ছেমুৱেল লেংহৰ্ণ ক্লিমেঞ্চ, যাক বিশ্বজুৰি ছদ্মনামেৰে মাৰ্ক টোৱেইন (Mark Twain) নামেৰে জনা যায়, তেওঁ এজন বিশিষ্ট আমেৰিকান সাহিত্যিক আৰু হাস্যৰসিক আছিল। ১৮৩৫ চনৰ ৩০ নৱেম্বৰত জন্মগ্ৰহণ কৰা টোৱেইনে আমেৰিকান সাহিত্যত এক অপূৰ্ব অৱদান আগবঢ়াইছিল। তেওঁৰ দুখন অতি প্ৰসিদ্ধ উপন্যাস “দা এড্ভেন্সাৰ্ছ অৱ টম ছয়াৰ” (১৮৭৬) আৰু “এড্ভেন্সাৰ্ছ অৱ হাকল্বেৰী ফিন” (১৮৮৫) তেখেতৰ সৃষ্টিশীল আৰু ব্যঙ্গাত্মক লেখনী শক্তিৰ উৎকৃষ্ট নিদৰ্শন। ইয়াৰে বিশেষকৈ “এড্ভেন্সাৰ্ছ অৱ হাকল্বেৰী ফিন” ক “মহান আমেৰিকান উপন্যাস” হিচাপে স্বীকৃতি দিয়া হয়। টোৱেইনে তেওঁৰ শৈশৱ কাল মিচৌৰীৰ হানিবাল নামৰ সৰু এখন বন্দৰ নগৰত অতিবাহিত কৰিছিল, যি তেওঁৰ বহুতো লেখনিৰ মূল অনুপ্ৰেৰণা হৈ উঠিছিল। সেই সময়ৰ সমাজ, মানুহৰ জীৱনযাত্ৰা, আৰু নানা অভিজ্ঞতাই তেওঁৰ গল্প আৰু উপন্যাসত প্ৰভাৱ পেলাইছিল। টোৱেইনৰ জীৱন ক্ৰমাৎ বহুতো অপূৰ্ব কাহিনীৰে পৰিপূৰ্ণ হৈ উঠিছিল। এক আশ্চৰ্যজনক ঘটনা আছিল যে তেওঁৰ জন্ম হেলীৰ ধুমকেতুৰ অৱতৰণৰ সময়ত হৈছিল আৰু তেওঁ নিজেই ভৱিষ্যদ্বাণী কৰিছিল যে তেওঁৰ মৃত্যুও এই ধুমকেতুৱে পুনৰ প্ৰত্যাবৰ্তনৰ সৈতে ঘটিব। অতি আচৰিতভাৱে, তেওঁৰ এই কথন সত্য প্ৰমাণিত হৈছিল, কাৰণ ১৯১০ চনৰ ২১ এপ্ৰিলত, হেলীৰ ধুমকেতুৰ পুনৰ প্ৰত্যাবৰ্তনৰ একদিন পিছতেই তেওঁৰ মৃত্যু হৈছিল। টোৱেইনক তেওঁৰ সময়ৰ “মহানতম আমেৰিকান হাস্যৰসিক” বুলি গণ্য কৰা হৈছিল আৰু বিশ্ব সাহিত্যৰ ক্ষেত্ৰত তেওঁৰ অৱদান অনস্বীকাৰ্য। প্ৰসিদ্ধ লেখক ৱিলিয়াম ফক্নাৰে তেওঁক “আমেৰিকান সাহিত্যৰ জনক” হিচাপে অভিহিত কৰিছিল, যাৰ ফলত মাৰ্ক টোৱেইনৰ সাহিত্যিক দৰ্শন আৰু সাহিত্য শৈলী বিশ্বজুৰি এক বিশেষ স্বীকৃতি লাভ কৰিছিল।
| নাম | মাৰ্ক টোৱেইন (Mark Twain) |
| জন্ম | ৩০ নৱেম্বৰ, ১৮৩৫ চন |
| মৃত্যু | ২১ এপ্ৰিল, ১৯১০ চন |
| পেচা | লেখক, বক্তা |
মাৰ্ক টোৱেইন (Mark Twain) ৰ শৈশৱকাল
মাৰ্ক টোৱেইনৰ পিতৃ মাৰ্চাল ক্লিমেঞ্চ আৰু মাতৃ জে’ন লেম্পটন ক্লিমেঞ্চ। তেখেতৰ জন্ম ফ্ল’ৰিডাত হৈছিল। টোৱেইনৰ চাৰি বছৰ বয়সত পৰিয়ালটি মিচিচিপি নদীৰ কাষৰ হানিবাল নামৰ সৰু বন্দৰ নগৰলৈ স্থানান্তৰিত হয়।
এঘাৰ বছৰ বয়সত তেখেত পিতৃ হেৰুৱায়। পৰিয়ালৰ ভাৰ লৈ তেখেত হানিবালত এটা ছপাশালত কাম কৰিবলৈ আৰম্ভ কৰে।
মাৰ্ক টোৱেইন (Mark Twain) ৰ যৌৱনকাল আৰু কৰ্মজীৱন
১৮৫১ চনৰ পিছত তেখেতে নিউইয়ৰ্ক, ফিলাডেলফিয়া আদি ঠাইৰ ছপাশালত কৰ্মৰত হয়। ১৮৫৯ চনত ভাপ জাহাজৰ নাবিক হিচাপে অনুজ্ঞাপত্ৰ লাভ কৰে।
সোণৰ খনিত কাম কৰাৰ উপৰিও, তেখেতে কিছুকাল সাংবাদিকতাৰ ক্ষেত্ৰতো আগবাঢ়ে। ১৮৭০ চনত অ’লিভিয়া লেংডনৰ লগত বিবাহপাশত আবদ্ধ হয়। বাফেল’ত থাকোতে তেওঁলোকৰ পুত্ৰ লেংদনৰ ডিফথেৰিয়া ৰোগত মৃত্যু হয়। তেওঁলোকৰ তিনিজনী কন্যা আছিল— চুজি, ক্লাৰা আৰু জিন।
মাৰ্ক টোৱেইন (Mark Twain) ৰ লেখক জীৱনৰ আৰম্ভণি
মাৰ্ক টোৱেইনে লেখক জীৱনৰ আৰম্ভণিতে খুহুতীয়া গদ্য লিখিছিল যদিও, পিছলৈ তেখেত মানৱতাৰ বিচিত্ৰতাৰ শক্তিশালী লেখক আৰু সমালোচক হিচাপে পৰিগণিত হয়। নাবিক জীৱনৰ অভিজ্ঞতাৰ পৰা অনুপ্ৰাণিত হৈ, তেখেতে ‘মাৰ্ক টোৱেইন’ (পানীৰ গভীৰতা নিৰূপণৰ বাবে ব্যৱহৃত শব্দ) ছদ্মনাম গ্ৰহণ কৰে। ১৮৬৫ চনত নিউইয়ৰ্ক ছেটাৰডে প্ৰেছত তেখেতৰ প্ৰথম গল্প ‘The Celebrated Jumping Frog of Calaveras County’ প্ৰকাশ পায়। তাৰ পিছতেই ‘The Innocents Abroad or The New Pilgrims’ Progress’ আৰু ‘Roughing It’ নামৰ হাস্য-ব্যঙ্গধৰ্মী ভ্ৰমণ কাহিনী প্ৰকাশ কৰে। উপন্যাস লিখনৰ ক্ষেত্ৰতো তেখেত আগবাঢ়ে আৰু ‘The Gilded Age: A Tale of Today’ লিখে, যি তেওঁৰ উপন্যাস ৰচনাৰ প্ৰথম প্ৰয়াস আছিল।
মাৰ্ক টোৱেইন (Mark Twain) ৰ জনপ্ৰিয় উপন্যাসসমূহ
তেখেতৰ শৈশৱৰ স্মৃতিৰে সংপৃক্ত ‘Old Times on the Mississippi’ আৰু ‘Life on the Mississippi’ গ্ৰন্থ প্ৰকাশৰ লগে লগে মাৰ্ক টোৱেইনৰ লেখক আৰু বক্তা হিচাপে খ্যাতি বৃদ্ধি পায়। ১৮৭৬ চনত তেওঁৰ জনপ্ৰিয় উপন্যাস ‘The Adventures of Tom Sawyer’ প্ৰকাশ পায়, যি শিশুৰ সাহসিকতাৰ কাহিনী হিচাপে বিশ্বজুৰি প্ৰশংসিত হয়। ১৮৮৪ চনত প্ৰকাশিত ‘Adventures of Huckleberry Finn’ উপন্যাসটো আমেৰিকাৰ প্ৰথম মহৎ উপন্যাস হিচাপে গণ্য কৰা হয়। তেখেতৰ আন জনপ্ৰিয় গ্ৰন্থসমূহৰ ভিতৰত ‘The Prince and the Pauper’, ‘A Connecticut Yankee in King Arthur’s Court’, ‘Pudd’nhead Wilson’, আৰু ‘Personal Recollections of Joan of Arc’ উল্লেখযোগ্য। মাৰ্ক টোৱেইনৰ আত্মজীৱনীৰ প্ৰথম খণ্ড তেখেতৰ ইচ্ছা অনুসৰি, তেওঁৰ মৃত্যুৰ একশ বছৰ পিছত ১৯১০ চনৰ নৱেম্বৰত প্ৰকাশ পায়।
মাৰ্ক টোৱেইন (Mark Twain) ৰ শেষ জীৱন
১৮৯৬ চনত জীয়ৰী চুজিৰ মৃত্যুৱে মাৰ্ক টোৱেইনক গভীৰ বিষাদত পেলাইছিল। তাৰ পিছত ১৯০৪ চনত পত্নী অ’লিভিয়াৰ মৃত্যু আৰু ১৯০৯ চনত আন জীয়ৰী জিনৰ লগতে ঘনিষ্ঠ বন্ধু হেনৰী ৰজাৰ্ছৰ মৃত্যুৱে তেখেতৰ মনোবল অধিক দুর্বল কৰি তোলে। এই সময়ছোৱাত তেখেতে আত্মজীৱনী লিখিবলৈ আৰম্ভ কৰিছিল।
মাৰ্ক টোৱেইন (Mark Twain) ৰ মৃত্যু
১৯০৭ চনত অক্সফ’ৰ্ড বিশ্ববিদ্যালয়ে মাৰ্ক টোৱেইনক সন্মানজনক ডক্টৰেট উপাধি প্ৰদান কৰে। কিন্তু কিছুদিনৰ ভিতৰতে তেখেতৰ স্বাস্থ্য অৱনতি ঘটিছিল। শেষত, ১৯০৯ চনত হৃদৰোগত আক্ৰান্ত হৈ এই কিংবদন্তি লেখকৰ দেহাৱসান হয়।
উপসংহাৰ | Conclusion
মাৰ্ক টোৱেইন (Mark Twain) এজন অসাধাৰণ লেখক আছিল। তেওঁৰ ৰচনা আমেৰিকান সাহিত্যৰ অমূল্য সম্পদ, যিয়ে ব্যঙ্গ, পৰিহাস, আৰু গভীৰ সমাজিক চিন্তাধাৰাৰ সমাহাৰ জনাই। “The Adventures of Tom Sawyer” আৰু “The Adventures of Huckleberry Finn” যেনে গ্ৰন্থসমূহ আমেৰিকান সাহিত্যমঞ্জৰীত অমৰ হৈ আছে। তেওঁৰ ৰচনাৰ মাজেৰে মানুহৰ মনোবিজ্ঞান, সমাজৰ অন্যায় আৰু মানৱতাৰ গুৰুত্ব ফুটাই তোলা হৈছে। টোৱেইনৰ ব্যঙ্গাত্মক লেখনী আৰু সুন্দৰ কাহিনী কৌশল আজিও পাঠকৰ হৃদয় জয় কৰিবলৈ সক্ষম।
Read also: J.K Rowling Biography | জে. কে. ৰাউলিংৰ জীৱনী
FAQs
1. মাৰ্ক টোৱেইনৰ প্ৰকৃত নাম কি আছিল?
A: মাৰ্ক টোৱেইনৰ প্ৰকৃত নাম আছিল Samuel Langhorne Clemens।
2. মাৰ্ক টোৱেইন কেতিয়া জন্ম গ্ৰহণ কৰিছিল?
A: তেওঁ ৩০ নৱেম্বৰ, ১৮৩৫ চনত জন্ম গ্ৰহণ কৰিছিল।
3. তেওঁৰ আটাইতকৈ প্ৰসিদ্ধ গ্ৰন্থ কি?
A: “The Adventures of Tom Sawyer” আৰু “The Adventures of Huckleberry Finn” তেওঁৰ আটাইতকৈ প্ৰসিদ্ধ গ্ৰন্থসমূহৰ ভিতৰত পৰে।
4. মাৰ্ক টোৱেইন কেনেকুৱা ধৰণৰ সাহিত্য লিখিছিল?
A: তেওঁ ব্যঙ্গাত্মক সাহিত্য, পৰিহাসমূলক ৰচনা, কাহিনী আৰু সমাজত যোৱা অন্যায়ৰ ওপৰত ভিত্তি কৰি লিখিছিল।
5. মাৰ্ক টোৱেইনৰ মৃত্যু কেতিয়া হৈছিল?
A: ২১ এপ্ৰিল, ১৯১০ চনত তেওঁৰ মৃত্যু হৈছিল।
My self Mahezubin Saikia. Working in Dev Library as a Content Writer. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Health, Finance, Biography, Quotes, Study Materials, and more.
