Class 9 Elective Geography Additional Chapter 4 জন-বসতি Extra Question answer to each chapter is provided in the list so that you can easily browse throughout different chapters SEBA Class 9 Elective Geography Additional Chapter 4 জন-বসতি Notes and select need one.
Class 9 Elective Geography Additional Chapter 4 জন-বসতি
Also, you can read the SCERT book online in these sections Solutions by Expert Teachers as per SCERT (CBSE) Book guidelines. These solutions are part of SCERT All Subject Solutions. Here we have given Assam Board Class 9 Elective Geography Additional Chapter 4 জন-বসতি Solutions for All Subject, You can practice these here.
জন-বসতি
Chapter – 4
ELECTIVE GEOGRAPHY
| ADDITIONAL QUESTION ANSWER |
১। জন বসতি কাক বোলে?
উত্তৰঃ মানুহৰ জীৱন নিৰ্বাহ কৰিবলৈ সৃষ্টি কৰা স্থায়ী বা অস্থায়ী বসবাসৰ ঠাইকে জন বসতি বোলে।
২। বসতি ভূগোল কাক বোলে?
উত্তৰঃ ভূগোলৰ যি শাখাত মানুহৰ বসতি, বসতিৰ বিস্তাৰ আৰু ইয়াৰ লগত জড়িত প্ৰাকৃতিক, সাংস্কৃতিক আৰু আৰ্থ-সামাজিক কাৰকসমূহ অধ্যয়ন কৰা হয় তাকে বসতি ভূগোল বোলে।
৩। বসতি ভূগোলৰ জন্মদাতা কাক বোলে?
উত্তৰঃ বসতি ভূগোলৰ জন্মদাতা হৈছে পৃথিৱীৰ বিখ্যাত জাৰ্মান ভূগোলবিদ কাৰ্ল ৰিটাৰ।
৪। আৰ্হি বা আকাৰ অনুসৰি বসতিক প্ৰধানকৈ কেইটা শ্রেণীত বিভক্ত কৰিব পাৰি?
উত্তৰঃ আৰ্হি বা আকাৰ অনুসৰি বসতিক প্ৰধানকৈ দুটা শ্রেণীত বিভক্ত কৰিব পাৰি।
৫। আৰ্হি বা আকাৰ অনুসৰি বসতিৰ শ্ৰেণী দুটা কি?
উত্তৰঃ আৰ্হি বা আকাৰ অনুসৰি বসতিৰ শ্ৰেণী দুটা হৈছে বিৰল বসতি আৰু কেন্দ্ৰীভূত বসতি।
৬। বৃত্তাকাৰ বসতি কাক বোলে?
উত্তৰঃ মানুহে যেতিয়া হ্ৰদ, বিল নাইবা ডাঙৰ পুখুৰীৰ কেওকাষে ঘৰ-দুৱাৰ নিৰ্মাণ কৰি এক ঘূৰণীয়া আকৃতিৰ বসতি স্থাপন কৰে তাকে বৃত্তাকাৰ বসতি বোলে।
৭। ত্ৰিভূজাকাৰ বসতি কাক বোলে?
উত্তৰঃ যেতিয়া দুখন বৃহৎ নৈৰ সংগমস্থলত পানীৰ সুবিধা আৰু পলসুৱা মাটিৰ উপলব্ধতাক কেন্দ্ৰ কৰি অঞ্চলটোত এক ত্ৰিভূজ আকৃতিৰ জনবসতি গঢ়ি উঠে, তাকে ত্ৰিভূজাকাৰ বসতি বোলে।
৮। বসতি শ্ৰেণীক্ৰম কাক বোলে?
উত্তৰঃ গ্ৰাম্য আৰু পৌৰ সকলোধৰণৰ বসতিক আকাৰ অনুসৰি যেতিয়া সৰুৰ পৰা ডাঙৰলৈ এটা নিৰ্ধাৰণ ক্ৰমত সজোৱা হয় তাকে বসতি শ্ৰেণীক্ৰম বোলে।
৯। ডক্সিয়াডিছ নামৰ এজন ভূগোলবিদৰ মতে জনবসতি এটাত কেইটা উপাংশ থাকে?
উত্তৰঃ ডক্সিয়াডিছ নামৰ এজন ভূগোলবিদৰ মতে জনবসতি এটাত চাৰিটা উপাংশ থাকে।
১০। জনবসতি এটাত থকা চাৰিটা উপাংশ কি?
উত্তৰঃ জনবসতি এটাত থকা চাৰিটা উপাংশ হ’ল—
(ক) সমাংগ অংশ।
(খ) কেন্দ্ৰীয় অংশ।
(গ) পৰিসংচাৰী অংশ।
(ঘ) বিশেষ অংশ।
১১। বসতি ভূগোল কি?
উত্তৰঃ বসতি ভূগোল হৈছে মানৱ ভূগোলৰ এটা শাখা।
১২। বসতিত বাস কৰা জনসংখ্যাৰ জীৱিকাৰ ওপৰত নিৰ্ভৰ কৰি বসতিক প্ৰধানকৈ কেইটা ভাগত ভাগ কৰিব পাৰি?
উত্তৰঃ বসতিত বাস কৰা জনসংখ্যাৰ জীৱিকাৰ ওপৰত নিৰ্ভৰ কৰি বসতিক প্ৰধানকৈ দুটা ভাগত ভাগ কৰিব পাৰি।
১৩। বসতিত বাস কৰা জনসংখ্যাৰ জীৱিকাৰ ওপৰত নিৰ্ভৰ কৰি বসতিৰ ভাগ দুটা কি কি?
উত্তৰঃ বসতিত বাস কৰা জনসংখ্যাৰ জীৱিকাৰ ওপৰত নিৰ্ভৰ কৰি বসতিৰ ভাগ দুটা হ’ল—
(ক) গ্ৰাম্য বসতি।
(খ) পৌৰ বসতি।
১৪। পানীক কেন্দ্ৰ কৰি গঢ়ি উঠা বসতি কি?
উত্তৰঃ পানীক কেন্দ্ৰ কৰি গঢ়ি উঠা বসতি হৈছে বৃত্তাকাৰ বসতি।
১৫। গ্ৰাম্য বসতি কি?
উত্তৰঃ গ্ৰাম্য বসতি হৈছে গাঁৱ অঞ্চলত বসবাস কৰা লোকসকল।
১৬। পৌৰ বসতি কি?
উত্তৰঃ পৌৰ বসতি হৈছে চহৰ অঞ্চলত বসবাস কৰা লোকসকল।
১৭। বৃত্তি হিচাপে নগৰীয়া মানুহৰ প্ৰধান জীৱিকা কি?
উত্তৰঃ বৃত্তি হিচাপে নগৰীয়া মানুহৰ প্ৰধান জীৱিকা শিল্প, ব্যৱসায়-বাণিজ্য আৰু চাকৰি।
১৮। কেন্দ্ৰীভূত বসতিৰ ভাগ কেইটা কি?
উত্তৰঃ কেন্দ্ৰীভূত বসতিৰ ভাগ কেইটা হৈছে—
(ক) আয়তাকাৰ বসতি।
(খ) ৰৈখিক বসতি।
(গ) বৃত্তাকাৰ বসতি।
(ঘ) তৰাৰূপী বসতি।
(ঙ) ত্ৰিভূজাকাৰ বসতি।
১৯। বিশ্বৰ সৰ্বপ্ৰথম মহানগৰী কোনখন?
উত্তৰঃ বিশ্বৰ সৰ্বপ্ৰথম মহানগৰী হৈছে লণ্ডন চহৰ।
২০। তৰাৰূপী বসতি কাক বোলে?
উত্তৰঃ যেতিয়া কোনো ঠাইত কেইবা দিশৰ পৰা আহি সংলগ্ন হোৱা পকী বা কেঁচা বাট-পথৰ দুয়ো কাষে ঘৰ-দুৱাৰ নিৰ্মাণ কৰি তৰাৰ পোহৰৰ বিচ্চুৰণৰ দৰে জনবসতিৰ বিস্তাৰ ঘটে, তেতিয়া তাক তৰাৰূপী বসতি বোলে।
২১। উপনগৰীয় অঞ্চল কাক বোলে?
উত্তৰঃ ডাঙৰ নগৰ বা মহানগৰৰ উপকন্ঠ অঞ্চলত যেতিয়া নগৰীয়া কাৰ্যকলাপৰ প্ৰভাৱত ভূমিদৃশ্য সলনি হৈ নগৰীয় অৱস্থাৰ ফালে ঢাল খায়, তেতিয়া সেই অঞ্চলটোক উপনগৰীয়া অঞ্চল বোলে।
২২। ৰৈখিক বসতি কি?
উত্তৰঃ ৰৈখিক বসতি এবিধ চকুত লগা ধৰণৰ বসতি।
২৩। গ্ৰাম্য বসতি অঞ্চলত প্ৰায় কিমান শতাংশ লোক কৃষিকাৰ্যত নিয়োজিত হৈ জীৱন নিৰ্বাহ কৰে?
উত্তৰঃ গ্ৰাম্য বসতি অঞ্চলত প্ৰায় ৭৫ শতাংশ লোক কৃষিকাৰ্যত নিয়োজিত হৈ জীৱন নিৰ্বাহ কৰে।
২৪। গ্ৰাম্যঞ্চলত কেই প্ৰকাৰৰ জনবসতিৰ আৰ্হি দেখা যায়?
উত্তৰঃ গ্ৰাম্যঞ্চলত চাৰি প্ৰকাৰৰ জনবসতিৰ আৰ্হি দেখা যায়।
২৫। গ্রাম্যঞ্চলত জনবসতিৰ চাৰি প্ৰকাৰৰ আৰ্হি কি?
উত্তৰঃ গ্রাম্যঞ্চলত জনবসতিৰ চাৰি প্ৰকাৰৰ আৰ্হি হৈছে—
(ক) ৰৈখিক বসতি।
(খ) ব্যজনাকৃতি বসতি।
(গ) ঘূৰণীয়া বসতি আৰ্হি।
(ঘ) জুপুৰী ঘৰ সৰু গাঁও বসতি।
২৬। ৰেলবাট, আলিবাট, নদীৰ কাষে কাষে হোৱা জনবসতিক কি বোলে?
উত্তৰঃ ৰেলবাট, আলিবাট, নদীৰ কাষে কাষে হোৱা জনবসতিক ৰৈখিক বসতি বোলে।
২৭। দাৰ্জিলিং আৰু শিলগুৰিৰ মধ্যস্থানত কি অৱস্থিত?
উত্তৰঃ দাৰ্জিলিং আৰু শিলগুৰিৰ মধ্যস্থানত কাৰ্চিয়াং অৱস্থিত।
২৮। আদিম মানুহৰ প্ৰধান জীৱিকা কি আছিল?
উত্তৰঃ আদিম মানুহৰ প্ৰধান জীৱিকা আছিল চিকাৰ কৰা।
২৯। বৰফৰ টুকুৰাৰে নিৰ্মিত এস্কিমোসকলৰ ঘৰবিলাকক কি বোলে?
উত্তৰঃ বৰফৰ টুকুৰাৰে নিৰ্মিত এস্কিমোসকলৰ ঘৰবিলাকক ইগলু বোলে।
৩০। গুৱাহাটী আৰু শ্বিলঙৰ মাজত কি অৱস্থিত?
উত্তৰঃ গুৱাহাটী আৰু শ্বিলঙৰ মাজত নংপো অৱস্থিত।
