Class 10 Political and Economies Chapter 1 ভাৰতীয় গণতন্ত্ৰ – সমাধান answer to each chapter is provided in the list so that you can easily browse throughout different chapter Class 10 Political and Economies Chapter 1 ভাৰতীয় গণতন্ত্ৰ – সমাধান and select needs one.
Class 10 Political and Economies Chapter 1 ভাৰতীয় গণতন্ত্ৰ – সমাধান
Also, you can read SCERT book online in these sections Solutions by Expert Teachers as per SCERT (CBSE) Book guidelines. These solutions are part of SCERT All Subject Solutions. Here we have given Class 10 Political and Economies Chapter 1 ভাৰতীয় গণতন্ত্ৰ – সমাধান Solutions for All Subject, You can practice these here.
ভাৰতীয় গণতন্ত্ৰ
তৃতীয় খণ্ড
(INDIAN DEMOCRACY)
ADDITIONAL QUESTIONS ANSWER
Short Types Questions Answer
(ক) শুদ্ধ উত্তৰটো বাছি উলিওৱা:
প্রশ্ন ১। ভাৰতবৰ্ষই কেতিয়া স্বাধীনতা লাভ কৰে —
(ক) ১৯৪৫ চনৰ ২৬ জানুৱাৰী।
(খ) ১৯৪৭ চনৰ ১৫ আগষ্ট।
(গ) ১৯৪৮ চনৰ ২৬ জানুৱাৰী।
(ঘ) ১৯৫০ চনৰ ২৬ জানুৱাৰী।
উত্তৰঃ (খ) ১৯৪৭ চনৰ ১৫ আগষ্ট।
প্রশ্ন ২। _____ চনৰ জুলাই মাহত ইংলেণ্ডত অনুষ্ঠিত হোৱা সাধাৰণ নিৰ্বাচনত শ্রমিক দল ক্ষমতালৈ অহাৰ পিছতে নতুন চৰকাৰে ভাৰতক স্বাধীনতা দিয়াৰ সিদ্ধান্ত লয়-
(ক) ১৯৪৫ চনত।
(খ) ১৫৭৪ চনত।
(গ) ১৮৫৪ চনত।
(ঘ) ১৪৭৯ চনত।
উত্তৰঃ (ক) ১৯৪৫ চনত।
প্রশ্ন ৩। বিভিন্ন ক্ষেত্ৰত জন বিশেষজ্ঞকলৈ গঠিত হোৱা খচৰা কমিটিক সংবিধানৰ প্ৰস্তুতৰ দায়িত্ব দিয়া হয়।
(ক) ৪ জন।
(খ) ৭ জন।
(গ) ৫ জন।
(ঘ) ২ জন।
উত্তৰঃ (খ) ৭ জন।
প্রশ্ন ৪। ভাৰতীয় সংবিধানৰ খচৰা সমিতিৰ অধ্যক্ষান হ’ল-
(ক) ড° বি আৰ আম্বেদকাৰ।
(খ) ড° ৰাজেন্দ্ৰ প্ৰসাদ।
(গ) সৰ্বপল্লী ৰাধাকৃষ্ণণ।
(ঘ) জৱাহৰলাল নেহৰু।
উত্তৰঃ (ক) ড’ বি আৰ আম্বেদকাৰ।
প্রশ্ন ৫। সংবিধান সভাৰ প্ৰথম বৈঠক বহিছিল —
(ক) ১৯৪৭ চনৰ ৯ ডিচেম্বৰত।
(খ) ১৯৪৭ চনৰ ১০ ডিচেম্বৰত।
(গ) ১৯৪৬ চনৰ ৯ ডিচেম্বৰত।
(ঘ) ১৯৪৫ চনৰ ৯ ডিচেম্বৰত।
উত্তৰঃ (গ) ১৯৪৬ চনৰ ৯ ডিচেম্বৰত।
প্রশ্ন ৬। প্রায় _____ বছৰ কাল পৰিশ্ৰমৰ অন্তত খচৰা কমিটীয়ে সংবিধানখনৰ খচৰা প্ৰস্তুত কৰে।
(ক) ৬ বছৰ।
(খ) ৫ বছৰ।
(গ) ২ বছৰ।
(ঘ) ৩ বছৰ।
উত্তৰঃ (ঘ) ৩ বছৰ।
প্রশ্ন ৭। ভাৰতীয় সংবিধানৰ ১৯৭৬ চনত হোৱা ৪২ নং সংশোধনী আইনৰ জৰিয়তে কোনটো শব্দ প্ৰস্তাৱনাত সংযোজন কৰা হৈছিল?
(ক) সার্বভৌম।
(খ) গণতান্ত্রিক।
(গ) গণৰাজ্য।
(ঘ) সমাজবাদী।
উত্তৰঃ (ঘ) সমাজবাদী।
প্রশ্ন ৮। তলৰ কোন ব্যক্তি ভাৰতৰ সংবিধান খৰচা কমিটিৰ সদস্য নাছিল?
(ক) এন. গোপালস্বামী আয়েংগাৰ।
(খ) কে. এম. মুন্সি।
(গ) জৱাহৰলাল নেহৰু।
(ঘ) ডি. পি. খৈতান।
উত্তৰঃ (গ) জৱাহৰলাল নেহৰু।
প্রশ্ন ৯। সার্বভৌমত্ব মানে-
(ক) ৰাষ্ট্ৰৰ সৰ্বোচ্চ ক্ষমতা।
(খ) ৰাজ্যৰ সৰ্বোচ্চ ক্ষমতা।
(গ) ব্যক্তিৰ অধিকাৰ।
(ঘ) ওপৰৰ এটাও নহয়।
উত্তৰঃ (ক) ৰাষ্ট্র সর্বোচ্চ ক্ষমতা।
প্রশ্ন ১০। ভাৰতত সংবিধান সভা গঠন হৈছিল—
(ক) মুছলিম লীগৰ তৎপৰতাত।
(খ) কেবিনেট মিছনৰ তৎপৰতাত।
(গ) জাতীয় কংগ্ৰেছৰ তৎপৰতাত।
(ঘ) কমিউনিষ্ট দলৰ তৎপৰতাত।
উত্তৰঃ (খ) কেবিনেট মিছনৰ তৎপৰতাত।
১। অতি চমু উত্তৰৰ প্রশ্ন :
১। ১৯৪৫ চনত অনুষ্ঠিত হােৱা নিৰ্বাচনত ইংলেণ্ডত কোনটো দল জয়ী হৈছিল ?
উত্তৰঃ ১৯৪৫ চনত অনুষ্ঠিত হােৱা নিৰ্বাচনত ইংলেণ্ডত শ্রমিক দল জয়ী হৈছিল।
২। “ কেবিনেট মিছন ” ভাৰতলৈ কেতিয়া আহিছিল ?
উত্তৰঃ “ কেবিনেট মিছন ” ১৯৪৬ চনৰ মাৰ্চ মাহত ভাৰতলৈ আহিছিল।
৩। সংবিধান সভাৰ প্রথম সভাপতি কোন আছিল ?
উত্তৰঃ সংবিধান সভাৰ প্রথম সভাপতি ড ° সচ্চিদানন্দ সিনহা আছিল।
৪। খচৰা সমিতিৰ অধ্যক্ষজনৰ নাম কি ?
উত্তৰঃ খচৰা সমিতিৰ অধ্যক্ষজনৰ নাম হ’ল- ড ° বি. আৰ. আম্বেদকাৰ।
৫। “ সমাজবাদী আৰু “ ধর্মনিৰপেক্ষ ” শব্দ দুটা সংবিধানৰ কিমান সংশােধনী মতে প্রস্তাৱনাত সন্নিৱিষ্ট হৈছিল ?
উত্তৰঃ সংবিধানৰ ৪২ নং সংশােধনী আইনৰ জৰিয়তে “ সমাজবাদী ” আৰু “ ধর্মনিৰপেক্ষ ” শব্দ দুটা সংবিধানৰ প্ৰস্তাৱনাত সন্নিবিষ্ট কৰা হৈছিল।
৬। ইংৰাজী “ Federation ” শব্দটো কোনটো লেটিন শব্দৰ পৰা আহিছে ?
উত্তৰঃ ইংৰাজী “ Federation ” শব্দটো লেটিন শব্দ “ Foedus ” ৰ পৰা আহিছে।
৭। “ যুক্তৰাষ্ট্ৰৰ গৃহভূমি ” বুলি কাক কোৱা হয়।
উত্তৰঃ “ যুক্তৰাষ্ট্ৰৰ গৃহভূমি ” বুলি আমেৰিকা যুক্তৰাষ্ট্রক কোৱা হয়।
৮। ভাৰতবৰ্ষত দ্বৈত নাগৰিকত্বৰ ব্যৱস্থা আছেনে ?
উত্তৰঃ ভাৰতবৰ্ষত দ্বৈত নাগৰিকত্বৰ ব্যৱস্থা নাই।
৯। ভাৰতবৰ্ষৰ সংসদীয় গণতন্ত্রৰ ধাৰণাটো কোনখন দেশৰ সংবিধানৰ পৰা অনুকৰণ কৰা হৈছে ?
উত্তৰঃ ভাৰতবৰ্ষৰ সংসদীয় গণতন্ত্রৰ ধাৰণাটো ইংলেণ্ড দেশৰ সংবিধানৰ পৰা অনুকৰণ কৰা হৈছে।
চমু উত্তৰৰ প্রশ্ন:
১। ব্রিটিছ চৰকাৰে “ কেবিনেট মিছনক কিয় ভাৰতলৈ পঠিয়াইছিল ?
উত্তৰঃ ভাৰতবৰ্ষৰ বাবে এখন সংবিধান ৰচনাৰ কাৰণে প্ৰয়োজনীয় পৰিবেশ আৰু প্ৰস্তুতি চলাবৰ অৰ্থে ব্ৰিটিছ চৰকাৰে ১৯৪৬ চনৰ মাৰ্চ মাহত ‘কেবিনেট মিছন ‘ক ভাৰতলৈ পঠাইছিল।
২। ১৯৪৭ চনৰ ১৫ আগষ্টৰ পৰা ১৯৫০ চনৰ ২৬ জানুৱাৰীলৈ ভাৰতবৰ্ষৰ শাসন ব্যৱস্থা কি আইনৰ ভিত্তিত চলিছিল আৰু আইনখন কোনে প্রস্তুত কৰিছিল ?
উত্তৰঃ ১৯৪৭ চনৰ ১৫ আগষ্টৰ পৰা ১৯৫০ চনৰ ২৬ জানুৱাৰীলৈ ভাৰতবৰ্ষৰ শাসন ব্যৱস্থা ১৯৩৫ চনৰ ভাৰত চৰকাৰ আইন অনুসৰি পৰিচালিত হৈছিল আৰু আইনখন ব্ৰিটিছ সংসদে প্রস্তুত কৰিছিল।
৩। প্রস্তাৱনাত “ আমি ভাৰতীয় জনসাধাৰণে ” বুলি কিয় উল্লেখ কৰা হৈছে ?
উত্তৰঃ প্ৰস্তাৱনাত সন্নিৱিষ্ট কৰা “ আমি ভাৰতীয় জনসাধাৰণে ” বুলি কোৱা বাক্যাংশটোৰে ইয়াকে বুজাইছে যে ভাৰতীয় সংবিধানখন ভাৰতীয় নাগৰিকসকলৰ হাততহে ন্যস্ত আছে আৰু এইখন কেৱল তেওঁলােকৰ বাবে । ভাৰতীয় জনসাধাৰণেই হ’ল ভাৰতৰ সংবিধানখনৰ ৰচনাৰ আঁৰত থকা বৃহৎ শক্তি।
৪। “ সার্বভৌম ” মানে কি বুজা ?
উত্তৰঃ ‘ ‘সার্বভৌম’ মানে হ’ল ৰাষ্ট্ৰৰ সৰ্বোচ্চ ক্ষমতা।
৫। কোন চনৰ কিমান সংখ্যক সংশােধনী অনুসৰি সংবিধানৰ প্ৰস্তাৱনাত “ সমাজবাদী ” আৰু “ ধর্মনিৰপেক্ষ ” শব্দ দুটা সন্নিবিষ্ট কৰা হৈছে ?
উত্তৰঃ ১৯৭৬ চনৰ ১৮ ডিচেম্বৰত হােৱা সংবিধানৰ ৪২ তম সংশােধনী অনুসৰি সংবিধানৰ প্ৰস্তাৱনাত “ সমাজবাদী ” আৰু “ ধর্মনিৰপেক্ষ ” শব্দ দুটা সন্নিৱিষ্ট কৰা হৈছিল।
৬। “ অর্ধযুক্তৰাষ্ট্র ” কাক বােলে ?
উত্তৰঃ এখন ৰাষ্ট্ৰৰ শাসন ব্যৱস্থাত যুক্তৰাষ্ট্ৰীয় আৰু এককেন্দ্রিক চৰকাৰ উভয়ৰে বৈশিষ্ট্য সন্নিবিষ্ট থাকিলে তাক “ অর্ধযুক্তৰাষ্ট্র ” বুলি কোৱা হয়।
৭। কোনখন আইনে পৰাধীন ভাৰতবৰ্ষত সীমিত সংসদীয় পদ্ধতি প্রৱর্তন কৰিছিল ?
উত্তৰঃ ১৯৩৫ চনৰ ভাৰত চৰকাৰ আইনে পৰাধীন ভাৰতবৰ্ষত সীমিত সংসদীয় পদ্ধতিৰ প্ৰৱৰ্তন কৰিছিল।
দীঘল উত্তৰৰ প্রশ্ন:
১। ভাৰতবৰ্ষত সংবিধানৰপ্ৰস্তাৱনাত সংবিধানৰ আদর্শ কেনেদৰে প্ৰকাশ পাইছে আলােচনা কৰা।
উত্তৰঃ প্ৰস্তাৱনা হ’ল সংবিধানৰ পাতনি যিয়ে সংবিধানখনৰ লক্ষ্য , উদ্দেশ্য , আদর্শ আৰু দর্শন সম্পর্কে সংবিধানখনৰ আৰম্ভণিতে চমুকৈ পৰিচয় কৰি দিছে আৰু আইনগতভাৱে এইবােৰ সাধন কৰিব বিচৰাৰ বিষয়ে ব্যাখ্যা কৰিছে। সেয়েহে , ইয়াক ভাৰতীয় সংবিধানৰ আত্মা , বিবেক, দুৱাৰডলি আৰু চাবিকাঠী হিচাপে গণ্য কৰা হয়।ই সংবিধানখনৰ আভ্যন্তৰীণ উদ্যমক প্রতিফলিত কৰে। প্ৰস্তাৱনাটোৰ প্ৰতিটো শব্দই সংবিধানখনৰ আদর্শ , দর্শন তথা উদ্দেশ্যসমূহক বহন কৰিছে। প্রস্তাৱনাটোৰ একেবাৰে আৰম্ভণিৰ “ আমি ভাৰতীয় জনসাধাৰণে ” বােলা বাক্যাংশটোৱে এইটো আদর্শক প্রতিফলিত কৰিছে যে সংবিধানখনৰ প্রকৃত কর্তৃত্ব ভাৰতীয় নাগৰিকসকলৰ ওপৰত ন্যস্ত আছে আৰু তেওঁলােকেই হৈছে সংবিধান ৰচনাৰ আঁৰত থকা প্রধান শক্তি। প্ৰস্তাৱনাত থকা প্ৰতিটো শব্দ যেনে- সার্বভৌম, সমাজবাদী, ধৰ্মনিৰপেক্ষ, গণতান্ত্ৰিক আৰু প্ৰজাতন্ত্র, আটাইকেইটাৰ মাজতে সংবিধানৰ আদৰ্শ প্ৰতিফলিত হৈছে। এই প্রতিটো শব্দই সংবিধানখনৰ আদৰ্শসমূহ প্রতিফলিত কৰিছে । প্রস্তাটোত এইটোও উল্লেখ কৰা হৈছে যে ভাৰতত ন্যায় , স্বাধীনতা , সমতা আৰু ভ্রাতৃত্ববােধ স্থাপন কৰা হ’ব। এই শব্দকেইটাৰ জৰিয়তেও সংবিধানখনৰ আদৰ্শ আৰু উদ্দেশ্যসমূহৰ ওপৰত জোৰ দিছে। এইদৰে প্ৰস্তাৱনাটোৰ প্ৰতিটো শব্দত ভাৰতীয় সংবিধানখনৰ আদৰ্শসমূহ স্পষ্টভাৱে প্ৰকাশ পাইছে।
২। “সার্বভৌম”, “সমাজবাদী”, “ধর্মনিৰপেক্ষ”, “গণতান্ত্রিক ” আৰু “ গণৰাজ্য ” বুলিলে কি বুজা বহলাই লিখা।
উত্তৰঃ উল্লেখিত শব্দ কেইটাক তলত দিয়া ধৰণে বর্ণনা কৰিব পাৰি:
( ক ) সার্বভৌম :- সার্বভৌম শব্দৰ অৰ্থ হৈছে সর্বোচ্চ ক্ষমতাৰ অধিকাৰী। অর্থাৎ সার্বভৌম ৰাষ্ট্র এখনে ৰাষ্ট্ৰখনৰ আভ্যন্তৰীণ বিষয়ৰ লগতে বৈদেশিক ক্ষেত্ৰতাে স্বাধীনভাৱে সকলাে সিদ্ধান্ত গ্রহণ কৰিব পাৰে। ই কোনাে বিদেশী শক্তিৰ অধীন নহয় ই হ’ল ৰাষ্ট্ৰৰ সৰ্বোচ্চ ক্ষমতা।
( খ ) সমাজবাদী :- ভাৰতবর্ষ এখন সমাজবাদী ৰাষ্ট্র। ১৯৭৬ চনৰ ৪২ তম সংশােধনীৰ দ্বাৰা প্ৰস্তাৱনাত এই শব্দটো সংযােজন কৰা হৈছে। ই দেশৰ নাগৰিকসকলৰ মাজত দেশৰ সম্পদসমূহ সমানভাৱে বিতৰণ কৰাৰ ধাৰণাটো ব্যক্ত কৰিছে। সমাজবাদী শব্দটোৰ জৰিয়তে ভাৰতবৰ্ষৰ মানুহৰ মাজত আয়, মর্যাদা আৰু জীৱনধাৰণৰ মানদণ্ডৰ বিষয়ত বৈষম্য অথবা অসমতা নথকা বুজায়।
( গ ) ধর্মনিৰপেক্ষ :- ভাৰতবর্ষ এখন ধর্মনিৰপেক্ষ ৰাষ্ট্ৰ। ১৯৭৬ চনৰ ৪২ তম সংশােধনীৰ দ্বাৰা সংবিধানৰ প্ৰস্তাৱনাত এই শব্দটো সংযােজন কৰা হৈছিল। ইয়াত চৰকাৰী ধৰ্ম বুলি কোনো ধৰ্ম নাথাকিব। চৰকাৰৰ দৃষ্টিত সকলো ধৰ্ম সমান
আৰু ধৰ্মৰ নামত কোনো বৈষম্য নথকাটো বুজায়। দেশৰ নাগৰিকসকলৰ নিজৰ ইচ্ছা অনুসৰি যিকোনাে ধর্ম গ্রহণ , অনুশীলন তথা প্ৰচাৰ কৰাৰ অধিকাৰ আছে।
( ঘ ) গণতান্ত্রিক :- ভাৰতবর্ষ এখন গণতান্ত্রিক দেশ। গণতান্ত্রিক শব্দটোৰ জৰিয়তে দেশৰ শাসন ব্যৱস্থা জনসাধাৰণৰ প্ৰতিনিধিৰ দ্বাৰা পৰিচালিত হোৱা বুজায়। গণতান্ত্রিক দেশ হিচাপে ইয়াৰ প্ৰতিজন নাগৰিকৰে নির্বাচন প্রক্রিয়াত অংশগ্রহণ কৰাৰ আৰু ভােটদান কৰাৰ অধিকাৰ আছে।
( ঙ ) গণৰাজ্য :- ভাৰতবর্য এখন গণৰাজ্য। ৰাষ্ট্ৰৰ মুৰব্বীজন জনসাধাৰণৰ দ্বাৰা নির্বাচিত হলে তাক গণৰাজ্য হিচাপে জনা যায়। জনগণৰ দ্বাৰা নির্বাচিত প্রতিনিধিসকলৰ দ্বাৰা ৫ বছৰ কাৰ্যকালৰ বাবে ভাৰতৰ ৰাষ্ট্রপতিজনক নির্বাচিত কৰা হয়।
৩। নেহৰুৰ উদ্দেশ্য সম্পর্কিত প্রস্তাৱকেইটা আলােচনা কৰা ৷
উত্তৰঃ ভাৰতীয় সংবিধানখন প্ৰণয়নৰ ক্ষেত্ৰত পণ্ডিত জৱাহৰলাল নেহৰুৱে আগবঢ়োৱা উদ্দেশ্য সম্পর্কিত প্রস্তাৱকেইটা তলত উল্লেখ কৰা হলঃ
( ক ) গণ পৰিষদে ভাৰতবৰ্ষক এখন স্বাধীন , সার্বভৌম , প্রজাতন্ত্র হিচাপে ঘােষণা কৰিবলৈ সংবিধান সভা দৃঢ় প্রতিজ্ঞ হ’ব ( পিছলৈ “ স্বাধীন ” শব্দটো বাদ দিয়া হয় )।
( খ ) ব্রিটিছ শাসিত ভাৰতীয় ভূখণ্ড আৰু ভাৰতীয় ৰাজ্যক্ষেত্ৰৰ অন্তর্ভুক্ত হ’ব বিচৰা দেশীয় ৰাজ্যসমূহক লৈ এখন সংঘ গঠিত হ’ব।
( গ ) ভাৰতবৰ্ষৰ জনসাধাৰণৰ সামাজিক , অর্থনৈতিক আৰু ৰাজনৈতিক ন্যায় , সমতা , ধর্মীয় স্বাধীনতা ৰক্ষা , চিন্তা আৰু মতামত পকাশৰ সাধীনতাক স্বীকৃত প্রদান কৰা হব।
( ঘ ) অনুসূচিত জাতি , জনজাতি , অনুন্নত সম্প্রদায় আৰু সংখ্যালঘু জনগণৰ সুৰক্ষাৰ বাবে সঠিক ব্যৱস্থা থাকিব।
( ঙ ) দেশৰ স্বাধীনতা , সার্বভৌমত্ব আৰু অখণ্ডতা ৰক্ষা কৰাৰ ওপৰত গুৰুত্ব আৰােপ কৰা হ’ব।
( চ ) আন্তর্জাতিক সম্পর্ক , বিশ্ব শান্তি আৰু জনগণৰ কল্যাণৰ বাবে ভাৰতবৰ্ষই সম্পূর্ণ সহযােগিতা আগবঢ়াব।
( ছ ) ভাৰতীয় জনগণই সকলো ক্ষমতাৰ উৎস হ’ব বুলি নিশ্চয়তা প্রদান কৰা।
( জ ) ভাৰতীয় সংঘত যোগ দিয়া দেশীয় ৰাজ্যসমূহক অৱশিষ্ট ক্ষমতাৰ সৈতে স্বায়ত্ত শাসনৰ মাধ্যমেৰে অংগৰাজ্যৰ মর্যাদা লাভ কৰিব।
৪। ভাৰতবৰ্ষৰ যুক্তৰাষ্ট্ৰীয় ব্যৱস্থাৰ বৈশিষ্ট্যসমূহ আলােচনা কৰা ৷
উত্তৰঃ ভাৰতীয় যুক্তৰাষ্ট্ৰীয় ব্যৱস্থাৰ বৈশিষ্ট্যসমূহ হ’ল –
( ক ) ভাৰতীয় যুক্তৰাষ্ট্ৰীয় ব্যৱস্থাটো হৈছে এক “ অর্ধ – যুক্তৰাষ্ট্ৰীয় ” ব্যৱস্থা। ই যুক্তৰাষ্ট্ৰীয় আৰু এককেন্দ্রিক উভয়ৰে বৈশিষ্ট্যৰে গঠিত।
( খ ) ভাৰতবৰ্ষত সমগ্ৰ ৰাজ্যসমূহৰ বাবে এখন সংবিধানৰ ব্যৱস্থা আছে। অর্থাৎ আমাৰ অংগৰাজ্যসমূহত সুকীয়া সংবিধানৰ ব্যৱস্থা নাই।
( গ ) ভাৰতীয় সংঘৰ অংগৰাজ্যসমূহৰ সংঘৰ পৰা আঁতৰি যােৱাৰ অধিকাৰ – নাই।
( ঘ ) ইয়াত ৰাজ্যিক চৰকাৰতকৈ কেন্দ্রীয় চৰকাৰ অধিক শক্তিশালী কিয়নাে সংবিধানে সকলােবােৰ গুৰুত্বপূৰ্ণ ক্ষমতা কেন্দ্রীয় চৰকাৰক প্ৰদান কৰিছে।
( ঙ ) ইয়াত ৰাজ্যপালসকলে কেন্দ্রীয় চৰকাৰৰ প্রতিনিধি হিচাপে কাম কৰে। ৰাজ্যপালসকলৰ নিযুক্তি প্রক্রিয়াই ভাৰতবৰ্ষক যুক্তৰাষ্ট্ৰীয় চৰিত্র প্রদান কৰা নাই।
( চ ) ইয়াত দেশখনৰ সার্বভৌমত্ব আৰু অখণ্ডতাক সুৰক্ষিত কৰাৰ উদ্দেশ্যে দেশৰ জনসাধাৰণক একক নাগৰিকত্ব প্ৰৱৰ্তন কৰা হৈছে।
( ছ ) ভাৰতীয় যুক্তৰাষ্ট্ৰীয় ব্যৱস্থাটো কেন্দ্ৰৰ সম্পৰ্কৰ ওপৰত নিৰ্ভৰশীল। সেয়েহে ইয়াক “সহযােগিতামূলক যুক্তৰাষ্ট্র ” বুলি কোৱা হয়।
৫। ভাৰতবৰ্ষৰ সংসদীয় পদ্ধতিৰ চৰকাৰৰ উল্লেখযােগ্য বৈশিষ্ট্যসমূহৰ ওপৰত ব্যাখ্যা আগবঢ়োৱা।
উত্তৰঃ ভাৰতীয় সংবিধান প্রণেতাসকলে ভাৰতবৰ্ষৰ পৰিৱেশ তথা পৰিস্থিতিৰ প্রতি লক্ষ্য ৰাখি ভাৰতক বিশ্বৰ ভিতৰত এখন সুকীয়া সংসদীয় গণতান্ত্রিক দেশ হিচাপে প্রতিষ্ঠা কৰিবলৈ ভাৰতত সংসদীয় পদ্ধতিৰ চৰকাৰৰ ব্যৱস্থা কৰিছিল। ভাৰতৰ সংসদীয় পদ্ধতিৰ চৰকাৰৰ উল্লেখযােগ্য বৈশিষ্ট্যসমূহ হৈছেঃ
( ক ) ভাৰতৰ সংসদীয় ব্যৱস্থাটো বা সংসদ দুখন সদনেৰে গঠিত।এই সদন দুখন হৈছে লােকসভা আৰু ৰাজ্যসভা।
( খ ) ভাৰতৰ ৰাষ্ট্রপতিজন ভাৰতৰ সংসদৰ অবিচ্ছেদ্য অংগ।
( গ ) ভাৰতীয় সংসদীয় পদ্ধতিৰ চৰকাৰ জন প্ৰতিনিধিৰ দ্বাৰা গঠিত আৰু ই জনগণৰ ওচৰত দায়বদ্ধ।
( ঘ ) ৰাষ্ট্ৰৰ মুৰব্বীজন হৈছে ইয়াত জনগণৰ দ্বাৰা নির্বাচিত প্রতিনিধি।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
D r rrrccr