SEBA Class 7 Science Important Chapter 12 পৃথীৱী চন্দ্ৰ আৰু সূৰ্য

SEBA Class 7 Science Important Chapter 12 পৃথীৱী চন্দ্ৰ আৰু সূৰ্য Question Answer Assamese Medium As Per SCERT New Syllabus to each chapter is provided in the list so that you can easily browse through different chapters SEBA Class 7 Science Important Chapter 12 পৃথীৱী চন্দ্ৰ আৰু সূৰ্য Solutions and select need one. SEBA Class 7 Science Additional Notes in Assamese Download PDF. SCERT Class 7 Science Important Solutions New Textbook in Assamese.

SEBA Class 7 Science Important Chapter 12 পৃথীৱী চন্দ্ৰ আৰু সূৰ্য

Also, you can read the SCERT book online in these sections Solutions by Expert Teachers as per State Council of Educational Research and Training (SCERT) Book guidelines. SCERT Class 7 Amar Bijnan (Science) Additional Solutions are part of All Subject Solutions. Here we have given SCERT Class 7 Amar Bijnan (Science) Important Question Answer for All Chapters, You can practice these here.

পৃথীৱী চন্দ্ৰ আৰু সূৰ্য

Chapter: 12

IMPORTANT QUESTION ANSWER

চমু প্ৰশ্ন উত্তৰ:

১। পৃথিৱীয়ে নিজৰ অক্ষত সম্পূৰ্ণ এপাক ঘূৰিবলৈ কিমান সময় লয়?

উত্তৰঃ পৃথিৱীয়ে প্রায় ২৪ ঘণ্টাত এটা ঘূর্ণন সম্পূর্ণ কৰে।

২। পৃথিৱীয়ে কোন দিশত ঘূৰে?

উত্তৰঃ পৃথিৱীয়ে পশ্চিমৰ পৰা পূবলৈ ঘূৰে।

৩। এটা বস্তুৱে আন এটা বস্তুৰ চাৰিওফালে কৰা গতিক কি বুলি কোৱা হয়?

উত্তৰঃ এটা বস্তুৱে আন এটা বস্তুৰ চাৰিওফালে কৰা গতিক পৰিভ্ৰমণ বুলি কোৱা হয়।

৪। পৃথিৱীৰ ঘূৰ্ণন অক্ষডাল কিমান ডিগ্ৰী কোণত হেলনীয়া হৈ থাকে?

উত্তৰঃ পৃথিৱীৰ অক্ষডাল ২৩.৫° কোণত হেলনীয়া হৈ থাকে।

৫। পৃথিৱীয়ে সূৰ্যৰ চাৰিওফালে এবাৰ প্ৰদক্ষিণ কৰিবলৈ কিমান দিন সময় লয়?

উত্তৰঃ পৃথিৱীয়ে সূৰ্যৰ চাৰিওফালে এবাৰ পৰিভ্ৰমণ কৰিবলৈ 365 ¼ দিন সময় লয়।

৬। আকাশত ধ্ৰুৱতৰা কিয় স্থিৰ হৈ থকা দেখা যায়?

উত্তৰঃ ধ্ৰুৱতৰাটো আকাশত স্থিৰ হৈ থাকে কাৰণ ই প্ৰায় পোনে পোনে উত্তৰ মেৰুৰ ওপৰত অৱস্থিত, অৰ্থাৎ ই পৃথিৱীৰ ঘূৰ্ণন অক্ষৰ লগত মিলি থাকে।

৭। চন্দ্ৰই যেতিয়া সূৰ্যৰ পোহৰ পৃথিৱীলৈ অহাত বাধা দিয়ে, তেতিয়া কি মহাজাগতিক ঘটনা ঘটে?

উত্তৰঃ এই পৰিঘটনাক সূর্যগ্রহণ বুলি কোৱা হয়।

৮। পৃথিৱীয়ে সূৰ্যৰ চাৰিওফালে ঘূৰিবলৈ যি পথ অনুসৰণ কৰে তাক কি বোলে?

উত্তৰঃ পৃথিৱীয়ে সূৰ্যৰ চাৰিওফালে ঘূৰিবলৈ যি পথ অনুসৰণ কৰে তাক কক্ষপথ বোলে।

৯। “ৰক্ত চন্দ্ৰ” কি?

উত্তৰঃ সম্পূৰ্ণ চন্দ্ৰগ্ৰহণৰ সময়ত পৃথিৱীৰ বায়ুমণ্ডলৰ মাজেৰে সূৰ্যৰ পোহৰ গৈ চন্দ্ৰত পৰিলে চন্দ্ৰটো দেখাত উজ্জ্বল গাঢ় ৰঙা ৰঙৰ থাল এখনৰ দৰে লাগে, ইয়াকে “ৰক্ত চন্দ্ৰ” বুলি কোৱা হয়।

১০। “ভাৰতীয় মহাকাশ কাৰ্যসূচীৰ পিতৃ” বুলি কাক জনা যায়?

উত্তৰঃ ড° বিক্ৰম সাৰাভাইক ভাৰতীয় মহাকাশ কাৰ্যসূচীৰ পিতৃ হিচাপে জনা যায়।

মধ্যমীয়া বা দীঘল প্ৰশ্ন উত্তৰ:

১। সূৰ্যটো কিয় পূব দিশত উদয় হোৱা আৰু পশ্চিম দিশত অস্ত যোৱা যেন লাগে বৰ্ণনা কৰা।

উত্তৰঃ সূৰ্যটো আকাশত পূবৰ পৰা পশ্চিমলৈ গতি কৰা যেন লাগে কাৰণ আমি ইয়াক পৃথিৱীৰ পৰা পৰ্যবেক্ষণ কৰোঁ, যিখন নিজেই নিজৰ অক্ষত ঘূৰি থাকে। যিহেতু পৃথিৱীয়ে পশ্চিমৰ পৰা পূব দিশলৈ ঘূৰে, সেয়েহে আকাশৰ বস্তুবোৰ (যেনে- সূৰ্য) তাৰ বিপৰীত দিশত অৰ্থাৎ পূবৰ পৰা পশ্চিমলৈ গতি কৰা যেন লাগে।

২। পৃথিৱীৰ ঘূৰ্ণনৰ ফলত কেনেকৈ দিন আৰু ৰাতি হয়?

উত্তৰঃ পৃথিৱীয়ে নিজৰ অক্ষত ঘূৰি থকাৰ বাবে ইয়াৰ যিটো ফাল সূৰ্যৰ ফালে মুখ কৰি থাকে, তাত পোহৰ পৰে আৰু সেই অংশত দিন হয়। ইয়াৰ বিপৰীত ফালটোত, যিটো সূৰ্যৰ পোহৰৰ পৰা আঁতৰত থাকে, তাত আন্ধাৰ হয় বাবে ৰাতি হয়। পৃথিৱীখন পশ্চিমৰ পৰা পূবলৈ ঘূৰি থকাৰ লগে লগে আন্ধাৰত থকা ঠাইবোৰ পোহৰলৈ আহে (সূৰ্যোদয়) আৰু পোহৰত থকা ঠাইবোৰ লাহে লাহে আন্ধাৰলৈ গতি কৰে।

৩। পৃথিৱীত ঋতু পৰিৱৰ্তনৰ মূল কাৰণটো বৰ্ণনা কৰা।

উত্তৰঃ পৃথিৱীত ঋতু পৰিৱৰ্তন হোৱাৰ মূল কাৰণ দুটা হ’ল— পৃথিৱীৰ অক্ষডাল কক্ষপথৰ সমতলৰ সাপেক্ষে হেলনীয়া (২৩.৫°) হৈ থকাটো আৰু পৃথিৱীয়ে সূৰ্যৰ চাৰিওফালে কৰা পৰিভ্ৰমণ। অক্ষডাল হেলনীয়া হৈ থকাৰ বাবে বছৰৰ বিভিন্ন সময়ত পৃথিৱীৰ বিভিন্ন অংশই কম বা বেছি পৰিমাণে সূৰ্যৰ পোহৰ লাভ কৰে, যাৰ ফলত গ্ৰীষ্ম, শীত আদি ঋতুৰ সৃষ্টি হয়।

৪। সূৰ্যগ্ৰহণ আৰু চন্দ্ৰগ্ৰহণৰ মাজত পাৰ্থক্য লিখা।

উত্তৰঃ যেতিয়া চন্দ্ৰ পৃথিৱী আৰু সূৰ্যৰ মাজলৈ আহি পৰে আৰু সূৰ্যৰ পোহৰ পৃথিৱীত পৰাত বাধা দিয়ে, তেতিয়া তাক সূৰ্যগ্ৰহণ বোলে। আনহাতে, যেতিয়া পৃথিৱী সূৰ্য আৰু চন্দ্ৰৰ মাজত আহি পৰে আৰু পৃথিৱীৰ ছাঁ গৈ চন্দ্ৰৰ ওপৰত পৰে (অৰ্থাৎ সূৰ্যৰ পোহৰ চন্দ্ৰত পৰাত বাধা দিয়ে), তেতিয়া তাক চন্দ্ৰগ্ৰহণ বোলে।

৫। “তৰাপথ” কি আৰু এইবোৰ কেনেকৈ তোলা হয়?

উত্তৰঃ ৰাতিৰ আকাশত কেমেৰাৰ জৰিয়তে দীৰ্ঘসময়ৰ বাবে তোলা তৰাৰ ফটোত কিছুমান দীঘলীয়া বক্ৰ ৰেখা বা বৃত্তাকাৰ আৰ্হি দেখা যায়, যাক ‘তৰাপথ’ বুলি জনা যায়। এষ্ট্ৰ’ফ’ট’গ্ৰাফাৰসকলে কেমেৰাৰ শ্বাটাৰ বহুদেৰি খোলা ৰাখি এই ধৰণৰ ফটো তোলে। পৃথিৱীৰ ঘূৰ্ণনৰ বাবে তৰাবোৰেও আকাশত গতি কৰা যেন লাগে, যাৰ ফলত এই পথবোৰৰ সৃষ্টি হয়।

৬। গ্ৰীষ্ম সংক্ৰান্তি আৰু শীত সংক্ৰান্তিৰ ধাৰণাটো ব্যাখ্যা কৰা।

উত্তৰঃ উত্তৰ গোলাৰ্ধত ২১ জুনৰ দিনাখনে আটাইতকৈ দীঘল দিন আৰু আটাইতকৈ চুটি ৰাতি হয়, যাক ‘গ্ৰীষ্ম সংক্ৰান্তি’ বা ‘উত্তৰায়ণান্ত’ বুলি কোৱা হয়। আনহাতে, ২২ ডিচেম্বৰত উত্তৰ গোলাৰ্ধত আটাইতকৈ চুটি দিন আৰু আটাইতকৈ দীঘল ৰাতি হয়, যাক ‘শীত সংক্ৰান্তি’ বা ‘দক্ষিণায়ণান্ত’ বুলি কোৱা হয়।

৭। সূৰ্যতকৈ বহু সৰু হোৱা সত্ত্বেও চন্দ্ৰই কেনেকৈ সূৰ্যগ্ৰহণৰ সময়ত সূৰ্যটোক ঢাকি ধৰিব পাৰে?

উত্তৰঃ ইয়াৰ কাৰণ হ’ল পৃথিৱীৰ পৰা ইহঁতৰ দূৰত্ব। যদিও চন্দ্ৰটো সূৰ্যতকৈ বহু সৰু, ই পৃথিৱীৰ বহু ওচৰত অৱস্থিত। ওচৰত থকা বাবে আমাৰ দৃষ্টিত চন্দ্ৰ আৰু সূৰ্যৰ ‘আপাত আকাৰ’ (Apparent size) প্ৰায় একে যেন লাগে। সেয়েহে সূৰ্যগ্ৰহণৰ সময়ত পৃথিৱীৰ পৰা লক্ষ্য কৰিলে সৰু চন্দ্ৰটোৱে বিশাল সূৰ্যটোক ঢাকি ধৰা যেন লাগে।

৮। সূৰ্যগ্ৰহণ চোৱাৰ সময়ত কি কি সাৱধানতা অৱলম্বন কৰা উচিত?

উত্তৰঃ কোনো সুৰক্ষা ব্যৱস্থা নোহোৱাকৈ পোনে পোনে সূৰ্যলৈ বা সূৰ্যগ্ৰহণলৈ চালে চকুৰ স্থায়ী ক্ষতি হ’ব পাৰে। গ্ৰহণ চাবলৈ কেতিয়াও সাধাৰণ চানগ্লাছ, বাইনোকুলাৰ বা টেলিস্কোপ ব্যৱহাৰ কৰিব নালাগে। ইয়াৰ পৰিৱৰ্তে বৈজ্ঞানিকভাৱে প্ৰস্তুত কৰা বিশেষ চছমা বা প্ৰক্ষেপণ পদ্ধতি ব্যৱহাৰ কৰিহে সূৰ্যগ্ৰহণ নিৰীক্ষণ কৰা উচিত।