Class 10 Social History Chapter – 3 অসমত ব্রিটিছ বিৰােধী জাগৰণ আৰু কৃষক বিদ্রোহ

Join Telegram channel

Class 10 Social History Chapter – 3 অসমত ব্রিটিছ বিৰােধী জাগৰণ আৰু কৃষক বিদ্রোহ answer to each chapter is provided in the list so that you can easily browse throughout different chapter Class 10 Social History Chapter – 3 অসমত ব্রিটিছ বিৰােধী জাগৰণ আৰু কৃষক বিদ্রোহ – সমাধান and select needs one.

Class 10 Social History Chapter – 3 অসমত ব্রিটিছ বিৰােধী জাগৰণ আৰু কৃষক বিদ্রোহ

Also, you can read the SCERT book online in these sections Solutions by Expert Teachers as per SCERT (CBSE) Book guidelines. These solutions are part of SCERT All Subject Solutions. Here we have given Class 10 Social History Chapter – 3 অসমত ব্রিটিছ বিৰােধী জাগৰণ আৰু কৃষক বিদ্রোহ Solutions for All Subject, You can practice these here…

অসমত ব্রিটিছ বিৰােধী জাগৰণ আৰু কৃষক বিদ্রোহ

প্ৰথম খণ্ড 

( ANTI – BRITISH RISING AND PEASANT REVOLTS IN ASSAM )

ADDITIONAL QUESTIONS ANSWER

Short Types Questions Answer

প্রশ্ন ১। ”ব্ৰিটিছে প্ৰবৰ্ত্তন কৰা ভূমি ৰাজহ কৃষকে দিব পৰাতকৈ বহু বেছি আছিল।” -কথাষাৰ কোনে ক’ত লিখিছিল?

উত্তৰঃ আনন্দৰাম ঢেকীয়াল ফুকনে ১৮৫৩ চনত মফট মিলছ চাহাবক দিয়া আর্জিত লিখিছিল।

প্রশ্ন ২। ব্ৰিটিছৰ অর্থনৈতিক শোষণৰ বিৰুদ্ধে শোষিত কৃষক ৰাইজে কৰা অসমৰ প্রথম বিদ্রোহটো কি?

উত্তৰঃ ফুলগুৰি ধাৰা।

প্রশ্ন ৩। ফুলগুৰি ধাৱাৰ সময়ত নগাঁৱৰ উপায়ুক্ত কোন আছিল?

উত্তৰঃ লেফটেনেন্ট হার্বার্ট স্কুল।

প্রশ্ন ৪। ফুলগুৰি ধাৱাৰ সময়ত লেফটেনেন্ট ছিংগাৰক কোনে মূৰত লাঠীৰে কোৰাই মাটিড বগৰাই দিছি?

উত্তৰঃ কাঁহিঘৰ মৌজাৰ বাৰু কৈবর্ত নামৰ মাছমৰীয়া এজনে।

প্রশ্ন ৫। নচিয়াৰ কৃষক বিদ্ৰোহৰ সময়ত অসমৰ ক’ত বৃহৎ ৰাইজমেল বহিছিল?

উত্তৰঃ পানা গাঁৱৰ চাপৰিত।

প্রশ্ন ৬। কোন চনত অসমত দাস প্রথা নিষিদ্ধ কৰা হৈছিল?

উত্তৰঃ ১৮৪৩ চনত।

প্রশ্ন ৭। লেফটেনেণ্ট জি. বি. ছিংগাৰৰ মূৰত পূর্ণহতীয়া কোব শোধোৱা কৃষকজনৰ নাম কি আফি? 

উত্তৰঃ বাবু কৈৱৰ্ত।

প্রশ্ন ৮। ১৮৬১ চনত অসমত সংঘটিত হোৱা কৃষক বিদ্রোহটোৰ নাম কি?

উত্তৰঃ ফুলগুৰিৰ ধাৰা।

প্রশ্ন ৯। টিৰোং সিং কোন ৰাজ্যৰ আছিল? 

উত্তৰঃ খাচী পাহাৰৰ।

প্রশ্ন ১০। পথৰুঘাটৰ বিদ্ৰোহৰ সময়ত দৰং জিলাৰ উপায়ুক্ত কোন আছিল?

উত্তৰঃ জে. ডি. এণ্ডাৰছন।

Multiple Choice Questions & Answers

1. মণিৰাম দেৱানৰ বিচাৰ কৰিছিল— 

(a) মফট মিলচে।

(b) কেপ্টেইন হলৰইডে।

(c) জে ডব্লিউ কুইণ্টনে।

(d) জেনকিন্সে।

উত্তৰঃ (b) কেপ্টেইন হলৰইডে।

2. মণিৰাম দেৱানক কোন বঙালী মুক্তিয়াৰে সহায় কৰিছিল— 

(a) মধুমল্লিক।

(b) মিলচ চাহাবে।

(c) মহিৰাম মুক্তিয়াৰ।

(d) মণিৰাম দেৱাণে।

উত্তৰঃ (a) মধুমল্লিক।

3. অসমত দাস প্রথা নিষিদ্ধ কৰা হৈছিল—

(a) ১৮৪০ চনত।

(b) ১৮৪৩ চনত।

(c) ১৮৪১ চনত।

(d) ১৮৪৫ চনত।

উত্তৰঃ (a) ১৮৪০ চনত।

4. গোবিন্দ চন্দ্ৰ ৰজা আছিল— 

(a) মণিপুৰৰ।

(b) কাছাৰৰ।

(c) ডিমাপুৰৰ।

(d) চীনৰ।

উত্তৰঃ (a) মণিপুৰৰ।

5. অসমত ব্ৰিটিছ শাসনৰ বিৰুদ্ধাচৰণ কৰা প্ৰথম আহোম ৰাজকুমাৰজন আছিল—

(a) মণিৰাম দেৱান।

(b) পিয়লি ফুকন।

(c) গমধৰ কোঁৱৰ।

(d) পুৰন্দৰ সিংহা।

উত্তৰঃ (c) গমধৰ কোঁৱৰ।

6. অসম ব্ৰিটিছৰ অধীনলৈ আহিছিল—

(a) ১৮২৪ চনত।

(b) ১৮২৮ চনত।

(c) ১৮২৬ চনত।

(d) ১৮৩০ চনত।

উত্তৰঃ (c) ১৮২৬ চনত।

7. ফুলগুৰিৰ ধাৱা সংঘটিত হৈছিল—

(a) ১৮৫১ চনত।

(b) ১৮৬১ চনত।

(c) ১৮৬৩ চনত।

(d) ১৮৫৬ চনত।

উত্তৰঃ (a) ১৮৫১ চনত।

8. ব্ৰিটিছে টিকট কৰ প্ৰৱৰ্তন কৰিছিল—

(a) ১৮৪৮ চনত।

(b) ১৮৫৮ চনত।

(c) ১৮৬৮ চনত।

(d) ১৮৭৮ চনত।

উত্তৰঃ (a) ১৮৪৮ চনত।

9. মণিৰাম দেৱানৰ লগত আৰু কাক ফাঁচিকাঠত ওলমোৱা হৈছিল— 

(a) জিউৰাম দুলীয়া বৰুৱাক।

(b) পিয়লি বৰুৱাক।

(c) গোমধৰ কোঁৱৰক।

(d) দুতিৰাম বৰুৱাক।

উত্তৰঃ (b) পিয়লি বৰুৱাক।

10. জয়ন্তীয়া ৰাজ্য ইংৰাজৰ হাতলৈ যায়—

(a) ১৮৩০ চনত।

(b) ১৮৪৫ চনত।

(c) ১৮৩৫ চনত।

(d) ১৮৬১ চনত।

উত্তৰঃ (c) ১৮৩৫ চনত।

11. ব্ৰিটিছৰ কৰতলীয়া আহোম ৰজা আছিল— 

(a) পুৰন্দৰ সিংহ।

(b) গোমধৰ কোঁৱৰ।

(c) কন্দৰ্পেশ্বৰ সিংহ।

(d) গদাধৰ সিংহ।

উত্তৰঃ (a) পুৰন্দৰ সিংহ।

12. ১৮৬১ চনত জয়ন্তীয়া বিদ্ৰোহৰ নেতৃত্ব দিছিল—

(a) টিকেন্দ্রজিতে।

(b) সম্বোধন কছাৰী।

(c) ৰাজেন্দ্ৰ সিঙে।

(d) ওকিয়াং নং বাহে।

উত্তৰঃ (d) ওকিয়াং নং বাহে।

13. ১৮৮১ চনত উত্তৰ কাছাৰৰ জনজাতীয় বিদ্ৰোহৰ নেতৃত্ব দিছিল— 

(a) টিকেন্দ্রজিতে।

(b) ওকিয়াং নং বাহে।

(c) শম্ভু ধন কছাৰীয়ে।

(d) ৰাজেন্দ্ৰ সিঙে।

উত্তৰঃ (c) শম্ভু ধন কছাৰীয়ে।

14. তলৰ কোনটো চনত বৃটিছসকলে অসমত দাস প্ৰথাৰ বিলুপ্তি ঘটাইছিল?

(a) ১৮৪৩ চনত।

(b) ১৮৬০ চনত।

(c) ১৮৫৭ চনত।

(d) ১৮৬৩ চনত।

উত্তৰঃ (a) ১৮৪৩ চনত।

15. অসমীয়া কৃষকৰ পৰা ভূমি খাজনা বৃদ্ধি নিৰ্ধাৰণৰ বিৰুদ্ধে কোনে মফট মিলছক আর্জি লিখিছিল?

(a) মণিৰাম দেৱান।

(b) পিয়লি বৰুৱা।

(c) মহাত্মা গান্ধী।

(d) আনন্দৰাম ঢেকিয়াল ফুকন।

উত্তৰঃ (d) আনন্দৰাম ঢেকিয়াল ফুকন।

16. ব্ৰিটিছ চৰকাৰে কেতিয়া ভাৰতলৈ ‘কেবিনেট মিছন’ পঠিয়াইছিল?

(a) ১৯৩৫ চনৰ আগষ্ট মাহত।

(b) ১৯৪৫ চনৰ জুলই মাহত।

(c) ১৯৪৬ চনৰ মাৰ্চ মাহত।

(d) ১৯৪৭ চনৰ আগষ্ট মাহত।

উত্তৰঃ (c) ১৯৪৬ চনৰ মাৰ্চ মাহত।

17. অসমৰ অভিজাত শ্রেণীটোক ব্ৰিটিছ শাসন ওফৰাই পুৰিণ ৰাজতন্ত্ৰ প্ৰতিষ্ঠা কৰাৰ বাবে এক সোণালী সুযোগ দিয়া বিদ্ৰোহটো হৈছে—

(a) ১৮৫৭ চনৰ চিপাহী বিদ্রোহ।

(b) মোৱামৰীয়া বিদ্ৰোহ।

(c) জয়ন্তীয়া বিদ্রোহ।

(d) উত্তৰ কাছাৰ বিদ্ৰোহ।

উত্তৰঃ (a) ১৮৫৭ চনৰ চিপাহী বিদ্রোহ।

18. আলিপুৰ কাৰাগাৰত বন্দী কৰি ৰখা অসমৰ ৰাজকুমাৰজন আছিল— 

(a) পুৰন্দৰ সিংহ।

(b) গোমধৰ কোঁৱৰ।

(c) কন্দপেশ্বৰ সিংহ।

(d) যোগেশ্বৰ সিংহ।

উত্তৰঃ (c) কন্দপেশ্বৰ সিংহ।

19. অসমত ১৮৫৭ চনৰ বিদ্ৰোহৰ নেতৃত্ব দিছিল—

(a) মধুমল্লিকে।

(b) দুতিৰাম বৰুৱাই।

(c) বাহাদুৰ গাঁওবুঢ়াই।

(d) মণিৰাম দেৱানে।

উত্তৰঃ (d) মণিৰাম দেৱানে।

20. চৰকাৰে বন্ধ কৰা খেতি যাৰ বাবে ফুলগুৰি ধাৰা সংঘটিত হৈছিল সেইটো হ’ল—

(a) চাহ খেতি।

(b) তামোল-পাণৰ খেতি।

(c) আফুখেতি।

(d) সৰিয়হ খেতি।

উত্তৰঃ (c) আফুখেতি।

অধিক MCQ আৰু Short Question Answer পোৱাৰ বাবে ? তলৰ Link টো Click কৰক।

অতি চমু উত্তৰৰ প্ৰশ্ন :

১। ব্রিটিছশাসন প্রতিষ্ঠা হােৱাৰ পিছত অসমৰ ৰাজহ সংগ্ৰহৰ পদ্ধতিৰ কি পৰিৱৰ্তন হৈছিল ?

উত্তৰঃ  ১৮২৬ চনত অসমত ব্রিটিছ শাসন প্রতিষ্ঠা হােৱাৰ পিছত দ্রব্যৰ পৰিবৰ্তে মুদ্ৰাৰে ৰাজহ সংগ্ৰহৰ ব্যৱস্থা প্ৰৱৰ্তন কৰা হয় । ব্রিটিছসকলে সকলাে ধৰণৰ ৰাজহ মুদ্ৰাৰ মাধ্যমেৰে সংগ্ৰহ কৰাৰ ব্যৱস্থা কৰে । 

২। কোন চনত মফট মিলচ অসমলৈ আহিছিল ?

উত্তৰঃ  ১৮৫৩ চনত মফট মিলচ অসমলৈ আহিছিল । 

৩। কেঞাসকল কোন আছিল ? 

উত্তৰঃ কেএসকল হৈছে বহিৰাগত মাৰােৱাৰি সম্প্ৰদায়ৰ লােক যিয়ে অসমীয়া প্ৰজাক সুতৰ বিনিময়ত ধন ধাৰলৈ দি জীৱিকা নির্বাহ কৰিছিল । 

৪। অসমত ১৮৫৭ চনৰ বিদ্ৰোহৰ নেতৃত্ব কোনে দিছিল ? 

উত্তৰঃ অসমত ১৮৫৭ চনৰ বিদ্ৰোহৰ নেতৃত্ব  মণিৰাম দেৱানে দিছিল । 

৫। ১৮৫৭ চনৰ বিদ্রোহত অসমৰ বিদ্রোহীসকলে কোন আহােম ৰাজকোঁৱৰক পুনৰায় আহােম সিংহাসনত বহুৱাব খুজিছিল ?

উত্তৰঃ ১৮৫৭ চনৰ বিদ্রোহত অসমৰ বিদ্রোহীসকলে কন্দৰপেশ্বৰ সিংহক আহােম ৰাজকোঁৱৰক পুনৰায় আহােম সিংহাসনত বহুৱাব খুজিছিল ।

৬। মণিৰাম দেৱানক কোন বঙালী মুক্তিয়াৰে সহায় কৰিছিল ? 

উত্তৰঃ মণিৰাম দেৱানক মধু মল্লিক বঙালী মুক্তিয়াৰে সহায় কৰিছিল ।

৭। মণিৰাম দেৱানৰ লগত আৰু কোন ফাচীকাঠত ওলমিব লগা হৈছিল ? 

উত্তৰঃ মণিৰাম দেৱানৰ লগত পিয়লি বৰুৱা ফাচীকাঠত ওলমিব লগা হৈছিল ।

৮। কোনে মণিৰাম দেৱানৰ বিচাৰ কৰিছিল ?

উত্তৰঃ  কেপ্টেইন হলৰইডে মণিৰাম দেৱানৰ বিচাৰ কৰিছিল। 

৯। অসমৰ ১৮৫৭ চনৰ বিদ্ৰোহৰ বিফলতাৰ দুটা কাৰণ উল্লেখ কৰা ।

উত্তৰঃ অসমৰ ১৮৫৭ চনৰ বিদ্ৰোহৰ বিফলতাৰ দুটা গুৰুত্বপূর্ণ কাৰণ আছিল-

 ( ক ) বিদ্রোহীৰ সংখ্যা অতি কম আছিল , কেৱল যােৰহাট আৰু শিৱসাগৰতেই এওঁলােকৰ গতিবিধি সীমিত আছিল । দেৱানে নগাঁও , কামৰূপ আৰু গুৱাহাটীত সমর্থন আদায় কৰিব পৰা নাছিল । 

( খ ) বিদ্ৰোহৰ মুখ্য সংগঠক মণিৰাম দেৱানে বিদ্রোহস্থলীৰ পৰা বহু দূৰত অৱস্থান কৰিছিল । তেওঁ কলিকতাত থাকি পত্ৰৰ জৰিয়তে বিদ্রোহ নিয়ন্ত্রণ কৰিবলৈ চেষ্টা কৰিছিল যিটো অপ্রায়ােগিক বুলি প্রমাণিত হয় । তেওঁ নিকটবর্তী স্থানৰ পৰা বিদ্রোহ পৰিচালিত কৰাৰ প্রয়ােজন আছিল ।

১০। কোন কোন চনত টিকট কৰ আৰু আয়কৰ প্ৰৱৰ্তন কৰা হৈছিল ? 

উত্তৰঃ ১৮৫৮ চনত টিকট কৰ আৰু ১৮৬০ চনত আয়কৰ প্ৰৱৰ্তন কৰা হৈছিল ।

১১। ব্রিটিছৰ দিনত অসমৰ কৃষকৰ দুৰৱস্থাৰ দুটা  কাৰণ লিখা ।

উত্তৰঃব্রিটিছৰ দিনত অসমৰ কৃষকৰ দুৰৱস্থাৰ দুটা প্ৰধান  কাৰণ হ’ল-

 ( ক ) ব্রিটিছ চৰকাৰে আৰােপ কৰা অত্যধিক কৰ ।

 ( খ ) বানপানী , অনাবৃষ্টি আদি প্রাকৃতিক দুর্যোগ । 

১২। লেফটেনেন্ট ছিংগাৰ কোন আছিল ? 

উত্তৰঃ ১৮৬১ চনৰ ফুলগুৰি ধাৱাৰ সময়ত লেফটেনেন্ট ছিংগাৰ নগাঁৱৰ সহকাৰী উপায়ুক্ত আছিল । প্রতিবাদকাৰী কৃষকসকলৰ নিয়ন্ত্ৰণৰ চেষ্টা কৰোঁতে কৃষকসকলে তেওঁক লাঠীৰে কোবাই হত্যা কৰে ।

১৩। ফুলগুৰিৰ ধাৱা কেতিয়া সংঘটিত হৈছিল ?

উত্তৰঃ ফুলগুৰিৰ ধাৱা ১৮৬১ চনত সংঘটিত হৈছিল ।

১৪। ৰঙিয়াৰ কৃষক বিদ্রোহ কেতিয়া সংঘটিত হৈছিল ? 

উত্তৰঃ ৰঙিয়াৰ কৃষক বিদ্রোহ ১৮৯৩ চনত সংঘটিত হৈছিল । 

১৫। লচিমা ক’ত অৱস্থিত ? 

উত্তৰঃ অসমৰ উত্তৰ কামৰূপৰ বজালী অঞ্চলত লচিমা অৱস্থিত ।

১৬। লচিমাৰ কৃষক বিদ্রোহ কেতিয়া সংঘটিত হৈছিল ?

উত্তৰঃ লচিমাৰ কৃষক বিদ্রোহ ১৮৯৪ চনত   সংঘটিত হৈছিল ।

১৭। পথৰুঘাটৰ কৃষক বিদ্রোহ কেতিয়া হৈছিল ?

উত্তৰঃ পথৰুঘাটৰ কৃষক বিদ্রোহ ১৮৯৪ চনত   হৈছিল ।

১৮। ১৮৬১ চনত জয়ন্তীয়া বিদ্ৰোহৰ নেতৃত্ব কোনে দিছিল ? 

উত্তৰঃ ১৮৬১ চনত জয়ন্তীয়া বিদ্ৰোহৰ নেতৃত্ব   ওকিয়াং নবায়ে  দিছিল ।

১৯। ১৮৮১ চনত উত্তৰ কাছাৰৰ জনজাতীয় বিদ্ৰোহৰ নেতৃত্ব কোনে দিছিল ?

উত্তৰঃ ১৮৮১ চনত উত্তৰ কাছাৰৰ জনজাতীয় বিদ্ৰোহৰ নেতৃত্ব সম্বােধন কছাৰী দিছিল ।

২০। টিকেন্দ্রজিতক কোনে মৃত্যুদণ্ডে দণ্ডিত কৰিছিল ? 

উত্তৰঃ টিকেন্দ্রজিতক ব্রিটিছসকলে মৃত্যুদণ্ডে দণ্ডিত কৰিছিল ।

২১। জে ডব্লিউ কুইন্টনক কোন চনত হত্যা কৰিছিল ?

উত্তৰঃ জে ডব্লিউ কুইন্টনক ১৮৯১ চনত হত্যা কৰিছিল ।

দীঘল উত্তৰৰ প্রশ্ন :

১। ১৮৫৭-৫৮ চনৰ বিদ্ৰোহৰ কাৰণ সম্পর্কে চমুকৈ আলােচনা কৰা । 

উত্তৰঃ ভাৰতীয় চিপাহীসকলৰ বিদ্রোহেৰে ১৮৫৭ চনৰ ১০ মে’ত মিৰাটত আৰম্ভ হােৱা ভাৰতৰ প্রথম স্বাধীনতা সংগ্ৰামৰ এটা প্রশাখা আছিল অসমৰ ১৮৫৭ চনৰ বিদ্রোহ । অসমত বিদ্ৰোহৰ সূত্রপাত হােৱাৰ প্ৰধান কাৰণ হৈছে ব্রিটিছ প্রশাসন ওপৰত জনসাধাৰণৰ অসন্তুষ্টি । জনসাধাৰণৰ অসন্তুষ্টিৰ কাৰককেইটা তলত উল্লেখ কৰা হ’ল –

 (ক) ত্রুটিপূর্ণ ভূমি ৰাজহ ব্যৱস্থা :-  অসমত ১৮৫৭ চনৰ বিদ্রোহ সূত্রপাত হােৱাৰ প্ৰথমটো গুৰুত্বপূৰ্ণ কাৰক হৈছে নতুন ৰাজহ ব্যৱস্থাৰ প্ৰৱর্তন । এই ব্যৱস্থাৰ অন্তৰ্গত মুদ্ৰাৰে ভূমি ৰাজহ আৰু অন্যান্য কৰ সংগ্ৰহৰ পদক্ষেপ গ্রহণ কৰা হৈছিল । এই ব্যৱস্থাই অসমীয়া কৃষক সমাজৰ ওপৰত বাৰুকৈয়ে কুপ্রভাৱ পেলাইছিল ।

ব্রিটিছসকলে কৰ সংগ্ৰহৰ ওপৰতহে গুৰুত্ব আৰােপ কৰিছিল । মথাউৰি নিৰ্মাণ আৰু জলসিঞ্চনৰ ব্যৱস্থা অদিৰে কৃষি উৎপাদন বৃদ্ধিত গুৰুত্ব আৰোপ কৰা নাছিল । অসমীয়া প্ৰজাই সুদখােৰ মহাজন শ্রেণীৰ পৰা টকা ধাৰলৈ ৰাজহ পৰিশােধ কৰিবলগীয়া হৈছিল ।

(খ) মহামাৰীৰ বিস্তাৰ :-  উজনি অসমত কলেৰা আৰু বসন্তই সৃষ্টি কৰা মহামাৰীয়ে ১৮৯৩ , ১৮৪৭ আৰু ১৮৫২ চনত ভালেমান গাঁও ধ্বংস কৰিছিল । কোনাে ধৰণৰ সহায় আৰু কৰ ৰেহাই প্রদান নকৰাত সাধাৰণ লােকসকল বিতুষ্ট হৈ পৰিছিল ।

(গ) চাহ বাগিছাসমূহক ভূমি ৰাজহৰ পৰা ৰেহাই :-  ব্রিটিছসকলে উজনি অসমত স্থাপন কৰা চাহ বাগিছাৰ অন্তর্ভুক্ত ভূমিৰ ৰাজহ ৰেহাই দিছিল । অতিৰিক্ত কৰৰ বােজা সাধাৰণ কৃষকে বহন কৰিব লাগিছিল । 

(ঘ) কুটীৰ শিল্পৰ অবনতি :-  ব্রিটিছসকলে বিদেশী বস্ত্র আমদানি কৰাৰ নীতি গ্রহণ কৰাৰ ফলত পাট মুগা শিল্পৰ লগত  জড়িত লোকসকলৰ অৱস্থা শোচনীয় হৈ পৰিল  

(ঙ)নিয়ােগৰ অভাৱ :- অসমীয়া সমাজৰ উচ্চ শ্রেণীৰ লােকসকল আধুনিক শিক্ষাৰে শিক্ষিত নােহােৱাৰ ফলত ইষ্ট ইণ্ডিয়া কোম্পানীৰ প্ৰশাসনত নিযুক্ত হ’ব পৰা নাছিল । ব্রিটিছসকলে বংগদেশৰ পৰা অনা বঙালী বাবুসকলে কোম্পানীৰ প্ৰশাসনত নিযুক্ত হৈছিল ।

(চ) দাস প্রথা বিলুপ্তি :- ১৮৪৩ চনত হােৱা দাস প্রথাৰ বিলােপ সাধনক অভিজাত শ্ৰেণীটোৱে সহজভাৱে লােৱা নাছিল কিয়নাে ইয়াৰ পৰিপ্ৰেক্ষিতত সকলাে ধৰণৰ কায়িক শ্রম তেওঁলােকে নিজে কৰিবলগীয়া হৈছিল ।

এনেদৰে মর্যাদা হানি হােৱাত তেওঁলােকৰ মনত অসন্তুষ্টিৰ সৃষ্টি হৈছিল । মুক্ত হােৱা লগুৱা – লিকছৌ বিলাক চাহ বাগিছাত নিযুক্ত হৈছিল যদিও তেওঁলােকৰ কল্যাণৰ বাবে ব্যৱস্থা গ্ৰহণ কৰা নাছিল ।

(ছ) লাখেৰাজ ভূমিৰ ওপৰত কৰ নিৰ্ধাৰণ :- ব্রাহ্মণ পুৰােহিত সকলে পূর্বৰে পৰা ভােগ – দখল কৰি অহা লাখেৰাজ বা নিস্কৰ ভূমিসমূহৰ অতিৰিক্তখিনি কাঢ়ি লৈ অৱশিষ্টভাগৰ ওপৰত খাজনা আৰােপ কৰাত তেওঁলােক ইংৰাজ শাসনৰ বিৰােধী হৈ পৰিছিল ।

(জ) পূর্ববতী বিদ্রোহ :- ব্রিটিছসকলে অসম অধিকাৰ কৰাৰ পাছত আহােম ৰাজতন্ত্র পুনৰায় প্রতিষ্ঠা কৰ্বিলৈ কেইবাটাও বিদ্রোহ সংঘটিত হৈছিল । ১৮২৮ , ১৮২৯ আৰু ১৮৩০ চনৰ বিদ্রোহ এনে বিদ্ৰোহৰ ভিতৰত পৰে । ১৮৫৭ চনৰ বিদ্রোহক এই বিদ্রোহ বিলাকৰ পৰৱর্তী পর্যায়ৰ বিদ্রোহ হিচাপে বিবেচনা কৰা হয় ।

২। অসমত ১৮৫৭-৫৮ চনৰ বিদ্রোহত মণিৰাম দেৱানৰ ভূমিকা সম্পর্কে আলােচনা কৰা ।

উত্তৰঃ মণিৰাম দেৱানে অসমত ১৮৫৭-৫৮ চনৰ বিদ্ৰোহৰ নেতৃত্ব দিছিল । তেওঁ এই বিদ্ৰোহৰ পৰিকল্পনাকাৰী , উপদেষ্টা আৰু সংগঠক আছিল । মণিৰাম দেৱানে তেওঁৰ কৰ্মজীৱনৰ প্রথম ভাগত অসমত ব্ৰিটিছ চৰকাৰৰ অধীনৰ সেৱাত নিযুক্ত আছিল । কিন্তু ব্রিট্রিছৰ নীতিৰ ফলত তেওঁ ক্ষমতা আৰু মর্যাদা হেৰুৱাই সাধাৰণ প্রজা হিচাপে জীৱন নির্বাহ কৰিবলগীয়া হৈছিল ।

আহােম ৰাজতন্ত্রৰ পুনৰ প্রতিষ্ঠা হলে হেৰুওৱা মর্যাদা ঘূৰাই পােৱাৰ আশাত তেওঁ ১৮৫৩ চনত কলিকতা উচ্চ ন্যায়ালয়ত মুখ্য ন্যায়াধীশ মফট মিলচৰ হাৰত এখন আৱেদন দাখিল কৰে যদিও তেওঁৰ প্রতি কোনাে সহানুভূতি প্রদর্শন কৰা নাছিল বৰং তেওঁক এজন চক্রান্তকাৰী হিচাপেহে অভিহিত কৰিছিল ।

আহােম ৰাজকোৱৰ কন্দপেশ্বৰ সিংহৰ হাতত অসমৰ শাসনভাৰ অৰ্পণ কৰাৰ বাবে ব্রিটিছ কর্তৃপক্ষক সৈমানে কৰিবলৈ ১৮৫৭ চনৰ প্রথম ভাগত তেওঁ কলিকতালৈ গৈছিল , কিন্তু তেওঁ বংগদেশৰ গৱৰ্ণৰ জেনেৰেলক লগ কৰাৰ কোনাে সুযােগ নাপালে । মিৰাটত সূত্রপাত ঘটা চিপাহী বিদ্ৰোহৰ বিষয়ে তেওঁ কলিকতাত জানিব পাৰিলে ।

কলিকতাত মণিৰাম দেৱানে মধু মল্লিক নামৰ এজন বঙালী মুক্তিয়াৰৰ সৈতে মিলিত হৈ ব্রিটিছসকলক অসমৰ পৰা উৎখাত কৰাৰ ষড়যন্ত্র ৰচনা কৰে । তেওঁলােকৰ বাহাদুৰ গাঁওবুঢ়া , ফর্মুদ আলি , দুটিৰাম বৰুৱা , মায়াম নাজিৰ , মহাবীৰ মুক্তিয়াৰ আদি ব্যক্তিৰ সমর্থন লাভ কৰে ।

এই বুলি সিদ্ধান্ত গ্রহণ কৰা হয় যে কন্দর্পেশ্বৰ সিংহই বিদ্ৰোহৰ নেতৃত্ব প্রদান কৰিব আৰু মণিৰাম দেৱানে অস্ত্র – শস্ত্ৰৰ ব্যৱস্থাপনা কৰিব । 

মণিৰাম দেৱানে কলিকতাৰ পৰাকন্দর্পেশ্বৰ সিংহ আৰু অন্যান্য বিশ্বাসী লােকক পত্রযােগে বিদ্রোহলৈ সাজু হ’বলৈ আহ্বান জনােৱাৰ লগতে ডিব্ৰুগড় আৰু গােলাঘাটত অৱস্থান কৰা ভাৰতীয় সৈন্যসকলৰ লগত যােগাযােগ স্থাপন কৰিবলৈ আহ্বান জনায় । ১৮৫৭ চনৰ অক্টোবৰ মাহত দুর্গা পূজাৰ সময়ত বিদ্রোহ সংঘটিত কৰাৰ সিদ্ধান্ত লােৱা হয় ।

অৱশ্যে , নেতাসকলে পদক্ষেপ লােৱাৰ আগতেই ব্রিটিছে অভিসন্ধিটো ধৰা পেলালে কিয়নাে ব্রিটিছ চৰকাৰৰ বিৰুদ্ধে স্পষ্টভাৱে ষড়যন্ত্রৰ উল্লেখ থকা মণিৰাম দেৱানৰ পত্ৰসমূহ ব্রিটিছৰ হাতত পৰিছিল । বিদ্রোহ সংগঠনত তেওঁ পালন কৰা ভূমিকাৰ বাবে তেওঁক কলিকতাত গ্রেপ্তাৰ কৰি বিচাৰৰ সন্মুখীন হ’বলৈ অসমলৈ অনা হয় ।

ব্রিটিছৰ বিৰুদ্ধে কৰা ষড়যন্ত্রৰ বাবে দোষী সাব্যস্ত কৰি তেওঁক আৰু পিয়লি বৰুৱাক ১৮৫৮ চনৰ ২৬ ফেব্ৰুৱাৰীত যােৰহাট কাৰাগাৰত ৰাজহ্বাকৈ ফাচী দিয়া হয় ।

৩। কি কি কাৰণত অসমত ১৮৫৭-৫৮ চনৰ বিদ্রোহ ব্যর্থ হৈছিল আলােচনা কৰা ।

উত্তৰঃ  অসমত ১৮৫৭-৫৮ চনত মণিৰাম দেৱানে বিদ্রোহ সংঘটিত কৰাৰ আঁচনি প্রস্তুত কৰিছিল আৰু তেওঁক কেইগৰাকীমান আহােম ডা – ডাঙৰীয়াই সহায় কৰিছিল।ব্রহ্মপুত্র উপত্যকাত পুনৰায় আহােম শাসন প্রতিষ্ঠাৰ লক্ষ্যত উপনীত হােৱাত ই বিফল হােৱাৰ কাৰককেইটা তলত উল্লেখ কৰা হ’ল- 

( ক ) বিদ্রোহীৰ সংখ্যা অতিতাকৰীয়া আছিল :-  মণিৰাম দেৱানৰ সমর্থক কেৱল যােৰহাট আৰু শিৱসাগৰতহে আছিল । নগাঁও , কামৰূপ আৰু গুৱাহাটীত তেওঁ সমর্থন আদায় কৰিব পৰা নাছিল । 

( খ ) আঁচনি কার্যকৰী কৰাত বিলম্ব :- সকলাে ধৰণৰ প্রস্তুতি সম্পূর্ণ কৰাৰ পাছতাে বিদ্রোহীসকলে বিদ্রোহ কার্যকৰী কৰাত পলম কৰিছিল । ফলস্বৰূপে , ব্রিটিছসকলে প্ৰতিৰােধী ব্যৱস্থা গ্রহণেৰে বিদ্রোহ দমন কৰিবলৈ যথেষ্ট সময় পাইছিল । 

( গ ) নেতৃত্বৰ অভাৱ :-  বিদ্ৰোহৰ প্রধান সংগঠক মণিৰাম দেৱানে সুদূৰ কলিকতাৰ পৰা পত্ৰৰ জৰিয়তে বিদ্রোহ পৰিচালনা কৰাৰ চেষ্টা কৰিছিল , যিটো বাস্তৱসন্মত নাছিল । তেওঁ যথাসম্ভৱ সােনকালে অসমলৈ ঘূৰি আহি বিদ্রোহ পৰিচালনা কৰাটো উচিত আছিল । মণিৰাম দেৱান ভাল প্রশাসক আছিল যদিও বিদ্ৰোহৰ নেতৃত্বৰ বাবে আৱশ্যকীয় অহর্তা নাছিল । 

( ঘ ) জন সমর্থনৰ অভাৱ :- অসমৰ নতুন মধ্যবিত্ত শ্রেণীৰ লােকসকলে বিদ্ৰোহৰ প্রতি সহানুভূতি প্রদর্শন কৰা নাছিল । আহােম ৰাজতন্ত্ৰৰ অধীনৰ জীৱন ধাৰাতকৈ তেওঁলােক ৰঙালী মধ্যবিত্ত শ্রেণীৰ জীৱন ধাৰাৰ প্ৰতিহে আকর্ষিত হৈছিল ।

(ঙ) গােপনীয়তাৰ অভাৱ :- মণিৰাম দেৱানে কলিকতাৰ পৰা তেওঁৰ সহযােগীসকললৈ লিখা পত্র ব্রিটিছসকলে হস্তগত কৰাৰ পৰিণতিত সমগ্র অভিসন্ধি ৰাজহ্বা হয় । ফলস্বৰূপে , বিদ্রোহ আৰম্ভ কৰাৰ পূর্বেই ইয়াক দমন কৰা হৈছিল 

(চ) অস্ত্র-শস্ত্ৰৰ অভাৱ :-  মণিৰাম দেৱানে অসমলৈ অস্ত্র-শস্ত্র অনাৰ কথা আছিল । তেতিয়ালৈকে , বিদ্রোহীসকলে অস্ত্র শস্ত্র প্রত্যক্ষ কৰা নাছিল ।

(ছ) চিপাহীসকলৰ সমর্থনৰ অভাৱ :-  ১৮৫৭ চনৰ ভাৰতীয় বিদ্ৰোহৰ প্রধান চালিকা শক্তি আছিল চিপাহীসকল যিয়ে ব্রিটিছৰ বিৰুদ্ধে সংঘবদ্ধভাৱে বিদ্ৰোহৰ সূচনা কৰিছিল । ইয়াৰ বিপৰীতে অসমত মুখ্যতঃ কেইগৰাকীমান ক্ষুন্ন ভা – ডাঙৰীয়াই বিদ্ৰোহৰ পদক্ষেপ লৈছিল যিয়ে স্থানীয় সৈনিক গােটৰ সমর্থন আদায় কৰিব পৰা নাছিল ।

৪। অসমত ১৮৫৭ চনৰ বিদ্ৰোহৰ গুৰুত্ব সম্পর্কে আলােচনা কৰা ।

উত্তৰঃ  অসমৰ ১৮৫৭ চনৰ বিদ্রোহ অসমৰ ইতিহাসৰ এক উল্লেখযােগ্য ঘটনা । যদিও এই বিদ্রোহ অসমৰ পৰা ব্রিটিছক বিতাড়িত কৰাৰ ক্ষেত্ৰত বিফল হৈছিল তথাপি এই বিদ্রোহে অসম আৰু ইয়াৰ জনসাধাৰণৰ ওপৰত সুদূৰপ্ৰসাৰী প্ৰভাৱ পেলাইছিল । এই বিদ্ৰোহৰ গুৰুত্ব সম্পর্কে তলত উল্লেখ কৰা হ’ল- 

(ক) অসম জাতীয় আন্দোলনৰ অংশত পৰিণত হয় :- ১৮৫৭ চনৰ বিদ্ৰোহৰ অসমৰ অংশগ্ৰহণৰ ঘটনাটো হৈছে প্ৰথমটো ঘটনা য’ত দেশৰ পৰা ব্রিটিছক বিতাড়িত কৰিবলৈ ভাৰতৰ অৱশিষ্ট অংশৰ সৈতে অসমৰ জনসাধাৰণে যােগদান কৰিছিল আৰু এনেদৰে জাতীয় স্বাধীনতা আন্দোলনৰ অংশ হৈ পৰিছিল । 

(খ) আদর্শগত উদাহৰণ :-  ১৮৫৭ চনৰ বিদ্ৰোহৰ পাছত ১৮৬০ চনৰ পৰা ১৮৯৪ চনলৈ ৰাজ্যৰ বিভিন্ন অংশত বহুতাে কৃষক বিদ্রোহ সংঘটিত হৈছিল । মণিৰাম দেৱান আৰু পিয়লি বৰুৱাৰ মৃত্যুৱে জনসাধাৰণক অনুপ্রাণিত কৰিছিল । আৰু অসমত আৰম্ভ হােৱা কৃষক বিদ্রোহসমূহ ১৮৫৭ চনৰ বিদ্ৰোহৰ প্রতিক্রিয়া বুলি বহুতাে ইতিহাসবিদে বিবেচনা কৰে ।

(গ) হিন্দু মুছলমানৰ মাজত একতা স্থাপন :-  হিন্দু আৰু মুছলমান উভয় সম্প্রদায়ৰ বিশিষ্ট ব্যক্তিসকলে বিদ্ৰোহৰ মুখ্য সংগঠকৰ ভূমিকা পালন কৰিছিল । এই একতাই জাতীয়তাবাদৰ উদ্যম বৃদ্ধি কৰাৰ লগতে ৰাজ্যত সাম্প্রদায়িক সম্প্ৰীতিৰ সূচনা কৰে ।

(ঘ)  অনুপ্ৰেৰণাৰ উৎস :- মহাত্মা গান্ধীৰ নেতৃত্বত উত্থান হােৱা জাতীয় আন্দোলনত সক্রিয়ভাৱে অংশগ্রহণ কৰিবলৈ বিফল বিদ্রোহটোৱে শ শ স্বাধীনতাপ্রিয় জনতাক অনুপ্রাণিত কৰিছিল । 

৫।  ফুলগুৰি ধাৱাৰ ওপৰত এটি টোকা লিখা ।

উত্তৰঃ  অসমত কেইবাবছৰ ধৰি চলা এলানি কৃষক বিদ্ৰোহৰ প্ৰথমটো বিদ্রোহেই হৈছে ১৮৬১ চনৰ ফুলগুৰিৰ ধাৱা । ব্রিটিছসকলে প্ৰৱৰ্তন কৰা নতুন ৰাজহ নীতিৰ ফলত কৃষকসকলৰ অৱস্থাৰ অধিক অৱনতি ঘটিছিল ।

চৰকাৰৰ দ্বাৰা আফু খেতিৰ ওপৰত নিষেধাজ্ঞা আৰােপ আৰু তামােল – পাণৰ ওপৰত কৰ আৰােপ কৰাটোৱেই হৈছে ফুলগুৰি ধাৱাৰ প্ৰধান কাৰণ ৷ আফু খেতিৰ জৰিয়তে জীৱন নির্বাহ কৰা নগাঁও জিলাৰ ফুলগুৰি গাঁৱত বসবাস কৰা তিৱা জনজাতিৰ লােকসকল চৰকাৰৰ নিষেধাজ্ঞাৰ ফলত অতিশয় অসন্তুষ্ট হৈ পৰে । 

চৰকাৰী নির্দেশনাৰ বিৰুদ্ধে অসন্তুষ্টি প্রকাশ কৰিবলৈ অঞ্চলটোৰ ১৫০০ জন কৃষকে ১৮৬১ চনৰ ১৭ চেপ্টেম্বৰত ৰাইজ মেল অনুষ্ঠিত কৰে য’ত আফু খেতি বন্ধ কৰাৰ বিৰুদ্ধে প্রতিবাদ সাব্যস্ত কৰা হয় ।

আফু খেতিৰ ওপৰত নিষেধাজ্ঞা প্রত্যাহাৰ আৰু তামােল – পাণৰ ওপৰত কৰাৰােপণ প্রত্যাহাৰৰ অনুৰােধ জনাই উপায়ুক্ত হার্বাট স্কন্সৰ হাতত এখন আৱেদন পত্র দাখিল কৰে । তেওঁ তেওঁলােকক দুর্ব্যৱহাৰ কৰাত ১৮৬১ চনৰ ১৫ অক্টোবৰত ফুলগুৰিত লাঠিৰে সজ্জিত কৃষকসকলে অন্য এক ৰাইজমেল অনুষ্ঠিত কৰে । ১৮ অক্টোবৰত এই মেলত প্রায় ৪০০০ কৃষক ৰাইজ সমৱেত হয় ।

সহকাৰী উপায়ুক্ত লেফটেনেন্ট জি বি ছিংগাৰে ৰাইজৰ প্রতি সহানুভূতি প্রদর্শন নকৰিলে আৰু লগত অহা পুলিচ বাহিনীক ৰাইজৰ হাতত থকালাঠিবােৰ কাঢ়ি আনিবলৈ নির্দেশ দিলে । লাঠিৰ বাবে টনা – আজোৰা চলি থাকোতে সমবেত ৰাইজৰ উপর্যুপৰি লাঠিৰ আঘাতত তেওঁৰ ঘটনাস্থলীতে মৃত্যু হয় । 

৬। ১৮৯৪ চনত উত্তৰ কামৰূপত সংঘটিত হােৱা কৃষক বিদ্রোহ সম্পর্কে আলােচনা কৰা । 

উত্তৰঃ ব্রিটিছ চৰকাৰৰ অৱদমনকাৰী নীতিৰ বিৰুদ্ধে কৃষক বিদ্রোহ সংগঠিত হােৱাৰ পদক্ষেপ অব্যাহত থাকিল । ব্রিটিছসকলে ফুলগুৰিৰ বিদ্ৰোহৰ পৰৱর্তী পর্যায়তাে ১৮৯২ চনত ১০০ শতাংশ খাজনা বৃদ্ধি কৰে আৰু কঠোৰভাৱে সংগ্ৰহ কৰাৰ ব্যৱস্থা গ্ৰহণ কৰে । ইয়াৰ ফলত সাধাৰণ জনগণ ক্ষুদ্ধ হৈ পৰে আৰু ৰাইজ মেলত মিলিত হৈ প্রতিবাদ সাব্যস্ত কৰে ।

বজালী অঞ্চলৰ ৰাইজমেলত আৰু পানাগাঁৱৰ চাপৰিত অনুষ্ঠিত ৰাইজমেলত উত্তৰ কামৰূপৰ লচিমা , চৌখুটী , পানাগাঁও , সৰ্থেবাৰী , পাটাছাৰকুছি , ৰঙিয়া , নলবাৰী , ধর্মপুৰ , বজালী আদিৰ কৃষকসকলে অংশগ্রহণ কৰিছিল । ১৮৯৪ চনৰ ২১ জানুৱাৰীত খাজনা সংগ্রহ কৰিবলৈ যাওঁতে মৌজাদাৰ আৰু মণ্ডলক ৰাইজে মাৰপিট কৰে আৰু ইয়াৰ ফলস্বৰূপে মৌজাদাৰজনৰ মৃত্যু হয়।

বৰপেটাৰ মহকুমাধিপতি মাধৱ চন্দ্ৰ বৰদলৈয়ে ৭৫ জন লোকক  আটক কৰে আৰু লচিমাৰ জিৰণি শিবিৰলৈ লৈ যায় । অৱশ্যে , ৩০০০ জন কৃষকে ভাবুকি প্রদান কৰাৰ ফলস্বৰূপে তেওঁলােকক মুকলি কৰি দিবলৈ বাধ্য হয় । পিছদিনা উপায়ুক্ত মেক কেবেই ৫৯ জন বিদ্রোহীক গ্রেপ্তাৰ কৰি জেলত আবদ্ধ কৰি ৰাখে ।

তেওঁ সমবেত ৰাইজৰ দাবী মানিবলৈ অস্বীকাৰ কৰে । ১৮৯৪ চনত সংঘটিত লচিমাৰ কৃষক বিদ্রোহেই হৈছে উত্তৰ কামৰূপৰ প্ৰধান কৃষক বিদ্ৰোহ ।

S.L. No.Contents
HISTORY (ইতিহাস)
পাঠ-1বংগ বিভাজন আৰু স্বদেশী আন্দোলন
পাঠ-2মহাত্মা গান্ধী আৰু ভাৰতৰ স্বাধীনতা সংগ্রাম
পাঠ-3অসমত ব্রিটিছ বিৰােধী জাগৰণ আৰু কৃষক বিদ্রোহ
পাঠ-4ভাৰতৰ স্বাধীনতা আন্দোলন আৰু অসমত জাতীয় জাগৰণ
পাঠ-5ভাৰত আৰু উত্তৰ – পূৰ্বাঞ্চলৰ সাংস্কৃতিক ঐতিহ্য
GEOGRAPHY (ভূগােল)
পাঠ-1অর্থনৈতিক ভূগােল: বিষয়বস্তু আৰু সম্পদ
পাঠ-2পৰিৱেশ আৰু পৰিৱেশৰ সমস্যা
পাঠ-3পৃথিৱীৰ ভূগোল
পাঠ-4অসমৰ ভূগোল
POLITICAL SCIENCE AND ECONOMICS
পাঠ-1ভাৰতীয় গণতন্ত্ৰ
পাঠ-2আন্তর্জাতিক সংস্থা – ৰাষ্ট্ৰসংঘ আৰু অন্যান্য
পাঠ-3মুদ্রা আৰু বেংক ব্যৱস্থা
পাঠ-4অৰ্থনৈতিক উন্নয়ন

৭। ১৮৯৪ চনত পথৰুঘাটত সংগটিত হােৱা কৃষক বিদ্ৰোহৰ এটি খতিয়ানদাঙি ধৰা ।

উত্তৰঃ  ব্রিটিছসকলৰ অৱদমনকাৰী অর্থনৈতিক নীতিৰ বিৰুদ্ধে ১৮৬১ চনৰ পৰা ১৮৯৪ চনলৈ এলানি কৃষক বিদ্রোহ সংঘটিত হৈছিল।কামৰূপ , দৰং আৰুনগাঁও জিলাৰ বহুতাে অংশত বিদ্ৰোহৰ উত্থান ঘটিছিল যদিও অধিক সংখ্যক বিদ্রোহ ব্রিটিছে কঠোৰভাৱে দমন কৰিছিল ।

১৮৯৪ চনৰ ২৮ জানুৱাৰীত দৰং জিলাৰ পথৰুঘাটৰ কৃষকসকলেও বিদ্রোহ সংগঠিত কৰিছিল । বিদ্ৰোহৰ সূত্রপাত হােৱাৰ আগতেই বৃহৎ মাত্ৰাত প্রস্তুতি আৰু পৰিকল্পনা কৰি থৈছিল । মঙলদৈ মহকুমাৰ কলাইগাঁও , মঙলদৈ ছিপাঝাৰ আৰু পথৰুঘাট তহচিলৰ কৃষকসকলে প্ৰথমতে নিজ নিজ অঞ্চলত ৰাইজমেল অনুষ্ঠিত কৰে আৰু পৰৱর্তী পর্যায়ত ১৬ জানৱাৰীৰ পৰা ২৮ জানুৱাৰীলৈ পথৰুঘাটত ৰাইজমেল অনুষ্ঠিত কৰি গােট খােৱাৰ সিদ্ধান্ত গ্রহণ কৰে ।

জিলাধিপতিয়ে এই সম্পর্কে অৱগত হােৱাত তেওঁ আৰক্ষী অধীক্ষকৰ সৈতে পুলিচ আৰু সামৰিক বাহিনীৰ এক বৃহৎ ফৌজ লৈ পথৰুঘাটত উপস্থিত হয় । খাজনা দিবলৈ অমান্তি হােৱা কৃষকৰ ভূমি তেওঁলােকে বাজেয়াপ্ত কৰে । ২০০ জন ক্ষুদ্ধ কৃষকে অধীক্ষক বেৰিংটনক আগুৰি ধৰাত তেওঁ কোনােমতে সাৰি আহি জিৰণি শিবিৰত আশ্রয় গ্রহণ কৰে ।

লাঠি আৰু বাঁহৰ কামিৰে সজ্জিত প্রায় ২০০০ গৰাকী উত্তেজিত কৃষকে জিৰণি শিবিৰৰ পিনে অগ্ৰসৰ হয় । সমবেত কৃষকসকলক নিয়ন্ত্রণ কৰিবলৈ ব্যর্থ হােৱাত উপায়ুক্তই বেৰিংটনক গুলীচালনা কৰিবলৈ নির্দেশ দিয়ে । গুলীচালনাৰ ফলস্বৰূপে ১৪০ জন কৃষকৰ মৃত্যু হয় আনহাতে ১৫০ জন কৃষক আহত হয় ।

অৱশ্যে চৰকাৰী হিচাপমতে ১৫ জন কৃষকৰ মৃত্যু হয় আৰু ৩৭ জন কৃষক আহত হয়।চৰকাৰে ৩৭ জন কৃষকক গ্রেপ্তাৰ কৰি বিদ্রোহত জড়িত থকাৰ অভিযােগত বিচাৰ কৰে । আকলু শেখ আৰু অন্যান্য ছয়জনক শাস্তি প্রদান কৰা হয় আৰু বাকী সকলকে মুক্তি দিয়া হয় । ব্রিটিছৰ অর্থনৈতিক নীতিৰ বিৰুদ্ধে অসমত উত্থান হােৱা বিদ্রোহলানিৰ ভিতৰত এয়া অন্তিমটো বিদ্রোহ আছিল । 

৮। ১৮৫০ চনত ব্রিটিছৰ বিৰুদ্ধে জয়ন্তীসকলে কৰা বিদ্ৰোহৰ বিষয়ে এটি টোকা লিখা । 

উত্তৰঃ ব্রিটিছৰ বিৰুদ্ধে সংগ্ৰামত অৱতীৰ্ণ হােৱা এক অন্যতম পাহাৰীয়া জনজাতি হৈছে জয়ন্তীয়াসকল । ১৮৩৫ চনত ব্রিটিছে । স্বাধীনতাপ্রিয় জয়ন্তীয়া জনজাতিসকলৰ ভূখণ্ড অধিকাৰ কৰাত তেওঁলােকে ব্রিটিছৰ এই পদক্ষেপ সহজভাৱে লােৱা নাছিল ।

ব্রিটিছসকলে নিজেই নিযুক্ত কৰা দলৈ সকলৰ ওপৰত সঘনে কৰা দোষাৰােপ , সামূহিকভাৱে মাছ ধৰা , খৰি সংগ্রহ আদিত ৰাজহ সংগ্ৰহৰ স্বাৰ্থত নিষেধাজ্ঞা আৰােপণ , ধর্মীয় আৰু পৰম্পৰাগত ৰীতি – নীতিত হস্তক্ষেপ আদিয়ে বিদ্রোহ বীজ ৰােপণ কৰিছিল ।

নগদ ধন হিচাপে কৰ কাটল প্রদান কৰি নােপােৱা এই জনজাতিসকলৰ ওপৰত গৃহকৰ আৰু আয়কৰ আৰােপ কৰা পদক্ষেপে তেওঁলােকৰ মাজত ক্ষোভ অধিক মাত্রা বৃদ্ধি কৰিছিল । চৰ্দাৰ আৰু দলৈসকলৰ লগত মিলিত হৈ জয়ন্তীসকলে বিদ্ৰোহৰ প্রস্তুতি কৰিবলৈ আৰম্ভ কৰিছিল ।

গৃহকৰ আৰােপ কৰাৰ ঠিক পাছতে জোৱাইৰ তহচিলদাৰক অপসাৰণ কৰি বিদ্ৰোহৰ সূচনা কৰা হয় । পৰৱৰ্তী পৰ্যায়ত জয়ন্তীপুৰ , মূলাগােল , জাফলং , ছেৰা অঞ্চলত বিদ্ৰোহৰ সূত্রপাত হয় । কিন্তু ব্রিটিছ চৰকাৰে কঠোৰভাৱে এই বিদ্রোহ দমন কৰিবলৈ চেষ্টা কৰিছিল ।

জয়ন্তীয়া পাহাৰৰ লােকসকলে ওকিয়াং নংবাহৰ নেতৃত্বত বিদ্রোহ ঘােষণা কৰে আৰু ১৮৬২ চনৰ ১৭ জানুৱাৰীত তেওঁলােকে হঠাতে জোৱাইস্থিত ব্রিটিছ ছাউনীত আক্রমণ কৰে । তেওঁলােকে জোৱাই – চেৰাপুঞ্জী আৰু চেৰাপুঞ্জী – জয়ন্তীপুৰ সংযােগী পথ দুটা আগৰে পৰা অৱৰােধ কৰি ৰাখিছিল আৰু তেওঁলােকৰ ওপৰত অত্যাচাৰ চলােৱা পুলিচ বাহিনীৰ লােকক হত্যা কৰিছিল ।

ওকিয়াং নংবাহক ফাঁচী দিয়াৰ পাছত অন্যান্য বিদ্রোহসকলৰ আশাভংগ হ’ল আৰু ১৮৬৩ চনত ব্রিটিছৰ ওচৰত আত্মসমর্পণ কৰিলে । এনেদৰে এই বিদ্ৰোহৰ অন্ত পৰিল ।


Leave a Comment

Your email address will not be published. Required fields are marked *

Scroll to Top