SEBA Class 7 Science Important Chapter 1 আমাৰ চাৰিওফালৰ ভৌতিক আৰু ৰাসায়নিক পৰিৱৰ্তন

SEBA Class 7 Science Important Chapter 1 আমাৰ চাৰিওফালৰ ভৌতিক আৰু ৰাসায়নিক পৰিৱৰ্তন Question Answer Assamese Medium As Per SCERT New Syllabus to each chapter is provided in the list so that you can easily browse through different chapters SEBA Class 7 Science Important Chapter 1 আমাৰ চাৰিওফালৰ ভৌতিক আৰু ৰাসায়নিক পৰিৱৰ্তন Solutions and select need one. SEBA Class 7 Science Additional Notes in Assamese Download PDF. SCERT Class 7 Science Important Solutions New Textbook in Assamese.

SEBA Class 7 Science Important Chapter 1 আমাৰ চাৰিওফালৰ ভৌতিক আৰু ৰাসায়নিক পৰিৱৰ্তন

Also, you can read the NCERT book online in these sections Solutions by Expert Teachers as per Central Board of Secondary Education (CBSE) Book guidelines. SCERT Class 7 Amar Bijnan (Science) Additional Solutions are part of All Subject Solutions. Here we have given SCERT Class 7 Amar Bijnan (Science) Important Question Answer for All Chapters, You can practice these here.

আমাৰ চাৰিওফালৰ ভৌতিক আৰু ৰাসায়নিক পৰিৱৰ্তন

Chapter: 1

IMPORTANT QUESTION ANSWER

চমু প্ৰশ্ন উত্তৰ:

১। ভৌতিক পৰিৱৰ্তন কাক বোলে?

উত্তৰঃ যিবোৰ পৰিৱৰ্তনত পদাৰ্থৰ কেৱল ভৌতিক ধৰ্ম যেনে- পদাৰ্থৰ আকৃতি, আকাৰ বা অৱস্থাৰ সলনি হয় কিন্তু কোনো নতুন পদাৰ্থৰ সৃষ্টি নহয়, তেনে পৰিৱৰ্তনক ভৌতিক পৰিৱৰ্তন বোলে।

২। ৰাসায়নিক পৰিৱৰ্তন কাক বোলে?

উত্তৰঃ যিবোৰ পৰিৱৰ্তনত এক বা ততোধিক নতুন পদাৰ্থৰ সৃষ্টি হয়, তেনে পৰিৱৰ্তনক ৰাসায়নিক পৰিৱৰ্তন বোলে।

৩। ভৌতিক পৰিৱৰ্তনৰ দুটা উদাহৰণ দিয়া।

উত্তৰঃ দুটা উদাহৰণ হ’ল— কাগজ এখন ফালি টুকুৰা টুকুৰ কৰা আৰু ৰবৰবেণ্ড এডাল টানি দীঘল কৰা।

৪। মামৰে ধৰা মানে কি?

উত্তৰঃ মামৰে ধৰা হৈছে এক ৰাসায়নিক পৰিৱৰ্তন য’ত লোহাই অক্সিজেন আৰু জলীয় বাষ্পৰ লগত বিক্ৰিয়া কৰি আইৰন অক্সাইড নামৰ এবিধ ৰঙা-মুগা বৰণৰ পদাৰ্থ উৎপন্ন কৰে, যাক মামৰ বুলি কোৱা হয়।

৫। ভিনেগাৰ আৰু বেকিং ছ’ডাৰ বিক্ৰিয়াত কি গেছ উৎপন্ন হয়?

উত্তৰঃ ভিনেগাৰ আৰু বেকিং ছ’ডাৰ বিক্ৰিয়াত কাৰ্বন ডাইঅক্সাইড গেছ উৎপন্ন হয়।

৬। দহনৰ সংজ্ঞা দিয়া।

উত্তৰঃ যি ৰাসায়নিক বিক্ৰিয়াত কোনো পদাৰ্থই অক্সিজেনৰ সৈতে লগ লাগি তাপ আৰু পোহৰ উৎপন্ন কৰে, তাক দহন বোলা হয়।

৭। জ্বলন উষ্ণতা কাক বোলে?

উত্তৰঃ যি নিম্নতম উষ্ণতাত পদাৰ্থ এটাত জুই লাগে বা জ্বলি উঠে, তাকেই ইয়াৰ জ্বলন উষ্ণতা বা প্ৰজ্বলাংক বোলে।

৮। বিচূৰ্ণীভৱন কি?

উত্তৰঃ বিচূৰ্ণীভৱন হৈছে এক লেহেমীয়া প্ৰাকৃতিক প্ৰক্ৰিয়া যাৰ দ্বাৰা বৃহৎ শিলবোৰ ভাঙি সৰু সৰু টুকুৰা বা গেদলৈ পৰিৱৰ্তিত হয়।

৯। খহনীয়া কাক বোলে?

উত্তৰঃ পানী, বতাহ আদি প্ৰাকৃতিক শক্তিৰ দ্বাৰা মাটি আৰু শিলবোৰ ভাঙি এঠাইৰ পৰা আন ঠাইলৈ কঢ়িয়াই নিয়া বা স্থানান্তৰ হোৱা প্ৰক্ৰিয়াটোক খহনীয়া বোলা হয়।

১০। অপ্ৰত্যাৱৰ্তী পৰিৱৰ্তন কি?

উত্তৰঃ যিবোৰ পৰিৱৰ্তনত মূল পদাৰ্থক আকৌ আগৰ ৰূপত ঘূৰাই পাব নোৱাৰি বা যি স্থায়ী প্ৰকৃতিৰ, তাক অপ্ৰত্যাৱৰ্তী পৰিৱৰ্তন বোলে।

দীঘল প্ৰশ্ন উত্তৰ:

১। চুণৰ পানীত উশাহৰ বায়ু ফুঁৱাই দিলে হোৱা পৰিৱৰ্তনটোক কিয় ৰাসায়নিক পৰিৱৰ্তন বুলি ধৰা হয়? ব্যাখ্যা কৰা। 

উত্তৰঃ যেতিয়া আমি চুণৰ পানীত নিশাহৰ বায়ু ফুঁৱাই দিওঁ, আমাৰ উশাহত থকা কাৰ্বন ডাইঅক্সাইডে চুণৰ পানীৰ (কেলছিয়াম হাইড্ৰ’ক্সাইড) লগত বিক্ৰিয়া কৰি কেলছিয়াম কাৰ্বনেট নামৰ এবিধ নতুন বগা পদাৰ্থ উৎপন্ন কৰে। এই কেলছিয়াম কাৰ্বনেট পানীত অদ্ৰৱণীয় হোৱাৰ বাবে চুণৰ পানীখিনি গাখীৰৰ দৰে বগা বা ঘোলা হৈ পৰে। যিহেতু এই প্ৰক্ৰিয়াত ভিন্ন ধৰ্মবিশিষ্ট এটা নতুন পদাৰ্থৰ সৃষ্টি হয়, সেয়েহে ই এটা ৰাসায়নিক পৰিৱৰ্তন।

২। তুমি ভৌতিক আৰু ৰাসায়নিক পৰিৱৰ্তনৰ মাজত কেনেকৈ পাৰ্থক্য উলিয়াবা?

উত্তৰঃ ভৌতিক পৰিৱৰ্তনত পদাৰ্থটো সলনি হৈ কোনো নতুন পদাৰ্থৰ সৃষ্টি নহয়; কেৱল ইয়াৰ বাহ্যিক ৰূপ, আকৃতি বা অৱস্থাৰহে সলনি হয় আৰু এই পৰিৱৰ্তনবোৰ প্ৰায়ে অস্থায়ী বা প্ৰত্যাৱৰ্তী হয়। আনহাতে, ৰাসায়নিক পৰিৱৰ্তনত সদায় ৰাসায়নিক বিক্ৰিয়াৰ জৰিয়তে এক বা একাধিক নতুন পদাৰ্থৰ সৃষ্টি হয় আৰু এই পৰিৱৰ্তনবোৰ সাধাৰণতে স্থায়ী হয় তথা সহজে ওলোতাব নোৱাৰি।

৩। মামৰে ধৰা প্ৰক্ৰিয়াটো বৰ্ণনা কৰা আৰু ই কিয় ক্ষতিকাৰক ব্যাখ্যা কৰা।

উত্তৰঃ যেতিয়া লোৰ সামগ্ৰীবোৰ বহুদিন ধৰি বতাহত থকা অক্সিজেন আৰু জলীয় বাষ্পৰ সংস্পৰ্শলৈ আহে, তেতিয়া ৰাসায়নিক বিক্ৰিয়া ঘটি লোৰ ওপৰত আইৰন অক্সাইডৰ এটা তৰপ পৰে। ইয়াকে মামৰে ধৰা বোলে। ই এটা ৰাসায়নিক পৰিৱৰ্তন যিয়ে লোহাৰ বস্তুবোৰক দুৰ্বল আৰু ভংগুৰ কৰি পেলায়, যাৰ ফলত ই সহজে ভাঙি যায়। ইয়াৰ ফলত দলং, গেট আৰু যান-বাহন আদিৰ দৰে গুৰুত্বপূৰ্ণ লোহাৰ গঠনবোৰৰ যথেষ্ট ক্ষতি হয়।

৪। দহনৰ বাবে যে অক্সিজেনৰ প্ৰয়োজন সেয়া প্ৰমাণ কৰিবলৈ এটা পৰীক্ষা বৰ্ণনা কৰা।

উত্তৰঃ যদি তুমি দুডাল মমবাতি জ্বলাই লোৱা আৰু এডাল কাঁচৰ গিলাচেৰে ঢাকি দিয়া, তেন্তে দেখিবলৈ পাবা যে গিলাচেৰে ঢাকি দিয়া মমবাতিডাল অলপ সময়ৰ পাছত নুমাই গৈছে, কিন্তু আনডাল জ্বলি আছে। ইয়াৰ কাৰণ হ’ল গিলাচৰ ভিতৰত থকা বায়ুখিনি (বিশেষকৈ অক্সিজেন) মমবাতিডালে জ্বলাত ব্যৱহাৰ কৰি শেষ কৰি পেলালে। অক্সিজেন নোহোৱা হোৱাৰ লগে লগে দহন প্ৰক্ৰিয়া বন্ধ হৈ যায় আৰু মমবাতিডাল নুমাই যায়।

৫। “অগ্নি ত্ৰিভুজ” কি আৰু ই জুই নুমুৱাত বা নিয়ন্ত্ৰণ কৰাত কেনেদৰে সহায় কৰে ব্যাখ্যা কৰা।

উত্তৰঃ জুই জ্বলি থাকিবলৈ তিনিটা মূল উপাদানৰ প্ৰয়োজন- ইন্ধন, অক্সিজেন আৰু তাপ। এই তিনিটা উপাদানক একেলগে ‘অগ্নি ত্ৰিভুজ’ বুলি কোৱা হয়। যদি এই তিনিটাৰ যিকোনো এটা আঁতৰাই দিয়া হয়, তেন্তে জুই নুমাই যায়। জুই নুমুৱাবলৈ বা নিয়ন্ত্ৰণ কৰিবলৈ এই নীতি ব্যৱহাৰ কৰা হয়; উদাহৰণস্বৰূপে- জ্বলি থকা কড়াই এখন ঢাকনিৰে ঢাকি দিলে অক্সিজেনৰ যোগান বন্ধ হয় আৰু জুই নুমাই যায়।

৬। মমবাতি এডাল জ্বলিলে তাত ভৌতিক আৰু ৰাসায়নিক দুয়োটা পৰিৱৰ্তন কেনেদৰে ঘটে?

উত্তৰঃ মমবাতি এডাল জ্বলিলে তাপৰ ফলত কিছুমান কঠিন মম গলি তৰললৈ ৰূপান্তৰিত হয়। এইটো এটা ভৌতিক পৰিৱৰ্তন কাৰণ গলি যোৱা মমখিনি ঠাণ্ডা হ’লে আকৌ কঠিন মম হয়। একে সময়তে, শলিতাডালৰ জুইৰ তাপত কিছুমান মম বাষ্পলৈ পৰিৱৰ্তিত হয় আৰু অক্সিজেনৰ লগত বিক্ৰিয়া কৰি তাপ, পোহৰ, কাৰ্বন ডাইঅক্সাইড আৰু জলীয় বাষ্প উৎপন্ন কৰে। যিহেতু ইয়াত নতুন পদাৰ্থৰ সৃষ্টি হয়, সেয়েহে এইটো এটা ৰাসায়নিক পৰিৱৰ্তন।

৭। শিলৰ ভৌতিক আৰু ৰাসায়নিক বিচূৰ্ণীভৱনৰ মাজত পাৰ্থক্য কি?

উত্তৰঃ ভৌতিক বিচূৰ্ণীভৱনত প্ৰাকৃতিক শক্তি যেনে- উষ্ণতাৰ তাৰতম্য, বতাহ বা শিলৰ ফাটত গছৰ শিপা সোমাই ডাঙৰ হোৱাৰ ফলত শিলবোৰ ভাঙি সৰু সৰু টুকুৰা হয়, কিন্তু শিলৰ মূল গঠন বা খনিজ পদাৰ্থৰ সলনি নহয়। আনহাতে, ৰাসায়নিক বিচূৰ্ণীভৱনত পানী বা ৰাসায়নিক পদাৰ্থই শিলত থকা খনিজৰ লগত বিক্ৰিয়া কৰি তাৰ গঠন সলনি কৰে। উদাহৰণস্বৰূপে- বেছল্ট শিলত থকা লোহাই পানী আৰু বতাহৰ সংস্পৰ্শত আহি আইৰন অক্সাইড বা মামৰ সৃষ্টি কৰে, যাৰ ফলত শিলৰ ৰং ৰঙা-মুগা হয়।