Class 5 Environment Chapter 8 দুর্যোগ আৰু আমি, SEBA Chapter 8 দুর্যোগ আৰু আমি Class 5 Environment Study Question Answer to each chapter is provided in the list of SEBA so that you can easily browse through different chapters and select needs one. Assam Board Class 5 পৰিৱেশ অধ্যয়ন Question Answer can be of great value to excel in the examination.
দুর্যোগ আৰু আমি
Chapter – 8
| অনুশীলনী |
১। উত্তৰ লিখা-
(ক) প্রাকৃতিকভাবে হোৱা তিনিটা দুৰ্যোগৰ নাম উল্লেখ কৰা।
উত্তৰঃ প্রাকৃতিকভাবে হোৱা তিনিটা দুৰ্যোগৰ নাম হল
ভূমিকম্প,ভূমিস্খলন,বানপানী।
(খ) কৃত্রিম বানপানীত কেনেধৰণৰ দুৰ্ঘটনা হ’ব পাৰে?
উত্তৰঃ কৃত্রিম বানপানীৰ প্রকোপ অধিক হ’লে, মানুহ আৰু প্ৰাণীৰ বহুতো ক্ষতি হয়। মানুহৰ ঘৰ-দুৱাৰ, সা- সম্পত্তি, গছ-গছনি, প্রাণী আদি পানীত উটি যায়। মানুহ গৃহহাৰা হয় আৰু সা-সম্পত্তিৰ বিস্তৰ ক্ষতিসাধন হয়। বানপানীৰ সময়ত দুৰ্ঘটনাত পতিত হৈ মানুহ, প্রাণী আৰু চৰাই-চিৰিকটিৰ মৃত্যু হয়। বানপানী হৈ যোৱাৰ পাছত পৰিৱেশ প্ৰদূষিত হৈ কলেৰা, গ্ৰহণী, টাইফয়েড আদি ৰোগত মানুহ আক্রান্ত হয়। উপযুক্ত ব্যৱস্থা নল’লে এনেবোৰ ৰোগে মহামাৰীৰ ৰূপ ধাৰণ কৰিব পাৰে এনেধৰণৰ দুৰ্ঘটনা হ’ব পাৰে।
(গ) বনজুইৰ সৃষ্টি কেনেকৈ হয়?
উত্তৰঃ বনজুই মানে হাবিত লগা জুই। বনজুইৰ সৃষ্টি খুব কম পৰিমাণেহে প্রাকৃতিকভাৱে হয়। গছ-গছনিৰে ভৰপূৰ হাবিত বজ্রপাত পৰিলে গছ-গছনিত জুই লাগি বনজুইৰ সৃষ্টি কৰিব পাৰে। ই কেতিয়াবা ক্ষন্তেকীয়া হ’বও পাৰে। কাৰণ ডাঙৰ বৰষুণ আহিলে এই জুই নুমাই যাব পাৰে। কেতিয়াবা আকস্মিকভাবে শিলে শিলে ঘঁহনি খাই তাৰ পৰা উৎপত্তি হোৱা জুই হাবিত থকা গছৰ শুকান পাত, ঠাল-ঠেঙুলি আদিত লাগি জ্বলি উঠিব পাৰে। ফলত গোটেই হাবিত জুই বিয়পি পৰিব পাৰে।
(ঘ) ভূমিস্খলন হোৱাৰ কাৰণবোৰ লিখা।
উত্তৰঃ একেৰাহে বৰষুণ, ধুমুহা-বতাহ হ’লে বনানি ধ্বংসকৰণ, খননকার্য আদিৰ বাবে মাটি ঢিলা হৈ ভূমিস্খলন সৃষ্টি হয়। নদীৰ বাঢ়নী পানীৰ প্ৰবল সোঁতত বিস্তৰভারে ভূমিস্খলন হ’লে নদীৰ দাঁতিকাষৰীয়া অঞ্চলৰ গছ-গছনি, মানুহৰ ঘৰ-দুৱাৰ, সা- সম্পত্তি, খেতি পথাৰ আদি নৈৰ বুকুত জাহ যায়। নদীত গৰাখহনীয়া হৈ নাইবা পাহাৰৰ মাটি, শিল আদি বিস্তৃতভাৱে খহি পৰি ভূমিস্খলন হয়। পাহাৰত হোৱা ভূমিস্খলনৰ ফলত পাহাৰ আৰু দাঁতিকাষৰীয়া অঞ্চলৰ ঘৰ-দুৱাৰ, দোকান- পোহাৰ আদি ভাঙে।
২। ‘ক’ অংশৰ লগত ‘খ’ অংশ মিলোৱা-
| ‘ক’ | ‘খ’ |
| ভূমিস্খলন | জলাশয়বোৰ শুকাই যায়। |
| খৰাং | পৃথিৱীৰ উপৰিভাগ হঠাৎ কঁপি উঠে। |
| বনজুই | জলাশয়বোৰ পানীৰে উপচি পৰে। |
| ভূমিকম্প | বিস্তৃতভাবে মাটি, বালি শিল আদি খহি পৰে। |
| বানপানী | হাবিত লগা জুই। |
উত্তৰঃ
| ‘ক’ | ‘খ’ |
| ভূমিস্খলন | বিস্তৃতভাবে মাটি, বালি শিল আদি খহি পৰে। |
| খৰাং | জলাশয়বোৰ শুকাই যায়। |
| বনজুই | হাবিত লগা জুই। |
| ভূমিকম্প | পৃথিৱীৰ উপৰিভাগ হঠাৎ কঁপি উঠে। |
| বানপানী | জলাশয়বোৰ পানীৰে উপচি পৰে। |
৩। তলত দিয়া দুর্যোগবোৰৰ বিষয়ে চমুকৈ লিখা-
(ক) খৰাং।
উত্তৰঃ খৰাং এক প্রাকৃতিক দুর্যোগ যদিও মানুহে জধে-মধে গছ-গছনি কাটি পেলোৱাৰ ফলতো বৰষুণৰ পৰিমাণ কমি গৈ খৰাং বতৰৰ সৃষ্টি হ’ব পাৰে। খৰাং, এনে এটা দুর্যোগ য’ত বানপানীৰ সম্পূৰ্ণ বিপৰীত পৰিস্থিতিৰ সৃষ্টি হয়। বহুত দিন বৰষুণ নিদিয়াৰ ফলত ভূ-পৃষ্ঠ আৰু ভূ- গৰ্ভৰ পানীৰ উৎসসমূহ শুকাই যায়। মাটি শুকাই যোৱাৰ ফলত ফাঁট মেলে।বানপানীৰ সম্পূৰ্ণ বিপৰীত পৰিস্থিতিৰ সৃষ্টি হয়।মানুহ, প্রাণী, চৰাই-চিৰিকটি আৰু উদ্ভিদৰ পানীৰ অভাৱ হয়। গছ- গছনিবোৰ শুকাই যায়। পানীৰ অভাৱত কৃষকে খেতি-বাতি কৰিব নোৱাৰে। খেতি-বাতি নোহোৱাৰ ফলত খাদ্যসামগ্ৰীৰ অভাৱ হয়। মানুহ আৰু প্রাণীবোৰে অনাহাৰে থাকিবলগীয়া হয়। পিয়াহৰ পানী টুপিও নোপোৱা পৰিস্থিতিৰ সৃষ্টি হয়।
(খ) ভূমিস্খলন।
উত্তৰঃ একেৰাহে বৰষুণ, ধুমুহা-বতাহ হ’লে বনানি ধ্বংসকৰণ, খননকার্য আদিৰ বাবে মাটি ঢিলা হৈ ভূমিস্খলন সৃষ্টি হয়। নদীৰ বাঢ়নী পানীৰ প্ৰবল সোঁতত বিস্তৰভারে ভূমিস্খলন হ’লে নদীৰ দাঁতিকাষৰীয়া অঞ্চলৰ গছ-গছনি, মানুহৰ ঘৰ-দুৱাৰ, সা- সম্পত্তি, খেতি পথাৰ আদি নৈৰ বুকুত জাহ যায়। নদীত গৰাখহনীয়া হৈ নাইবা পাহাৰৰ মাটি, শিল আদি বিস্তৃতভাৱে খহি পৰি ভূমিস্খলন হয়। পাহাৰত হোৱা ভূমিস্খলনৰ ফলত পাহাৰ আৰু দাঁতিকাষৰীয়া অঞ্চলৰ ঘৰ-দুৱাৰ, দোকান- পোহাৰ আদি ভাঙে।বনানীকৰণৰ যোগেদি ভূমিস্খলন বহুখিনি ৰোধ কৰিব পাৰি। গছ-গছনিৰ শিপাই মাটিৰ উপৰিভাগ খামুচি ধৰি খহনীয়া ৰোধ কৰে। সেয়েহে অধিক গছ-গছনি থকা অঞ্চলত ভূমিস্খলন সাধাৰণতে কম হোৱা দেখা যায়।
(গ) ভূমিকম্প।
উত্তৰঃ পৃথিৱীৰ উপৰিভাগ হঠাৎ কপি উঠিলে আমি ভূমিকম্প অহা বুলি কওঁ। ভূমিকম্প কোনো আগজাননী নিদিয়াকৈ আহে। ই হ’ল সম্পূর্ণ প্রাকৃতিক কাৰণত হোৱা এটা পৰিঘটনা। ভূমিকম্পৰ প্রাৱল্য কেতিয়াবা খুব কম হয় বাবে আমি হয়তো ভূমিকম্প অহা গমেই নাপাও। ইয়াৰ প্রাবল্য কেতিয়াবা মজলীয়া ধৰণৰ আৰু কেতিয়াবা খুব বেছিহ’ব পাৰে।ভাৰতৰ উত্তৰ-পূৰ্বাঞ্চলৰ ৰাজ্যবোৰ সাধাৰণতে ভূমিকম্প প্ৰৱণ এলেকাৰ ভিতৰত পৰে। ভূমিকম্পৰ পৰিণাম অতিকৈ ভয়াবহ হ’ব পাৰে। কিন্তু এষাৰ কথা আছে ‘সাৱধানতাৰ মৰণ নাই’। গতিকে ভূমিকম্পৰ সময়ত ভয় নাখাই সাহসেৰে প্রত্যেকেই সতর্কতামূলক ব্যৱস্থাসমূহ মানি চলিব লাগে।
৪। পার্থক্য লিখা-
(ক) খৰাং আৰু বানপানী।
উত্তৰঃ খৰাং: (১)বহুত দিন বৰষুণ নিদিয়াৰ ফলত ভূ-পৃষ্ঠ আৰু ভূ-গৰ্ভৰ পানীৰ উৎসসমূহ শুকাই যোৱাৰ ফলত খৰাং সৃষ্টি হয়।
(২) মানুহ, প্রাণী, চৰাই-চিৰিকটি আৰু উদ্ভিদৰ পানীৰ অভাৱ হয়।
(৩)গছ- গছনিবোৰ শুকাই যায়।
(৪) পানীৰ অভাৱত কৃষকে খেতি-বাতি কৰিব নোৱাৰে।
বানপানী: (১) বহুত দিন বেছিকৈ বৰষুণ দিয়াৰ ফলত নৈ-উপনৈ জলাশয়বোৰত লাহে লাহে পানী বাঢ়িবলৈ ধৰে ইয়াৰ ফলত বানপানী সৃষ্টি হয়।
(২) বানপানীৰ সময়ত দুর্ঘটনাত পতিত হৈ মানুহ, প্রাণী আৰু চৰাই-চিৰিকটিৰ মৃত্যু হয়।
(৩) মানুহৰ ঘৰ-দুৱাৰ, সা- সম্পত্তি, গছ-গছনি, প্রাণী আদি পানীত উটি যায়।
(৪) মানুহ গৃহহাৰা হয় আৰু সা-সম্পত্তিৰ বিস্তৰ ক্ষতিসাধন হয়।
(খ) প্রাকৃতিক দুর্যোগ আৰু মানবসৃষ্ট দুর্যোগ।
উত্তৰঃ প্রাকৃতিক দুর্যোগ: (১) প্রাকৃতিক দুর্যোগ হঠাতে আহে।
(২) এই দুর্যোগ মূলতঃ প্রাকৃতিক কাৰণত সৃষ্টি হয়।
(৩) প্রাকৃতিক দুৰ্যোগৰ ফলত মানুহৰ সা-সম্পত্তি নষ্ট হোৱাৰ উপৰি কেতিয়াবা জীৱৰ প্ৰাণহানিও হ’ব পাৰে।
মানবসৃষ্ট দুর্যোগ: (১) উদ্যোগসমূহত আকস্মিকভাৱে হোৱা দুর্ঘটনা আন একপ্ৰকাৰ মানৱসৃষ্ট দুর্যোগ।
(২) কেতিয়াবা দুর্ঘটনাবশতঃ উদ্যোগৰ পৰা বিষাক্ত গেছ বাহিৰ হয়।
(৩) বায়ুমণ্ডলত মিহলি হৈ যোৱা এই বিষাক্ত গেছ সেৱন কৰি বহুতো প্রাণী আৰু চৰাই চিৰিকটিৰ মৃত্যু হৈছিল।
৫। খালী ঠাই পূৰ কৰা-
(ক) ১৯৫০ চনত অসমত ডাঙৰ__________হৈছিল।
উত্তৰঃ ১৯৫০ চনত অসমত ডাঙৰ ভূমিকম্প হৈছিল।
(খ) বনানীকৰণৰ যোগেদি _______ৰোধ কৰিব পাৰি।
উত্তৰঃ বনানীকৰণৰ যোগেদি ভূমিস্খলন ৰোধ কৰিব পাৰি।
(গ) বজ্রপাত পৰি প্রাকৃতিকভাবে হাবিত_____ লাগে।
উত্তৰঃ বজ্রপাত পৰি প্রাকৃতিকভাবে হাবিত জুই লাগে।
(ঘ) বাঘজান তৈলখাদৰ বিস্ফোৰণ এটা ____দুর্ঘটনা।
উত্তৰঃ বাঘজান তৈলখাদৰ বিস্ফোৰণ এটা ঔদ্যোগিক দুর্ঘটনা।
৬। দুর্যোগ বুলিলে কি বুজা?
উত্তৰঃ প্ৰাকৃতিক আৰু মানৱসৃষ্ট ঘটনা বা পৰিঘটনাই
ভয়াহবহ ৰূপ লৈ মুহূৰ্ততে পৰিৱেশৰ অভাৱনীয় সৃষ্টি কৰে এই ঘটনা বা পৰিঘটনাই হৈছে দুর্যোগ। উদ্যোগসমূহত আকস্মিকভাৱে হোৱা দুর্ঘটনাএকপ্ৰকাৰ মানৱসৃষ্ট দুর্যোগ।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
Class v poribesh chapter 8