SEBA Class 7 Assamese Chapter 4 কৃষক

SEBA Class 7 Assamese Chapter 4 কৃষক Question Answer As Per SCERT New Syllabus to each chapter is provided in the list so that you can easily browse through different chapters SEBA Class 7 Assamese Chapter 4 কৃষক Solutions and select need one. SEBA Class 7 Assamese Chapter 4 কৃষক Notes Download PDF. SCERT Class 7 উন্মেষ Textbook Question Answer.

SEBA Class 7 Assamese Chapter 4 কৃষক

Also, you can read the NCERT book online in these sections Solutions by Expert Teachers as per Central Board of Secondary Education (CBSE) Book guidelines. SCERT Class 7 Unmesh Textual Solutions are part of All Subject Solutions. Here we have given SCERT Class 7 Unmesh Question Answer Assamese Medium for All Chapters, You can practice these here.

কৃষক

Chapter: 4

১। তলৰ পদ্যফাকিৰ তলত আঁচটনা শব্দকেইটাৰ ঠাইত কাষৰ বাকচত থকা একে অর্থ মিলা শব্দ আনি পদ্যফাকি পুনৰ লিখা।

তোমাৰ যহতে লোকে আর্জি বিদ্যাধন

স্বদেশৰ উন্নতি সাধিছে,

তোমাৰে উৎপন্ন লৈ কিনা-বেচা কৰি

সদাগৰে লক্ষ্মীক বান্ধিছে।

উত্তৰঃ তোমাৰ যহতে মানুহে আর্জি বিদ্যাধন

স্বদেশৰ উন্নতি সাধিছে,

তোমাৰে উৎপন্ন লৈ ক্ৰয়-বিক্ৰয় কৰি

সাউদে লক্ষ্মীক বান্ধিছে।

২। তলত দিয়া প্রশ্নবোৰৰ শুদ্ধ উত্তৰটো বাছি উলিয়াই সঠিক বৃত্তটো পূৰ কৰা—

(i) ‘সদাগৰে লক্ষ্মীক বান্ধিছে।” —ইয়াত ‘লক্ষ্মীক বান্ধিছে’ বাক্যাংশই কি বুজাইছে?

(ক) ধন-সম্পত্তি বন্দী কৰি ৰাখিছে।

(খ) ধন-সম্পত্তিৰে ভঁৰাল সাজিছে।

(গ) ধন-সম্পত্তি আহৰণ কৰি চহকী হৈছে।

(ঘ) ধন-সম্পত্তি আছুতীয়াকৈ ৰাখিছে।

উত্তৰঃ (গ) ধন-সম্পত্তি আহৰণ কৰি চহকী হৈছে।

(ii) কাৰ গুণত লোকসকলে বিদ্যাশিক্ষা লাভ কৰি স্বদেশত উন্নতি সাধিছে বুলি কবিয়ে কৈছে?

(ক) পিতৃৰ।

(খ) সমাজৰ।

(গ) কৃষকৰ।

(ঘ) সদাগৰৰ।

উত্তৰঃ (গ) কৃষকৰ।

৩। কবিতাটোৰ মূলভাব লিখা।

উত্তৰঃ ‘কৃষক’ কবিতাটোৰ মূলভাব হ’ল সমাজত কৃষকসকলৰ অপৰিসীম অৱদান আৰু তেওঁলোকৰ শ্ৰমৰ মৰ্যাদা প্ৰকাশ কৰা। আমাৰ দেশ কৃষিপ্রধান দেশ। কৃষকে ৰ’দ-বৰষুণ নেওচি কঠোৰ পৰিশ্ৰম কৰি উৎপাদন কৰা শস্যৰে সমগ্ৰ দেশবাসীয়ে জীৱন নিৰ্বাহ কৰে। সেয়েহে কৃষকসকলক সমাজৰ পিতৃস্বৰূপ আৰু প্ৰাণদাতা বুলি কোৱা হৈছে। কৃষকৰ শ্ৰমৰ ফলতেই মানুহে বিদ্যাশিক্ষা লাভ কৰিব পাৰিছে আৰু বেপাৰীয়ে ধন-সম্পত্তি ঘটিব পাৰিছে। কৃষক অবিহনে দেশত হাহাকাৰ লাগিব আৰু সমাজ ধ্বংস হ’ব। কৃষকেই দেশৰ প্ৰকৃত হিতকৰ আৰু তেওঁলোকে কাৰো ওচৰত হাত নপতাকৈ স্বাধীন আৰু আত্মনিৰ্ভৰশীলভাৱে দেশৰ মৰ্যাদা ৰক্ষা কৰি জীৱন নিৰ্বাহ কৰে।

৪। চমু উত্তৰ দিয়া—

(ক) জীৱন নাৱৰ গুৰি ব’ঠা ধৰি কৃষকে কাক জীয়াই ৰাখিছে?

উত্তৰঃ জীৱন নাৱৰ গুৰি ব’ঠা ধৰি কৃষকে সমগ্ৰ সমাজক জীয়াই ৰাখিছে।

(খ) কৃষকক কাৰ তুল্য বুলি কোৱা হৈছে?

উত্তৰঃ কৃষকক দেশৰ পিতৃৰ তুল্য বুলি কোৱা হৈছে।

(গ) কৃষকৰ উৎপাদন কিনা-বেচা কৰি কোনে লক্ষ্মীক বান্ধিছে?

উত্তৰঃ কৃষকৰ উৎপাদন কিনা-বেচা কৰি সদাগৰে লক্ষ্মীক বান্ধিছে।

(ঘ) দেশত কেতিয়া হাহাকাৰ লাগিব বুলি কবিতাটিত কৈছে?

উত্তৰঃ যদি কৃষকে এটি বাৰিষা কাল খেতি নকৰি বহি থাকে, তেতিয়া দেশত হাহাকাৰ লাগিব বুলি কবিতাটিত কৈছে।

৫। তলত দিয়া প্রশ্নকেইটাৰ উত্তৰ আলোচনা কৰি কোৱা আৰু লিখা।

(ক) এটা বাৰিষা কাল যদি কৃষকে খেতি নকৰি বহি থাকে, তেনেহ’লে দেশত কি কি সমস্যা হ’ব পাবে?

উত্তৰঃ যদি এটা বাৰিষা কাল কৃষকে খেতি নকৰি বহি থাকে, তেন্তে দেশত খাদ্যৰ তীব্ৰ নাটনি হ’ব আৰু হাহাকাৰ লাগিব। সমাজৰ বান্ধোন ছিগি যাব আৰু দেশৰ সকলো উন্নতি ধ্বংস হ’ব।

(খ) “তোমাৰ সমান নাই দেশ-হিতকৰ” — ইয়াত ‘তোমাৰ’ বুলি কাক কৈছে আৰু তেওঁক কিয় দেশ-হিতকৰ বুলি কৈছে?

উত্তৰঃ ইয়াত ‘তোমাৰ’ বুলি কৃষকক কোৱা হৈছে। কৃষকক দেশ-হিতকৰ বুলি কোৱাৰ কাৰণ হ’ল— কৃষকে অশেষ পৰিশ্ৰম কৰি সকলোৰে বাবে খাদ্য-শস্য উৎপাদন কৰে। তেওঁলোকে নিজৰ শ্ৰমেৰে সমাজক জীয়াই ৰাখে বাবেই তেওঁলোকক দেশৰ আটাইতকৈ উপকাৰী বা হিতকৰ বুলি কোৱা হৈছে।

(গ) কবিতাটোত কবিয়ে কৃষকক কি কি নামেৰে বিভূষিত কৰিছে, বাছি উলিয়াই লিখা।

উত্তৰঃ কবিতাটোত কবিয়ে কৃষকক পিতৃৰ তুল্য, দেশ-হিতকৰ, প্রাণ দাতা আৰু মুকলিমূৰীয়া আদি নামেৰে বিভূষিত কৰিছে।

(ঘ) কবিয়ে কৃষকক পিতৃৰ লগত কিয় তুলনা কৰিছে? কাৰণ দর্শোৱা।

উত্তৰঃ এজন পিতৃয়ে যিদৰে অশেষ কষ্ট কৰি নিজৰ সন্তান আৰু পৰিয়ালক পোহপাল দিয়ে, ঠিক সেইদৰে কৃষকেও কঠোৰ শ্ৰমৰ জৰিয়তে শস্য উৎপাদন কৰি গোটেই দেশবাসীক অন্ন যোগান ধৰি জীয়াই ৰাখে। সেয়েহে কবিয়ে কৃষকক দেশৰ পিতৃৰ লগত তুলনা কৰিছে।

(ঙ) কবিয়ে কৃষকক কিয় প্রাণ দাতা বুলি কৈছে?

উত্তৰঃ জীৱন নিৰ্বাহৰ বাবে সকলো মানুহ কৃষিজাত সামগ্ৰীৰ ওপৰত নিৰ্ভৰশীল। কৃষকে খাদ্য-শস্য উৎপাদন কৰি দেশবাসীক খুৱাই জীয়াই ৰাখে। কৃষক অবিহনে জগত শ্মশানত পৰিণত হ’ব। সেয়েহে কবিয়ে কৃষকক সকলোৰে ‘প্ৰাণ দাতা’ বুলি কৈছে।

(চ) কৃষিকার্যক এটা বৃত্তি হিচাপে লৈও মানুহে কেনেদৰে জীৱন নিৰ্বাহ কৰিব পাৰে লিখা।

উত্তৰঃ পুৰণিকালৰ দৰে বৰ্তমানো কৃষিক এটা স্বাধীন বৃত্তি হিচাপে লৈ মানুহে মুকলিমূৰীয়াভাৱে জীৱন নিৰ্বাহ কৰিব পাৰে। কৃষকসকলে কাৰো ওচৰত হাত নপতাকৈ নিজৰ ইচ্ছাৰে খেতি-বাতি কৰি আত্মনিৰ্ভৰশীলভাৱে আৰু সন্মানেৰে দেশৰ গৌৰৱ ৰক্ষা কৰি জীৱন নিৰ্বাহ কৰিব পাৰে।

৬। ব্যাখ্যা কৰা—

স্বাধীন কিৰিষি কৰি আপোন ইচ্ছাৰে

তুমিয়েই মুকলিমূৰীয়া,

নাপাতা কালৈকো হাত নধৰা খাটনি

ৰাখিছা দেশৰ তুমি চিয়া।

উত্তৰঃ উক্ত কবিতাফাঁকি আমাৰ পাঠ্যপুথিৰ অন্তৰ্গত তুলসীচন্দ্ৰ বৰুৱা ৰচিত ‘কৃষক’ নামৰ কবিতাটিৰ পৰা তুলি দিয়া হৈছে। 

ইয়াত কবিয়ে কৃষকৰ স্বাধীন আৰু আত্মনিৰ্ভৰশীল জীৱনৰ কথা সুন্দৰকৈ বৰ্ণনা কৰিছে। কৃষকে নিজৰ ইচ্ছা অনুসৰি স্বাধীনভাৱে খেতি-বাতি কৰে বাবে তেওঁলোকৰ জীৱন সম্পূৰ্ণ মুকলিমূৰীয়া। তেওঁলোকে নিজৰ প্ৰয়োজনৰ বাবে কেতিয়াও আনৰ ওচৰত হাত নাপাতে বা আন কাকো খাটনি ধৰিবলগীয়া নহয়। নিজৰ কঠোৰ পৰিশ্ৰম আৰু আত্মসন্মানবোধেৰে তেওঁলোকে নিজৰ লগতে সমগ্ৰ দেশৰ চিয়া অৰ্থাৎ গৌৰৱ বা মৰ্যাদা ৰক্ষা কৰি আহিছে বুলি কবিয়ে ইয়াত প্ৰকাশ কৰিছে।

৭। কবিতাটোত থকা কেইটামান শব্দৰ অৰ্থ তলৰ বাকচত দিয়া আছে। শব্দৰ কাষত উপযুক্ত অর্থটো লিখি মূল শব্দটোৰে একোটাকৈ বাক্য ৰচনা কৰা—

উত্তৰঃ 

Parimal

Hi! my Name is Parimal Roy. I have completed my Bachelor’s degree in Philosophy (B.A.) from Silapathar General College. Currently, I am working as an HR Manager at Dev Library. It is a website that provides study materials for students from Class 3 to 12, including SCERT and NCERT notes. It also offers resources for BA, B.Com, B.Sc, and Computer Science, along with postgraduate notes. Besides study materials, the website has novels, eBooks, health and finance articles, biographies, quotes, and more.