Class 4 Assamese Chapter 11 ব্রহ্মপুত্ৰ, SEBA Chapter 11 ব্রহ্মপুত্ৰ Class 4 Assamese Question Answer to each chapter is provided in the list of SEBA so that you can easily browse through different chapters and select needs one. Assam Board Class 4 অসমীয়া Question Answer can be of great value to excel in the examination.
ব্রহ্মপুত্ৰ
Chapter – 11
| ক- পাঠভিত্তিক ক্রিয়া |
১। পাঠটো পঢ়া আৰু উত্তৰ দিয়া।
(ক) অসমৰ প্ৰধান নদীখনৰ নাম কি?
উত্তৰঃ অসমৰ প্ৰধান নদীখনৰ নাম ব্রহ্মপুত্র।
(খ) এই নদীখনক নদ বুলি কোৱাৰ কাৰণ কি?
উত্তৰঃ পুৰণি আখ্যান মতে ব্রহ্মপুত্র নদীক নদ বুলি কোৱা হয়। কাৰণ ব্ৰহ্মপুত্র ব্ৰহ্মাৰ পুত্ৰ। ব্ৰহ্মাৰ পুত্ৰ হোৱাৰ বাবে এই নদীক নদ বুলি কোৱা হয়।
(গ) ব্ৰহ্মপুত্র নদীখন ক’ৰ পৰা ওলাইছে?
উত্তৰঃ ব্ৰহ্মপুত্ৰ নদীখন হিমালয় পৰ্বতৰ মানস সৰোবৰৰ পৰা ওলাইছে।
(ঘ) অসমত ব্রহ্মপুত্র নদীক আমি আন কি নামেৰে জানো?
উত্তৰঃ অসমত ব্রহ্মপুত্র নদীক আমি আন লুইত, মহাবাহু ব্ৰহ্মপুত্ৰ, বুঢ়া লুইত নামেৰে জানো।
(ঙ) পৃথিৱীৰ আটাইতকৈ ডাঙৰ নদী-দ্বীপটোৰ নাম কি?
উত্তৰঃ পৃথিৱীৰ আটাইতকৈ ডাঙৰ নদী-দ্বীপটোৰ নাম মাজুলী।
(চ) ব্ৰহ্মপুত্র নদীত প্ৰচুৰ পৰিমাণে কি কি পোৱা যায়?
উত্তৰঃ ব্ৰহ্মপুত্ৰ নদীত প্ৰচুৰ পৰিমাণে মাছ, কাছ, শিশু আদি পোৱা যায়।
(ছ) ব্ৰহ্মপুত্ৰৰ পানী কেতিয়া ওফন্দি উঠে?
উত্তৰঃ বাৰিষা কালত হোৱা ধাৰসাৰ বৰষুণৰ ফলত ব্ৰহ্মপুত্ৰৰ পানী ভাগ ওফন্দি উঠে।
উত্তৰ লিখা।
(ক) ব্ৰহ্মহ্মপুত্র নদীৰ উপনৈবোৰৰ নাম লিখা।
উত্তৰঃ ব্ৰহ্মপুত্ৰ নদীৰ উপনৈবোৰ হ’ল – সোৱণশিৰি, কপিলী, দিচাং, দিখৌ, দিহিং, দিবং, ভোগদৈ, ধনশিৰি, ভৰালী, মানাহ, পাগলাদিয়া, আই নদী আদিয়ে প্রধান।
(খ) ব্ৰহ্মপুত্র নদীৰ পাৰত গঢ়ি উঠা তিনিখন নগৰৰ নাম লিখা।
উত্তৰঃ ব্ৰহ্মপুত্র নদীৰ পাৰত গঢ়ি উঠা তিনিখন নগৰৰ নাম হল ডিব্ৰুগড়, গুৱাহাটী,তেজপুৰ।
(গ) ব্ৰহ্মপুত্ৰ নদীৰ ওপৰত থকা দলং তিনিখনৰ নাম লিখা।
উত্তৰঃ ব্ৰহ্মপুত্ৰ নদীৰ ওপৰত থকা দলং তিনিখনৰ নাম হ’ল- শৰাইঘাট দলং,কলীয়া-ভোমোৰা দলং,নৰ-নাৰায়ণ সেতু।
২। ব্ৰহ্মপুত্ৰক কেন্দ্ৰ কৰি আমাৰ সভ্যতা, সংস্কৃতি কেনেকৈ গঢ় লৈ উঠিছে লিখা।
উত্তৰঃ নদীৰ পাৰত বসবাস কৰা লোকসকলে খাদ্য , পানী, খোৱাৰ বাবে আনকি ব্যৱসায় কৰিবলৈও সিহঁতে নদীৰ পৰা কিছুমান সুবিধা লাভ কৰে। তেনে মাটিত খেতি কৰিবলৈ ভাল হয়। ব্ৰহ্মপুত্ৰ প্ৰকৃততে অসমৰ প্ৰাণ স্বৰূপ জীৱনী শক্তি। মানুহে এনেধৰণৰ পোৱা সুবিধাৰ বাবে ব্ৰহ্মপুত্ৰক কেন্দ্ৰ কৰি আমাৰ সভ্যতা, সংস্কৃতি এনেকৈ গঢ় লৈ উঠিছে ।
৩। শব্দ-সম্ভাৰ আৰু অভিধান চাই অর্থ লিখা।
| ধাৰাসাৰ পৰিবহণ নদীমাতৃক সভ্যতা সংস্কৃতি জীৱিকা অন্যতম ওফন্দি |
উত্তৰঃ (ক) ধাৰাসাৰ – একেৰাহে, নেৰানেপেৰা।
(খ) পৰিবহণ – কঢ়িওৱা।
(গ) নদীমাতৃক – নদীৰ পানীৰ পৰা জীৱিকা নিৰ্ভৰ কৰা।
(ঘ) সভ্যতা – সভ্য লোকৰ আচৰণ।
(ঙ) সংস্কৃতি – ৰীতি- নীতি, উৎসৱ অনুষ্ঠান।
(চ) জীৱিকা – নিজে কৰ্ম কৰি খোৱা।
(ছ) অন্যতম – বহুতৰ মাজত বিশেষ এজন।
(জ) ওফন্দি – ফুলি।
যুক্তাক্ষৰ ভাঙি পঢ়া আৰু লিখা।
ভল্গা ল্গ = ল + গ লই গই ল্গ
ল্গ ল + গ লই গই ল্গ – ভল্গা বল্গা।
ন্ঢ ণ + ঢ ণই ঢই ন্ঢ – সন্ঢালন সন্ঢালনি।
ষ্প ষ + প ষই পই ষ্প – বাষ্প পুষ্প।
ত্ম্য ত + ম + য় তই মই ত্ম তাত য় কাৰে
ত্ম্য — মাহাত্ম্য দৌৰাত্ম্য।
ষ্প্র ষ + প + ৰ ষই পই ষ্প তাত ৰ কাৰে ষ্প্র- নিষ্প্রাণ দুষ্প্রাপ্য।
ষ্ক্র ষ + ক + ৰ ষই কই স্ক তাত ৰ কাৰে ষ্ক্র – নিষ্ক্রিয় নিষ্ক্রান্ত।
ন্ত্ৰ ন + ত + ব নই তই ন্ত তাত ৰ কাৰে ন্ত্র – মন্ত্র যন্ত্র।
যুক্তাক্ষৰ গঠন কৰা।
ল + গ লই গই ল্গ
ণ + ঢ ণই ঢই ন্ঢ
ষ + প ষই পই ষ্প
ত + ম + য় তই মই ত্ম তাত য় কাৰে
ষ + প + ৰ ষই পই ষ্প তাত ৰ কাৰে ষ্প্র
ষ + ক + ৰ যই কই স্ক তাত ৰ কাৰে ষ্ক্র
ন + ত + ৰ নই তই ন্ত তাত ৰ কাৰে ন্ত্ৰ
৪। যুক্তাক্ষৰবোৰেৰে একোটাকৈ শব্দ গঠন কৰা।
(ক) ন্ঢ _______।
(খ) ষ্প________।
(গ) ষ্প্র ________।
(ঘ) ষ্ক্র _________।
(ঙ) ন্ত্র _________।
(চ) ত্ম _________।
উত্তৰঃ (ক) ন্ঢ → সন্ঢালন।
(খ) ষ্প → বাষ্প।
(গ) ষ্প্র → নিষ্প্রাণ।
(ঘ) ষ্ক্র → নিষ্ক্রিয়।
(ঙ) ন্ত্র → যন্ত্র।
(চ) ত্ম → মহাত্মা।
পঢ়োঁ আহা।
ব্রহ্মপুত্ৰত থকা শিহু বর্তমান দুষ্প্রাপ্য হৈ আহিছে।
ব্ৰহ্মপুত্ৰৰ নিচিনা ভল্লাও এখন ডাঙৰ নদী।
সপ্টালনি মানে সকলোবে জনা শুনা।
তাহানিৰে পৰা আমাৰ গীতিকাৰসকলে ব্ৰহ্মপুত্র নদীক লৈ গীত ৰচনা কৰিছে।
৫। যুক্তাক্ষৰ ভাঙি লিখা।
হ্ম — ____ + ____ ।
স্থ — ____ + ____।
ন্তু — ____ + _____।
ন্ত্ৰ – _____ +_____।
ক্ত – _____ + _____।
স্কৃ – _____ + _____।
উত্তৰঃ হ্ম — হ + ম ।
স্থ — স + থ।
ন্তু — ন + ত + উ ।
ন্ত্ৰ – ন + ত + ৰ ।
ক্ত – ক + ত ।
স্কৃ – স + ক + ঋ।
৬। দফাটো পঢ়া আৰু তাত থকা নাম বুজোৱা শব্দবোৰ বাছি উলিয়াই লিখা।
ব্ৰহ্মপুত্র হিমালয় পর্বতৰ মানস সৰোবৰৰ পৰা ওলাইছে। ই বিভিন্ন ঠাইৰ মাজেৰে বৈ আহোঁতে বিভিন্ন নাম লৈছে। অসমত ইয়াক লুইত নামেৰেও জনা যায়।
________ ________ _________ __________
________ ________ _________ __________
উত্তৰঃ ব্ৰহ্মপুত্ৰ, হিমালয়, পর্বত, মানস, অসম, সৰোবৰ, লুইত।
৭। তলত দিয়া বাক্যবোৰৰ আঁচ টনা পদবোৰত লগ লাগি থকা শব্দবিভক্তিবিলাক পৃথক কৰি দেখুওৱা।
অসমৰ বহুতো উপনদী এই নদীত পৰিছে।
উদাহৰণ-
| বাক্যত ব্যৱহাৰ হোৱা ৰূপ | শব্দৰ মূল ৰূপ | যোগ হোৱা শব্দ |
| অসমৰ | অসম | ৰ (অৰ) |
জানো আহা-
| ব্ৰহ্মপুত্র নদীক কেন্দ্ৰ কৰি বহুতো লোকে জীবিকা নির্বাহ কৰে। জীৱিকাৰ বাবে কোনে কি কৰে – মাছমৰীয়াই – মাছ মাৰি জীৱিকা নিৰ্বাহ কৰে। নাৱৰীয়াই – নাও হ’ল জল পৰিৱহণৰ স্থানীয় যান। কাঠ, নির্বাহ কৰে। অনা-নিয়া, বাঁহ, মাটিৰ বাচন আদি সামগ্ৰী কঢ়িওৱা কাম কৰি জীৱিকা নিৰ্বাহ কৰে। ঘাটোৱালে – নৈৰ ঘাট ৰখে; নাও বা জাহাজৰ পৰা উঠা নমাত সহায় কৰে। ফেৰীচালকে – নদীপথত যাতায়াতৰ বাবে ফেৰী চলায়। পানীভাৰীয়ে – ভাৰেৰে পানী কঢ়িয়াই বিতৰণ কৰে। মহলদাৰে – মহল বা খণ্ডৰ কৰ-কাটল সংগ্ৰহ কৰে। |
৮। নদীক কেন্দ্ৰ কৰি গঢ়ি উঠা ব্যৱসায়, জীৱিকাৰ নাম লিখা।
উত্তৰঃ
| ব্যৱসায় | জীৱিকাৰ |
| ১। মাছ মাৰা। | নদীৰ পৰা মাছমৰিয়া সকলে মাছ ধৰি বিক্ৰী কৰে। |
| ২। পানী লোৱা। | নদীৰ পৰা পানী আনি বিভিন্ন কামৰ বাবে বিক্ৰী কৰা। |
| ৩। পানীৰ যাতায়ত ব্যৱস্থা। | নদীৰ ওপৰত জাহাজ , নাও চলাই এঠাইৰ পৰা আনঠাইলৈ লৈ যোৱা তাৰ বিপৰীতে পইচা লোৱা। |
| ৪। মছলদাৰ। | নদীৰ পাৰৰ পৰা শিল, বালি লৈ বিক্ৰী কৰা। |
জানো আহা-
| মাজুলী- পৃথিৱীৰ বৃহত্তম নদী-দ্বীপ মাজুলী। ই অসমৰ গৌৰৱ। এই দ্বীপটো অসমীয়া সংস্কৃতিৰ কেন্দ্রস্থল। অসমৰ বিখ্যাত চাৰি সত্ৰৰ মিলনভূমি মাজুলী হৰিনামৰ বৰভেটি। বিভিন্ন সত্ৰ, থান, নামঘৰেৰে পৰিপূৰ্ণ মাজুলীৰ জনসাধাৰণে শংকৰী কৃষ্টি- সংস্কৃতি জীয়াই ৰাখি ইয়াৰ পৰিবেশ জীপাল কৰি ৰাখিছে। মাজুলী হ’ল সত্রীয়া পৰম্পৰাৰ কেন্দ্ৰস্থল। মাজুলী বিভিন্ন জনগোষ্ঠীৰ সমন্বয়থলী। এনে এখন কৃষ্টি- সংস্কৃতিৰে পৰিপূৰ্ণ মাজুলী বিশ্ব ঐতিহ্য ক্ষেত্রলৈ পর্যৱসিত হ’ব বুলি অসমবাসী আশাবাদী। |
৯। মাজুলীৰ বিষয়ে চমুকৈ লিখা।
উত্তৰঃ মাজুলী- পৃথিৱীৰ বৃহত্তম নদী-দ্বীপ মাজুলী। ই অসমৰ গৌৰৱ। এই দ্বীপটো অসমীয়া সংস্কৃতিৰ কেন্দ্রস্থল। অসমৰ বিখ্যাত চাৰি সত্ৰৰ মিলনভূমি মাজুলী হৰিনামৰ বৰভেটি। বিভিন্ন সত্ৰ, থান, নামঘৰেৰে পৰিপূৰ্ণ মাজুলীৰ জনসাধাৰণে শংকৰী কৃষ্টি- সংস্কৃতি জীয়াই ৰাখি ইয়াৰ পৰিবেশ জীপাল কৰি ৰাখিছে। মাজুলী হ’ল সত্রীয়া পৰম্পৰাৰ কেন্দ্ৰস্থল। মাজুলী বিভিন্ন জনগোষ্ঠীৰ সমন্বয়থলী।
জানি লোৱা-
| ৰচনা হ’ল কোনো এটা বিষয়ৰ বৰ্ণনা বা বিৱৰণ। ৰচনা লিখিবলৈ হ’লে আমি তলত দিয়া ভাগ অনুসৰি লিখিব লাগিব- ১। আৰম্ভণি ২। বিৱৰণ ৩। উপকাৰিতা ৪। অপকাৰিতা ৫। সামৰণি ৰচনা লিখোঁতে এটা কথা মনত ৰাখিবা, সকলো অপকাৰিতা নাথাকে |
১০। গৰুৰ বিষয়ে তলৰ বাক্যকেইটা ৰচনাৰ ক্ৰমত সজাই লিখা।
গৰুৰ নেজ এডাল। গাই গৰুৱে গাখীৰ দিয়ে। গৰু বিভিন্ন বৰণৰ আছে। গৰুৰ প্ৰধান আহাৰ ঘাঁহ। প্রবাদ আছে, “যাব নাই গৰু সি সবাতোকৈ সৰু।” গোবৰ সাৰ হিচাপে ব্যৱহাৰ কৰা হয়। গৰুৰ কাণ দুখন, চকু দুটা। বলধ গৰুৰে হাল বায় আৰু মৰণা মাৰে। গৰু উপকাৰী জন্তু। ই শান্ত প্রকৃতিৰ। গৰু এবিধ চাৰিঠেঙীয়া ঘৰচীয়া জন্তু।
উত্তৰঃ গৰু এবিধ চাৰিঠেঙীয়া ঘৰচীয়া জন্তু। গৰুৰৰ কাণ দুখন, চকু দুটা। গৰুৰ নেজ এডাল। গৰু বিভিন্ন বৰণৰ আছে। গৰু প্ৰধান খাদ্য ঘাঁহ। বলধ গৰুৱে হাল বায় মৰণা মাৰে আৰু গাই গৰুৱে গাখীৰ দিয়ে। গৰুৰৰ গোবৰক আমি সাৰ হিচাপে ব্যৱহাৰ কৰোঁ। গৰু উপকাৰী জন্তু। প্রবাদ আছে, “যাব নাই গৰু সি সবাতোকৈ সৰু।
১১। নদীৰ উপকাৰিতা আৰু অপকাৰিতাৰ বিষয়ে লিখা।
| উপকাৰীতা | অপকাৰীতা |
উত্তৰঃ
| উপকাৰীতা | অপকাৰীতা |
| নদীৰ পৰা আমি মাছ মাৰি নিজে খাব পাৰো আৰু ব্যৱসায়ো কৰিব পাৰো। | অধিক পৰিমাণে নদীত পানী হলে মানুহৰ ঘৰ দুৱাৰ, গছ-গছনি,গৰু, ছাগলী, কুকুৰা আদি মৰে আৰু মানুহৰ বিভিন্ন ধৰণৰ সমস্যা সন্মুখীন হয়। |
| নদীৰ পৰা যাতায়ত ব্যৱস্থা সহজ হয়। | নদীত পানী অদিক হলে যান বাহন নচলে। |
| নদীৰ পৰা আমি খেতিৰ বাবে পানী ব্যৱস্থা ভাল হয়। | নদীৰ পাৰৰ খেতি পথাৰ পানী ডুবাই নষ্ট কৰে। |
| নদীৰ পানীৰ মাটি সাৰুৱা বাবে তাত শস্য খেতি ভাল হয়। | নদীৰ পাৰ ভাঙি বানপানীৰ সৃষ্টি কৰে। |
| নদীত আমি গাহ ধো , কাপোৰ কানি ধো আৰু বিভিন্ন ধৰণৰ কামৰ বাবে ব্যৱহাৰ হয়। | নদীৰ পানীয়ে কেতিয়াবা বালিচৰ পেলায়। |
জানো আহা-
| প্রকৃতিৰ কোনো বিপর্যয়কে মানুহে বাধা দিব নোৱাৰে। আগতীয়াকৈ সাৱধানতা অৱলম্বন কৰিলে সেইবোৰৰ পৰা হ’ব পৰা অনিষ্ট কিছু লাঘৱ কৰিব পাৰি। তেনে কিছুমান দুর্যোগ হ’ল- ভূমিকম্প, বানপানী, ধুমুহা-বতাহ, জুনামি, খৰাং বতৰ আদি। |
১২। নাৱৰীয়া, আৰক্ষী, ডুবাৰু, অগ্নিনির্বাপক বাহিনী, ডাক্তৰ- -এইসকল তলত উল্লেখ কৰা কি কি কামৰ লগত জড়িত লিখা।
(ক) কোনোবা পানীত ডুবিলে উদ্ধাৰ কৰে________।
(খ) জুই লাগিলে নুমুওৱাত সহায় কৰে__________।
(গ) নদী ইপাৰ-সিপাৰ কৰোৱায়______________।
(ঘ) আইন শৃঙ্খলা ৰক্ষা কৰে________________।
(ঙ) ৰোগীক চিকিৎসা কৰে_________________।
উত্তৰঃ (ক) কোনোবা পানীত ডুবিলে উদ্ধাৰ কৰে – ডুবাৰু।
(খ) জুই লাগিলে নুমুওৱাত সহায় কৰে ― অগ্নি নির্বাপক বাহিনী।
(গ) নদী ইপাৰ-সিপাৰ কৰোৱায় – নাৱৰীয়া
(ঘ) আইন শৃঙ্খলা ৰক্ষা কৰে ― আৰক্ষীয়ে।
(ঙ) ৰোগীক চিকিৎসা কৰে – চিকিৎসকে।
১৩। ব্রহ্মপুত্রক লৈ লিখা কবিতা আৰু গীত সংগ্ৰহ কৰি সেইবোৰৰ এখন পুস্তিকা প্রস্তুত কৰা।
উত্তৰঃ ছাত্ৰ- ছাত্ৰী নিজে কৰা।
১৪। অসমৰ মানচিত্রখন সংগ্ৰহ কৰা আৰু তাত থকা ব্ৰহ্মপুত্র নদীৰ দুয়োপাৰে কি কি চহৰ-নগৰ গঢ়ি উঠিছে চাই চাই লিখা।
উত্তৰঃ (ক) উত্তৰ পাৰৰ চহৰ-নগৰ –
১। ধুবুৰী।
২। বঙাইগাওঁ।
৩। বৰপেটা।
৪। তেজপুৰ।
৫। লক্ষীমপুৰ।
৬। ধেমাজী।
(খ) দক্ষিণ পাৰৰ নগৰ-চহৰ –
১। গোৱালপাৰা।
২। গুৱাহাটী।
৩। মৰিগাঁও।
৪। কলিয়াবৰ।
৫। গোলাঘাট।
৬। যোৰহাট।
৭। শিৱসাগৰ।
৮। ডিব্ৰুগড়।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
