Class 8 Assamese Chapter 3 এন্ ফ্ৰাঙ্কৰ ডায়েৰী

Class 8 Assamese Chapter 3 এন্ ফ্ৰাঙ্কৰ ডায়েৰী – সমাধান The answer to each chapter is provided in the list so that you can easily browse throughout different chapter Class 8 Assamese Chapter 3 এন্ ফ্ৰাঙ্কৰ ডায়েৰী – সমাধান and select needs one.

Join Telegram Groups

Class 8 Assamese Chapter 3 এন্ ফ্ৰাঙ্কৰ ডায়েৰী

Also, you can read Class 8 Assamese Question Answer Chapter 3 notebook. online in these sections Solutions by Expert Teachers as per SCERT (CBSE) Book guidelines. These solutions are part of SCERT All Subject Solutions. Here we have given Class 8 Assamese Chapter 3 এন্ ফ্ৰাঙ্কৰ ডায়েৰী – সমাধান Solutions for All Subject, You can practice these here…

এন্ ফ্ৰাঙ্কৰ ডায়েৰী

ক-পাঠভিক্তিক ক্ৰিয়া-কলাপ           

প্রশ্ন ১। তলৰ প্রশ্নবিলাকৰ উত্তৰ দিয়া :

( ক ) ( ১ ) জন্মসূত্রে এন্ ফ্রাংক কোন সম্প্রদায়ৰ ছােৱালী আছিল ? 

উত্তৰঃ জন্মসূত্রে এন্ ফ্রাংক ইহুদী সম্প্রদায়ৰ , ছােৱালী আছিল ।

 ( ২ ) এন্  ফ্রাংকৰ দেউতাকৰ নাম কি আছিল ?

 উত্তৰঃ এন্  ফ্রাংকৰ দেউতাকৰ নাম আছিল অট’  ফ্রাংক । 

( ৩ ) নাজীবাহিনীৰ হাতৰ পৰা ৰক্ষা পাবলৈ তেওঁলােক ক’ত লুকাই আছিল ?

 উত্তৰঃ নাজীবাহিনীৰ হাতৰ পৰা ৰক্ষা পাবলৈ তেওঁলােক দুবছৰ কাল এটা পণ্যাগাৰত লুকাই আছিল ।

 ( ৪ ) এন্  ফ্রাংকে কেতিয়াৰ পৰা কেতিয়ালৈকে দিনলেখা লিখিছিল ? 

উত্তৰঃ এন্ ফ্রাংকে ১৯৪২ চনৰ ১২ জুনৰ পৰা ১৯৪৪ চনৰ ১ আগষ্টলৈকে দিনলেখা লিখিছিল ।

 ( ৫ ) দ্বিতীয় বিশ্বযুদ্ধৰ সময়ত থকা জার্মান সেনাধ্যক্ষজনৰ নাম কি ? এই সেনাধ্যক্ষজনে ইহুদীসকলক কি কৰিছিল ? 

উত্তৰঃ দ্বিতীয় বিশ্বযুদ্ধৰ সময়ত থকা জার্মান সেনাধ্যক্ষজনৰ নাম আছিল এড্ লফ হিটলাৰ । তেওঁ ইহুদীসকলৰ ওপৰত বৰ্বৰ অত্যাচাৰ কৰিছিল । লাখ লাখ ইহুদীক তেওঁ নিজে আৰু সেনাৰ হতুৱাই নৃশংসভাৱে হত্যা কৰিছিল । 

( খ ) ( ১ ) এন্ ফ্রাংকে কিয় দিনলেখা লিখিবলৈ ইচ্ছা কৰিছিল ? 

উত্তৰঃ নাজীবাহিনীৰ বৰ্বৰ অত্যাচাৰৰ পৰা হাত সাৰিবলৈ গােটেই ফ্রাংক পৰিয়াল দুবছৰকাল এটি পণ্যাগাৰত আত্মগােপন কৰি আছিল । যন্ত্রণাকাতৰ এই আত্মগােপন জীৱনৰ কৰুণ কাহিনী ধৰি ৰাখিবলৈকেই তেৰ বছৰীয়া এন্ ফ্রাংকে দিনলেখা লিখিবলৈ ইচ্ছা কৰিছিল ।

 ( ২ ) দিনলেখাসমূহ এন্ ফ্রাংকে কিয় সম্পাদনা কৰিছিল ?

 উত্তৰ দিনলেখাসমূহ পুথি আকাৰে প্ৰকাশ কৰিবলৈ সম্পাদনা কৰিছিল । 

( ৩ ) অট ’ ফ্রাংকে পৰিয়ালসহ কিয় পণ্যাগাৰত আত্মগােপন কৰি আছিল ?

উত্তৰঃ নাজীবাহিনীৰ বৰ্বৰ অত্যাচাৰৰ পৰা হাত সাৰিবলৈ অট ’ ফ্রাংকে পণ্যাগাৰত আত্মগােপন কৰি আছিল ।

 ( গ ) ‘মানুহতকৈ কাগজৰ ধৈর্য বেছি ’ বুলি এন্ ফ্রাংকে উপলব্ধি কৰিছিল কিয়— বুজাই লিখা । 

উত্তৰঃ  এন্ ফ্রাংকে তেৰ বছৰ বয়সতে দিনলেখা লিখিবলৈ আৰম্ভ কৰিছিল । এই দিনলেখাত যন্ত্রণাকাতৰ গােপন জীৱনৰ কৰুণ অভিজ্ঞতাসমূহ প্রতিদিনে লিখি গৈছিল । নাজীবাহিনীৰ পৰা মুক্তি পাই কি কৰোঁ কি নকৰাে এনে ভাবত হতাশ হৈ পৰিছিল । অৱশেষত তেওঁ নিজে লিখা ডায়েৰী অর্থাৎ দিনলেখাখনি লগত লৈ হতাশা আঁতৰাবলৈ চেষ্টা কৰিছিল ।

তেতিয়াই তেওঁ উপলব্ধি কৰিছিল— ‘মানুহতকৈ কাগজৰ ধৈর্য বেছি ‘ । তেতিয়ালৈকে সেই টোকা বহীখন যাক তেওঁ ‘ ‘ডায়েৰি ‘ বুলি নামকৰণ কৰিছে , কাকো পঢ়িবলৈ দিয়াৰ কথা ভবা নাছিল । কাৰণ তেতিয়ালৈকে তেওঁ এগৰাকী প্রকৃত বন্ধু পােৱা নাছিল । 

( ঘ ) এন্  ফ্রাংকে নিজকে কিয় অকলশৰীয়া বুলি অনুভৱ কৰিছিল ?

উত্তৰঃ এন্ ফ্রাংকে নিজকে প্রথমে অকলশৰীয়া বুলি অনুভব কৰিছিল । কাৰণ নাজীবাহিনীৰ হাতত ধৰা পৰাৰ পাছত বন্দী অৱস্থাত দেউতাকৰ বাহিৰে মাক , বায়েক আৰু অন্যান্য লোক অনাহাৰ – অত্যাচাৰত মৃত্যুমুখত পৰে । কিন্তু তাৰ পিছত তেওঁ অকলশৰীয়া নহয়াে বুলি অনুভব কৰিছে । 

প্রশ্ন ২। তলৰ শব্দসমূহৰ অৰ্থ লিখা— 

গণ্য , বর্ব , অধিগৃহীত , আড়ম্বৰ , পুঞ্জীভূত , গতানুগতিক , পৰিত্যক্ত , থিৰাং , প্রত্যাশিত , শামকটা , অস্ত্রোপচাৰ , প্রবাদ , উৎসর্গা , ভাবমূর্তি , সন্নিবিষ্ট । 

উত্তৰঃ      গণ্য               –   মান্য , মানিবলগীয়া । 

              বৰ্বৰ              –   অসভ্য , অতিদুষ্ট ।

              অধিগৃহীত      –   দখল কৰা ।

              আড়ম্বৰ         –   জাক – জমক ।

              পুঞ্জীভূত        –   একত্রিত ।

              গতানুগতিক   –   আগৰ পৰা যেনেকৈ চলি আছে তেনে ।

              পৰিত্যক্ত       –   বর্জিত , ত্যাগ কৰা ।

               থিৰাং           –   নিশ্চিত , নিশ্চয় কৰা ।

               প্রত্যাশিত     –   নিশ্চিত , ভৰসা কৰিব পৰা ।

               শামকটা       –  অন্ত পৰা , শেষ হােৱা ।

               অস্ত্রোপচাৰ   –  কটাচিঙা কৰা কাৰ্য ।

               প্ৰবাদ           –  আনৰ পৰা শুনা ; মুখে মুখে চলি অহা । 

               উৎসর্গা        –  অর্পণ । 

               ভাবমূর্তি       –  ধ্যান ধাৰণা ।

               সন্নিবিষ্ট       –  ভালকৈ সমুওৱা , ভালকৈ বহুওৱা । 

প্রশ্ন ৩। ‘কিটি’ কোন ? এন্ ফ্রাংকে কিটিক বন্ধু হিচাপে কিয় গণ্য কৰিছিল বুজাই লিখা ।

 উত্তৰঃ ‘কিটি’ হ’ল এন্ ফ্রাংকৰ ডায়েৰিখন । এন্ ফ্রাংকে লিখা ডায়েৰিখনত তেওঁৰ কল্পনাৰ বহু প্রত্যাশিত বন্ধুগৰাকীৰ ভাবমূর্তি বৃদ্ধিৰ কাৰণে একোৱেই নিলিখিলে । এই ডায়েৰিখনকে তেওঁ তেওঁৰ প্রকৃত বন্ধু হিচাপে গণ্য কৰিবলৈ ইচ্ছা কৰিলে আৰু সেইবাবেই তেওঁৰ বন্ধু অর্থাৎ ডায়েৰিখনৰ নাম ‘ কিটি ’ ৰাখিলে ।

 প্রশ্ন ৪। এন্ ফ্রাংকৰ ডায়েৰিখন পুথি আকাৰে প্রকাশ হােৱাত কোনে আগভাগ লৈছিল ? তেখেতে এই ডায়েৰিখন কিয় পুথি আকাৰে প্ৰকাশ কৰিছিল ? 

উত্তৰঃ এন্ ফ্রাংকৰ ডায়েৰিখন পুথি আকাৰে প্ৰকাশ হােৱাত তেওঁৰ দেউতাক অট ’ ফ্রাংকে আগভাগ লৈছিল ।

১৯৪৪ চনৰে কোনােবা এদিন হলেণ্ড চৰকাৰৰ এজন বিষয়াই লণ্ডনৰ পৰা অনার্তাৰ যােগে ঘােষণা কৰিলে যে যুদ্ধ শামকটাৰ পিছত তেওঁ জার্মান অধিগৃহীত অঞ্চলত বাস কৰা যিসকল হলেণ্ডৰ লােকে যুদ্ধৰ সময়ত দুখ – যন্ত্রণা ভােগ কৰিছিল তেওঁলােকৰ সাক্ষ্য গ্রহণ কৰিব আৰু এইবােৰ জনসাধাৰণৰ বাবে প্ৰচাৰ কৰিব । তেওঁ বিশেষকৈ চিঠি – পত্ৰ আৰু ডায়েৰিৰ কথা উল্লেখ কৰিছিল ।

          বিষয়াজনৰ কথাত অনুপ্রাণিত হৈ এন্  ফ্রাংকে তেওঁৰ ডায়েৰিখনৰ ভিত্তিত এখন পুথি প্রকাশ কৰিব বুলি সিদ্ধান্ত কৰিছিল আৰু ডায়েৰিখন সম্পাদনাও কৰিছিল । কিন্তু হঠাতে নাজীবাহিনীৰ হাতত বন্দী হ’ব লগীয়া হােৱাত এন্ ফ্রাংকৰ দেউতাক অট ’ ফ্রাংকে সেই ডায়েৰিখন এক মূল্যবান সম্পত্তি হ’ব বুলি ভাবি পুথি আকাৰে প্ৰকাশ কৰিছিল ।

সঁচাকৈয়ে এন্ ফ্রাংকৰ এই ডায়েৰিখন পিছলৈ এখনি বিশ্ববিখ্যাত গ্রন্থত পৰিণত হৈছিল । 

প্রশ্ন ৫। এন্ ফ্রাঙ্ক আৰু আইতাকৰ সম্বন্ধ কেনে আছিল ? আইতাকৰ স্মৃতিৰ বাবে তেওঁ কি কৰিছিল ? 

উত্তৰঃ এন্ ফ্রাঙ্ক আৰু আইতাকৰ সম্বন্ধ বৰ মধুৰ আছিল । সেই কাৰণেই আইতাকৰ অসুখ হােৱাত আৰু অস্ত্রোপচাৰ কৰিবলগীয়া হােৱাত এন্ ফ্রাঙ্কে নিজৰ জন্মদিন অনুষ্টুপীয়াকৈ পালন কৰিছিল । আইতাকৰ মৃত্যুৰ পিছতাে তেওঁৰ আইতাকলৈ বৰকৈ মনত পৰি আছিল । কাৰণ তেওঁ আইতাকক বৰ ভাল পাইছিল ।

সেইকাৰণেই তেওঁৰ জন্মদিনৰ মমবাতিবােৰৰ লগতে আইতাকৰ স্মৃতিত এডাল মমবাতি জ্বলাইছিল ।

প্রশ্ন ৬। পাঠটো পঢ়ি এন্ ফ্রাঙ্কৰ সেই সময়ত হােৱা মনৰ ভাবৰ বিষয়ে লিখা ।

 উত্তৰঃ এন্ ফ্রাঙ্কে মাত্র তেৰবছৰ বয়সতে ডায়েৰি লিখিবলৈ লৈছিল । তেওঁৰ নিচিনা এজনী ছােৱালীৰ কাৰণে ডায়েৰি লিখাটো সঁচাকৈয়ে আশ্চর্যকৰ অভিজ্ঞতা বুলি তেওঁ ভাবিছিল । তথাপি নাজীবাহিনীৰ বৰ্বৰ অত্যাচাৰ আৰু হত্যালীলাৰ কথা সবিস্তাৰে লিখি ৰখাৰ মনােভাবেৰে পৰিয়ালসহ পণ্যাগাৰত লুকাই থকা অৱস্থাতে এন্ ফ্রাঙ্কে দিনলেখা অর্থাৎ ডায়েৰি লিখি গৈছিল ।

তেওঁ ভাবিছিল ডায়েৰিখনত তেওঁৰ মাক – দেউতাক বায়েক আৰু অন্যান্য আত্মীয়সকলৰো বিৱৰণ থাকিব । কেনেকৈ নাজীবাহিনীয়ে ইহুদীসকলৰ ওপৰত বৰ্বৰ অত্যাচাৰ কৰাৰ উপৰিও লাখ লাখ ইহুদীক হত্যা কৰিছে তাৰো বিৱৰণ বিশ্ববাসীক সময়ত জনাব পাৰিব এই ডায়েৰিখনৰ জৰিয়তে ।

এনে মনােভাব এন্ ফ্রাঙ্কৰ আছিল । আইতাককে ধৰি ঘৰৰ পৰিয়াল আত্মীয়সকলৰ প্ৰতি তেওঁৰ আছিল অতি মৰম , শ্রদ্ধা আৰু সহানুভূতিৰ ভাব । 

খ-ভাষা অধ্যয়ন (ব্যৱহাৰিক ব্যাকৰণ)

প্রশ্ন ৭। পাঠটোত অধি , অনু , প্রতি এইকেইটা– উপসর্গ যােগ হৈ হােৱা শব্দ কেইটা বিচাৰি লিখা ।

 উত্তৰঃ

অধি – অধিগৃহীত , অনু – অনুবাদ , প্রতি – প্রতিদিনে , 

অনুপ্রাণিত , প্রতিবিম্ব

অনুষ্টুপীয়াকৈ , 

প্রশ্ন ৮। তলৰ শব্দবােৰৰ বিপৰীত অর্থ বুজোৱা শব্দবােৰ লিখা । 

স্থায়ী , প্রকাশ , ভােগ , স্মৃতি , সমাপ্ত , আড়ম্বৰ , ভাগ্য , ধৈর্য । 

উত্তৰঃ       

স্থায়ী         –         অস্থায়ী । 

প্রকাশ      –         অপ্রকাশ , গােপন ।

ভােগ        –         দুর্ভোগ । 

স্মৃতি        –         বিস্মৃতি , পাহৰণি ।

সমাপ্ত       –         অসমাপ্ত ।

আড়ম্বৰ    –         অনাড়ম্বৰ । 

ভাগ্য         –         দুর্ভাগ্য ।

ধৈর্য          –         অধৈর্য । 

প্রশ্ন ৯ তলৰ শব্দবােৰৰ প্রতিশব্দ লিখা—

 যন্ত্রণা , কৰুণ , কিশােৰী , মৃত্যু 

উত্তৰঃ        

যন্ত্রণা         –        কষ্ট , যাতনা ।

কৰুণ         –       বেজাৰ , শােকাবহ , দুখলগা । 

কিশােৰী     –        বালিকা , ছােৱালী ।

মৃত্যু           –         মৰণ ।

Sl. No.Contents
পাঠ – 1নিয়ম
পাঠ – 2যুগমীয়া শৰাইঘাট
পাঠ – 3এন্ ফ্ৰাঙ্কৰ ডায়েৰী
পাঠ – 4জাগা জননীৰ সন্তান
পাঠ – 5ভক্তপ্ৰাণ প্রহ্লাদ
পাঠ – 6প্ৰগতিৰ সোণালী বাট
পাঠ – 7বস্তু বিজ্ঞান অধ্যয়ন
পাঠ – 8শ্ৰীশ্ৰী শংকৰদেৱ
পাঠ – 9ভয়
পাঠ – 10পৰীক্ষিতৰ ব্ৰহ্মশাপ
পাঠ – 11অতীতক নাযাবা পাহৰি
পাঠ – 12সুখ
পাঠ – 13হোমি জাহাংগীৰ ভাবা
পাঠ – 14সংস্কৃতি আৰু আমাৰ জীৱন
পাঠ – 15শিশুলীলা

প্রশ্ন ১০। তলৰ বাক্যবােৰ সৰল বাক্য , যৌগিক বাক্য আৰু জটিল বাক্য অনুসৰি শ্রেণী বিভাজন কৰা :

 ( ক ) মই আহিলোঁ আৰু তেওঁ ঘৰলৈ গ’ল ।

উত্তৰঃ যৌগিক বাক্য । 

( খ ) ভাল লৰা কাৰণেহে তেওঁ পুৰস্কাৰ পালে ।

উত্তৰঃ সৰল বাক্য ।

 ( গ ) বৰষুণ পৰিছে । 

উত্তৰঃ সৰল বাক্য । 

( ঘ ) মই সদায় ভাত খাই স্কুললৈ যাওঁ । 

উত্তৰঃ  সৰল বাক্য । 

( ঙ ) একমাত্র দেউতাকেই নাজীবাহিনীৰ কৱলৰপৰা জীৱিত ৰূপত বাচি আহিছিল ।

উত্তৰঃ সৰল বাক্য । 

( চ ) এন্ ফ্রাঙ্কে ১৯৪২ চনৰ ১২ জুনৰ পৰা ডায়েৰি লেখা কাম আৰম্ভ কৰিছিল ।

উত্তৰঃ সৰল বাক্য ।

( ছ ) এইবাৰ পিছে তেওঁ ‘মৰমৰ কিটি ‘ বুলি সম্বােধন কৰি লেখা আৰম্ভ কৰিছিল  আৰু শেষত ‘তােমাৰ এন্’বুলি  সমাপ্ত কৰিছিল । 

উত্তৰঃ যৌগিক বাক্য । 

( জ ) জন্মদিনৰ মমবাতিৰ লগতে আইতাকৰ স্মৃতিত এডাল মমবাতি জ্বলােৱা হ’ল । 

উত্তৰঃ সৰল বাক্য ।

 প্রশ্ন ১১। তলৰ বাক্যবােৰ তুলনামূলক বাক্যলৈ পৰিবৰ্তন কৰা ( দুটা আৰু বহুতৰ মাজত )

 ( ক ) সােণ উজ্জ্বল । 

উত্তৰঃ ৰূপ , তাম আদি ধাতুতকৈ সােণৰ উজ্জ্বলতা বেছি । 

( খ ) মীনা মেধাৱী । 

উত্তৰঃ সীতাতকৈ মীনা মেধাবী । সীতা,ৰীনা,টিনা, এই সকলোতকৈ মীনা মেধাবী ।

(গ ) অৰুণ ওখ । 

উত্তৰঃ তৰুণতকৈ অৰুণ ওখ । তৰুণ , বৰুণ , কৰুতকৈ অৰুণ ওখ । 

( ঘ ) জোনবাই সৰু ।

উত্তৰঃ সূৰুযতকৈ জোনবাই সৰু । সূর্য আৰু পৃথিৱীতকৈ জোনবাই সৰু । 

( ঙ ) এই কিতাপখন ভাল । 

উত্তৰঃ এইখনতকৈ এইখন কিতাপ ভাল । এই আটাইবোৰ কিতাপৰ ভিতৰত এইখন কিতাপ ভাল । 

প্রশ্ন ১২। বাক্য ৰচনা কৰা : 

অনতি পলমে , হাঁহি – ধেমালি , ৰূপান্তৰিত , আত্ম – গােপন , চিঠি – পত্র , দুখ যন্ত্রণ পৰিত্যক্ত , বিশ্ববিখ্যাত , আদান – প্রদান , চিন্তা – ভাবনা ।

উত্তৰঃ  অনতি – পলমে :-  দেৰী নকৰি অনতি – পলমে কামটো কৰিবা ।

          হাঁহি – ধেমালি :- হাঁহি ধেমালিৰে জীৱনটো কটালেহে সুখ পায় ।

          ৰূপান্তৰিত :-  ৰূপ সােণলৈ ৰূপান্তৰিত হয় ।

          আত্মগােপন :- বিপদৰ উমান পাই সি আত্মগােপন কৰিলে । 

          চিঠি – পত্র :- ফোনবােৰ ওলােৱাৰ কাৰণে আজিকালি মানুহে চিঠি – পত্র নিলিখাই হল ।

         দুখ – যন্ত্রণা :- মানুহৰ জীৱনত দুখ – যন্ত্রণ থাকেই । 

         পৰিত্যক্ত :- পবিত্যক্ত ঠাইবিলাক বৰ জয়াল হৈ পৰে । 

         বিশ্ববিখ্যাত :-  এন্ ফ্রাঙ্কৰ ডায়েৰিখন এখনি বিশ্ববিখ্যাত গ্রন্থ । 

         আদান – প্রদান :-  আদান – প্রদানৰ মাধ্যমেৰে মানুহৰ মাজত আত্মীয়তা গঢ় লৈ উঠে । 

         চিন্তা – ভাবনা :-  চিন্তা – ভাবনাৰেহে সুস্থিৰ সিদ্ধান্ত ল’ব পৰা যায় । 

গ – জ্ঞান সম্প্রসাৰণ 

প্ৰশ্ন১৩। এন্ ফ্রাঙ্কৰ ডায়েৰিখনে বিশ্ব সাহিত্যত অন্যতম শ্রেষ্ঠ স্থান দখল কৰিবলৈ সক্ষম হৈছে ।

এতে এগৰাকী কিশােৰীৰ বিষয়ে পঢ়ি তােমাৰাে কিবা এটা কৰাৰ কথা নিশ্চয় মনলৈ আহিব । তুমিও এন্ ফ্রাঙ্কৰ দৰে তােমাৰ দৈনন্দিন কাম – কাজৰ খতিয়ান বিতংকৈ লিখিবা আৰু পাছদিনা কি কি কৰিবা সেই ডায়েৰিতেই লিপিবদ্ধ কৰি ৰাখিবা । 

উত্তৰঃ নিজেই চেষ্টা কৰা ।

প্ৰশ্ন১৪। দলত বহি নিজৰ অভিজ্ঞতা প্রকাশ কৰা আৰু লগৰীয়াৰ কথা শুনা । 

( ক ) কোনাে কামত বা পঢ়া – শুনাৰ ক্ষেত্ৰত বন্ধু বান্ধৱীক সহায় কৰি

 ( খ ) পেলনীয়া বস্তুৰে কামত অহাকৈ কোনাে বস্তু সাজি আৰু তাক ব্যৱহাৰ কৰি

 ( গ ) বাতৰি কাকতৰ শিশু – শিতানৰ ভাল লগা গল্প – সাধু পঢ়ি

 ( ঘ ) সাহিত্য – চ’ৰাবােৰে অনুষ্ঠিত কৰা শিশু – প্রতিযােগিতাৰ বিভিন্ন শিতানত অংশগ্রহণ কৰি

 ( ঙ ) ঘৰত অনুষ্ঠিত কোনাে উৎসৱ – পার্বণত অংশগ্রহণ কৰি

উত্তৰঃ ওপৰত উল্লেখ কৰা আটাইবোৰ প্ৰশ্নৰ উত্তৰ নিজে দিব’লৈ চেষ্টা কৰা ।

প্রশ্ন ১৩। ‘এন্ ফ্রাঙ্কৰ ডায়েৰি’ পাঠটোত মন , আটক , শব্দযুক্ত হৈ থকা তলৰ খণ্ড বাক্যবােৰ ব্যৱহাৰ কৰি বাক্য ৰচনা কৰা । 

উত্তৰঃ মন পা – ( মন বুজ ) :-  আপােনজনৰহে মন পাবলৈ সহজ ।

মন বান্ধ – ( মন – দমা ) :-  টকা – পইচা নাই যেতিয়া ডাঙৰ ঘৰ বন্ধাৰ কথাটোত মন বান্ধ । 

মন পুতি লাগ – ( মনােযােগ দি লাগ ) :- মনপুতি লাগিলেহে কামত সফল হ’ব পাৰি ।

মন মাৰ – ( নিৰানন্দ হু ) :-  বেয়া খবৰটো শুনি সি মন মাৰি বহি আছে । 

মন কৰ – ( ইচ্ছা কৰ ) :- ভাল কামলৈ সদায় মন কৰিব লাগে । 

আটক কৰ – ( আবদ্ধ কৰ ) :-  পুলিচে চোৰটোক আটক কৰিলে ।

আটক ধুনীয়া ( অসাধাৰণ ৰূপে ধুনীয়া ) :-  ঠাইখনি বৰ আটক ধুনীয়াকৈ সজাই তুলিছে ।


3 thoughts on “Class 8 Assamese Chapter 3 এন্ ফ্ৰাঙ্কৰ ডায়েৰী”

Leave a Reply

error: Content is protected !!
Scroll to Top