Class 10 Bodo Chapter 11 इन्टरनेटनि गोदै गोखा | Bodo Class 10 Notes, SEBA Class 10 Bodo (MIL) Short Type Question Answer As Per New Syllabus to each chapter is provided in the list of SEBA Class 10 Bodo Chapter 11 इन्टरनेटनि गोदै गोखा Question Answer so that you can easily browse through different chapters and select needs one. SEBA Class 10 Bodo Chapter 11 इन्टरनेटनि गोदै गोखा can be of great value to excel in the examination.
Class 10 Bodo Chapter 11 इन्टरनेटनि गोदै गोखा
Class 10 Bodo Chapter 11 इन्टरनेटनि गोदै गोखा answer to each chapter is provided in the list so that you can easily browse throughout different chapters Class 10 Bodo Chapter 11 इन्टरनेटनि गोदै गोखा and select needs one.
इन्टरनेटनि गोदै गोखा
फरा बिजाबनि सोंथि
1. गाहायाव होनाय सोंथिफोरखौ मोनसे सोदोब एबा फांसे बाथ्राजों फिन हो।
(क) जोमैस्रिनो बिफाया मानो कम्पिउटारखौ अनथोब महरै होदोंमोन?
फिन : गुथाखोनिफ्राय जि थाखोआव सेथि बाहागोआव उनथ्रिनो हानायनि थाखाय।
(ख) इन्टरनेटा मा?
फिन : रोजा रोजा कम्पिउटार आरो गुबुन गुबुन महरनि नेटवर्क जथाइयानो जादों इन्टरनेट।
(ग) जोमैस्रिया गिबियाव सोरनो इ मेइल लिरदोंमोन?
फिन : रोमैनो।
(घ) फुजा बन्दआव जोमैस्रिया बबेसिम थांनायनि थिरांथा लादोंमोन?
फिन : खोला भारताव।
(ङ) भाइराचा मा?
फिन : भाइराचआ मोनसे कम्पिउटार प्रग्राम जायखौ फोजोबस्रांलु थांखिजों बानायदों।
2. सुंद ‘यै फिन होः
(क) W.W.W एबा वेबा मा?
फिन : मुलुगनाङै गोसारलाना थानाय लाख लाख कम्पिउटाराव थानाय बायदि रोखोमनि मोनसेया मोनसेजों सरजाबनाय खारि आरिनि जथाइ बाख्रियानो W.W.W. एबा वेब।
(ख) जोमैस्रिया इ-मेइलनि गेजेरजों लोगोफोरनिफ्राय मा मा बाथ्रा मिथिनो हाखो?
फिन : जोमैस्रिया इ-मेइलनि गेजेरजों लोगोफोरनिफ्राय गोबां गोमोथाव गोमोथाव मिथियै बाथ्राखौ मिथिना मोनो। लोगो रोमैनिफ्राय जोमैस्रिया हादर दावबाय मोननाय रोंग ‘थि आरो समायना फट’फोरनि गेजेरजों गोबां रंजानाय मोनो। दुब्रिनिफ्राय खोला आफ्रिकानि डारबानाव थानाय भारतारिफोरनि बागै मिथियो। बिदिनो गुबुन गुबुन हादरनि लोगोफोरनिफ्राय गोबां बाथ्रा मिथिनायसै।
(ग) इन्टारनेटनि हेफाजाबाव जोमैस्रिया मा मा गोदान रोंग ‘थि मोनखो?
फिन : इन्टरनेटनि हेफाजाबाव जोमैस्रिया बिगियाननि बायदि रोखोमनि आनजाद नायनायनि सोमोन्दै मिथिना मोनो। इनटारनेटनि बायदि बायदि वेबसाइटनिफ्राय
बिगियान, रंजानाय बाजानायनि जुथि, आखल सोलोंनायनि सावथुन बायदिसिनाफोरनि गियान मोनो।
(घ) भाइराचा कम्पिउटार गंसेखौ माबोरै गाज्रि खालामनो हागौ?
फिन : भाइराचा फोजोबस्रांलु थांखिजों बानायनाय मोनसे कम्पिउटार प्रग्राम। भाइराचा गावखौनो मोजां प्रग्राम एबा फाइलजों सरजाबना जाथाइ जाहायो। भाइराचजों नाख्रेबजानाय कम्पिउटार गंसेया नेटवर्कनि दारै गुबुन गंसे कम्पिउटाराव हाबनानै बयखौबो नाख्रेबो।
“इन्टारनेटाव गोदै खाबु मोननायजों लोगोसे गोखा बेखाबु दं”–
बे बाथ्राखौ सोर बुंदोंमोन? इन्टारनेटनि खाबु आरो बेखाबुनि सोमोन्दै फरानि हेफाजाबाव फोरमायना लिर।
फिन : बे बाथ्राखौ शाबाना मेडामा बुंदोंमोन। इन्टरनेटनि खाबुनि गेजेरजों मानसिया जौगानायनि जांख्लायाव गोख्रै मानखोलांनो हायो। नाथाय बेनि सिगांआव गाज्रि बिथिंफोरखौ नेवसिगारनो हानांगोन। बेखाबुआनो जाबाय गाज्रि बिथिं। गाज्रि बिथिंफोरखौ नायबाय थायोब्ला गोबां खहा जानो हागौ।
(च) “नोंसोर” जिंगासिनो नाङा। बेफोर गासैनिबो बिबाना आंनि।” जोमैस्रिया मा बिबान रुजुनना लादोंमोन बुजायना लिर।
फिन : जोमैस्रिनि बिमा बिफाया फुजा बन्द समाव खोला भारत दावबाय हैनो थिरांथा लादोंमोन। अफिसनि जोबनो गैयै खामानिजों नारसिनजानानै जोमैस्रि बिफाया माबोरै थांगोन, बबाव थांगोन, मा मा नायगोन सानै सानै जिंगायाव गोलैदोंमोन। बे समावनो जोमैस्रिया इनटारनेटाव टिकेट दानो, हटेल थिग खालमो, अग्रिम बाहाराखौबो इ-बैंकिनि जोहै होयो आरो मोनांथि जानाय जगारफोरखौ इ-कमार्चनि गेजोरजों बायजोबो।
3. इन्टरनेटनि बांद्राय बाहायथिया जोमैस्रिनि गोसोयारि मुलुगाव माबदि गोहोम खोलैदोंमोन? जोबनायाव जोमैस्रिया मा थिरांथा लादोंमोन?
फिन : जोमैस्रिया लासै लासै इन्टरनेटनि गाबगोनां गाबगोनां मुलुगाव हाबलाङो। कम्पिउटारजों बियो जेन आथा बादिसो सिथाबो। फुङाव फरायसालियाव थाङै सिगाङावबो इनटारनेट नायग्रा जायो। फरायसालिनिफ्राय फैनानैबो ओंखाम जाग्रोमोना इन्टरनेट खेवना बायदिसिना नायखा थारो। इ-मेइल, भिडिअ’ कलिं, बायदिसिना गोसो मुजिहाब होग्रानि गेजेरफोराव हाबनानै बियो उदां गोसोजों बेरायथिं लाबायबाय।
बिमाया जोमैस्रिनि बे आखलखौ नुनानै बुंनायाव बिमानि खोथाखौबो खोमा होआ जाबाय। बिनि सासे लोगोआ इन्टरनेट गोनां मबाइल लानायाव जोमैस्रिया बांसिनै इन्टारनेटनि सायाव गोसो बावलि जासिनबावो। फरायसालियावबो बिसोर सिरि सिरि इन्टारनेटखौ बाहायो थामहिनबा मबाइल नायखोमायो। लोगोआ फेचबुक, वाटसआप, आरिबो बाहायो। लोगोनि वाटसआपाव फैनाय बायदि रोखोम मेसेजफोरखौ नायनो बिसोर मुखुब जाना थायो। फरायसालि, बेरायनो थांनाय, आलासि-उलासि, हाबा-खेराइ गासै जायगायावनो बिसोर आखाइयाव मबाइल लाना थाग्रा जाबाय।
नाथाय मोनसे बाथ्रायाव जोमैस्रिया गिखांनाय मोनबाय। बिनि लोगोनि फंबाइ गोमजोरा इन्टारनेटाव गेम गेले गेले लिरनाय फरायनायनि फारसे गोसो गैयै जाबोनायखौ नुनानै। खाबु मोनब्लानो गोमजोरा फरायसालियाव थाङा लाया इनटारनेटाव गेमल’ गेलेबाय थायो। जाहोनाव द’ दाननि आनजादाव गांनैसो आयदायाव जोबोर खम
नाम्बार मोनदों। बे बाथ्राखौ मिथिना जोमैस्रिया जोबोद जेंनायाव गोलैयो। लासै लासै जोमैस्रिया गावखौनो गाव हमदांनो नाजानायसै। मानोना बिबो इन्टरनेटाव गोदोहाबना थानानै नखरनि मानसि आरो खाथि खालानि मानसिफोरनिफ्राय आनज्रायदों।
आलासि फैनायावबो रायदावनो रोङै जाबाय। मान सनमानखौबो मिथि रोङि जाबाय। देरसिनफोरखौ मान होनो रोङि जाबाय। इन्टरनेटनि रंगिना गाबगोनां मुलुगाव गोजावथिं हैग्रा जाबाय। गावनि मावनो गोनां खामानिफोराव गोसो राइराब जाबाय। कम्पिउटार आरो नेटनि मुलुगाव थाबाय थानो मोनाब्ला खर’बो साग्रा जालायलांबाय। बाहेरा बिजाब, लाइसि, रादाब बिलाइ आरिजों जेबोआनो सोमोन्दो गैयै जायो।
फरायसालियाव नेटनिफ्राय मोननाय खायसे आरजाथाव नङि खारि थानायखौबो फोरोंगिरिया हमबाय। बेनि अनगायैबो फरायसालिनि फोरमायथि मेडामा ससियेल मिडियायाव फोसावनाय खायसे गोसारलानाय रादाबा समाजनि खहा खालामनायखौ बुजायना होदोंमोन।
बेफोर बायदिसिना थासारिनि बाथ्राखौ सानै सानै जोमैस्रिनि गोसोआ मेंग्लिबाय। सानफा एफा बांबोनो हमनाय इन्टारनेटनि फारसे बांद्राय गोसो जानाय बाथ्राखौ बियो शाबाना मेडामनो बुंथिनायसै। शाबानाया बाथ्राखौ खोनानै मिनिस्लु मोखांजों जोमैस्रिखौ इनटारनेटनि मोजां आरो गाज्रि लोगोसेनो बाहायनायखौ फोरमायनायसै शाबाना मेडामा बुजायनायनि उनाव गिदिंबोनानै जोमैस्रिया थिरांथा लाबोयोदि दानिफ्राय बियो इन्टारनेटनि खाबुखौ लिरनाय फरायनाय, गेलेनाय-रंजानाय आरो बिमा-बिफाया बिबान होनायखौ मावफुंना लासिगोन। बिमा बिफाया गनायथि होयि वेबसाइदखौ नायलिया।
4. ‘इन्टारनेटनि गोदै गोखा’ सल ‘नि मुंनि गोरोबनायखौ बिजिर।
फिन : ‘इन्टारनेटनि गोदै गोखा’ सल ‘नि मुंनि गोरोबनायखौ बिजिरनो थांनायाव गोरोबफ्ले थारदों होननानै गनायना लानो हायो। बुहुमनि गासैबो बेसादनि बेलायावनो मोजां आरो गाज्रि मोननै बिथिं थाखायो। इन्टरनेटनि बेलायावबो बे गोरोबनाया दङ। इन्टरनेटनि बाहायथि आरो बाहायथिनिफ्राय बानजायथिखौ नायनो थाङोब्ला बुंनानै फोजोबनो हाया।
थंब्लङैबुङोब्ला जागोन इन्टारनेटआ मानसिनि खामानिफोरखौ गोबां सेंहोबाय। इन्टरनेटनि गेजेरजों बायदिसिना बाथ्रा आरो खौरांफोरखौ गोरलैयैनो मिथिनो हानाय जाबाय। बे सल ‘आव सल ‘नि गाहाइ आखु जोमैस्रिनो बिफाया गु थाखो निफ्राय जि थाखोआव सेथि बाहागोआव बारनायनि थाखाय कम्पिउटार बायना इन्टरनेट फोनांजाबना होदोंमोन।
जोमैस्रिया इन्टरनेटखौ मोननायनिफ्रायनो बोदोर गोसोजों बायदिसिना खौरांफोर मिथिनो नाजादोंमोन। इ-मेइलनि गेजेरजों जोमैस्रिया गुबुन गुबुन हादरनि खौरांफोरखौ लोगोफरनिफ्राय मिथिना मोनो। इन्टारनेटनि बायदिसिना वेबसाइदनिफ्राय बियो बिगियाननि बायदि रोखोमनि आनजाद नायनायनि सोमोन्दैबो सोलोंना लायो।
खान्थिगोनां सल’ आरो गेलेनायफोरखौबो नायना रंजा बाजा खालामग्रा जाबाय। नाथाय इन्टारनेटाव बांसिन गोसो होथाबना थानायनि थाखायनो जोमैस्रिया लासै लासै फरायनायफोराव गोसो गैयि जाबोयो।
नखरनि मानसिफोरजों थानाय सोमोन्दोआबो लासै लासै लोरबां जालाङो बिदिनो जोमैस्रिया अलसिया जालाङो। फारसेथिं जोमैस्रिनि लोगोनि फंबाइ गोमजोराबो इनटारनेटाव गेम गेलेयै गेलेयै लिरनाय फरायनायाव गोसो गैयि जालाङो।
फरायसालियावबो थाङा लासि मबाइलनि गेमाव मुखब थानायनि जाहोनाव द’ दानारि आनजादाव गाज्रि नम्बर मोनो। बे खौराङा जोमैस्रिनि गोसोखौ जोबोद दुखु होयो। लासै लासै जोमैस्रिया गावनि दायखौ बुजिना मोनो। बेनिखायनो बियो इनटारनेटनि मोजां बाहायनायखौ सोलोंनो थाखाय शाबाना मेडामनि सेराव थाङो।
शाबाना मेडामनि बुजानायनि उनाव जोमैस्रिया इनटारनेटनि खहा गोनां बिथिंफोरखौ मोनदांनानै जोमैस्रिया गावखौनो फोसाबना लानानै इन्टरनेटखौ मोजां बिथिङाव बाहायनो थिरांथा लायो। बै सल ‘नि गेजेरजों लिरगिरिया इन्टरनेटनि सिमना गैयि मोजां बिथिं थानायजों लोगोसे बेनि खहा गोनां बिथिं एबा गाज्रि बाहायथिखौ आसि थुना दिन्थिना होनानै फरायसा समाजखौ ‘इन्टारनेटनि गोदै आरो गोखा’ मुंजों गोरोबहोथारदों।
5. इन्टारनेटनि बाहायथिया फरायसानि जिउआव माबादि गोहोम खोलैनो हागौ फोरमायना लिर।
फिन : इन्टरनेटआ मोनसे गाबगोनां मुलुग। बेवहाय मिथिनो लुबैनाय गासै खौरांआनो जा एबा बाथ्रायानो जा मिथिजोबनो मोनो। फरायसाफोरा इनटारनेटनिफ्राय बिगियान, आरिमु, जारिमिन आरो गासै बिथिंनि गियानखौ गोरलैयैनो रोखा रोखा मिथिनो हायो। नाथाय इन्टारनेटखौ बांद्राय बाहायोब्ला मुलाम्फानि सोलाय गोबांसिन खहासो जायो।
इन्टरनेटखौ बांद्राय बाहायग्रा मानसिया लिरनाय फरायनाय खामानियाव गोसो गैयि जायो। मावनो गोनां खामानि दामानिफोरखौ गारसोना दोनग्रा जायो। इन्टारनेटाव बांसिन नांथावना थानायनि जाहोनाव नखरनि मानसिफोरजोंबो सोमोन्दोआ लोरबां जायो। गुबुननि मोजां बात्रा बुंनायखौबो खोमा संरोङै जायो।
बिदिनो इन्टानेटाव सिरि सिरियै गाज्रि खौरां आरो नुथाइफोरखौबो नायखोमाग्रा जायो। फरायसाफोरा इन्टारनेटखौ बांद्राय बाहायबाय थायोब्ला बिदिनो फरायसाफोरा आवसारि जालांनो हायो।
6. उल्था सोदोब लिरः
खहा, मोग थां, लोगो, देरसिन खाबु
खहा—– मुलाम्फा
मोगथां—— सिमां
लोगो—— सुथुर
देरसिन—— उन्दैसिन
खाबु—— बेखाबु
7. बाथ्रा दा–
उसाव-बादाव, खारि, सोद्रोमथि, इन्टरनेट, सानब्लाउरि
उसाव-बादाव : गामिनि सिख्लाफोरा बैसागो फैब्लानो उसाव-बादाव जायो।
खारि : जोंनि फरायसालिनि गोजौ फरायसालि जोबथा आनजादनि खारिया गोजोनथाव।
सोद्रोमथि : सोद्रोमथि आखुआ गासैजोंबो अनसांयजायो।
इन्टारनेट : इन्टारनेट गासै मुलुगानो हाबसोना दं।
सानब्लाउरि : इंटारनेटनि मुलुगआ गोमोथाव सानब्लाउरि।
उफेरा सोंथि
1. बिफाया जोमैस्रिनो मानि थाखाय कम्पिउतारजों इनटारनेट फोनांजाबाय होनाय?
फिन : जोमैस्रिनि गियाननि अरथाया सिमा गैयै गेवलांसारथों साननानै।
2. जोमैस्रिनि आंगो लोगोआ सोर आरो बियो बबेयाव थायो?
फिन : रोमै आरो बियो मस्कआव थायो।
3. सोरनि आजै आजौमोना भारतनिफ्राय खोला आफ्रिकायाव थाहैदोंमोन?
फिन : शान्था आनन्दजों थाहैदोंमोन।
4. भाइरासनि आबुं मुङा मा?
फिन : Vital Information Resources under seize.
5. जौमैस्रिनि बिथांनि मुङा मामोन?
फिन : लैथो।
6. जौमैस्रिनि कम्पिउटाराव सोर एन्टि भाइरास सोनाय?
फिन : मुवा बिगियान बिफाननि बिजिरसंगिरि शाबाना मेडाम।
7. इन्टरनेटाव गेम गेलेना द ‘दान आनजादाव सोर खम नाम्बार मोननाय?
फिन : गोमजोरा।
8. गासैनिबो शक्तिनि गुदिया मा?
फिन : सान।
9. इन्टारनेटनि बबे खाबुजों मानसिया जौगानायनि जांख्लायाव सहैयो?
फिन : गोदै खाबुजों।
10. जोमैस्रिनो इन्टरनेटनि मोजां बाहायथिनि बागै सोर बोसोन होनाय?
फिन : शाबाना मेडाम।
11. बेब सानखांथिया बबेयाव जोनोम जादोंमोन?
फिन : 1989 मायथाइयाव चुइजारलेण्डनि जेनेभायाव थानाय मुवा गुन्द्रासानि सानथौवारि आरो बाहायारि बिजिरसंनायनि हादर गेजेरारि आरो जोबोद गोजौ थाखोनि मुलुगदांखा बिजिरसं मिरुछार्न आ वार्ल्ड वाइड वेब सानखांथिखौ जोनोम होयो।
12. इ-मेइल हरलायनायनि गेजेरजों जोमैस्रिया मा मुलाम्फा जानाय?
फिन : जोमैस्रिया गुबुन गुबुन हादराव थाहैनाय गावनि लोगोफोरनिसिम इ-मेइलनि गेजेरजों खौरां लालायनो हमो। लोगोफोराबो जोमैस्रिनो खौरां दैथायहरो। बेबादि खौरा हरलाय लालाय खालामनायाव जोमैस्रिया इंराजि राव लिरनायाव खरथि फैयो आरो गोसोनि साननायखौ इंराजि रावाव खहाब गोनांयै फोरमायनो हानाय जायो।
13. इन्टरनेटनिफ्राय जोमैस्रिया माबोरै रंजानाय लादोंमोन?
फिन : इन्टरनेटा जोमैस्रिनि गोसो मेलेमखौ आवग्रिना लादोंमोन। इन्टरनेटनि बायदि बायदि वेबसाइदनिफ्राय बियो बिगियाननि बायदि रोखोम आनजाद नायनायनि सोमोन्दै सोलोंना लायो। बेनिफ्राय रंजानायनि जुथिबो लायो। खान्थिगोनां एबा आखल गोनां सोलोंथाइ गोनां सावथुन, गोसो जिउ रंजाखां होनाय अरायजोर
मेथाइफोर, गेलेनाय आरो बायदि बायदि जिउ रंजाखांहोग्रा खारिफोरखौ नायनानै रंजानाय लादोंमोन।
14. जौमैस्रिया खोला भारताव बेरायहैनो गोनांखौ मा रोखोमै थियारि खालामदोंमोन लिर।
फिन : खोला भारताव फुजा बन्दआव बेरायहैनो गोनांखौ जोमैस्रिया इनटारनेटनि गेजेरजों थि खालामदोंमोन। जोमैस्रिया इनटारनेटनि गेजेरजोंनो टिकेट दानो, नागिर नागिर फसायनाय हटेल थि खालामो। हटेलनि खथानि अग्रिम भाराखौबो इ-बेंकिंनि दारै जमा होयो। बियो गावसोरनि दावबायनायाव नांगौ जानाय खसाब आरो गुबुन गुबुन गोनां बेसादफोरखौ नेटनि गेजेरजों बायनायसै।
15. लिरगिरिनि सिनायथि होः
फिन : प्रणयी दत्त : बिथाङा आथिखालाव गुवाहाटी मुलुग सोलोंसालिनि इलेक्ट्रनिक्स आरो कमिउनिकेशन टेकनलजी बिफाननि बिबुंगिरि। बिथांङा 1970 मायथाइयाव गुवाहाटीनि तारिणी चौधुरी जौसिन गेजेर बां मोखाङारि हिन्जावसा फरायसालिनिफ्राय
H.S. आनजादाव गोनोखो बिफानाव नैथि जायगा लानानै उथ्रिदोंमोन।
1973 मायथाइयाव एबा बिगियानाव अनार्च लानानै कटन कलेजनिफ्राय सेथि जायगानि थामथियाव बि. एस. सि. उथियो। गिबियाव पाण्डु फरायसालिमायाव आरो उनाव कटन फरायसालिमायाव बिबुंगिरि महरै खामानि मावदोंमोन। 1977 मायथाइयाव गुवाहाटी मुलुग सोलोंसालियाव मुवा बिगियान बिफानाव बिबुंगिरि जायो। 1977 मायथाइयाव गुवाहाटी मुलुग सोलोंसालियावनो प्रफेसार किशरी महन पाठकनि
दिथाथियाव कस्मिक रोदा स्रां बेरस्रांनाय आयदायाव बिजिरसंनानै Ph.D डिग्री लायो।
2002 मायथाइयाव गुवाहाटी मुलुग सोलोंसालिनि इलेक्ट्रनिक्स एण्ड कमिउनिकेशन टेकनलजी बिफाननि गाहाइ जानानै 2013 मायथाइसिम खामानि मावो। बिथांनि बिजिरसंलाइफोरा हादरारि आरो हादर गेजेरारि लाइसिफोराव नुजालांबाय। बिथाङा कानाडा, अष्ट्रेलिया, खोला आफ्रिका, जापान, रासिया आरो चीन हादराव जानाय हादर गेजेरारि सावराइमेलाव बाहागो लाहैदोंमोन।
16. फरानि गुबै रावखौ लिर।
फिन : जोमैस्रिया दिनै गोबां रंजादों। बिफाया गु थाखोनिफ्राय जि थाखोआव सेथि बाहागोआव उनथ्रिनायनि थाखाय जोमैस्रिनो गंसे कम्पिउठार अनथोब होगोन। कम्पिउतारजों लोगोसे इन्टरनेटबो होफागोन। बिफाया अनथोब महरै कम्पिउटार
होगोन होनना मिथिनानै जोमैस्रिया इन्टरनेटनि बागै मिथिना लायो।
जोपैस्रिया कम्पिउटार मोननाय लोगो लोगोनो इन्टरनेट बाहायनो बोदोर जायो। इन्टरनेटाव बाहायफ्लेनाय W.W.W आ लाय मा बेखौ मिथिनो बियो गुगलाव नागिरनायसै। बिदिनो बियो गासै मिथिनो गोनांफोरखौ मिथिनो नाजाबाय थानायसै। बियो मिथिना मोननायसैदि बिगियान, आरिमु एबा जायखिजाया बिथिंनि जायफोर बाथ्राखौ जों मिथिनो लुबैयो बेखौ कम्पिउताराव ताइप खालामनो होब्लानो जायो। जोमैस्रिया नुनो मोनबाय गासै बिलाद लाथायानो इन्टरनेटाव दं।
जोमैस्रिनि आंगो लोगो रोमैया आथिखालाव मस्कआव फरायनो दंहैयो। बियो रोमैनो इ-मेइल दैथायनायसै। रोमैयाबो जोमैस्रिनो बिमा-बिफाजों बेरायहैनाय सेइन्टपिटार्स बार्गनि गोबां समायना फट’ इ-मेइलाव दैथायबाय। बिदिनो इ-मेइलनि गेजेरजों गुबुन गुबुन हादराव थानाय लोगोफोरनि हादर दावबायनायनि खौरां मोननायसै। गुबुन गुबुन हादराव थानाय भारतारि मानसिफोरजों सिनायलायबाय।
इ-मेइलनि थावनायजों जोमैस्रिया आरोबाव गोदान गोदान बिथिंफोरखौबो सोलोंबावबाय। भिडिअ’ कलिंनि जुथिखौबो बियो लाबाय। इन्टारनेटनि बायदि रोखोम वेबसाइडनिफ्राय बियो बिगियाननि बायदि रोखोमनि आनजाद नायनायनि सोमोन्दैबो सोलोंना लाबाय। खान्थिगोनां एबा आखल सोलोंनायनि सोलोंथाइबो लाबाय।
जोमैस्रिनि बिमा–बिफाया फुजा बन्दआव खोला भारत दावबायनो थिरांथा लादोंमोन। जोमैस्रिया दावबायनो थाङिनि सिगाङावनो इन्टारनेटनिफ्राय टिकेट दानबाय, हटेल बुक खालामबाय आरो गोनांथि जानाय गासैबो मुवा-बेसादखौ इ-कमार्चनि गेजेरजों थि खालामजोबो।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
Buy Now
