Class 4 Environment Chapter 2 উৎসৱ, SEBA Chapter 2 উৎসৱ Class 4 Environment Study Question Answer to each chapter is provided in the list of SEBA so that you can easily browse through different chapters and select needs one. Assam Board Class 4 পৰিৱেশ অধ্যয়ন Question Answer can be of great value to excel in the examination.
উৎসৱ
Chapter – 2
পৰিৱেশ অধ্যয়ন
১। তোমালোকে পালন কৰা উৎসৱসমূহৰ নাম লিখা ।
উত্তৰঃ আমি পালন কৰা উৎসৱসমূহ হ’ল -বিহু , ফাকুৱা বা হোলী উৎসৱ , দুর্গাপূজা , দেৱালী , সৰস্বতী পূজা , ৰাখীবন্ধন , লক্ষ্মী পূজা , ৰাস পূর্ণিমা , শ্ৰীকৃষ্ণৰ জন্মাষ্টমী , শিৱৰাত্ৰি ইত্যাদি ।
অনুশীলনী
১। চমু উত্তৰ লিখা –
( ক ) শিখ ধর্মালম্বী লোকসকলে পালন কৰা উৎসৱটোৰ নাম কি ?
উত্তৰঃ শিখ ধর্মালম্বী লোকসকলে পালন কৰা উৎসৱটোৰ নাম হ’ল গুৰু নানকৰ জন্মদিন ।
( খ ) বৰদিন কোন ধর্মালম্বী লোকসকলে পালন কৰে ?
উত্তৰঃ বৰদিন খ্ৰীষ্টান ধর্মালম্বী লোকসকলে পালন কৰে ।
( গ ) অসমৰ কোনটো উৎসৱৰ লগত পোংগল উৎসৱৰ মিল আছে ?
উত্তৰঃ অসমৰ ভোগালী বিহুৰ লগত পোংগল উৎসৱৰ মিল আছে ।
( ঘ ) ওনাম উৎসৱত কি নৃত্য পৰিৱেশন কৰা হয় ?
উত্তৰঃ ওনাম উৎসৱত কাইকোট্ৰিকালি নৃত্য পৰিৱেশন কৰা হয় ।
( ঙ ) দশেৰা উৎসৱৰ লগত একে সময়তে পূব ভাৰতত পালন কৰা উৎসৱটোৰ নাম কি ?
উত্তৰঃ দশেৰা উৎসৱৰ লগত একে সময়তে পূৱ ভাৰতত পালন কৰা উৎসৱটোৰ নাম হ’ল দুর্গাপূজা ।
( চ ) বিহাৰ আৰু উত্তৰ প্ৰদেশত পালন কৰা এটা উৎসৱৰ নাম লিখা ৷
উত্তৰঃ বিহাৰ আৰু উত্তৰ প্ৰদেশত পালন কৰা উৎসৱৰ নাম হ’ল চট্ পূজা ।
২। ‘ ক ’ অংশৰ লগত ‘ খ ’ অংশ মিলোৱা :
| ‘ ক ’ | ‘ খ ’ |
| বিহু | তামিলনাড়ু |
| বৈশাখী | মহাৰাষ্ট্ৰ |
| পোংগল | অসম |
| ওনাম | পঞ্জাৱ |
| গণেশ চতুর্থী | কেৰেলা |
উত্তৰঃ
| ‘ ক ’ | ‘ খ ’ |
| বিহু | অসম |
| বৈশাখী | পঞ্জাৱ |
| পোংগল | তামিলনাড়ু |
| ওনাম | কেৰেলা |
| গণেশ চতুর্থী | মহাৰাষ্ট্ৰ |
৩। উত্তৰ লিখা –
( ক ) বিহু কেইটা আৰু কি কি ?
উত্তৰঃ বিহু তিনিটা । বহাগ বিহু , মাঘ বিহু আৰু কাতি বিহু ।
( খ ) ফাকুৱা উৎসৱ কেনেদৰে পালন কৰা হয় ?
উত্তৰঃ ফাকুৱা বা হোলী এক সৰ্বভাৰতীয় উৎসৱ । সাধাৰণতে ফাগুণ মাহৰ পূর্ণিমা তিথিত এই উৎসৱ পালন কৰা হয় । এই উৎসৱত ৰং বিৰঙৰ বস্ত্ৰ পৰিধান কৰি ফাকুৰ লগতে ৰং মিহলি পানী এজনে আনজনৰ গালৈ ছটিয়াই বা সানি নৃত্য – গীত কৰি আনন্দ উপভোগ কৰে । ৰাজস্থানত ‘ চোং ’ নামৰ বাদ্যযন্ত্ৰ বজাই নৃত্য – গীত পৰিৱেশন কৰি হোলী পালন কৰা হয় ।
( গ ) বুদ্ধ পূর্ণিমা কিয় পালন কৰা হয় ?
উত্তৰঃ বুদ্ধদেৱৰ জন্ম , সিদ্ধিলাভ আৰু মৃত্যু ব’হাগ মাহৰ পূৰ্ণিমা তিথিতেই হৈছিল । সেয়েহে ব’হাগ মাহৰ পূৰ্ণিমাৰ দিনটো এক পৱিত্ৰ দিন ৰূপে বৌদ্ধ ধৰ্মাৱলম্বী লোকসকলে বুদ্ধপূর্ণিমা হিচাপে পালন কৰে ।
( ঘ ) ঈদ কেইটা আৰু কি কি ?
উত্তৰঃ ঈদ দুটা । সেই দুটা হ’ল ঈদ – উল – ফিতৰ আৰু ঈদুজ্জোহা ।
( ঙ ) দশেৰা উৎসৱত কাৰ কাৰ প্ৰতিকৃতি জ্বলাই দিয়া হয় ?
উত্তৰঃ দশেৰা উৎসৱত ৰাৱণ , কুম্ভকৰ্ণ আৰু মেঘনাথৰ প্ৰতিকৃতি জ্বলাই দিয়া হয় ।
৪। তুমি ভালপোৱা যিকোনো এটা উৎসৱৰ বিষয়ে পাঁচটা বাক্য লিখা ।
উত্তৰঃ নিজৰ পছন্দ অনুসৰি ভালপোৱা উৎসৱৰ বিষয়ে লিখিবা ।
বহাগ বিহু
বিহু অসমৰ জাতীয় উৎসৱ ।
চ’তৰ শেষ দিনাখনৰ পৰা ব’হাগ বিহু আৰম্ভ হয় ৷
প্রথম বিহুৰ দিনা গৰুৰ গাত মাহ – হালধি ঘঁহে , মাখিয়তি আৰু
দীঘলতিৰ পাতেৰে কোবাই পুখুৰী বা নদীত গা ধুৱাই গাত লাউ , বেঙেনা আদিৰে মাৰি সিহঁতৰ শ্ৰীবৃদ্ধি কামনা কৰে । সেয়েহে প্রথম বিহুক গৰু বিহু বুলি কোৱা হয় ।
দ্বিতীয় দিনাৰ পৰা মানুহ বিহু । সেইদিনা সৰুৱে ডাঙৰক সেৱা জনাই আশীর্বাদ লয় । আৰু নানা ঢোল , পেঁহা , বাঁহী , গগনা আদি লৈ বিহু হুচৰি গাই আনন্দ কৰে ।
৫। শুদ্ধ উত্তৰটোত ‘✓’ চিন দিয়া –
( ক ) গুৰুনানক বৌদ্ধধৰ্মৰ প্ৰৱৰ্তক ।
উত্তৰঃ গুৰুনানক বৌদ্ধধৰ্মৰ প্ৰৱৰ্তক । ×
( খ ) ওনাম উৎসৱ কেৰেলাত ধৰ্মনিৰপেক্ষভাৱে পালন কৰা হয় ।
উত্তৰঃ ওনাম উৎসৱ কেৰেলাত ধৰ্মনিৰপেক্ষভাৱে পালন কৰা হয় । ✓
( গ ) চট্ পূজাত সূর্য দেৱতাক পূজা কৰা হয় ।
উত্তৰঃ চট্ পূজাত সূৰ্য দেৱতাক পূজা কৰা হয় । ✓
অতিৰিক্ত প্ৰশ্নোত্তৰ
১। অসমৰ জাতীয় উৎসৱ কি ?
উত্তৰঃ অসমৰ জাতীয় উৎসৱ বিহু ।
২। বিহুত কৃষিভিত্তিক উৎসৱ বুলি কিয় কোৱা হয় ?
উত্তৰঃ বিহু খেতি – বাতিৰ লগত জড়িত বাবে ইয়াক কৃষিভিত্তিক উৎসৱ বুলিও কোৱা হয় ।
৩। বহাগ বিহু কোনদিনাৰ পৰা আৰম্ভ হয় ?
উত্তৰঃ বহাগ বিহু চ’ত মাহৰ শেষ দিনাখনৰ পৰা আৰম্ভ হয় ।
৪। বহাগ বিহুৰ প্ৰথম দিনাখনক কি বুলি জনা যায় ?
উত্তৰঃ বহাগ বিহুৰ প্ৰথম দিনাখনক গৰু বিহু বুলি জনা যায় ।
৫। বহাগ বিহুৰ দ্বিতীয় দিনাৰ পৰা কি বুলি জনা যায় ?
উত্তৰঃ বহাগ মাহৰ দ্বিতীয় দিনাৰ পৰা মানুহ বিহু বুলি জনা যায় ৷
৬। বহাগ বিহুক ৰঙালী বিহু বুলি কিয় কোৱা হয় ?
উত্তৰঃ বহাগ বিহুত সকলোৱে নাচ – গান গাই ৰং – ৰহইছ কৰি উলহ মালহেৰে পালন কৰে বাবে ইয়াক ৰঙালী বিহু বুলিও কোৱা হয় ।
৭। কাতি বিহু কোনদিনা পালন কৰা হয় ?
উত্তৰঃ কাতি বিহু আহিন মাহৰ শেষৰ দিনা পালন কৰা হয় ৷
৮। কাতি বিহুক কিয় কঙালী বিহু বুলিও কোৱা হয় ?
উত্তৰঃ কাতি বিহুৰ সময়ত মানুহৰ অভাৱ – অনাটন বেছি হয় বাবে ইয়াক কঙালী বিহু বুলি কোৱা হয় ।
৯। মাঘ বিহু কেতিয়া পালন কৰা হয় ?
উত্তৰঃ মাঘ বিহু পুহ মাহৰ শেষ দিনা অর্থাৎ সংক্ৰান্তিৰ দিনা পালন কৰা হয় ।
১০। মাঘ বিহুক কিয় ভোগালী বিহু বোলা হয় ?
উত্তৰঃ মাঘ বিহুৰ সময়ত সকলোৰে খাদ্যৰ উভৈনদী হয় কিয়নো এই সময়ত পথাৰৰ সোণ বৰণীয়া লখিমী আহি মানুহৰ ভঁৰাল উপচি পৰে বাবে সকলোৰে অভাৱ গুচে । সেয়েহে এই বিহুক ভোগালী বিহু বোলা হয় ।
১১। দুর্গাপূজা কেতিয়া পালন কৰা হয় ?
উত্তৰঃ দুর্গাপূজা শৰৎকালত পালন কৰা হয় ।
১২। কোনদিনা দুর্গাদেৱীৰ প্ৰতিমা বিসর্জন দিয়া হয় ?
উত্তৰঃ বিজয়া দশমীৰ দিনা দুৰ্গাদেৱীৰ প্ৰতিমা বিসর্জন দিয়া হয় ।
১৩৷ চট্ পূজা ক’ত ক’ত পালন কৰা হয় ?
উত্তৰঃ চট্ পূজা বিহাৰ আৰু উত্তৰ প্ৰদেশত পালন কৰা হয় ৷
১৪। চট্ পূজাত কি দেৱতাক পূজা কৰা হয় ?
উত্তৰঃ চট্ পূজাত সূর্য দেৱতাক পূজা কৰা হয় ।
১৫। ‘ চোং ’ কি ?
উত্তৰঃ ‘ চোং ’ হৈছে এবিধ ৰাজস্থানৰ বাদ্যযন্ত্ৰ । ৰাজস্থানত এই বাদ্যযন্ত্র বজাই নৃত্য – গীত পৰিৱেশন কৰি ফাকুৱা বা হোলী উৎসৱ পালন কৰা হয় ।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
