Class 10 Bodo Chapter 14 हाग्रामा दावबायनाय

Class 10 Bodo Chapter 14 हाग्रामा दावबायनाय | Bodo Class 10 Notes, SEBA Class 10 Bodo (MIL) Short Type Question Answer As Per New Syllabus to each chapter is provided in the list of SEBA Class 10 Bodo Chapter 14 हाग्रामा दावबायनाय Question Answer so that you can easily browse through different chapters and select needs one. SEBA Class 10 Bodo Chapter 14 हाग्रामा दावबायनाय can be of great value to excel in the examination.

Class 10 Bodo Chapter 14 हाग्रामा दावबायनाय

Join Telegram channel

Class 10 Bodo Chapter 14 हाग्रामा दावबायनाय answer to each chapter is provided in the list so that you can easily browse throughout different chapters Class 10 Bodo Chapter 14 हाग्रामा दावबायनाय and select needs one.

हाग्रामा दावबायनाय

फरा बिजाबनि सोंथि

1. गाहायाव होनाय सोंथिफोरखौ मोनसे सोदोब एबा फांसे बाथ्राजों फिन होः

(क) फरायसालिनि थाखो गु आरो थाखो जिनि फरायसाफोरखौ माबे हाग्रामायाव लांनायनि गरन्थ लादोंमोन?

फिन : काजिरङा हाग्रामायाव।

(ख) रोदोम आरो बिथराया मा थाखोआव फरायो?

फिन : रोदोमा थाखो गु आरो बिथ ‘राइया थाखो दाइनाव फरायो।

(ग) रोदोमा मा हाबाफोरखौ हिन्जावनि होनना बिथरायखौ बुंदोंमोन?

फिन : जानाय थोरसि-लथा सुनाय हाबाफोरखौ हिनजावनि होनना बुंदोंमोन।

(घ) लर्ड कार्जनआ सोर?

फिन : लर्ड कार्जना बृटिस भाइसरयमोन।

2. सुंद ‘यै फिन हो:

(क) बिथराया बिमानो हौवा-हिन्जावनि हाबानि फारागथि नुनानै मा बुंदोंमोन? बिमाया बेनि फिननायाव बिथरायखौ माबोरै बुजायदोंमोन?

फिन : बिथराइया बिमानो हौवा-हिनजावनि हाबानि फारागथि नुना बुंदोमोन आदया, हौवा आरो हिनजावनि हाबाखौ सोर बोखावनाय? आंबो माथो आदा बादिनो फरायो। आदाया मानो गावनि गानग्रा खसाबखौनो जाबनानै दोना? दुगैनायनि उनाव सिनाय गामसाखौ मानो एमावनो गारसोना दोनलाङो? आदाया मानो बेफोर हाबाखौ नों मावगोन होनना सानो? हौवाया गावनि जुथाखौ साफा खालामनो नाङा एबा गाव जानाय थुरसिखौ माब्लाबाबो सुनो नाङा होननानै बबावबा लिरनाय दङ नामा?

बिमाया फिननायाव बुंदोंमोन-बिथ’राइ आइ, नों गावनो नुदों, नोंसोर जा बैसोआव जा हाबा मावनो हायो, बै हाबाखौ बैसो बादिनो आं सानैखौबो फोरोंबोगासिनो। नोंसोर फरायना सानसे मोजां साख्रि एबा फालांगि मावगोन, रां बुथुमगोन। नाथाय गावनि गोनां हाबाखौ मावनो रोङाब्ला मालायनि सायाव सोनारनो गोनां जागोन। समा अब्ला नोंसोरखौ फोलागोन आरो सुबुङाबो फोलागोन।

(ख) मिथिंगानि माबेफोर समायना खान्थिया बिथरायखौ बोगथाबो?

फिन : मिथिंगानि फांफ्रोमबो बिफांनि गाबा गुबुन गुबुन, बिलाइनि महरा गुबुन गुबुन, गय बिफांनि सेरावनो थानाय थाइजौ बिफांनि महरा गोरोबा, फांनैबो गुबुन गुबुन बिफांब्लाबो गोरोबलायना थायो। थालिर बिफांनि सेरावनो लेबु बिफांआ थायो। थेवबो लेबुनि सुआ थालि बिफांखौ सुनो थाङा। मिथिंगा बिखायाव बिफां लाइफांफोरा बिदिनो समायना खान्थि मानिना सोलियो। ब समायना खान्थियानो बिथराइनि गोसोखौ बोखथाबो।

(ग) काजिरङायाव थांनो ओंखारनाय समाव बिथराय आरो रोदोमनो बिमा-बिफाया मा सुबुरुन होदोंमोन?

फिन : बिमाया सुबुरुन होदोंमोनदि-नोंसोर बुहुमनि गेजेरावनो मुंदांखा दरसे हाग्रामायाव थांनो ओंखारदों। हाग्रामानिफ्राय सोलोंनो गोनां गोबां बाथ्रा दं। जेसे हागौ सोलों आरो गावजों लोगोसे गावनि लाइ लथरखौ आबार ला।

बिफानि सुबुरुना जाबाय- फोरोंगिरिनि सेरनिफ्राय जानगारनाङा, जा बुङो, बिब्दियैनो सोलि, आं खौरां लाबाय थागोन।

(घ) ‘हाबायाव हौवा-हिन्जाव बाहागो राननाय गैया। जेरै-हाबा राननानै होदों बिब्दियै माव’। बे बाथ्रानि बुंथिगिरिया सोर? बियो मानो बे बाथ्राखौ बुंनो गोनां जादोंमोन आबुङैलिर।

फिन : बे बाथ्रानि बुंथिगिरिया मोसाहारि सार। काजिरङा दावबायनाय समाव फोरोंगिरिमोना फरायसा फोरखौ बिबान रानना होदोंमोन। बिदिनो बिथराय आरो बिदांस्रिनो फरायसाफोरनि अनजिमा साननाय आरो जोंनाफोर नोजोर लाखिनाय बिबान होयो। अलंबार आरो सोमखोरनो फरायसाफोरनि गेजेराव जामुंनि पेकेट

आरो दै बथल राननायनि बिबान होयो। सोमखोरा खामानिखौ गोब्राब मोननानै बिथरायमोननि खामानिया हौवाफोरनि आरो गावसोरनो मावनो होनाय खामानिया हिनजावफोरनि खामानि होनना सोलाय सोल’ खालामनो नागिरदोंमोन। बे समावनो मोसाहारि सारा बे बाथ्राखौ बुंनोगोनां जादोंमोन।

(ङ) काजिरङा हादरारि पार्कआव रोदोम आरो अलंबारमोना मा खैफोदाव गोग्लैदोंमोन? बे खैफोदनिफ्राय बिसोरखौ सोर बोरखांदोंमोन?

फिन : काजिरङा हादरारि पार्कआव रोदोम आरो अलंबार मोना दिङा जावनानै दैयाव गोदोना थैनो गोनांनि खैफोदाव गोग्लैदोंमोन। दिङा जावनानै बिसोर बिलोखौ बारलांना हाग्रामायाव बेरायहैनो नाजादोंमोन। नाथाय दिङाया गब्लंलाय गब्लंजों दै हाबबोना गोदोनानै थैसिगोमोन। बै खैफोदनिफ्राय बिसोरखौ ना गुरना फैनाय साब्रै सिख्ला रोमै, जिरि, सेयालि आरो मायनावमोना बोखांदोंमोन।

3. गाहायाव होनाय सोंथिफोरखौ बाजिसो सोदोबनि गेजेराव फिन हो–

(क) फोरोंगिरिफोरा हाग्रामा नायनायनि हाबाफारिखौ मानो गारनो नागिरदोंमोन? बेनि उननि थासारिया मा जाखो बेखेवनानै लिर।

फिन : काजिरङा हाग्रामायाव सहैनानै सानसुनि ओंखाम जाखांना फोरोंगिरिफोरजों लोगोसे फरायसामोना साफ्रोमबो थिखानाय खथायाव जिरायदोंमोन। नाथाय रोदोम, अलंबार आरो सोमखोरा स्रोदनो जिब जुनार नायग्रोनो होननानै उनथिंनि खामसालिजों स्रोदनो खारखोमालाङो। 

गेटखौ बारनानै बिसोर मोनसे बिलोमा मोनो। बिलोमायाव थानाय दिङायाव गाखोनानै बिसोर फोथारखौ बारना जाहाराव थांनो नाजादोंमोन। नाथाय दिङाया गब्लंखाय बिसोर जावलांबाय थानो हायासै। ससे थांनानै दिङायाव दै हाबनायाव बिसोर गोदोनो हमबायमोन। साथामबो गाबख्रावदोंमोन। रोदोमनि गाबख्रावनायखौ ना गुरनानै फैनायसाब्रै सिख्लाया खोनायो आरो खारबोनानै साथामखौबो बोखां फैयो।

सिख्लाफोरा बिसोरखौ बिसोर थानाय न’नि गेट मोखाङालासे दोनहैनायसै। रोदोममोननि बे जाथायनि थाखाय फोरोंगिरिमोना हाग्रामा नायनायनि हाबाफारिखौ दोननो नागिरदोंमोन।

मोनानि ओंखाम जाखांनायनि उनाव जथुमनायाव फोरोंगिरिमोननि बिथांखिखौ खोनानै बिथ’राइमोना साथाम फरायसाया दाय मावनायनि साजाखौ गासैनियावबो जाबसिन नाङा होनना खावलायदोंमोन। बेनि उनाव रोदोममोनाबो गावसोरखौ जायखि जाया साजा होब्लाबो लोगोफोरखौ होनो नाङा होनना गंग्लायो। बेनि उनाव फोरोंगिरिफोरा गासैबो फरायसाफोरखौ दावबायनायनि रोंमोनथायजों गांसे लिरबिदां सुजुनानै होगोन होनना सिमान लानायाव हाग्रामा दावबायनायखौ जागायजिनो।

(ख) महीचन्द्र मिरिया सोर? काजिरङा हाग्रामाखौ बुहुम जौसाङाव सिनायथि होनायाव बियो माबादि बिफाव लादोंमोन?

फिन : महीचन्द्र मिरिया काजिरङा हाग्रामानि गिबि भारतारि आरो असमीया हाग्रामा गोरा। बियो काजिरङा हाग्रामानि थसे गंडारि गानदाखौ आमेरिका जथाइ हादरनि जुनारसालियाव दैथायहरदोंमोन। बेनि गेजेरजों आसामनि काजिरङा हाग्रामाया थसे गङारि गामदा थाग्रा हाग्रामा महरै गासै बुहुमावनो मुदांखा जायो। बुहुमनि मानसावगारियाव काजिरङा हाग्रामाया सिनाय जायो। महीचन्द्र मिरियानो थसे गङारि गानदानि गेजेरजों काजिरङा हाग्रामाखौ बुहुमदांखा खालामना होयो।

(ग) निगना सिखारिनि गुबै मुङा मा? बियो सोरनो गिबियै काजिरङानि गान्दा दिन्थिदोंमोन?

फिन : निगना सिखारिनि गुबै मुङा बापीराम हाज’रिका। बियो सासे आखा फाखा मैदेर माउतमोन। बिनि न’आ काजिरङा हाग्रामानि सेरावमोन। काजिरङा हाग्रामानि बागै बियो मोजां गियान दंमोन। भारता उदांस्रि मोननायनि सिगाङाव बृटिस भाइसरय लर्ड कार्जननि बिसि मेरि कार्जना काजिरङायाव जिब जुनार नायनो फैदोंमोन। निगना सिखारिया गिबियै काजिरङानि गानदाखौ मेरि कार्जननो दिन्थिदोंमोन।

(घ) काजिरङा दावबायनानै फरायसाफोरा मा मा जुनिया सोलोंथाइ मोनखो होननानै फोरोंगिरिफोरनो मिथि होदोंमोन?

फिन : फरायसाफोरा जुनिया सोलोंथाइ मोननाय होना मिथि होनायफोरा जादों–

(क) मावनो हानाय हाबाखौ गावनो गाव मावनांगौ, गुबुना मावना होगोन होनना नेना थानाङा।

(ख) बिफां लाइफां हाग्रा जिब-जुनार सुबुंनि लोगो। जों बिफां नङाब्ला थांनानै थानो हानाय नङा।

(ग) हौवा आरो हिनजाव गासैबो समान।

(घ) हानजायै बबाववा थाङोब्ला आब्रुथि मानिना सोलिनांगौ।

उफेरा सोंथि

1. काजिरङायाव थांनाय फरायसा आरो फोरोंगिरिनि अनजिमाया बेसेबांमोन?

फिन : फरायसानि अनजिमाया थाखो मोननैजों बाजि आरो फोरोंगिरिया साद’।

2. बिथ ‘राइ आरो रोदोमा मा थाखोआव फरायो?

फिन : बिथ ‘राइया थाखो दाइन आरो रोदोमा थाखो गुआव फरायो।

3. बिथराइ आरो रोदोमनि दावरावखौ माबोरै फोजोबोमोन?

फिन : मिथाइ, बिस्कुट एबा बारिनि थालिर होनानै फोजोबोमोन।

4. फरायसाफोरनि अनजिमाखौ सोरनो साननो बिबान होनाय?

फिन : बिथराइ आरो बिदांस्रिनो।

5. दैनि बथल आरो जामुं राननायनि बिबानखौ सोर मोननाय?

फिन : सोमखोर आरो अलंबारनो।

6. गोनोखो फोरोंगिरिनि मुङा मा?

फिन : मालथि।

7. सानसु समाव सोर सोर सारखोमानाय।

फिन : रोदोम, अलंबार आरो सोमखोरमोना।

8. याण्डाबु गोरोबथाया बेसेबां मायथाइयाव जादोंमोन?

फिन : 1826 मायथाइयाव।

9. काजिरङानि गिबि भारतारि आरो असमीया हाग्रामा गोराया सोरमोन?

फिन : महीचन्द्र मिरि।

10. काजिरङानि हाग्रामानि गानदाखौ बबेयाव दैथाय हरदोंमोन?

फिन : आमेरिका जुथाइ हादराव।

11. बिथ ‘राइया दावबायनो थाखाय मा मा लादोंमोन?

फिन : बिथ ‘राइया दावबायनायाव गोनांथि जानायनि मुवा बेसादफोरखौ लादोंमोन। जेरै-गांसे गिदिर आरो गांसे फिसा लिरसुंथाइ बहि, बानजाथाव सिनि जुथा, थुफि, गोबा फालि, गुदि फाहामारि मुलि, थर्स, खुननि सि, रेबन आरो बायदि बायदि।

12. रोदोम आरो बिथ ‘राइखौ दावबायनो थांनोसै समाव बिमा बिफाया मा बुंनाय?

फिन : बिफाया बुङो- फोरोंगिरिनि सेरनिफ्राय, जानगार नङा, जा बुङो बिब्दियै सोलि, आं खौरां लाबाय थागोन।”

बिमाया बुङो- नोंसोर बुहुमनि गेजेरावनो मुंदांखा दरसे हाग्रामायाव थांनो ओंखारदों। हाग्रामनिफ्राय सोलोंनो गोनां गोबां बाथ्रा दं। जेसे हागौ सोलों आरो गावजों लोगोसे गावनि लाइ लथरखौ आबार ला।

13. फोरोंगिरि रंजालु दैमारिया दावबायनाय समाव फरायसामोनखौ मा बुंनाय?

फिन : रंजालु दैमारिया काजिरङा हाग्रामायाव थानाय थसेल’ गंआरि गानदानि अनगायैबो गुबुन गुबुन जिउनांजों लोगोसे बिफां लाइफां हाग्रा बंग्रा गासैखौबो

मोजायै नायनो खावलायो। जोंनि बे बुहुमनि गासैबो जिरादानो जोंनि गोनांथिनि थाखायनो सोरजिजानाय।

14. लिरगिरिनि सिनायथि हो।

फिन : अनुराधा शर्मा पूजारी (1964) : आसामनि सासे गागि लिरगिरि आरो खौरांगिरि। बिनि जोनोमा जादोंमोन 1964 मायथाइयाव जरहाटआव। जरहाटनि देबीचरण बरुवा फरायसालिमानिफ्राय डिग्री आनजादाव उथ्रिनायनि उनाव डिब्रुगड़ बुहुम फरायसालिनिफ्राय समाजखान्थि आयदायाव एम. ए. डिग्री लायो। कलकातानि बिरला इनष्टिटिउट एब लिबारेल आर्टस एण्ड मेनेजमेन्टआव खौरांगिरिनि फराफारि फोजोबना अनुराधा शर्मा पुजारीया सोनाब बंगनि सावथुन मिरु, खारि आरो हारिमुवारि बिफाननि सिङाव आर्ट एण्ड फिल्म एप्रिसियेसन फराफारिबो फोजोबो।

कलकातानि एकाडेमि अब फाइन आर्टसनि सिङाव फोरोंगिरिजों साख्रग जिउ जुरिनाय शर्मा पुजारीया ‘आमार असम’ मुंनि रादाब बिलाइयावबो खौरांगिरि महरै हाबा मावदोंमोन। दा बियो ‘सादिन’ मुंनि जिबा सानारि रादाब बिलाइ आरो ‘सातसरी’ मुंनि सानस्नियारि लाइसिनि सुजुगिरि महरै हाबा मावनानै दं। बिनि मख ‘जाथाव सलमाफोरा जादों- हृदय एक बिग्यापन, चाहेब पुरर बरषुण, काञ्चन, नाहरर निरिबिलि छाँ, बरागी नदीर घाट, मेरें, स’न हरिणर चेकुर बायदि बायदि।

सुंद’ सल’ जथाइनि गेजेराव बसन्तर गान, एजन आसामाजिक कबिर बायग्राफी, केथेरीणार सैते एटि निर्जन दुपरीया, न’ मेनछ लेण्ड बायदिया मख’जाथाव। कलिकतार चिठि, डायेरि, अट’ग्राफ बायदिया बिथांनि जिउखौराङारि रायथाइ जथाइनाय। ‘चाहेबपुरार बरषुण’ मुंनि सल’मानि थाखाय बिथाङा 2003 मायथाइयाव असम साहित्य सभानि कुमार किश ‘र गोसोखां बान्था मोनो। 2013 मायथाइयाव बियो थुनलाइ आरो खौरांगिरि हाबानि गनायथि महरै रेनेसा असम बान्था मोनो।

15. फरानि गुबै रावखौ नोंनि रावजों लिर।

फिन : गोलोम बोथोरनि बन्दआव गिबि हाबथायावनो सानब्रैनि थाखाय थाखो गु आरो जिनि फरायसाफोरखौ हाग्रामा लांनो थिं खालामो। मानास आरो काजिरङा हाग्रामा मोननैनि गेजेराव काजिरङानि बुंथिया बांसिन जानायाव काजिरङा हाग्रामाखौ दावबायनो थि खालामो। थाखो मोननैनि बाजि फरायसा आरो साद’ फोरोंगिरिया थांनायनि सिगाङावनो नांगौ जानाय लाइ लथरफोरखौ थियारि खालामना लायो।

बिथ ‘राइ आरो फंबाइ रोदोमाबो थियारि जायो। रोदोमा थाखो गु आरो बिथ ‘राइया थाखो दाइनाव फरायो। बिथ ‘राइया फोरोंगिरिमोना होनाय फारिलाइबादियै नांगौ जानाय मुवा बेसादफोरखौ थाबैनो थियारि खालामना लायो। नाथाय रोदोमा गावनि जगारखौ खालामना लानायाव गोबाब खालामो। रोदोमा हौवा-हिनजावनि फारागखौ लानानै खामानि मावनायखौबो रानान लानो नागिरो। बिदिनो खामानिखौ लानानै बिथ’राइ आरो रोदोमा गेजेर गेजेर नांलायबाय थायो।

हाग्रामायाव दावबायनो थांनो गोनांखालि बिथ ‘राइया घड़ीयाव एलार्म होखाना दोनो। एमाव सोनारनानै बिथ ‘राइया सानबोलाउरिनि सोमखोर हाग्रासिम द्रावबायलाङो। घड़ी गाबखांना होनायावसो बिथ ‘राइया थर फैखाङो। रोदोमखौ नारना फोजानानै औंखारबाय। रोदोम आरो बिथ ‘राइया जामुं जानानै फैनो ओंखारनाय। 

समाव बिफाया बुंबाय-फोरोंगिरिनि सेरनिफ्राय जानगार नाङा, जा’ बुङो, बिब्दियै सोलि आं खौरां लाबाय थागोन। बिमाया बुंबाय-नोंसोर बहुमनि गेजेरावनो मुंदांखा दरसे हाग्रामायाव थांनो ओंखारदों। हाग्रामानिफ्राय सोलोंनो गोनां गोबां बाथ्रा दं। जेसे हागौ सोलों आरो गावजों लोगोसे गावनि लाइ लथरखौ आबार ला। बिथ ‘राइ आरो रोदोमा बिमा-बिफानि आथिङाव हमनानै बोर लाबाय।

दावबायनायनि रंजानाय: गोबां दावराव दावसि आरो रोजाबनाय मोसानायजों बास गंनैया काजिरङा हाग्रामानि फारसे दावगालांबाय। फोरोंगिरिमोना बिथ ‘राइ आरो बिदांस्रिनो फरायसामोनखौ साननायनि बिबान आरो जेंनाफोरखौ नोजोर लाखिनो होयो। थाखो गुनि सोमखोर आरो अलंबारनो बिबान होबाय जामुंनि पेकेट आरो दैनि बथल समानै फरायसाफोरनो राननो होयो।

बे समावनो गोनांखोनि फोरोंगिरि आब माल ‘थिया बुंबाय– “अनजालु फरायसाफोर, खोनासं खोनासं।” बयबो स्रि जानायाव बुंबाय– बे साननैसोआ जों नोंसोरखौ गुबुन गुबुन समाव नोजोर होगोन। लोगोफोरजों नोंसोर गोरोबलायना थानानै फोरोंगिरिनि बाथ्रा ला आरो लिरसुंथाइ बहियाव मा मा नुखो, सोलोंखो लिरना दोनलां। खौसेयै बयबो गनायो।

बेनि उनाव समाज बिगियान आयदानि फोरोंगिरि रंजालु दैमारिया काजिरङा हादरारि पार्कनि बागै गुवारै फोरमायलाङो। मिथिंगानि रैखाथि होनांगौ आरो जों मिथिंगानिफ्राय मोननाय मुलाम्फाफोरखौ फारियै फोरमायलाङो। हाग्रामा, बिफां लाइफांखौ सरैखा खालामनायनि बागै फोरमायो। बिदिनो रंजा बाजायै होसिख्राव आरि खालामनानै काजिरङा सहैयो।

गोदान गोदान खैफोद: काजिरङायाव फरायसाफोरखौ थानो थाखाय साखोन सिखोन न’ दिन्थिना होबाय। फरायसामोना समायना न’आव थानो मोनना रंजाखांनाय मोनदोंमोन। हर थानाय समाव गासैबो फरायसामोनखौ गावबा गावनि लाइ लथरफोरखौ सामोलै सामलायनो थिनदोंमोन। बिदिनो फरायसामोना गिदिर बेंखननि बिफां, लाइफांजों आबुं गिदिर बांग्ला न’नि सोरगिदिं गिदिंना रंजाबाय। जानाय समाव साखोन सिखोनै लारि जाना जामुं जानायाव फरायसामोनखौ बिथ ‘राइ, बिदांस्रि, अर्पन आरो सौमारमोननि सामलायनायखौ नुनानै फोरोंगिरिमोना गोजोनो।

सानसुआव ओंखाम जाखांना बयबो खथानि एमाव उन्दुनाय समाव रोदोम, अलंबार आरो सोमखोरमोना बयाजोआव गिदिंहैनो होनना उनथिंनि खामसालिजों ओंखारखोमाना खारखोमा लाङो। गेर मानखोनानै बिसोर बिलोमाखौ बारनानै फोथारजों थांना जाहाराव हाबहैनो सानबाय। जेरै साननाय एरै खामानि। बिलोमायाव थानाय गंसे दिङायाव गाखोना थांनो हमबाय। समा निजोम सानसु थिर। साना सोनाबनि हाग्रामा फारसे लुंहेदों। गुदुं बोथोरखौ जावरिसे गुसु बारा सुग्लाय होदों। दिङायाव गाखोना साथामबो रंजा खुसि जावलांबाय। 

नाथाय दिङाया एसे गोजान थांनानै दोलनि गेजेराव नांथाबाय। मानोना दिङाया गब्लंसोमोन। गब्लंजों दिङायाव दै हाबबोदों। साथामबो गिनायसै। बिसोर सानस्रिनोबो रोङामोन। साथामबो गिनानै गाबख्रावबाय। बै समावनो ना गुरनानै सानैसो सिख्लाफोरा बेजों फैगासिनो दङमोन। बे समावनो रोदोमा सिख्लाफोरखौ नुनानै गाबख्रावहरबाय। 

दिङायो बारा लुंख्लेंनायाव रोदोमा दैयाव गोलैलांबाय। जाथाइखौ नुनानै सानै सिख्लाया बोलोआव बारसोमनानै रोदोमखौ बोखांबाय। रोदोमनि उदैनिफ्राय दैखौ बहननाय उनाव रोदोमा थर फैखाङो। सिख्लाफोरा रोदोममोनखौ रायनायसै आरो रोदोममोना गावसोरनि दायखौ सिमान जानायनि उनाव बिसोरखौ जिरायनाय जायगायाव दोनहैनायसै।

रोदोममोना गंस्रिनानै गावबा गावनि एमाव जिरायहैयो। बेनि दसे उनावनो फारायसामोना समायना गामि नायना फैना सफैयो। गासैबो जोबोर रंजा-बाजा। मोनायाव ओंखाम जाखांनायनि उनाव मोनसे जथुमा जाबाय। जथुमायाव दैदेनगिरि मोसाहारि सारा बुंबाय- “दिनै बयबो जों जोबोरै रंजाबाय अब्लाबो दिनै गोबां दुखुनि रादाब मोनसे नोंसोरनो होनो नागिरदों। दिनै जोंनि साथाम फरायसाया जोंनि फरायसालिखौ बदनाम खालामनायनि थाखाय जोंनि हाग्रामा नायनायनि हांबाफारिखौ एसेयावनो फोजोबनाय जाबाय। जों गाबोन गिदिंफिनसिगोन।”

मोसाहारि सारनि बाथ्रा खोनासंना गासैबो सिरि जाबाय। रोदोम, अलंबार आरो सोमखोरमोनखौ रागा जेंना गासैबो नाहरबाय। बिसोरबो गंस्रिनानै थाबाय। बिथ ‘राइया बे साथाम दायनिगिरिनि थाखाय गासै फरायसाया हाग्रामा दावबायनायखौ आद्रा खालाम नङा होननानै फोरोंगिरिमोनखौ खावलायबाय। रोदोमाबो गावसोर साथामनि दाय मावनायनि थाखाय गुबुनफोरखौ साजा होनाङा होननानै बुंबाय।

ओंखाम जाखांनायनि उनाव आलासि न ‘नि गोलाउ खामसालियाव फोरोंगिरि आरो फरायसामोना ज ‘जानायाव मसाहारी सार फोसावबाय- नोंसोर दिनै दावबायनायनि रोंमोनथाइखौ गांसे गांसे लिरबिदां सुजुनानै जोंनो होनांगोन। रोदोम, अलंबार, सोमखोरमोनाबो थार बाथ्राखौ लिरनांगोन। अब्लासो गाबोन फुंआव, जों थियारि जागोन।

रोदोममोनाबो सिमान जानानै गासैखौबो लिरनो थि खालामबाय।

जोबथाया मोजांब्ला गासैबो मोजां: हाग्रामाखौ दावबायनानै गिदिं फिननाय समाव सानसु जाबायमोन। खायसे फरायसाफोरा मैदेर गाखोदोंमोन। खायसे मैदेरखौ दांनायदोंमोन। रोमदोन सारा हाग्रानि जुनारफोरनि बाथ्रा फोरमायदोंमोन।

थसेल’ गंआरि गान्दानि बागै आब’ भाल ‘थिया फोरमायदोंमोन। काजिरङा हाग्रामानि सेर सेर बोरै गामि सोमजिखांदों बेफोरखौबो खिनथादोंमोन। काजिरङा हाग्रामाजों सोमोन्दो गोनां जारिमिनखौ गोसोआव लाखिनो खावलायदोंमोन।

गोथाव बिसम्बि लानानै गिदिंबोफिननाय: बासाव गाखोनायनि सिगाङाव गासै फरायसाफोरखौ ज’ खालामनानै मुवा बेसादफोरा जाहाथे थालाङा बेखौ नायनो होयो। बेनि उनाव फरायसामोनखौ मसाहारी सारा दावबायनायनि मोजां मोननाय गाज्रि मोननायनि बागै सौना लायो। गासैबो फरायसाफोरानो मोजां मोनदों होननानै गाबख्रावो। बे दावबायनायनिफ्राय मोननाय गाहाइ मोनथाम सोलोंथाइनि मुं बुंनो थिननायाव फरायसाफोरा मोनथामनिख्रुइ बारा खिनथायो। मसाहारी सारा फरायसामोननो बेनि थाखाय गोजोननाय बावो आरो बुङो-नोंसोरनो जोंनि फरायसालिनि इयुन। हादरनि इयुन।

Leave a Comment

Your email address will not be published. Required fields are marked *

Scroll to Top