অসমৰ ধৰ্ম আৰু উৎসৱ [ Part – 2 ]
1. বিহুৰ আগদিনাক কি বুলি কোৱা হয় ?
উত্তৰঃ উৰুকা।
2. কোন বিহুৱে নৱবৰ্ষৰ সূচনা কৰে ?
উত্তৰঃ বহাগ বিহুৱে।
3. গাগনি কি ?
উত্তৰঃ অসমীয়া সমাজত নৱজাতক এটিৰ জন্মৰ এঘাৰ দিনৰ দিনা পালন কৰা উৎসৱ।
4. বহাগ বিহুৰ দ্বিতীয় দিনটোক কি বিহু বুলি কোৱা হয় ?
উত্তৰঃ মানুহ বিহু।
5. দৌল উৎসৱক নামনি অসমত কি উৎসৱ বুলি কোৱা হয় ?
উত্তৰঃ হোলি উৎসৱ।
6. খেতিয়কসকলে কেতিয়া পথাৰত আকাশ বন্তি জ্বলায় ?
উত্তৰঃ কাতি বিহুত।
7. ৰাভাসকলে পালন কৰা বসন্তঃ উৎসৱটোক কি উৎসৱ বুলি কোৱা হয় ?
উত্তৰঃ বাইখো উৎসৱ।
8. টুচু পূজা কি ?
উত্তৰঃ ‘টুচু পূজা’ হৈছে অসমৰ চাহ জনজাতীয় লোকসকলে পালন কৰা এক উল্লেখযোগ্য উৎসৱ।
9. কোন মাহত মাধৱদেৱৰ তিথি পালন কৰা হয় ?
উত্তৰঃ ভাদ মাহত।
10. শংকৰদেৱক কোন নদীৰ পাৰত সৎকাৰ কৰা হৈছিল ?
উত্তৰঃ তৰোচা নদীৰ পাৰত।
11. শস্যৰ খেতি চপোৱাৰ লগত জড়িত থকা অসমৰ উৎসৱটো কি ?
উত্তৰঃ বিহু।
12. শংকৰদেৱৰ জন্মোৎসৱ কেতিয়া পালন কৰা হয় ?
উত্তৰঃ আহিন মাহত পূৰ্ণিমা তিথিত।
13. কোন বিহুক ৰঙালী বিহু বুলি কোৱা হয় ?
উত্তৰঃ বহাগ বিহুক।
14. কঙালী বিহু কাক কোৱা হয় ?
উত্তৰঃ কাতি বিহুক।
15. ভোগালী বিহু কাক কয় ?
উত্তৰঃ মাঘ বিহুক।
16. ‘আলি- আই- লৃগাং’ উৎসৱৰ মুখ্য আকৰ্ষণ কি ?
উত্তৰঃ গুমৰাগ নৃত্য।
17. ৰঙালী বিহুৰ প্রথম দিনাক কি বিহু বুলি কোৱা হয় ?
উত্তৰঃ গৰু বিহু।
18. কোন বিহুত গৰুক নতুন পঘাৰে বন্ধা হয় ?
উত্তৰঃ বহাগ বিহত।
19. বহাগ বিহুৰ শেষ দিনটোত কি বিহু বুলি কোৱা হয় ?
উত্তৰঃ চেৰা বিহু।
20. বড়ো-কছাৰীসকলে পালন কৰা ‘বৈশাগু’ উৎসৱৰ লগত জড়িত নৃত্য বিধৰ নাম কি ?
উত্তৰঃ বৈশাগু নৃত্য।
Suggested Read: I am Malala: The Story of the Girl Who Stood Up for Education
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
