Class 4 Environment Chapter 1 পৰিয়াল, SEBA Chapter 1 পৰিয়াল Class 4 Environment Study Question Answer to each chapter is provided in the list of SEBA so that you can easily browse through different chapters and select needs one. Assam Board Class 4 পৰিৱেশ অধ্যয়ন Question Answer can be of great value to excel in the examination.
পৰিয়াল
Chapter – 1
পৰিৱেশ অধ্যয়ন
⇒ দলত আলোচনা কৰি কোৱা :
১। দুয়োটা পৰিয়াল একেইনে ? দুয়োটা পৰিয়ালৰ মাজত কি কি অমিল দেখিছা ?
উত্তৰঃ ছবিত থকা দুয়োটা পৰিয়াল একে নহয় ৷ দুয়োটা পৰিয়ালৰ মাজত থকা অমিলসমূহ হ’ল ―
( ১ ) প্রথম পৰিয়ালটো একক পৰিয়াল আৰু দ্বিতীয় পৰিয়ালটো যৌথ পৰিয়াল ।
( ২ ) প্রথম পৰিয়ালটোৰ সদস্য সংখ্যা কম আৰু দ্বিতীয় পৰিয়ালটোৰ সদস্য সংখ্যা বেছি ।
( ৩ ) প্রথম পৰিয়ালটোত দুজন শিশু সদস্য আছে , কিন্তু দ্বিতীয় পৰিয়ালটোত তিনিজন শিশু সদস্য আছে ।
( ৪ ) প্রথম পৰিয়ালটোত দুগৰাকী মহিলা সদস্যা আছে আৰু দ্বিতীয় পৰিয়ালটোত পাঁচগৰাকী মহিলা সদস্যা আছে ।
( ৫ ) প্রথম পৰিয়ালটোত দুজন পুৰুষ সদস্য আছে আনহাতে দ্বিতীয় পৰিয়ালটোত চাৰিজন পুৰুষ সদস্য আছে ।
২। প্রথম পৰিয়ালৰ সদস্য কেইজন ?
উত্তৰঃ প্ৰথম পৰিয়ালৰ সদস্য চাৰিজন ।
৩। দ্বিতীয় পৰিয়ালৰ সদস্য কেইজন ?
উত্তৰঃ দ্বিতীয় পৰিয়ালৰ সদস্য ন জন ।
⇒ ওপৰত দিয়া অনিতাৰ পৰিয়ালটোৰ বৰ্ণনাৰ আলমত তলৰ প্রশ্নসমূহৰ উত্তৰ দিয়া ৷
৪। অনিতাৰ পৰিয়ালটোত কোন কোন আছে ?
উত্তৰঃ অনিতাৰ পৰিয়ালটোত অনিতাৰ ককাক – আইতাক , খুড়াক খুৰীয়েক , পেহীয়েক , মাক – দেউতাক আৰু তেওঁলোকৰ ল’ৰা ছোৱালীসমূহ আছে ।
৫। পৰিয়ালৰ কোন কেইজন সদস্যই তাইৰ যত্ন লয় ?
উত্তৰঃ পৰিয়ালৰ প্ৰায় প্রত্যেক জন লোকেই অনিতাৰ যত্ন লয় । খুড়ীয়েকে তাইক বিদ্যালয়লৈ যাবলৈ সাজু কৰি দিয়ে আৰু খুড়াকে অফিচলৈ যাওঁতে তাইক বিদ্যালয়লৈ লৈ যায় । আইতাক আৰু পেহীয়েকে প্রত্যেক দেওবাৰে গান শিকায় আৰু মাকে তাইৰ পঢ়া – শুনাৰ যত্ন লয় ৷
৬। অনিতাৰ পৰিয়ালটোৰ মুৰব্বী কোন ?
উত্তৰঃ যিহেতু পৰিয়ালৰ জেষ্ঠজনক পৰিয়ালৰ মুৰব্বী বুলি কোৱা হয় , গতিকে অনিতাহঁতৰ পৰিয়ালৰ মুৰব্বী হ’ল অনিতাৰ ককাক ।
৭। মণি , পৰী আৰু জুৰি তিনিগৰাকী সহপাঠী একেলগে এটা ভাৰা ঘৰত থাকে । এইটো এটা পৰিয়ালনে ? যদি হয় কিয় ? যদি নহয় কিয় ?
উত্তৰঃ এইটো এটা পৰিয়াল নহয় । এইটো এটা পৰিয়াল নোহোৱাৰ কাৰণ হ’ল মণি , পৰী আৰু জুৰি একে পৰিয়ালৰ সদস্য নহয় । তিনিগৰাকী কেৱল সহপাঠীহে মাথোন ।
⇒ তোমালোকৰ ওচৰতে থকা পৰিয়াল এটাৰ ঘৰলৈ গৈ তলৰ তথ্যখিনি সংগ্ৰহ কৰা –( শিক্ষক – শিক্ষয়িত্রী বা অভিভাৱকৰ সহায় ল’বা । )
( ক ) পৰিয়ালটোৰ সদস্যৰ সংখ্যা কিমান ?
উত্তৰঃ পৰিয়ালটোৰ সদস্য সংখ্যা হ’ল চাৰিজন ।
( খ ) পৰিয়ালটো একক নে যৌথ পৰিয়াল ?
উত্তৰঃ পৰিয়ালটো একক ।
( গ ) পৰিয়ালৰ মুৰব্বী কোন ?
উত্তৰঃ পৰিয়ালৰ মুৰব্বী হ’ল সেই পৰিয়ালৰ জ্যেষ্ঠজন , তেওঁৱেই পৰিয়ালটো পৰিচালনা কৰে।
( ঘ ) পৰিয়ালটোত উপাৰ্জন কৰা সদস্য কেইজন ?
উত্তৰঃ পৰিয়ালটোত উপাৰ্জন কৰা সদস্য এজন ।
( ঙ ) পৰিয়ালটোত ১৫ বছৰৰ তলৰ ল’ৰা – ছোৱালী সংখ্যা কিমান ?
উত্তৰঃ পৰিয়ালটোত ১৫ বছৰৰ তলৰ ল’ৰা – ছোৱালীৰ সংখ্যা দুজন ।
( চ ) পৰিয়ালটোত কথা কোৱা আৰু শুনাৰ অসুবিধা থকা ল’ৰা ছোৱালী আছে নেকি ?
উত্তৰঃ পৰিয়ালটোত কথা কোৱা আৰু শুনাৰ অসুবিধা থকা ল’ৰা – ছোৱালী নাই ।
( ছ ) তেওঁলোকৰ পঢ়া – শুনাৰ যত্ন কোনে লয় ?
উত্তৰঃ তেওঁলোকৰ পঢ়া – শুনাৰ যত্ন মাক – দেউতাকে লয় , লগতে বিদ্যালয়ৰ শিক্ষক – শিক্ষয়িত্ৰীয়ে এই ক্ষেত্ৰত তেওঁলোকক সহায় কৰে।
ক্রিয়া কলাপ
৮। তোমাৰ পৰিয়ালত কোন কোন সদস্য আছে ?
উত্তৰঃ আমাৰ পৰিয়ালত মোৰ মা – দেউতা , মই , মোৰ দাদা , খুৰা – খুৰী আৰু খুৰা – খুৰীহঁতৰ ছোৱালী জুৰি , ককা আইতা আৰু পেহী আছে।
৯। অনিতাহঁতৰ ‘ পৰিয়াল বৃক্ষ ’ জোপা চাই তোমালোকেও নিজৰ নিজৰ ‘ পৰিয়াল বৃক্ষ ’ একোজোপা আঁকা ।
অনুশীলনী
১। চমু উত্তৰ দিয়া :
( ক ) পৰিয়াল এটা কোনে পৰিচালনা কৰে ?
উত্তৰঃ পৰিয়াল এটা পৰিয়ালৰ মুৰব্বীজনে পৰিচালনা কৰে ।
( খ ) অনিতাৰ পৰিয়ালৰ সদস্য কেইজন ?
উত্তৰঃ অনিতাৰ পৰিয়ালৰ সদস্য ন জন ।
( গ ) অনিতাৰ পৰিয়ালটো কোনটো পৰিয়ালৰ অন্তৰ্গত ?
উত্তৰঃ অনিতাৰ পৰিয়ালটো যৌথ পৰিয়ালৰ অন্তৰ্গত ৷
( ঘ ) শশাংকুৰ পৰিয়ালটো কি পৰিয়াল ?
উত্তৰঃ শশাংকুৰ পৰিয়ালটো একক পৰিয়াল ।
২। খালী ঠাই পূৰ কৰা :
( ক ) সমাজৰ এটা প্রাথমিক গোট হ’ল ____।
উত্তৰঃ সমাজৰ এটা প্ৰাথমিক গোট হ’ল পৰিয়াল৷
( খ ) পৰিয়াল এটা শৃঙ্খলাবদ্ধভাৱে চলিবৰ বাবে প্ৰতিটো পৰিয়ালৰ বাবে নিজা নিজা ____থাকে।
উত্তৰঃ পৰিয়াল এটা শৃঙ্খলাবদ্ধভাৱে চলিবৰ বাবে প্ৰতিটো পৰিয়ালৰ বাবে নিজা নিজা নীতি – নিয়ম থাকে ।
( গ ) শশাংকুৱে ধুনীয়া ____ আঁকা।
উত্তৰঃ শশাংকুৱে ধুনীয়া ছবি আঁকে ।
( ঘ ) শিক্ষয়িত্ৰীয়ে শশাংকুক সাধু কথা ____।
উত্তৰঃ শিক্ষয়িত্ৰীয়ে শশাংকুক সাধু কথা ইংগিত আৰু অংগী – ভংগীৰে বুজায় ।
৩। উত্তৰ লিখা :
( ক ) একক পৰিয়াল বুলিলে কি বুজা ?
উত্তৰঃ যি পৰিয়ালত কেৱল মাক – দেউতাক আৰু তেওঁলোকৰ ল’ৰা ছোৱালী একেলগে থাকে তাক একক পৰিয়াল বোলে ।
( খ ) শশাংকুৱে কিয় ইংগিতেৰে কথা পাতে ?
উত্তৰঃ শশাংকুৱে ভালকৈ কথা ক’ব নোৱাৰে আৰু ভালদৰে শুনা নাপায়।সেইকাৰণে শশাংকুৱে ইংগিতেৰে কথা পাতে ।
( গ ) যৌথ পৰিয়াল বুলিলে কি বুজা ?
উত্তৰঃ যি পৰিয়ালত দুটা তিনিটা সৰু পৰিয়াল লগ হৈ এটা ডাঙৰ পৰিয়াল হৈ থাকে তাক যৌথ পৰিয়াল বোলে । যৌথ পৰিয়াল এটাত ককাক – আইতাক , খুৰাক – খুৰীয়েক , মাক – দেউতাক , বৰদেউতাক বৰ্মাক , পেহীয়েক আৰু তেওঁলোকৰ ল’ৰা – ছোৱালীসমূহ একেলগে থাকে।
( ঘ ) শশাংকুৱে বিদ্যালয় লগৰীয়াৰ লগত কি কি কৰে ?
উত্তৰঃ শশাংকুৱে বিদ্যালয়ত লগৰীয়াৰ লগত পুতলা সজা , সাঁথৰ আৰু কাঠৰ টুকুৰা লগ – লগাই বিভিন্ন ধৰণৰ বস্তু সজা আদি খেল খেলে ।
৪। তলত দিয়া সদস্যসকলৰ সম্পৰ্ক বিচাৰি উলিয়াই ‘ ক ’ অংশৰ লগত ‘ খ ’ অংশ মিলোৱা :
| ‘ক’ | ‘খ’ |
| দেউতাৰ ককায়েক | পেহী |
| ককাৰ দেউতাক | বৰদেউতা |
| দেউতাৰ মাক | মামা |
| মাৰ ভায়েক | ককা |
| দেউতাৰ ভনীয়েক | আইতা |
| মাৰ দেউতাক | আজোককা |
উত্তৰঃ
| ‘ক’ | ‘খ’ |
| দেউতাৰ ককায়েক | বৰদেউতা |
| ককাৰ দেউতাক | আজোককা |
| দেউতাৰ মাক | আইতা |
| মাৰ ভায়েক | মামা |
| দেউতাৰ ভনীয়েক | পেহী |
| মাৰ দেউতাক | ককা |
৫। তোমালোকৰ নিজৰ নিজৰ পৰিয়ালৰ বিষয়ে পাঁচটা বাক্য লিখা ।
উত্তৰঃ ( ১ ) আমাৰ পৰিয়ালটো এটা যৌথ পৰিয়াল ।
( ২ ) আমাৰ পৰিয়ালত মোৰ মা – দেউতা , দাদা , ককা – আইতা , খুৰা – খুৰী আৰু তেওঁলোকৰ ল’ৰা – ছোৱালী আৰু পেহী থাকে ।
( ৩ ) আমাৰ পৰিয়ালৰ মুৰব্বী হ’ল মোৰ ককা ।
( ৪ ) আমাৰ পৰিয়ালৰ প্ৰত্যেকজন সদস্যই মোৰ যথেষ্ট যত্ন লয় ।
( ৫ ) আমাৰ পৰিয়ালটোৰ মাজত মিলা – প্ৰীতি আছে আৰু ইজনে সিজনক বিভিন্ন কামত সহায় – সহযোগিতা কৰি দিয়ে ৷
অতিৰিক্ত প্ৰশ্নোত্তৰ
১। পৰিয়াল কাক বোলে ?
উত্তৰঃ মা – দেউতা , বাই – ভনী , দাদা – ভাইটি সকলো মিলিয়েই হৈছে পৰিয়াল ।
২। পৰিয়ালৰ মুৰব্বী কোন হয় ?
উত্তৰঃ পৰিয়ালৰ জেষ্ঠ্য লোকজনেই পৰিয়ালৰ মুৰব্বী হয় ৷
৩। অনিতাহঁতৰ পৰিয়ালটো ক’ত থাকে ?
উত্তৰঃ অনিতাহঁতৰ পৰিয়ালটো শিৱসাগৰ জিলাৰ নাজিৰাত থাকে ।
৪। অনিতাহঁতৰ পৰিয়ালত কোন কোন আছে ?
উত্তৰঃ অনিতাহঁতৰ পৰিয়ালত অনিতাৰ ককাক – আইতাক , মাক দেউতাক , খুড়াক – খুড়ীয়েক , পেহীয়েক আৰু খুড়াকৰ ল’ৰা জিণ্টু আছে ।
৫। অনিতাই ককাকক কি কামত সহায় কৰি দিয়ে ?
উত্তৰঃ অনিতাই ককাকক আবেলি ফুলনিত পানী দিয়াত সহায় কৰি দিয়ে ।
৬। অনিতাই কাৰ ওচৰত গান শিকে ?
উত্তৰঃ অনিতাই পেহীয়েকৰ ওচৰত গান শিকে ।
৭। অনিতাই কি প্রতিযোগিতাত প্ৰথম পুৰষ্কাৰ পাইছিল ?
উত্তৰঃ অনিতাই বিদ্যালয়ৰ বাৰ্ষিক অধিৱেশনত হোৱা জ্যোতি সংগীত প্রতিযোগিতাত প্ৰথম পুৰষ্কাৰ পাইছিল ।
৮। শশাংকু ক’ত থাকে ?
উত্তৰঃ শশাংকু শোণিতপুৰ জিলাৰ চতিয়াত থাকে।
৯। শশাংকু কোন বিদ্যালয়ত পঢ়ে ?
উত্তৰঃ শশাংকু ঘৰৰ ওচৰতে থকা প্ৰাক্ – প্রাথমিক বিদ্যালয়খনত পঢ়ে।
১০। শশাংকুক ৰাতিপুৱা মাকে কেনেদৰে জগাই দিয়ে ?
উত্তৰঃ শশাংকুক ৰাতিপুৱা মাকে হাতখন জোকাৰি জগাই দিয়ে ।
১১। শশাংকুৱে ৰাতিপুৱা কাৰ লগত খেলে ?
উত্তৰঃ শশাংকুৱে ৰাতিপুৱা দেউতাকৰ লগত নানা ধৰণৰ খেল খেলে ।
১২। শশাংকুৱে কি কাম কৰি ভাল পায় ?
উত্তৰঃ শশাংকুৱে ছবি আঁকি ভাল পায় ?
১৩। শশাংকুৱে কিয় শ্ৰৱণ – যন্ত্ৰ ব্যৱহাৰ কৰে ?
উত্তৰঃ শশাংকুৱে ভালদৰে শুনা নাপায় বাবে শ্ৰৱণ – যন্ত্ৰ ব্যৱহাৰ কৰে ।
১৪। শশাংকুৰ প্রিয় খেল কি ?
উত্তৰঃ ক্রিকেট ।
১৫। শশাংকুৱে ডাঙৰ হ’লে কি হ’ব বিচাৰে ?
উত্তৰঃ শশাংকুৱে ডাঙৰ হ’লে এজন ক্রিকেট খেলুৱৈ হ’ব বিচাৰে ।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
