Niketan Class 5 Assamese Chapter 22 ৰজা পুৰুৰ আত্মাভিমান Sankardev Sishu Niketan Chapter 22 ৰজা পুৰুৰ আত্মাভিমান Class 5 Assamese Question Answer to each chapter is provided in the list so that you can easily browse through different chapters and select needs one.
Niketan Class 5 Assamese Chapter 22 ৰজা পুৰুৰ আত্মাভিমান
Sankardev Class 5 Assamese Question Answer can be of great value to excel in the examination. Assam Board Sankardev Sishu Niketan Class V Assamese Chapter 22 ৰজা পুৰুৰ আত্মাভিমান gives you a better knowledge of all the chapters. You can get solutions to questions of both basic and advanced levels.
ৰজা পুৰুৰ আত্মাভিমান
Chapter – 22
ASSAMESE
SANKARDEV SISHU NIKETAN
প্রশ্ন ১। চমুকৈ উত্তৰ দিয়া –
( ক ) আলেকজেণ্ডাৰ ক’ৰ ৰজা আছিল ?
উত্তৰঃ গ্ৰীচ দেশৰ মেচিদনিয়া ৰাজ্যৰ ।
( খ ) ঝিলাম নদীৰ পাৰত আলেকজেণ্ডাৰে ডেৰমাহে কিয় অপেক্ষা কৰিছিল ?
উত্তৰঃ ৰজা পুৰুৰ বিশাল সৈন্যবাহিনীয়ে আলেকজেণ্ডাৰক ভেটিবলৈ ঝিলাম নৈৰ এইটো পাৰত ছাউনী পাতিছিল । ৰজা পুৰৰ সমৰসজ্জা দেখি আলেকজেণ্ডাৰে থমকি ৰৈছিল আৰু সুযোগ বিচাৰি প্ৰায় ডেৰমাহকাল ঝিলাম নদীৰ আনটো পাৰত অপেক্ষা কৰিছিল ।
( গ ) যুদ্ধত পুৰুৰ সৈন্যদল কিয় পৰাজিত হল ?
উত্তৰঃ পুৰুৰ সৈন্যদল সমৰ সজ্জাত পাৰ্গত নাছিল । তেওঁলােকে যুদ্ধত ব্যৱহাৰ কৰা অস্ত্র – শস্ত্ৰবােৰাে উন্নত নাছিল । ফলত উন্নত অস্ত্র – শস্ত্র ব্যৱহাৰ কৰা সুনিপুণ গ্রীক সৈন্যৰ ওচৰত তেওঁলােক পৰাজিত হৈছিল ।
( ঘ ) আলেকজেণ্ডাৰে পুৰুৰ সৈতে বন্ধুত্ব কৰিলে কিয় ?
উত্তৰঃ ‘ বীৰেহে বীৰৰ মােল বুজে ’ বুলি এষাৰ কথা আছে । বন্দী অৱস্থাতাে এজন ৰজাৰ আত্মমর্যাদাৰে পুৰুৱে আলেকজেণ্ডাৰৰ প্ৰশ্নৰ যি উত্তৰ দিছিল , তাত আলেকজেণ্ডাৰ অভিভূত হৈছিল । নিজে এজন বীৰ হিচাপে পুৰুৰ সাহস , ধৈর্য আৰু দেশপ্রেমে আলেকজেণ্ডাৰক আনন্দিত কৰিছিল । সেয়েহে , আলেকজেণ্ডাৰে নিজ হাতে পুৰুৰ হাতৰ শিকলি খুলি দি তেওঁৰ লগত বন্ধুত্ব স্থাপন কৰিছিল ।
( ঙ ) আলেকজেণ্ডাৰে পুৰুক কি সুধিছিল ?
উত্তৰঃ আলেকজেণ্ডাৰে পুৰুক সুধিছিল যে — পুৰুৱে তেওঁৰ পৰা কেনে ব্যৱহাৰ পাবলৈ বিচাৰে ।
( চ ) গ্রীক সেনাৰ সমুখত তিষ্ঠিব নােৱাৰি পুৰুৰ সৈন্যদল ছেদেলি – ভেদেলি হােৱাৰ পাছত ৰজা পুৰুৱে কি কৰিছিল ?
উত্তৰঃ নিজৰ সৈন্যদল ছেদেলি – ভেদেলি হােৱাৰ পাছত পুৰুৱে পৰম বিক্ৰমেৰে গ্রীক সৈন্যৰ লগত যুদ্ধ কৰিছিল । কিন্তু যুদ্ধ কৰি থাকোঁতেই মুছকছ গৈ হাতীৰ পিঠিৰ পৰা মাটিত বাগৰি পৰাত গ্রীক সেনাই তেওঁক বন্দী কৰিছিল ।
( ছ ) আলেকজেণ্ডাৰ কাৰ শিষ্য আছিল ?
উত্তৰঃ গ্রীক দার্শনিক এৰিষ্টটলৰ শিষ্য আছিল ।
( জ ) আলেকজেণ্ডাৰে ভাৰত আক্ৰমণ কৰাৰ সময়ত সৰু সৰু ৰাজ্যবােৰৰ অৱস্থা কেনে আছিল ?
উত্তৰঃ আলেকজেণ্ডাৰে ভাৰত আক্ৰমণ কৰাৰ সময়ত সৰু সৰু ৰাজ্যৰ ৰজাসকলৰ মাজত মিলা-প্রীতি কম আছিল ; হিংসা – হিংসী , খিয়লা – খিয়লি বেছি আছিল । প্ৰায়বােৰ ৰাজ্যই আছিল অতি দুর্বল ।
( ঝ ) আলেকজেণ্ডাৰৰ সৈন্যদল কোন দিশেৰে ভাৰতত প্ৰৱেশ কৰিছিল ?
উত্তৰঃ উত্তৰ – পশ্চিম দিশেৰে আলেকজেণ্ডাৰৰ সৈন্যদল ভাৰতত প্রবেশ কৰিছিল ।
প্রশ্ন ২। ৰজা পুৰুৰ বিষয়ে তিনিটা বাক্য লিখা ।
উত্তৰঃ পুৰু ঝিলাম আৰু চেনাৰ নৈৰ মাজত অৱস্থিত এখন সৰু ৰাজ্যৰ ৰজা আছিল ।
তেওঁ এজন অতি সাহসী , ধৈর্যশীল , দেশপ্রেমিক আৰু আত্মমর্যাদাসম্পন্ন ৰজা আছিল ।
বন্দী হােৱাৰ পাছতাে পুৰুৱে আলেকজেণ্ডাৰৰ সমুখত আত্মমর্যাদা , সাহস , ধৈর্য আৰু দেশপ্রেমৰ যি চানেকি দাঙি ধৰিছিল , তাতে অভিভূত হৈ আলেকজেণ্ডাৰে তেওঁৰ লগত বন্ধুত্ব স্থাপন কৰিছিল ।
প্রশ্ন ৩। আলেকজেণ্ডাৰ আৰু পুৰুৰ কাহিনীটো নিজৰ ভাষাত চমুকৈ লিখা ।
উত্তৰঃ মেচিদনিয়াৰ ৰজা মহাবীৰ আলেকজেণ্ডাৰে ভাৰত আক্ৰমণ কৰাৰ সময়ত পুৰুৱে ঝিলাম আৰু চেনাৱ নৈৰ মাজৰ এখন সৰু ৰাজ্যত ৰাজত্ব কৰিছিল । ভাৰতৰ বহুতাে সৰু সৰু ৰাজ্যৰ ৰজাই ইতিমধ্যে বিনাযুদ্ধে আলেকজেণ্ডাৰৰ বশ্যতা স্বীকাৰ কৰিছিল । কিন্তু আত্মমর্যাদাবােধ সম্পন্ন , সাহসী আৰু দেশপ্রেমিক পুৰুৱে বিনাযুদ্ধে আলেকজেণ্ডাৰক বাট এৰি দিবলৈ ৰাজী নাছিল । আলেকজেণ্ডাৰক ভেটিবলৈ পুৰুৱে তেওঁৰ বিশাল সেনাবাহিনীৰে ঝিলাম নৈৰ পাৰত সমৰসজ্জা গঢ়ি তুলিছিল ।
পুৰুৰ সমৰসজ্জা দেখি মহাবীৰ আলেকজেণ্ডাৰে চিন্তিত হৈ পৰিছিল আৰু প্ৰায় ডেৰমাহ কাল ঝিলাম নৈৰ পাৰত সুযােগৰ সন্ধানত অপেক্ষা কৰিবলগীয়া হৈছিল । অৱশেষত দুয়ােপক্ষৰ মাজত তয়া – ময়া যুদ্ধ হয়।যুদ্ধত পুৰুৰ সেনাদল গ্রীক সেনাৰ ওচৰত বেয়াকৈ পৰাজিত হয় আৰু পুৰুক সিহঁতে বন্দী কৰে । কিন্তু বন্দী অৱস্থাত পুৰুৱে আলেকজেণ্ডাৰৰ সমুখত আত্মমর্যাদা , সাহস , ধৈর্য আৰু দেশপ্ৰেমৰ যি নিদর্শন দাঙি ধৰিছিল , তাতে অভিভূত হৈ আলেকজেণ্ডাৰে পুৰুক মুকলি কৰি দি তেওঁৰ সৈতে মিত্ৰতা স্থাপন কৰে ।
প্রশ্ন ৪। বাক্য ৰচনা কৰা –
হিংসা – হিংসি , ছেদেলি – ভেদেলি , হেলাৰঙে , সষ্টম , বিতত , বুকু ফিন্দাই বিদ্যোৎসাহী , সুনিপুণ , মিলাপ্রীতি
উত্তৰঃ হিংসা – হিংসি :- পৰস্পৰৰ মাজত থকা হিংসা – হিংসিৰ ফলত ভাৰতৰ সৰু সৰু ৰাজ্যৰ ৰজাসকল দুর্বল হৈ পৰিছিল ।
ছেদেলি – ভেদেলি :- গ্রীক সেনাৰ ওচৰত পুৰুৰ সৈন্যদল ছেদেলি – ভেদেলি হৈ গৈছিল ।
হেলাৰঙে :- আলেকজেণ্ডাৰে সমগ্ৰ ভাৰতবৰ্ষ হেলাৰঙে জয় কৰিব পৰা যাব বুলি ভাবিছিল ।
সষ্টম :- আগতীয়াকৈ সষ্টম নহ’লে যুদ্ধত শত্রুক ভেটা বৰ টান ।
বিতত :- দুর্বল মনৰ মানুহে সাধাৰণ বিপদতে ভয়ত বিতত হৈ পৰে ।
বুকু ফিন্দাই :- পুৰুৱে বুকু ফিন্দাই আলেকজেণ্ডাৰ প্ৰশ্নৰ উত্তৰ দিছিল ।
বিদ্যোৎসাহী :- ভাস্কৰবৰ্মন এগৰাকী বিদ্যোৎসাহী ৰজা আছিল ।
সুনিপুণ :- সুনিপুণ অসমীয়া সৈন্যৰ হাতত মােগল সৈন্যদল সােতৰবাৰ পৰাজিত হৈছিল ।
মিলাপ্রীতি :- অকণ আৰু অৰুণৰ মিলাপ্ৰীতি দেখি সকলােৱে তবধ মানে।
প্রশ্ন ৫। বিপৰীত অর্থ বুজোৱা শব্দ লিখা –
সাহসী , বন্ধুত্ব , মিলাপ্রীতি , একগােট
উত্তৰঃ সাহসী – ভয়াতুৰ
বন্ধুত্ব – শত্ৰুতা
মিলাপ্রীতি – হিংসা – হিংসি
একগােট – বিভাজিত
প্রশ্ন ৬। তলত দিয়া বিশেষণ পদবােৰ বিশেষ্য পদলৈ নিয়া –
নতুন , বিশাল , উদাৰ , দুর্বল , পাৰ্গত
উত্তৰঃ নতুন – নতুনত্ব
বিশাল – বিশালতা
উদাৰ – উদাৰতা
দুর্বল – দুর্বলতা
পাৰ্গত – পাৰ্গতালি
প্রশ্ন ৭। সমার্থক শব্দ কাক বােলে ? এটা উদাহৰণ দিয়া ।
উত্তৰঃ একে অর্থৰ শব্দবােৰক সমার্থক শব্দ বােলে । যেনেঃ ৰণুৱা – যােদ্ধা ।
প্রশ্ন ৮। তলত বাওঁহাতে থকা শব্দবােৰৰ সমার্থক শব্দ সোহাতে খেলিমেলিকৈ দিয়া আছে । সেইবােৰ মিলাই লিখা—
| মূছকঁছ | ভয়ংকৰ |
| থৈয়া-নথৈয়া | সাহসেৰে |
| বিদ্যোৎসাহী | অচেতন |
| বুকুফিন্দাই | বিশৃংখল |
| সনা – পিঠা | শিক্ষানুৰাগী |
| ছেদেলি – ভেদেলি | নলে-গলে লগা |
উত্তৰঃ
| মূছকঁছ | অচেতন |
| থৈয়া-নথৈয়া | ভয়ংকৰ |
| বিদ্যোৎসাহী | শিক্ষানুৰাগী |
| বুকুফিন্দাই | সাহসেৰে |
| সনা – পিঠা | নলে-গলে লগা |
| ছেদেলি – ভেদেলি | বিশৃংখল |
প্রশ্ন ৯। গ্ৰীচ দেশখন কোন মহাদেশৰ অন্তৰ্গত ?
উত্তৰঃ ইউৰােপ মহাদেশৰ অন্তৰ্গত ।
প্রশ্ন ১০। আলেকজেণ্ডাৰে ভাৰত আক্ৰমণ কৰাৰ সময়ত ভাৰতত থকা এটি উচ্চ শিক্ষা অনুষ্ঠানৰ নাম লিখা ।
উত্তৰঃ তক্ষশীলা বিশ্ববিদ্যালয় ।
প্রশ্ন ১১। চাণক্য কোন ?
উত্তৰঃ চাণক্য মগধৰ শাসনকালৰ এগৰাকী প্রসিদ্ধ অর্থনীতিবিদ , ৰাজনীতিবিদ , সমাজবিদ আৰু কূটনীতিবিদ।‘কৌটিল্যৰ অর্থশাস্ত্র ’ নামৰ মহামূল্যবান গ্ৰন্থখন তেৱেঁই লিখিছিল ।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
