ঘটাব পাবে ।

২। WWW বা ৱেব কি?

উত্তৰঃ ডব্লিউ ডব্লিউ ডব্লিউ আখৰকেইটা সম্পূর্ণকৈ লিখিলে হয় ৱর্ল্ড ৱাইড ৱেব ( World Wide Web ) । www বা ৱেব হৈছে পৃথিৱীজুৰি সিঁচৰতি হৈ থকা লাখ লাখ কম্পিউটাৰত মজত থকা পৰস্পৰ সংলগ্ন বিভিন্ন তথ্য – পাতিৰ সামূহিক ভাণ্ডাৰ ।

১৯৮৯ চনত ছুইজাৰলেণ্ডৰ জেনেভাত অৱস্থিত পদার্থ কণিকাৰ তাত্ত্বিক আৰু ব্যৱহাৰিক গৱেষণাৰ আন্তঃৰাষ্ট্ৰীয় আৰু অতি উচ্চমানৰ পৃথিৱী বিখ্যাত গৱেষণা কেন্দ্র চার্ণ ( European Organisation of Nuclear Research ) চমুকৈ ( CERN ) – ত ‘ ৱ ৱাইড ৱেব ’ ( www ) ধাৰণাৰ অংকুৰিত হৈছিল । বিজ্ঞানীসকলে তেওঁলােকৰ দ্বাৰা সংগৃহীত তথ্যসমূহ পৰস্পৰে পৰস্পৰক জনােৱাৰ পৰিবেশক এই শব্দটোৰে বুজোৱা হৈছিল ।

এতিয়া এই শব্দ সমষ্টি ইণ্টাৰনেটৰ ক্ষেত্ৰত বহুলভাৱে ব্যৱহৃত হয় । ইণ্টাৰনেটত যিকোনাে ‘ ঠিকনা ’ বুজাবৰ বাবে প্রথমে এই তিনিটা বর্ণ ব্যৱহাৰ হয় । দৰচলতে ‘ ডব্লিউ ডব্লিউ ডব্লিউয়ে সমগ্র বিশ্বৰ নির্দিষ্ট কম্পিউটাৰ আৰু কম্পিউটাৰ ব্যৱহাৰকাৰীক সামৰি এক অদৃশ্য জালিকাৰ সৃষ্টি কৰিছে ।

৩। কুঁৱলীয়ে ইমেইলৰ জৰিয়ত বান্ধৱীসকলৰ পৰা কি কি কথা জানিব পাৰিলে ?

ত্তৰ : কুঁৱলীয়ে ই – মেইলৰ জৰিয়তে বান্ধৱীসকলৰ পৰা তেওঁলােকৰ দেশ ভ্ৰমণৰ চাক্ষুস অভিজ্ঞতা তথা নিজস্ব দৃষ্টিভংগীৰে ৰােমাঞ্চকৰ বৰ্ণনা পালে ।

৪। ইণ্টাৰনেটৰ সহায়ত কুঁৱলীয়ে কি কি নতুন অভিজ্ঞতা আহৰণ কৰিলে ?

উত্তৰ : ইণ্টাৰনেটৰ সহায়ত কুঁৱলীয়ে WWW ৰ বিষয়ে জানিব পাৰিলে । ইণ্টাৰনেটত সঘনাই ব্যৱহৃত হৈ থকা কিছুমান শব্দ যেনে— ৱেব পেজ ( Web pege ) , ৱেবচাইট ( Website ) , হােমপেজ ( Home page ) , ব্রাউজাৰ ( Browser ) আদিৰ বিষয়েও তাইপলকতে ইণ্টাৰনেটৰপৰা আয়ত্ত কৰিলে।

তাই অনুভৱ কৰিলে যে সমগ্র বিশ্ব ব্রহ্মাণ্ডখনেই যেন ইণ্টাৰনেটত পুঞ্জীভূত হৈ আছে । কিয়নাে তাই যিটোৰ বিষয়ে জানিব বিচাৰে সেইটো কম্পিউটাৰত টাইপ কৰিলেই নিমিষতে পৃষ্ঠাজুৰি সেইবিষয়টোৰ বিৱৰণ চকুৰ আগত আহি পৰে ।

ইয়াৰােপৰি ই – মেইল যােগে দেশ – বিদেশৰ বন্ধু – বান্ধৱীৰ লগত কথা পাতিব পৰা হ’ল । বন্ধু – বান্ধৱীসকলৰপৰা তেওঁলােকৰ দেশ – ভ্ৰমণৰ চাক্ষুস অভিজ্ঞতা তথা নিজস্ব দৃষ্টিভংগীৰে এক ৰােমাঞ্চকৰ সােৱাদলাভ কৰিলে । এইবােৰৰ উপৰি ভিডিঅ’ কলিংৰ অভিজ্ঞতাও তাই লাভ কৰিলে ।

দেশ – বিদেশৰ বন্ধু – বান্ধৱীৰ লগত ভিডিঅ’ কলিং উপভােগ কৰি তাইৰ এনে অনুভৱ হ’ল যেন মুখামুখিকৈ বহিহে কাৰােবাৰ লগত কথা পাতি আছে।ইন্টাৰনেটৰ বিভিন্ন ৱেবচাইটসমূহৰপৰা তাই বিজ্ঞানৰ বিভিন্ন পৰীক্ষা নিৰীক্ষাৰ বিষয়েও শিকিল’লেইণ্টাৰনেটত চিনেমা , গীত , খেলা – ধূলা আদিৰ জৰিয়তে মনােৰঞ্জনৰ আমেজ ল’লে ।

পূজাৰ বন্ধত দক্ষিণ ভাৰতলৈ ফুৰিবলৈ যাবৰ বাবে ইণ্টাৰনেটৰ জৰিয়তে ঘৰৰপৰাই টিকট কৰাৰ উপৰি দক্ষিণ ভাৰতত থাকিবৰ বাবে হােটেলাে বুক কৰিলে ই-বেংকিঙৰ জৰিয়তে হােটেলৰ কোঠাৰ ভাড়াৰ বাবে অগ্রিম ধন দিয়াৰ উপৰি ভ্ৰমণৰ বাবে প্রয়ােজনীয় সাজ – পাৰ আৰু অন্যান্য সামগ্রী নেটৰ জৰিয়তে ক্ৰয় কৰিলে । লগে লগে সময় আৰু কষ্ট লাঘৱ হল ।
এনেদৰে কুৱলীয়ে ইণ্টাৰনেটৰ সহায়ত বহুত নতুন অভিজ্ঞতা লাভ কৰিলে ।

৫।ভাইৰাচে কম্পিউটাৰ এটাৰ কেনেদৰে বিজুতি ঘটাব পাৰে ?

উত্তৰঃ Virus ৰ সম্পূৰ্ণৰূপ হৈছে Vital information resources under seize . ই হৈছে ধ্বংসাত্মক অভিপ্রায়েৰে প্ৰস্তুত কৰা এক কম্পিউটাৰ প্ৰগেম । ই নিজকে কম্পিউটাৰত থকা সুস্থ প্রগেম বা ফাইলৰ লগত সংযুক্ত কৰি সেইবােৰত বিজুতি ঘটাব পাৰে , তাকো আকৌ মূল ব্যৱহাৰকাৰীজনৰ অজ্ঞাতে বা অনুমতি নােলােৱাকৈ ।

৬। ইন্টাৰনেটৰৰ মিঠা সুবিধাৰ লগতে তিতা অসুবিধাও আছে ।

” কথাষাৰৰ বক্তা কোন ? ইন্টাৰনেটৰ সুবিধা আৰু অসুবিধাৰ বিষয়ে পাঠটোৰ আধাৰত বুজাই লিখা ।

উত্তৰ : ইণ্টাৰনেটৰো মিঠা সুবিধাৰ লগতে তিতা অসুবিধা আছে ।’— কথাষাৰৰ বক্তা শ্বাৱানা বাইদেউ । ইণ্টাৰনেটৰপৰা পােৱা সুবিধা বহুত । আমি যিকোনাে এটা বিষয়ৰ ওপৰত জানিবলৈ হ’লে ইণ্টাৰনেটৰ সহায় ল’ব পাৰাে।কম্পিউটাৰত জানিব বিচৰা বিষয়টোৰ নাম টাইপ কৰাৰ লগে লগে নিমিষতে কম্পিউটাৰ স্ক্রীনত সেই বিষয়টোৰ বিবৰণ ওলাই আহিব ।

এনেদৰে ঘৰতে বহি দেশ – বিদেশৰ বিভিন্ন বা বাতৰি পােৱাৰ লগতে কম্পিউটাৰ স্ক্রীনতে দেশ – বিদেশৰ বিভিন্ন ঠাই দৰ্শন কৰিব পাৰোঁ ।

ইয়াৰ উপৰিও ই – মেইলৰ জৰিয়তে দেশ – বিদেশৰ বন্ধু বান্ধৱীৰ লগত কথা পাতিব পাৰোঁ । ভিডিঅ ’ কলিঙৰ জৰিয়তে দূৰ – দূৰণিৰ বন্ধু – বান্ধৱীৰ লগত ইজনে সিজনক চাই কথা পাতিব পাৰোঁ। বিজ্ঞানৰ বিভিন্ন পৰীক্ষা – নিৰীক্ষাৰ বিষয়ে শিকিল’ব পাৰোঁ ।

কোনাে ঠাইলৈ যাবৰ বাবে ঘৰত বহিয়েই আকাশীযান ৰে’ল বা বাছৰ চিকট কৰিব পাৰো আনকি আন ঠাইত থকা – খােৱা সুবিধাৰ বাবে ঘৰত বহিয়েই হােটেল ঠিক কৰিব পাৰে।ই-বেংকিঙৰ সহায়ত আন ঠাইলৈ মুহূৰ্তৰ ভিতৰতে টকা পঠাব পাৰে । আমি বজাৰলৈ নােযােৱাকৈ ঘৰত বহিয়েই প্রয়ােজনীয় সামগ্রীবােৰ ক্ৰয় কৰিব পাৰোঁ । গতিকে আমাৰ কষ্ট আৰু সময় লাঘৱ হয় ।

ইমানবােৰ সুবিধা থকাৰ পিচতো কিন্তু ইণ্টাৰনেটৰ অসুবিধা নথকা নহয় । বহুতাে ল’ৰা – ছােৱালীয়ে ইণ্টাৰনেটৰ গেমৰ প্রতি এনেদৰে আকর্ষিত হৈ পৰিছে যে পঢ়া শুনাৰ প্রতি মনোযােগ অতি কমি আহিছে । ইণ্টাৰনেটে মানুহক ওচৰ – চুবুৰীয়া , আপােনজনৰপৰা আঁতৰাই আনিছে । ইণ্টাৰনেটত অনবৰতে ব্যস্ত থকা ল’ৰা – ছােৱালীৰ কর্মোদ্যম কমি অহাৰ লগতে এলাহ বৃদ্ধিপায় ।

এইবােৰৰ উপৰি ফেচবুক , ৱাটছএপ আদি ছচিয়েল মিডিয়াৰ জগতখনত নতুন প্রজন্ম সােমাই পৰিছে । ফলত তেওঁলােকে কিতাপৰ জগতখনৰপৰা আঁতৰি অহাই নহয় , খেলা – ধুলাৰ ফালেও সম্পূর্ণ পিঠি দিছে । মােবাইলত থকা ৱাটছএপ , টুইটাৰ , ইউটিউব , ফেচবুক আদিৰ দ্বাৰা বহুততা মিছা বাতৰিও প্ৰচাৰ হয় । এজনে আনজনলৈ প্ৰেৰণ কৰা কিছুমান ভুৱা বাতৰিয়ে সমাজত ভয়ানক সমস্যাৰ সৃষ্টি কৰে । গতিকে দেখা যায় ইণ্টাৰনেটৰ মিঠা সুবিধাৰ লগতে তিতা অসুবিধাও আছে ।

৭। ইণ্টাৰনেটৰ তিতা মিঠা’গল্পটোৰ নামকৰণৰ সার্থকতা বিচাৰ কৰা।

উত্তৰ : ইণ্টাৰনেটৰ তিতা – মিঠা ’ — গল্পটোৰ লেখক ড ° প্রণয়ী দত্ত । ড ° দত্তই গল্পটোৰ মাজেৰে ইণ্টাৰনেটৰপৰা পােৱা সুবিধা – অসুবিধাবােৰ বৰ সুন্দৰকৈ ফঁহিয়াই দেখুৱাইছে । বিশ্বব্রহ্মাণ্ডৰ প্ৰতিটো ভৌতিক বস্তুৰে ভাল আৰু বেয়া দিশ আছে । একেদৰে ইণ্টাৰনেটৰো মিঠা সুবিধাৰ লগতে তিতা অসুবিধাও আছে । ইন্টাৰনেটৰপৰা পােৱা সুবিধা বহুত।ইণ্টাৰনেটৰ জৰিয়তে আমি যিকোনাে বিষয় এটাৰ বিস্তৃত বিৱৰণ ।

ঘৰতে বহি কম্পিউটাৰত চাব পাৰাে । ই-মেইলৰ জৰিয়তে দূৰ – দূৰণিৰ ঠাইলৈ নিমিষতে প্রয়ােজনীয় বা – বাতৰি পঠিয়াব পাৰোঁ । আপােনজনৰ লগত মুখামুখিকৈ বহিকথা পতাৰ দৰে পাতিব পাৰোঁ । কোনাে ঠাইলৈ যাবৰ বাবে ঘৰতে বহিবাছ , ৰে’ল বা আকাশীযানৰ টিকেট কৰিব পাৰোঁ । প্রয়ােজনীয় বস্তুবােৰ বজাৰলৈ নােযােৱাকৈয়ে ক্ৰয় কৰিব পাৰোঁ ।

গল্পটোৰ মাজেৰে গল্পকাৰে গল্পটোৰ মূল চৰিত্ৰ কুঁৱলীয়ে ইণ্টাৰনেটৰ জৰিয়তে লাভ কৰা এই সুবিধাবােৰৰ কথা সুন্দৰকৈ প্ৰকাশ কৰিছে । কিন্তু তাৰ মাজতে ইণ্টাৰনেট বেছিকৈ ব্যৱহাৰ কৰিবলৈ লােৱাৰ লগে লগে কুঁৱলীৰ মাজত হােৱা পৰিৱৰ্তনবােৰ আৰু কুঁৱলীৰ আত্মােপলব্ধি , শ্বাৱনা বাইদেউৰ বিশ্লেষণ আদিৰ মাজেৰে ইণ্টাৰনেটৰপৰা পােৱা তিতা অসুবিধাবোৰাে প্ৰকাশ কৰিছে ।

শ্বৱনা বাইদেৱে কুঁৱলীক ইণ্টাৰনেটৰ অসুবিধাৰ কথা বুজাই কৈছে যে – ইন্টাৰনেটৰ গেমৰ প্রতি অতি বেছি আকর্ষিত হৈ কিছুমান ল’ৰা – ছােৱালীয়ে পঢ়া – শুনাৰ প্ৰতি মনােযােগ কমাই দিছে । ওচৰ – চুবুৰীয়া আৰু আপােনজনৰ লগত হাঁহি-মাতি কথা এষাৰ পাতিবলৈ মানুহ সময় নােহােৱা হৈছে ।

ফেচবুক , ওৱাটএপ আদি চচিয়েল মিডিয়াৰ জগতখনত ল’ৰা – ছােৱালী এনেদৰে সােমাই পৰিছে যে তেওঁলােকে গ্রন্থ । অধ্যয়ন , খেলা – ধূলা আদিৰ পৰা প্ৰায় আঁতৰি অহাৰ দৰে হৈছে । তদুপৰি ছচিয়েল মিডিয়াৰ জৰিয়তে প্ৰচাৰ কৰা উৰাবাতৰিয়ে ভয়ানক সমস্যাৰ সৃষ্টি কৰিছে ।

শ্বৱনা বাইদেউৰ এইখিনি কথা শুনাৰ পাছত কুঁৱলীয়ে নিজৰ ভুল বুজি পাইছে ।
এনেদৰে বিশ্লেষণ কৰিলে দেখা যায় যে ইণ্টাৰনেটৰ তিতা – মিঠা হিচাপে গল্পটোৰ নামকৰণ সার্থক হৈছে ।

Sl. No.Contents
Lesson 1বৰগীত
Lesson 2জিকিৰ
Lesson 3প্ৰশস্তি
Lesson 4মই অসমীয়া
Lesson 5দৃশ্যান্তৰ
Lesson 6ছাত্ৰ–জীৱন আৰু সমাজ সেৱা
Lesson 7ভাৰতীয় সংস্কৃতি
Lesson 8অসমৰ জনগোষ্ঠীৰ গাঁথনি আৰু সংস্কৃতি
Lesson 9ইন্টাৰনেটৰ তিতা – মিঠা
Lesson 10অৰুণিমা সিনহা
Lesson 11অৰণ্য যাত্ৰা
Lesson 12পাৰস্যত এভুমুখি
Lesson 13কানাইৰ চাতুৰী
Lesson 14ধৰ ঝাড়ু ধৰ ভাই
Lesson 15 বিষাদযোগ
Lesson 16প্রাচীন ভাৰতীয় শিক্ষা
ঋজুভাৰতী
দ্রুত পাঠবৈচিত্র্যময় অসম

৮। ইণ্টাৰনেটৰ অত্যধিক ব্যৱহাৰে ছাত্ৰ জীৱনত কেনে প্ৰভাৱ পেলাব পাৰে পাঠটোৰ আধাৰত বুজাই লিখা ।

উত্তৰঃ ইণ্টাৰনেটৰ অত্যধিক ব্যৱহাৰে ছাত্ৰ – ছাত্ৰীৰ শৈক্ষিক , মানসিক , শাৰীৰিক আদি সকলাে দিশতে প্রভাৱ পেলাব পাৰে ।

অধিক সময় ইণ্টাৰনেট ব্যৱহাৰৰ ফলত শিক্ষার্থীসকল অধ্যয়নৰ প্ৰতি অমনােযােগী হৈ পৰে । অধ্যয়নে জ্ঞান বৃদ্ধি কৰাৰ লগতে কল্পনা শক্তিৰ বিকাশ ঘটায় । ফলত শিক্ষার্থীসকলৰ সৃষ্টিশীলতা বৃদ্ধি পায় । কিন্তু ইণ্টাৰনেটৰ অত্যধিক ব্যৱহাৰৰ ফলত ছাত্র – ছাত্রীসকলে গ্রন্থৰ জগতখনৰ লগত নিজৰ সম্বন্ধ বহু পৰিমাণে কমাই আনিছে । ফলত তেওঁলােকৰ মানসিক তথা শৈক্ষিক বিকাশত বাধা আহি পৰিছে ।

ফেচবুক , ওৱাটএপ আদি ছ’চিয়েল মিডিয়াৰ অত্যধিক ব্যৱহাৰ তথা সেইবােৰত প্ৰচাৰিত উৰাবাতৰি অন্ধবিশ্বাস আদিয়ে সমাজত বহুতো সমস্যাৰ সৃষ্টি কৰিছে । ছাত্র – ছাত্রীসকলৰ ওপৰতো তাৰ প্ৰভাৱ পৰিছে ।

অনবৰতে ইণ্টাৰনেট চাই থাকিলে সিয়ে আমাৰ চকুৰ ওপৰত বেয়া প্ৰভাৱ পেলায় । কম বয়সতে দৃষ্টি শক্তি কমি যাব পাৰে । ইয়াৰ উপৰিও খেলা – ধূলা স্বাস্থ্যৰ বাবে অতি প্রয়ােজনীয় । আগতে শিক্ষার্থীসকলে সময় পালেই ফুটবল , বল , ভলিবল , বেডমিন্টন আদি খেলবােৰ খেলিছিল ।

যাৰদ্বাৰা তেওঁলােকৰ শাৰীৰিক কচৰৎ হৈছিল । কিন্তু এতিয়া দেখা গৈছে যে শিক্ষার্থীসকলে সময় পালেই নিজৰ মােবাইল বা কম্পিউটাৰত ব্যস্ত থাকে । ফলত তেওঁলােকৰ বাহিৰত খেলা – ধূলা নােহােৱা হ’ল ।

আকৌ ইণ্টাৰনেটৰ অত্যধিক ব্যৱহাৰে ছাত্ৰ – ছাত্ৰীক আত্মীয় – স্বজন , ওচৰ – চুবুৰীয়া আৰু বন্ধু – বান্ধৱৰপৰাও বহুখিনি আঁতৰাই আনিছে । তেওঁলােকক আত্মকেন্দ্রিক কৰি তুলিছে । গতিকে দেখা যায় যে ইণ্টাৰনেটৰ অত্যধিক ব্যৱহাৰে ছাত্ৰ – ছাত্ৰীৰ জীৱনত গভীৰভাৱে প্ৰভাৱ পেলায় ।

ভাষা বিষয়ক

৯। বাক্য ৰচনা কৰা :
চিনাকি – অচিনাকি , অলীক – সপােন , নাকে – মুখে , পৰীক্ষা – নিৰীক্ষা ।

উত্তৰ: চিনাকি – অচিনাকি : হাটে-বজাৰে বহুতাে চিনাকি – অচিনাকি মানুহ লগ পােৱা যায় ।
অলীক – সপােন : বাস্তৱতে একো কাম নকৰি কেৱল অলীক সপােন দেখি থাকিলে জীৱনত উন্নতি কেতিয়াও নহয় ।
নাকে – মুখে : বৰষুণ অহাৰ আগেয়েই নাকেমুখে কোনােমতে ভাতকেইটা গুজি মহীধৰ পথাৰলৈ হালবাবলৈ গ’ল ।
পৰীক্ষা – নিৰীক্ষা : বিজ্ঞানীসকলে বহুত পৰীক্ষা – নিৰীক্ষাৰ অন্ততহে বস্তু এটা উদ্ভাৱন কৰিবলৈ সক্ষম হয় ।

১০। অর্থ লিখা
( অভিধান চাই ) :
ক্ষতি , বিজুতি , গুণা-গথা , উদাস , পুঞ্জীভূত

উত্তৰঃ ক্ষতি – লােকচান
বিজুতি – বিপদ
গুণা-গথা – চিন্তা – চর্চা
উদাস – অনীহা
পুঞ্জীভূত – থুপ খাই থকা

Leave a Reply

error: Content is protected !!
Scroll to Top