SEBA Class 7 Assamese Chapter 9 তানসেন আৰু হৰিদাস Question Answer As Per SCERT New Syllabus to each chapter is provided in the list so that you can easily browse through different chapters SEBA Class 7 Assamese Chapter 9 তানসেন আৰু হৰিদাস Solutions and select need one. SEBA Class 7 Assamese Chapter 9 তানসেন আৰু হৰিদাস Notes Download PDF. SCERT Class 7 উন্মেষ Textbook Question Answer.
SEBA Class 7 Assamese Chapter 9 তানসেন আৰু হৰিদাস
Also, you can read the NCERT book online in these sections Solutions by Expert Teachers as per Central Board of Secondary Education (CBSE) Book guidelines. SCERT Class 7 Unmesh Textual Solutions are part of All Subject Solutions. Here we have given SCERT Class 7 Unmesh Question Answer Assamese Medium for All Chapters, You can practice these here.
তানসেন আৰু হৰিদাস
Chapter: 9
| ক্রিয়া-কলাপ |
| পাঠভিত্তিক |
১। তলত দিয়া প্রশ্নবোৰৰ শুদ্ধ উত্তৰটো বাছি উলিয়াই সঠিক বৃত্তটো পুৰ কৰা—
(i) “মোৰ আদেশ পালেও নাহিবনে?” —এই বাক্যশাৰীত সম্রাট আকবৰৰ কি মনোভাব প্রকাশ পাইছে?
(ক) অহংকাৰী ভাব।
(গ) বিনয়ৰ ভাব।
(খ) কর্তৃত্বৰ ভাব।
(ঘ) ক আৰু খ দুয়োটাই।
উত্তৰঃ (ঘ) ক আৰু খ দুয়োটাই।
(ii) আকবৰ আৰু তানসেনে আশ্ৰমৰ পৰ্ণকুটীৰলৈ খোজকাঢ়ি কিয় গৈছিল বুলি তুমি ভাবা?
(ক) হৰিদাসৰ আশ্ৰমত ঘোঁৰাৰ প্রৱেশ নিষেধ বাবে।
(খ) ঘোঁৰাৰ ভাগৰ লগা বাবে।
(গ) ঘোঁৰাত উঠি যাব পৰাকৈ পথ সুচল নাছিল বাবে।
(ঘ) হৰিদাসৰ প্ৰতি সন্মান প্ৰদৰ্শনৰ বাবে।
উত্তৰঃ (ঘ) হৰিদাসৰ প্ৰতি সন্মান প্ৰদৰ্শনৰ বাবে।
(iii) হৰিদাসে ৰাজধানীৰপৰা আঁতৰত এটি পর্ণকুটীৰত বাস কৰিছিল। কাৰণ—
(ক) ৰাজধানীখন তেওঁৰ পচন্দ নাছিল।
(খ) তেওঁৰ সমাজত খ্যাতি পাবলৈ হাবিলাস নাছিল।
(গ) আকবৰলৈ তেওঁ ভয় কৰিছিল।
(ঘ) ওপৰৰ এটাও নহয়।
উত্তৰঃ (খ) তেওঁৰ সমাজত খ্যাতি পাবলৈ হাবিলাস নাছিল।
২। তলত দিয়া প্রশ্নকেইটাৰ চমু উত্তৰ দিয়া।
(ক) তানসেন কোন আছিল?
উত্তৰঃ তানসেন আছিল সম্ৰাট আকবৰৰ ৰাজসভাৰ ৰাজগায়ক আৰু ভাৰতীয় শাস্ত্ৰীয় সংগীতৰ এগৰাকী ঘাই ওজা।
(খ) তানসেনৰ গুৰুৰ নাম কি?
উত্তৰঃ তানসেনৰ গুৰুৰ নাম আছিল স্বামী হৰিদাস।
(গ) পাঠটোত কাৰ প্ৰতি হৰিদাসৰ আত্মসমর্পণৰ ভাব প্রকাশ পাইছে?
উত্তৰঃ পাঠটোত ঈশ্বৰৰ প্ৰতি হৰিদাসৰ আত্মসমর্পণৰ ভাব প্রকাশ পাইছে
(ঘ) কি শাস্ত্র মহাসাগৰৰ নিচিনা?
উত্তৰঃ সংগীত-শাস্ত্ৰ মহাসাগৰৰ নিচিনা।
(ঙ) হৰিদাসৰ সাক্ষাৎ পাবলৈ তানসেন আৰু আকবৰ কেনেকৈ গৈছিল?
উত্তৰঃ হৰিদাসৰ সাক্ষাৎ পাবলৈ তানসেন আৰু আকবৰে দুটা ঘোঁৰাত উঠি গৈছিল আৰু আশ্ৰমৰ অলপ আঁতৰত ঘোঁৰাৰপৰা নামি খোজ কাঢ়ি গৈছিল।
(চ) সম্রাট আকবৰে নিজে কিয় হৰিদাসক বিচাৰি গৈছিল?
উত্তৰঃ সম্ৰাট আকবৰে হৰিদাসৰ বিষয়ে শুনি তেওঁক চাবলৈ আৰু তেওঁৰ গান শুনিবলৈ ইচ্ছা প্ৰকাশ কৰিছিল। কিন্তু হৰিদাস কাৰো আদেশতে ৰাজদৰবাৰলৈ নাযায় বুলি তানসেনৰ পৰা জানিব পাৰি সম্ৰাট আকবৰে নিজেই হৰিদাসক বিচাৰি গৈছিল।
৩। তলত দিয়া প্রশ্নকেইটাৰ উত্তৰ লিখা।
(ক) “মোৰ আদেশ পালেও নাহিবনে?” — কথাষাৰ কোনে, কাক আৰু কি প্রসংগত কৈছিল?
উত্তৰঃ এই কথাষাৰ সম্ৰাট আকবৰে তানসেনক কৈছিল। আকবৰে হৰিদাসক ৰাজদৰবাৰলৈ আনিবলৈ অনুৰোধ কৰাত তানসেনে উত্তৰ দিছিল যে তেওঁ কাৰো কথাতেই দৰবাৰলৈ নাযায়। সেই প্ৰসংগতে আকবৰে আচৰিত হৈ এই কথাষাৰ সুধিছিল।
(খ) তানসেনৰ গানত সন্তুষ্ট হৈ আকবৰে কি সুধিছিল? উত্তৰত তানসেনে কি কৈছিল?
উত্তৰঃ তানসেনৰ গানত সন্তুষ্ট হৈ আকবৰে সুধিছিল, “এই জগতত তোমাতকৈও ভাল গান গাব পৰা মানুহ আছে নে?”। তাৰ উত্তৰত তানসেনে কৈছিল যে সংগীত-শাস্ত্ৰ মহাসাগৰৰ নিচিনা আৰু তেওঁতকৈও ভাল গায়ক আছে। তেওঁ মিচিকিয়াই হাঁহি কৈছিল যে তেওঁৰ গুৰু স্বামী হৰিদাস তেওঁতকৈও শ্ৰেষ্ঠ।
(গ) “তানসেন, মই ইমানদিনে যি ভাবি আছিলোঁ, সেয়া আজি ভুল প্রমাণিত হ’ল।” — আকবৰে ইমানদিনে কি ভাবি আছিল? সেয়া কেনেকৈ ভুল বুলি প্রমাণিত হ’ল?
উত্তৰঃ আকবৰে ইমানদিনে ভাবি আছিল যে তানসেনেই জগতৰ আটাইতকৈ শ্ৰেষ্ঠ গায়ক। কিন্তু যেতিয়া তেওঁ স্বামী হৰিদাসৰ সুমধুৰ গান শুনিলে, তেতিয়া তেওঁ বুজিব পাৰিলে যে তানসেনৰ দৰে গায়কৰো গুৰু হৰিদাস অত্যন্ত প্ৰতিভাশালী আৰু তেওঁৰ গীতৰ তুলনা নাই। এইদৰেই আকবৰৰ আগৰ ধাৰণা ভুল বুলি প্ৰমাণিত হ’ল।
৪। ভাবা আৰু লিখা।
(ক) ‘তেওঁ হেনো গান গাই গাই বৰষুণ দিয়াব পাৰিছিল, জুই জ্বলাবও পাৰিছিল’ —এই কথাষাৰৰ অৰ্থ কি হ’ব পাৰে?
উত্তৰঃ এই কথাষাৰৰ জৰিয়তে তানসেনৰ সংগীতৰ অসাধাৰণ ক্ষমতা আৰু প্ৰভাৱৰ কথা বুজোৱা হৈছে। তেওঁৰ সংগীতৰ সুৰ ইমানেই নিঁখুত আৰু শক্তিশালী আছিল যে তেওঁৰ গীতে প্ৰকৃতিকো প্ৰভাৱিত কৰি বৰষুণ নমাব বা জুই জ্বলাব পাৰিছিল বুলি মানুহে বিশ্বাস কৰিছিল।
(খ) হৰিদাস কেনেধৰণৰ ব্যক্তি আছিল?
উত্তৰঃ হৰিদাস এজন পৰম ভক্ত আৰু ঈশ্বৰৰ প্ৰতি সমৰ্পিত সাধাৰণ জীৱন যাপন কৰা ব্যক্তি আছিল। তেওঁ সমাজত খ্যাতি পোৱাৰ কোনো হাবিলাস ৰখা নাছিল আৰু কেৱল ঈশ্বৰৰ উদ্দেশ্যেই নিৰলে পর্ণকুটীৰত সাধনা কৰিছিল।
(গ) সংগীতজ্ঞ হিচাপে হৰিদাস আৰু তানসেনৰ মাজত তুলনা কৰা।
উত্তৰঃ সংগীতজ্ঞ হিচাপে তানসেন আছিল ৰাজদৰবাৰৰ গায়ক, যিয়ে মানুহৰ আমোদ-প্ৰমোদৰ বাবে গান গাইছিল আৰু প্ৰচুৰ খ্যাতি অৰ্জন কৰিছিল। আনহাতে, হৰিদাস আছিল তানসেনৰো গুৰু, যিয়ে খ্যাতিৰ প্ৰতি কোনো মোহ নৰখাকৈ সমাজৰ পৰা আঁতৰত নিৰলে সাধনা কৰিছিল আৰু কেৱল ঈশ্বৰৰ ভজনাৰ বাবেহে গীত গাইছিল।
(ঘ) “ঈশ্বৰে হৃদয়ত থাকি তেওঁক যি কৰিবলৈ কয় তেওঁ তাকেহে কৰে। আন কাৰো আদেশলৈ কর্ণপাত নকৰে।” — এই কথাষাৰ কোনে কাক কিয় কৈছিল? লিখা।
উত্তৰঃ এই কথাষাৰ তানসেনে সম্ৰাট আকবৰক কৈছিল। কাৰণ, সম্ৰাট আকবৰে হৰিদাসক ৰাজদৰবাৰলৈ আদেশ দি আনিব বিচাৰিছিল। তানসেনে বুজাব বিচাৰিছিল যে হৰিদাস এজন সাধক যিয়ে কেৱল ঈশ্বৰৰ নিৰ্দেশহে মানি চলে, সেয়েহে আন কোনো সম্ৰাটৰ আদেশলৈ তেওঁ গুৰুত্ব নিদিয়ে।
৫। তলত দিয়া শব্দকেইটা বর্ণ ক্রমত সজোৱা আৰু অভিধান চাই অর্থ বিচাৰি লিখা।
| তাৰকা | মর্যাদা | মগ্ন | পর্ণকুটীৰ |
| কর্ণপাত | দৰবাৰ | ভজনা | সমকক্ষ |
উত্তৰঃ
| শব্দ | অৰ্থ |
| কৰ্ণপাত | কাণ দিয়া বা শুনা। |
| তাৰকা | তৰা বা বিখ্যাত ব্যক্তি। |
| দৰবাৰ | ৰাজসভা। |
| পর্ণকুটীৰ | গছৰ পাত বা খেৰেৰে সজা ঘৰ। |
| ভজনা | আৰাধনা বা প্ৰাৰ্থনা। |
| মগ্ন | ডুবি থকা বা নিমজ্জিত হৈ থকা। |
| মর্যাদা | সন্মান বা গৌৰৱ। |
| সমকক্ষ | সমান বা সমতুল্য। |
৬। তলৰ বাক্যটো পঢ়া।
‘পিছে মোতকৈ ভাল গায়ক আছে।’
ওপৰৰ গায়ক শব্দটোৱে গান গোৱা মানুহক বুজাইছে। অর্থাৎ যিয়ে গান গায় তেওঁ গায়ক। একেদৰে, যিয়ে বাদ্য বজায় তেওঁ বাদক।
এতিয়া তলৰ বাক্যাংশকেইটা একোটা শব্দত লিখা—
| যিয়ে নৃত্য কৰে— | নর্তক |
| যিয়ে ঘোষণা কৰে— | |
| যিয়ে পালন কৰে— | |
| যিয়ে সংহাৰ কৰে— | |
| যিয়ে সাধনা কৰে— | |
| যিয়ে বিবেচনা কৰে— | |
| যিয়ে উপাসনা কৰে— |
উত্তৰঃ
| যিয়ে নৃত্য কৰে— | নর্তক |
| যিয়ে ঘোষণা কৰে— | ঘোষক |
| যিয়ে পালন কৰে— | পালক |
| যিয়ে সংহাৰ কৰে— | সংহাৰক |
| যিয়ে সাধনা কৰে— | সাধক |
| যিয়ে বিবেচনা কৰে— | বিবেচক |
| যিয়ে উপাসনা কৰে— | উপাসক |
৭। তলৰ শব্দকেইটা ব্যৱহাৰ কৰি বাক্য ৰচনা কৰা।
(i) উদ্দীপনা।
উত্তৰঃ তানসেনৰ গান শুনি শ্ৰোতাৰ মন শান্ত পৰিছিল আৰু তেওঁলোকে নতুন উদ্দীপনা লাভ কৰিছিল।
(ii) হাবিলাস।
উত্তৰঃ সমাজত খ্যাতি পাবলৈ স্বামী হৰিদাসৰ সমূলি হাবিলাস নাছিল।
(iii) মোহিত।
উত্তৰঃ তানসেনৰ সুমধুৰ গান শুনি সম্ৰাট আকবৰ আন দিনাতকৈও অধিক মোহিত হৈছিল।
(iv) কর্ণপাত।
উত্তৰঃ স্বামী হৰিদাসে ঈশ্বৰৰ বাহিৰে আন কাৰো আদেশলৈ কর্ণপাত নকৰে।
(v) মধুৰ।
উত্তৰঃ জগতত তানসেনতকৈও মধুৰ সংগীত গাব পৰা গায়ক আছে বুলি আকবৰে বিশ্বাস কৰা নাছিল।
Hi! my Name is Parimal Roy. I have completed my Bachelor’s degree in Philosophy (B.A.) from Silapathar General College. Currently, I am working as an HR Manager at Dev Library. It is a website that provides study materials for students from Class 3 to 12, including SCERT and NCERT notes. It also offers resources for BA, B.Com, B.Sc, and Computer Science, along with postgraduate notes. Besides study materials, the website has novels, eBooks, health and finance articles, biographies, quotes, and more.
Buy Now