Class 4 Environment Chapter 4 ৰাষ্ট্ৰীয় দিৱস, SEBA Chapter 4 ৰাষ্ট্ৰীয় দিৱস Class 4 Environment Study Question Answer to each chapter is provided in the list of SEBA so that you can easily browse through different chapters and select needs one. Assam Board Class 4 পৰিৱেশ অধ্যয়ন Question Answer can be of great value to excel in the examination.
ৰাষ্ট্ৰীয় দিৱস
Chapter – 4
পৰিৱেশ অধ্যয়ন
১। তোমালোকে বিদ্যালয়ত শিক্ষক দিৱসৰ দিনটো কিদৰে পালন কৰা লিখা ।
উত্তৰঃ আমি বিদ্যালয়ত শিক্ষক দিৱসৰ দিনটো অতি ধোম – ধামেৰে পালন কৰো । কাৰণ সেইদিনা ভাৰতৰ দ্বিতীয় ৰাষ্ট্ৰপতি তথা মহান শিক্ষাবিদ ড° সৰ্বপল্লী ৰাধাকৃষ্ণনৰ জন্ম হৈছিল । সেইদিনটোত আমি সকলোবোৰ ছাত্ৰ – ছাত্রী লগ লাগি শিক্ষক – শিক্ষয়িত্ৰীসকলক সন্মান জনাবলৈ বিভিন্ন কাৰ্যসূচী পালন কৰো ।
২। তোমালোকে বিদ্যালয়ত শিশু দিৱসৰ দিনটো কিদৰে পালন কৰা লিখা ।
উত্তৰঃ ১৪ নৱেম্বৰ ভাৰতৰ প্ৰথম প্রধান মন্ত্ৰী পণ্ডিত জৱাহৰলাল নেহৰুৰ জন্মদিনটো শিশুদিৱস হিচাপে পালন কৰা হয় । সেইদিনা আমাৰ বিদ্যালয়ত ছাত্ৰ – ছাত্ৰীসকলৰ মাজত চিত্রাঙ্কন প্রতিযোগিতা , কুইজ প্রতিযোগিতা , আকষ্মিক বক্তৃতা আদি পতা হয় ।
অনুশীলনী
১। উত্তৰ লিখা –
( ক ) ভাৰতৰ জাতীয় পতাকাখনক কিয় ত্ৰিৰংগ পতাকা বুলি কোৱা হয় ?
উত্তৰঃ ভাৰতৰ জাতীয় পতাকাখনত তিনিটা ৰং থকা বাবে ত্ৰিৰংগ বুলি কোৱা হয় ৷
( খ ) জাতীয় প্রতীকৰ মোহৰটো আমি ক’ত ক’ত ব্যৱহাৰ কৰোঁ ?
উত্তৰঃ জাতীয় প্রতীকৰ মোহৰটো আমি চৰকাৰী কাগজ – পত্র , ডাক টিকট , পোষ্টকার্ড আদিত ব্যৱহাৰ কৰো ৷
( গ ) ভাৰতবৰ্ষই কোন তাৰিখে স্বাধীনতা দিৱস উদ্যাপন কৰে ?
উত্তৰঃ ১৫ আগষ্ট দিনটো সমগ্ৰ ভাৰতবৰ্ষই স্বাধীনতা দিৱস হিচাপে উদ্যাপন কৰে ৷
( ঘ ) জাতীয় পতাকাখনৰ ব্যৱহাৰৰ তিনিটা নিয়ম লিখা ।
উত্তৰঃ জাতীয় পতাকাখনৰ ব্যৱহাৰৰ নিয়ম তিনিটা হ’ল :
( ১ ) সূর্য উদয় হোৱাৰ পিছত পতাকাখন উত্তোলন কৰিব লাগে আৰু সূর্য অস্ত যোৱাৰ আগতে নমাব লাগে ।
( ২ ) জাতীয় পতাকাখন উত্তোলন কৰোঁতে গেৰুৱা ৰংটো সদায় ওপৰত থাকিব লাগে ।
( ৩ ) পতাকাখন ঘৰ বা আন কোনো ঠাইত যেনে – তেনে ওলোমাই থব নালাগে ।
( ঙ ) জাতীয় পতাকা উত্তোলন কৰা দুটা দিৱসৰ নাম লিখা ।
উত্তৰঃ জাতীয় পতাকা উত্তোলন কৰা দিৱস দুটা হ’ল- ১৫ আগষ্ট আৰু ২৬ জানুৱাৰী ।
২। জাতীয় পতাকাৰ ৰং কেইটাই কি বুজায় ? ‘ ক ’ অংশৰ লগত ‘ খ ’ অংশ মিলোৱা—
| ‘ ক ’ | ‘ খ ’ |
| সেউজীয়া | ত্যাগ , দেশপ্ৰেম আৰু সাহসৰ প্রতীক। |
| বগা | কৃষি আৰু প্ৰগতিৰ প্ৰতীক। |
| গেৰুৱা | আকাশ আৰু সমুদ্ৰক বুজায়৷ |
| গাঢ় নীলা | সত্য আৰু শান্তিৰ প্রতীক। |
উত্তৰঃ
| ‘ ক ’ | ‘ খ ’ |
| সেউজীয়া | কৃষি আৰু প্ৰগতিৰ প্ৰতীক। |
| বগা | সত্য আৰু শান্তিৰ প্রতীক। |
| গেৰুৱা | ত্যাগ , দেশপ্ৰেম আৰু সাহসৰ প্রতীক। |
| গাঢ় নীলা | আকাশ আৰু সমুদ্ৰক বুজায়৷ |
৩। খালী ঠাই পূৰ কৰা –
( ক ) মহাত্মা গান্ধীৰ জন্মদিনটো ____ হিচেপে পালন কৰা হয়।
উত্তৰঃ মহাত্মা গান্ধীৰ জন্মদিনটো গান্ধী জয়ন্তী হিচাপে পালন কৰা হয় ৷
( খ ) জৱাহৰলাল নেহৰু শিশুসকলৰ মাজত ____ বুলি পৰিচিত ।
উত্তৰঃ জৱাহৰলাল নেহৰু শিশুসকলৰ মাজত নেহৰু খুড়া বুলি পৰিচিত।
( গ ) ২৬ জানুৱাৰীত ___ পালন কৰা হয় ।
উত্তৰঃ ২৬ জানুৱাৰীত গণতন্ত্ৰ দিৱস পালন কৰা হয় ।
( ঘ ) ___ জন্মদিনটো শিক্ষক দিৱস হিচাপে পালন কৰা হয় ।
উত্তৰঃ ড° সৰ্বপল্লী ৰাধাকৃষ্ণণৰ জন্মদিনটো শিক্ষক দিৱস হিচাপে পালন কৰা হয় ।
( ঙ ) আমাৰ জাতীয় প্রতীকটোক ____ বোলে ।
উত্তৰঃ আমাৰ জাতীয় প্রতীকটোক অশোক স্তম্ভ বোলে ।
অতিৰিক্ত প্ৰশ্নোত্তৰ
১। অশোক চক্ৰটোত কেইডাল দণ্ড আছে ?
উত্তৰঃ অশোক চক্ৰটোত ২৪ ডাল দণ্ড আছে ।
২। জাতীয় প্রতীকটোৰ চকাটো কোন খিনিত থাকে ?
উত্তৰঃ জাতীয় প্রতীকটোৰ চকাটো সিংহকেইটাৰ তলত থাকে ।
৩। গণতন্ত্ৰ দিৱসৰ দিনা ত্ৰিৰংগ পতাকা কোনে আৰু ক’ত উত্তোলন কৰে ?
উত্তৰঃ গণতন্ত্ৰ দিৱসৰ দিনা দিল্লীত ৰাষ্ট্ৰপতিয়ে পতাকা উত্তোলন কৰে ।
৪। আমাৰ দেশত ‘ জাতিৰ পিতা ‘ বুলি কাক আখ্যা দিয়া হৈছে ?
উত্তৰঃ মহাত্মা গান্ধীক আমাৰ দেশত ‘ জাতিৰ পিতা ‘ বুলি আখ্যা দিয়া হৈছে ।
৫। ড° সর্বপল্লী ৰাধাকৃষ্ণণ কোন আছিল ?
উত্তৰঃ ড° সৰ্বপল্লী ৰাধাকৃষ্ণণ ভাৰতৰ দ্বিতীয়জন ৰাষ্ট্ৰপতি আছিল । তেখেত এজন শিক্ষক তথা মহান শিক্ষাবিদ আছিল ।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
