Class 5 Assamese Chapter 10 তিনিটা মাছৰ কাহিনী, Class 5 Assamese Chapter 10 Question Answer to each chapter is provided in the list of SEBA so that you can easily browse through different chapters and select needs one. Assam Board তিনিটা মাছৰ কাহিনী Class 5 অসমীয়া Question Answer can be of great value to excel in the examination.
Class 5 Assamese Chapter 10 তিনিটা মাছৰ কাহিনী
Also, you can read the SCERT book online in these sections Solutions by Expert Teachers as per SCERT (CBSE) Book guidelines. These solutions are part of SCERT All Subject Solutions. Here we have given Class 5 Assamese Chapter 10 তিনিটা মাছৰ কাহিনী Solutions for All Subject, You can practice these here.
তিনিটা মাছৰ কাহিনী
Chapter – 10
অংকুৰণ
পাঠভিত্তিক ক্রিয়া কলাপ
পাঠটো শুদ্ধ উচ্চাৰণৰে পঢ়া আৰু তলত দিয়া প্ৰশ্নসমূহৰ উত্তৰ দিয়া।
(ক) “ তিনিটা মাছৰ কাহিনী ” ত থকা মাছ কেইটাৰ নাম কি কি ?
উত্তৰ: “ তিনিটা মাছৰ কাহিনী “ ত থকা মাছ কেইটাৰ নাম হল অনাগতবিধাতা , প্ৰত্যুৎপন্নমতি আৰু যদভৱিষ্য।
(খ) অনাগতবিধাতা কিয় শংকিত হৈছিল?
উত্তৰ: কেইজনমান মাছমৰীয়াই বিলত মাছ মৰাৰ কথা আলোচনা কৰি থকাৰ কথা শুনি অনাগতবিধাতা শংকিত হৈছিল।
(গ) অনাগতবিধাতাৰ কথা কোনে সমৰ্থন কৰিছিল?
উত্তৰ: অনাগতবিধাতাৰ কথা প্ৰত্যুৎপন্নমতিয়ে সমৰ্থন কৰিছিল।
(ঘ) কোনে বিপদৰ কথা নাভাবি আকোৰগোঁজ হৈ থাকি মৃত্যুক সাৱতি ললে?
উত্তৰ: যদভৱিষ্যয়ে বিপদৰ কথা নাভাবি আকোৰগোঁজ হৈ থাকি মৃত্যুক সাৱতি ললে।
(ঙ) মাছমৰীয়াকেইজনে কিহেৰে পুখুৰীত মাছ মাৰিলে?
উত্তৰ: মাছমৰীয়াকেইজনে জালেৰে পুখুৰীত মাছ মাৰিলে।
২। তলৰ কথাকেইষাৰ কোনে, কি উদ্দেশ্যৰে , কাক কৈছিল লিখা।
(ক) “আপুনি সঁচা কথাকেই কৈছে। ময়ো এই বিল এৰি ওচৰত থকা আন খাল – বিললৈ যোৱাটো উচিত বুলি ভাবোঁ।”
উত্তৰ: প্ৰত্যুৎপন্নমতিয়ে বিপদৰ পৰা হাত সাৰিবলৈ বুলি উদ্দেশ্যৰে উক্ত কথাষাৰ অনাগতবিধাতাক কৈছিল।
(খ) “মই মুখৰ কথাতেই পিতৃ – পিতামহৰ এই বিলখন এৰি যোৱাটো যুক্তিযুক্ত বুলি নাভাঁবো।”
উত্তৰ: যদভৱিষ্যই প্ৰত্যুৎপন্নমতি আৰু অনাগতবিধাতাৰ কথা শুনি তাৰ প্ৰতিউত্তৰত উক্ত কথাষাৰ কৈছিল।
(গ) “কাইলৈ পুৱা মাছমৰীয়াসকল আহি এই বিলৰ মাছ মাৰি নিঃশেষ কৰিব।”
উত্তৰ: অনাগতবিধাতাই মাছমৰীয়া কেইজনৰ কথা শুনি বিপদৰ আশংকা পাই সকলোকে জনাজাত কৰাৰ উদ্দেশ্যে যদভৱিশ্য আৰু প্ৰত্যুৎপন্নমতিক উক্ত কথাষাৰ কৈছিল।
৩। সাধুটোত মাছ তিনিটাই কোৱা কথাখিনি সহজ কথাৰে লিখা।
উত্তৰ: “তিনিটা মাছৰ কাহিনী” সাধুটোত পিছদিনা বিলৰ কাষত অনাগতবিধাতাই মাছমৰীয়াসকলে বিলত মাছ মাৰিবলৈ অহাৰ কথা আলোচনা কৰা শুনা পালে আৰু লগালগ যদভৱিষ্য আৰু প্ৰত্যুৎপন্নমতি সহ সকলো মাছকে কথাষাৰ জনায় আৰু বিপদৰ পৰা হাত সাৰিবলৈ অতি সোনকালে ৰাতিৰ ভিতৰতে অইন বিললৈ গুচি যোৱাৰ মত প্ৰকাশ কৰে। প্ৰত্যুতপন্নমতিয়েও তাৰ মতক সমৰ্থন কৰে। কিন্তু যদভৱিষ্যই সেই মত ৰ সমৰ্থন নকৰি কয় যে আয়ুস শেষ হোৱাজন নিৰাপদ ঠাইলৈ গ’লেও মৃত্যু হব। আয়ুস থকাজন বনত বিসৰ্জন দি থৈ আহিলেও জীয়াই থাকিব। আনসকলে যি ভাল দেখে কৰক । তাৰ এই সিদ্ধান্তই অৱশেষত তাক মৃত্যু মুখত পেলাই।
৪। তলৰ শব্দবোৰৰ অৰ্থ শব্দসম্ভাৰ বা অভিধানৰ পৰা চাই লিখা।
উত্তৰ:
| শব্দ | অৰ্থ |
| অনাগতবিধতা | যি এতিয়াও অহা নাই |
| এখন্তেক | এটা মূহুৰ্ত |
| নাশ | শেষ, ধ্বংস |
| আঁকোৰ – গোজ | ভাল – বেয়াৰ বিচাৰ নথকাকৈ কৰা কায্য বা এৰি দিব নোখোজা |
| প্ৰত্যুৎপন্নমতি | উপস্থিত বুদ্ধি |
| ঘোদালি | সকলোফালৰ পৰা মিহলি কৰা |
| সুৰক্ষিত | নিৰাপদ |
| উচ্চস্বৰে | উচ্চ বা ডাঙৰ মাত |
| যদভৱিষ্য | ভাগ্যত যি আছে |
| নি:শেষ | শেষ কৰা বা অৱশেষ |
| হাত – সাৱটি | একো নকৰাকৈ থকা |
৫। তলৰ প্ৰশ্নবোৰৰ উত্তৰ লিখা।
(ক) মাছমৰীয়াহঁতৰ কথা শুনি অনাগতবিধাতাই লগৰীয়া মাছবোৰক কি কলে?
উত্তৰ: মাছমৰীয়াহঁতৰ কথা শুনি অনাগতবিধতাই লগালগ লগৰীয়া মাছবোৰক মাতি আনি বিপদৰ আগজাননী দিয়ে যে মাছমৰীয়া সকলে ৰাতিপুৱাতে বিলত মাছ ধৰিব আহিব গতিকে ৰাতিৰ ভিতৰতে আমি সকলোৱে আন বিললৈ গুচি যোৱাটো ভাল হব। দুৰ্বলসকল সদায় বলীৰ পৰা আঁতৰত নাইবা সুৰক্ষিত ঠাইত থাকিব লাগে।
(খ) অনাগতবিধাতাই কোৱা কথাটো প্ৰত্যুৎপন্নমতিয়ে কিয় সমৰ্থন কৰিলে?
উত্তৰ: অনাগতবিধতাই কোৱা কথাটো প্ৰত্যুৎপন্নমতিয়ে সমৰ্থন কৰিছিল কিয়নো যাৰ জীয়াই থকাৰ উপায় থাকে, তেঁও কিহৰ মোহত বিনাশ হ’ব ? ‘ পিতৃ – পিতামহৰ কুঁৱা ’ বুলি ভবা কাপুৰুষ সকলেহে খাৰুৱা পানিকে খাই জীয়াই থাকে।”
(গ) যদভৱিষ্যই কিয় মৃত্যুক সাৱটি ল’ব লগা হ’ল ?
উত্তৰ: বিপদৰ কথা নাভাবি হাত সাৱটি বহি থকাৰ বাবে যদভৱিষ্যই মৃত্যুক সাৱটি ল’ব লগা হ’ল।
(ঘ) আঁকোৰগোঁজ মনোভাৱে মানুহক কেনেদৰে বিপদত পেলায়?
উত্তৰ: আঁকোৰগোঁজ মনোভাৱে মানুহক আনে দিয়া উপদেশ গ্ৰহণৰ পৰা বঞ্চিত কৰে ফলত বিপদক নিজে আমন্ত্ৰণ দিয়াৰ দৰে হয়।
৬। তলৰ আধৰুৱা বাক্যবোৰ সম্পূৰ্ণ কৰিবলৈ পাঠটো পঢ়া আৰু খালী অংশটো পূৰ কৰি লিখা।
(ক) এখন বিলত ভালেমান________ । সেই বিলতে ______একেলগে বাস কৰি আছিল। এদিন অনাগতবিধতাই পুখুৰীত সাঁতুৰি – নাদুৰি _________ মাছমৰীয়া কেইজনমানে কথা পতা শুনিলে , – “ __________ মৰা নাই, ইয়াত নিশ্চয় বহুতো ডাঙৰ ডাঙৰ মাছ আছে। গতিকে কাইলৈ _____” এইবুলি কৈ মাছমৰীয়াসকল ঘৰা- ঘৰি গুচি গ’ল।
উত্তৰ: এখন বিলত ভালেমান মাছ আছিল। সেই বিলতে অনাগতবিধাতা, প্ৰত্যুৎপন্নমতি আৰু যদভৱিষ্য নামৰ তিনিটা ডাঙৰ মাছে বহুদিন ধৰি একেলগে বাস কৰি আছিল। এদিন অনাগতবিধাতাই পুখুৰীত সাঁতুৰি – নাদুৰী থাকোঁতে সেইফালৰে গৈ থকা মাছমৰীয়া কেইজনমানে কথা পাতি থকা শুনিলে – “ এই বিলখনত বহুদিন কোনেও মাছ মৰা নাই, ইয়াত নিশ্চয় বহুতো ডাঙৰ ডাঙৰ মাছ আছে। গতিকে কাইলৈ পুৱা আহি এই বিলত মাছ মাৰিব লাগিব ।” এইবুলি কৈ মাছমৰীয়াসকল ঘৰাঘৰি গুচি গ’ল।
(খ) যদভৱিষ্যৰ এনেকুৱা _______। পাছদিনাখন পুৱা _____ পেলালে। তেওঁলোকে জালেৰে যদভৱিষ্যৰ _______ঘৰলৈ লৈ গ’ল।
উত্তৰ: যদভৱিষ্যৰ এনেকুৱা আঁকোৰগোঁজ মনোভাৱ দেখি তেওঁক এৰি অনাগতবিধাতা আৰু প্ৰত্যুৎপন্নমতি নিজৰ নিজৰ পৰিয়ালবৰ্গৰে সৈতে আন বিললৈ গুচি গ’ল। পাছদিনাখন পুৱা মাছমৰীয়াসকলে আহি বিলত জাল পেলালে। তেওঁলোকে জালেৰে যদভৱিষ্যৰ লগতে থকা অন্যান্য মাছবোৰকো জালেৰে ধৰি ঘৰলৈ লৈ গ’ল।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
