ৰত্নকান্ত বৰকাকতী (Ratnakanta Borkakati) অসমীয়া সাহিত্যৰ নৱন্যাস যুগৰ অন্যতম প্ৰতিভাৱান কবি। তেওঁৰ সাহিত্যিক যাত্ৰা আৰম্ভ হৈছিল “শেৱালি’’ নামৰ কবিতা সংকলনৰ মাজেৰে, যাৰ ফলত তেওঁ “শেৱালি কবি’’ হিচাপে পৰিচিতি লাভ কৰে। কবিতাৰ কোমল অনুভূতি আৰু প্ৰকৃতিৰ সূক্ষ্ম বৰ্ণনাই পাঠকৰ মন আকৰ্ষণ কৰিছিল। অসমৰ সাহিত্যক্ষেত্ৰত তেওঁৰ অৱদান উল্লেখযোগ্য। সাহিত্যৰ সংগঠনমূলক ক্ষেত্ৰতো তেওঁৰ ভূমিকা গৌৰৱজনক। তেওঁ অসম সাহিত্য সভাৰ নাজিৰা অধিৱেশনৰ সভাপতি পদ অলংকৃত কৰিছিল।
- নাম : ৰত্নকান্ত বৰকাকতী
- জন্ম : ২০ জুন, ১৮৯৭
- জন্মস্থান : ধিং, নগাঁও, অসম
- পিতৃ : ভূধৰ বৰকাকতী
- পেচা : সাহিত্যিক, কবি, সমালোচক
- উল্লেখযোগ্য কৃতি : শেৱালি, তৰ্পণ, চন্দ্ৰহাৰ
- অৱদান : কবিতা, সমালোচনা, নাটক, অনুবাদ
- স্বীকৃতি : অসম সাহিত্য সভাৰ সভাপতি (১৯৬৩)
- মৃত্যু : ১৯৬৩ চন
ৰত্নকান্ত বৰকাকতী (Ratnakanta Borkakati) ৰ জন্ম, জীৱন পৰিচয়
অসমীয়া সাহিত্যৰ নৱন্যাস যুগৰ অন্যতম কবি ৰত্নকান্ত বৰকাকতী ১৮৯৭ চনৰ ২০ জুন তাৰিখে নগাঁও জিলাৰ ধিং মৌজাৰ আঠগাঁৱত জন্মগ্ৰহণ কৰে। তেওঁৰ পিতৃ আছিল ভূধৰ বৰকাকতী। অতি কম বয়সৰে পৰা সাহিত্যৰ সৈতে গভীৰভাবে জড়িত হৈ পৰিছিল তেওঁ। সাহিত্যৰ গতি প্ৰৱাহত নতুন চিন্তা আৰু গীতিময়তা তিনি সজাই তোলাত বৰকাকতীৰ অৱদান অপৰিসীম। তেওঁৰ প্ৰথম কবিতা সংকলন “শেৱালি” প্ৰকাশিত হোৱাৰ লগে লগে তেওঁ শেৱালি কবি হিচাপে খ্যাতি লাভ কৰে।
ৰত্নকান্ত বৰকাকতী (Ratnakanta Borkakati) ৰ শিক্ষা জীৱন
বৰকাকতীয়ে প্ৰথমে ধিঙৰ প্ৰাথমিক বিদ্যালয়ত শিক্ষা আৰম্ভ কৰে। তাৰপিছত নগাঁৱৰ চৰকাৰী হাইস্কুলৰ পৰা ১৯১৫ চনত প্ৰৱেশিকা পৰীক্ষাত উত্তীৰ্ণ হয়। উচ্চ শিক্ষাৰ বাবে তেওঁ গুৱাহাটীস্থিত কটন কলেজত নাম ভৰ্তি কৰে। পিছত কলিকতাৰ রিপন কলেজ আৰু সংস্কৃত কলেজত শিক্ষাগ্ৰহণ কৰিবলৈ গৈছিল। কিন্তু পৰিয়ালৰ দুৰ্যোগ আৰু ব্যক্তিগত অসুস্থতাৰ বাবে শিক্ষাজীৱন সঠিকভাৱে আগুৱাব নোৱাৰিলে। ইয়াৰ পাছতো তেওঁ হুগলী কলেজত নাম ভৰ্তি কৰিছিল যদিও ১৯২০ চনৰ অসহযোগ আন্দোলনত সক্ৰিয় অংশগ্ৰহণ কৰিবলৈ শিক্ষাজীৱন একেবাৰে এৰি দিয়ে।
ৰত্নকান্ত বৰকাকতী (Ratnakanta Borkakati) ৰ কৰ্মজীৱন
পঢ়া এৰি আহি ১৯১৭ চনত বৰকাকতীয়ে প্ৰথমে নলবাৰী হাইস্কুলত শিক্ষক হিচাপে যোগদান কৰে। তাৰপিছত ধিং মৌজাৰ এক্টিং মৌজাদাৰ হিচাপে ১৯২৪-১৯২৭ চনৰ ভিতৰত কৰ্মৰত থাকে। পিছত তেওঁ কৃষি আৰু মৌজাদাৰী কাৰ্যত সম্পূৰ্ণভাৱে নিয়োজিত হয় আৰু ১৯৩৩ চনৰ পাছত জীৱনৰ অন্ত পৰ্যন্ত এই কামতে সক্ৰিয় থাকে।
ৰত্নকান্ত বৰকাকতী (Ratnakanta Borkakati) ৰ সাহিত্যিক অৱদান
অতি কম বয়সতে সাহিত্যৰ জগতলৈ প্ৰৱেশ কৰা ৰত্নকান্ত বৰকাকতীয়ে “উষা” আলোচনীৰ জৰিয়তে কবিতা প্ৰকাশ কৰি সাহিত্যজীৱন আৰম্ভ কৰে। তাৰপিছত বাঁহী আৰু চেতনা আলোচনীতো তেওঁৰ গীতিকবিতা প্ৰকাশিত হয়। সাহিত্যাচাৰ্য যজ্ঞেশ্বৰ শৰ্মাই তেওঁৰ কবিতাক পাঁচ ভাগত ভাগ কৰিছে –
- প্ৰেম আৰু ভালপোৱাৰ কবিতা
- কবি আৰু কাব্য সম্বন্ধীয় কবিতা
- শোকৰ কবিতা
- পৌৰাণিক আৰু ঐতিহাসিক কবিতা
- জীৱন সম্বন্ধীয় কবিতা
সাহিত্য সমালোচক হিচাপেও তেওঁ উল্লেখযোগ্য ভূমিকা পালন কৰিছিল। বিশেষকৈ লক্ষ্মীনাথ বেজবৰুৱাৰ ডালিমী চৰিত্ৰৰ ওপৰত লিখা তেওঁৰ সমালোচনামূলক ৰচনা আজিও মূল্যৱান।
প্ৰকাশিত গ্ৰন্থসমূহ
- শেৱালি (১৯৩২) – কবিতা সংকলন
- তৰ্পণ (১৯৫৩) – কবিতা সংকলন
- চন্দ্ৰহাৰ (১৯৬৩) – কবিতা সংকলন
- আলাপ (১৯১৯) – আলোচনীমূলক ৰচনা
- হিন্দু স্বৰাজ (১৯২৩) – ৰচনা
- Our Script Question (১৯৫৩) – গ্ৰন্থ
- লিপি প্ৰশ্ন (১৯৫৬) – সাহিত্য সমালোচনা
- অলকা আৰু চিত্ৰলেখা – নাটক
- ৰুবায়েতৰ অসমীয়া ভাঙনি (৫০ টা)
স্বীকৃতি আৰু সন্মান
- ১৯৬৩ চনত নাজিৰা অধিৱেশনত অনুষ্ঠিত অসম সাহিত্য সভাৰ সভাপতি হিচাপে মনোনীত।
মৃত্যু
দীৰ্ঘ সাহিত্যসেৱাৰ অন্তত ১৯৬৩ চনত ৰত্নকান্ত বৰকাকতীৰ মৃত্যু হয়। তেওঁৰ মৃত্যুতে অসমীয়া সাহিত্য এক ধৰণৰ শূন্যতাৰ সৃষ্টি হৈছিল। তথাপিও “শেৱালি কবি”ৰ কবিতা আৰু সাহিত্যিক অবদান আজিও পাঠকৰ হৃদয়ত অম্লান হৈ আছে।
FAQs
1. ৰত্নকান্ত বৰকাকতী কেতিয়া আৰু ক’ত জন্মগ্ৰহণ কৰিছিল?
উত্তৰ: ১৮৯৭ চনৰ ২০ জুন নগাঁও জিলাৰ ধিং মৌজাৰ আঠগাঁৱত।
2. ৰত্নকান্ত বৰকাকতী কেনেকৈ “শেৱালি কবি” হিচাপে খ্যাতি লাভ কৰিলে?
উত্তৰ: তেওঁৰ প্ৰথম কবিতা সংকলন “শেৱালি” প্ৰকাশিত হোৱাৰ পাছত।
3. ৰত্নকান্ত বৰকাকতী কোন সাহিত্যিক সংগঠনৰ সভাপতি আছিল?
উত্তৰ: ৰত্নকান্ত বৰকাকতী অসম সাহিত্য সভাৰ (১৯৬৩, নাজিৰা অধিৱেশন) ৰ সভাপতি আছিল।
4. তেওঁৰ উল্লেখযোগ্য গ্ৰন্থসমূহ কোনবোৰ?
উত্তৰ: শেৱালি, তৰ্পণ, চন্দ্ৰহাৰ, Our Script Question, লিপি প্ৰশ্ন আদি।
5. ৰত্নকান্ত বৰকাকতীৰ মৃত্যু কেতিয়া হৈছিল?
উত্তৰ: ১৯৬৩ চনত।
Read also: Surya Kumar Bhuyan Biography | সূৰ্য্যকুমাৰ ভূঞাৰ জীৱনী
My self Mahezubin Saikia. Working in Dev Library as a Content Writer. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Health, Finance, Biography, Quotes, Study Materials, and more.
Buy Now
