Class 10 Bodo Chapter 16 अरुनिमा सिन्हा-गाव फोथायथि आरो साहसनि गुबुन मोनसे मुं

Class 10 Bodo Chapter 16 अरुनिमा सिन्हा-गाव फोथायथि आरो साहसनि गुबुन मोनसे मुं | Bodo Class 10 Notes, SEBA Class 10 Bodo (MIL) Short Type Question Answer As Per New Syllabus to each chapter is provided in the list of SEBA Class 10 Bodo Chapter 16 अरुनिमा सिन्हा-गाव फोथायथि आरो साहसनि गुबुन मोनसे मुं Question Answer so that you can easily browse through different chapters and select needs one. SEBA Class 10 Bodo Chapter 16 अरुनिमा सिन्हा-गाव फोथायथि आरो साहसनि गुबुन मोनसे मुं can be of great value to excel in the examination.

Class 10 Bodo Chapter 16 अरुनिमा सिन्हा-गाव फोथायथि आरो साहसनि गुबुन मोनसे मुं

Join Telegram channel

Class 10 Bodo Chapter 16 अरुनिमा सिन्हा-गाव फोथायथि आरो साहसनि गुबुन मोनसे मुं answer to each chapter is provided in the list so that you can easily browse throughout different chapters Class 10 Bodo Chapter 16 अरुनिमा सिन्हा-गाव फोथायथि आरो साहसनि गुबुन मोनसे मुं and select needs one.

अरुनिमा सिन्हा-गाव फोथायथि आरो साहसनि गुबुन मोनसे मुं

फरा बिजाबनि सोंथि

1. सुंद यै फिन लिर–

(क) अरुनिमा सिन्हाया बबे गेलेमुङाव जर ‘खा हारोंथाइ दंमोन?

फिन : भलिबल गेलेमुङाव। 

(ख) अरुनिमा सिन्हानि न ‘आ बबेयावमोन?

फिन : उम्र प्रदेशाव।

(ग) देहा फाहामसालियाव थानाय समाव अरुनिमानि गोसोयाव मा सिमाङा गोख्रों महर लादोंमोन?

फिन : हिमालयनि थिखिनियाव गाखोनायनि सिमाङा गोख्रों महर लादोंमोन। 

(घ) देहा फाहामसालिनिफ्राय ओंखारलांनानै अरुनिमाया सोरखौ आरो मानो लोगो हमदोंमोन?

फिन : बाचेन्द्रि पालआ हिमालयनि थिखिनियाव गाखोनायनि थि लामा दिन्थिनानै सुबुरुन होगोन होनना बाचेन्द्रि पालखौ लोगो हमनो थांदोमोन।

(ङ) माउन्ट एभरेष्टखौ अरुनिमाया माब्ला गाखोदोंमोन? बैयाव बियो ‘बेसेबां गोबाव सम दंमोन?

फिन : 2013 इं मायथाइनि 21 मे खालि गाखोदोंमोन। बैयाव बियो सासे खावसे घण्टासो सम दंमोन।

2. अरुनिमा सिन्हाया रेल दावबायनाय समाव मा जाब्रबथायजों मोगा मोगि जानांदोंमोन बे जाब्रथायाव अरुनिमाया मा खोमानांदोंमोन?

फिन : अरुनिमाया रेल दावबायनाय समाव रेल सायाव हानजासे डकाइतफोरा दावबायारिफोरनि रां, सना, रुफा बायदिसिनाफोरखौ सेख’ दोंमोन। बिदिनो दकाइतफोरा अरुनिमानि गोदोनानि मालाखौ बिदोंमोन। नाथाय अरुनिमाया होनो राजि जायाखेमोन। बेयावनो सानै डकाइतआ अरुनिमाखौ दुंफुं दैखांना लांना खरबाय थानाय रेलगारिनि दरजाजों बायजोनि खोमसियाव गारहरो। अरुनिमाया थयलाबादि गोग्लैलाङो। स्नि घण्टासो सम बियो रेल लामा सेराव गोलैना थायो आरो बिनि साखाथिजों गं 39 रेलगारि बारलाङो। बे जाब्राब थायाव अरुनिमाया थोंसे ओंथिखौ अरायनि थाखाय खोमानाङो आरो गुबुन थोंसेयाव लहानि रड लगाय नाङो। 

3. अरुनिमानि सिमांखौ मोगथां महर होनायनि बेलायाव बाचेन्द्रि पाला माबादि हेफाजाब होदोंमोन? 

फिन : अरुनिमाया हिमालयनि हाजो थिखिनियाव गाखोनायनि मिजिं लानानै मेडिकेलनिफ्राय थोंजों बाचेन्द्रि पालनि सेराव थांदोंमोन आरो सुबुरुन नागिरदोंमोन। अरुनिमानि मेगननि सिमां, सेलेन्स आरो गाव फोथायथिया बाचेन्द्रि पालनियाव फोथायनाय सोमजिहोबायदि थि फोरोंथाइ आरो साहस मोनोब्ला बे हिनजावसाया थारैनो थांखियाव सहैनो हागोन। बेनिखायनो बाचेन्द्रि पालआ माखासे अनसुला सुबुंफोरनि हेफाजाब नागिरना होना आथिंखौ राफोद खालामबाय। टाटा स्टील एडभेन्सार फाउण्डेचना सामलायनाय फोरोंथाय केम्पाव फोरोंथाय होना हेफाजाब खालामो।

4. एभरेष्ट देरहासारनायनि सिमांखौ मोगथां महर होनो अरुनिमाया माबादि फोरोंथाइ (ट्रेइनिं) लादोंमोन?

फिन : एभरेष्ट देरहासारनायनि सिमांखौ मोगथां महर होनो अरुनिमाया टाटा स्टील एडभेन्सार फाउण्डेचना सामलायनाय फोरोंथाय केम्पाव एभरेष्ट देरहासारगिरि बाचेन्द्रि पालनि सामलायनायाव फोरोंथाय लादोंमोन। 

5. अरुनिमा सिन्हाया मानो लाडाकाव थानाय माउन्ट चामसेर कांरिनि हाबाफारिखौ आबुं खालामनो हायाखैमोन? 

फिन : अरुनिमा सिन्हाया लाडाखयाव थानाय चामसेर कांरिनि हाबाफारिखौ बोथोर गाज्रिनि थाखाय आबुं खालामनो हायाखैमोन।

6. अरुनिमा सिन्हानि एभारेष्ट गाखोनायनि सोमोन्दै बेखेवनानै लिर।

फिन : अरुनिमा सिन्हाया देहा फाहामसालियाव थानाय समावनो हिमालयनि थिखिनियाव गाखोनायनि मिजिं लायो। बाचेन्द्रि पालनियाव बियो हाजो गाखोनायनि फोरोंथाय लायो। हिमालयआव गाखोयैनि सिगाङाव बियो लाडाखनि चामसेर कांरि मुंनि हाजोआव गाखोग्रोयो। बेनि उनाव दबथायहायि साहस आरो थुलुंगा लानानै हिमालयनि माउन्ट एभारेष्ट गाखोनो ओंखारो। गाखोनाय समाव बिनि आनथु फारनैनिफ्राय गोबां थै गदोंमोन। थेवबो थैखौ रुमालजों हुगार हुगार मानखोलाङो। 

मोनबो हेंथायानो बिखौ लोरबां खालामनो हायाखैमोन। बिदिनो काठमाण्डुनिफ्राय दावबायनो जागायजेननायनि 52 साननि उनाव हरनि 8 रिंगायाव 8848 मि. गोजौ जौथाइनि माउन्ट एभरेष्टआव आगान होयो। बै समाव अरुनिमानि अक्सिजेना जोबहां जोबहां जाबायमोन। लोगोआव थांफानाय सेरपाया बिनि फट आरो भिडिअ’ दैखांना लायो। अरुनिमाया भारतनि हारिमायारि फिरफिला गोबानानै फट’ देखां जायो। बिदिनो बियो से खावसे घण्टासो सम. एभरेष्टाव दंमोन।

7. “साफा साफा सुबुङा गाव गावनि हारोंथाइजों माहारियारि जिउआव जाफुंसारनानै गुबुन रोजा रोजा सुबुंनि थाखाय मिजिं आरो थुलुंगानि रादाब लाबोना होफैयो”-बाथ्राखौ बानबुंथाइजों अरुनिमा सिन्हानि जिउनि बिथायाव बुजायनानै लिर।

फिन : साफ्रोमबो सुबुङानो माबि नङा माबा मोनसे गुनजों दाजानाय। सोरबा फरायनो, सोरबा गेलेनो, सोरबा सावगारि आखिनो, सोरबा रोजाबनो, सोरबा मोसानो, सोरबा मावनो-दांनो बायदि बायदि गुननि मानसिफोरा गावबा गावनि गुननि हारोंथाइजों साहारियारि जिउआव जाफुंसारनानै रोजा रोजा सुबुंनि थाखाय मिजिं आरो थुलुंगामि रादाब लाबोना होफैयो।

बेनिखायनो साफ्रोम मानसियानो साननो नांगौदि. सुबुं जिउआ गावबा गावनिल’ नङा, बे मोनसे जिउआव गाव मोजांयै थांना थानो नाजानायजों लोगोसे गुबुननि थाखायबो बानजायनाय जानो नांगौ। अब्लानिया समाज आरो माहारिया गेरेमसा जानो खाबु मोनो।

आथिखाल माहारियाव गोबां सेंग्रा सिख्लाफोरानो गावबा गावनि जिउखौ नंखाय-बाखाय दुसिना लानाय नुनो मोनो। खामानि गैयै जेंनानि मन’ग्लाबनायाव गोबांआनो आनदायो आरो जिउखौ ओंथि गैयै खालामना लायो। नाथाय बे बाथ्राखौ साफ्रोमबो साननांगौदि जिउ मोनसेखौ जाफुंसार खालामनो थाखाय गाव गावनो थियारि जानांगौ। अरुनिमानि जिउआव जों गोसोन्थिनि मोनसे दबथाय हायै गोहोखौ मोनो। गोबां मानसियानो अरुनिमा बादि आथिं खोमाना लानांब्ला खेंखाय खेंखाय थैलांगौमोन नङाब्ला ओलैस्रो जाना थागौमोन। 

नाथाय अरुनिमाया आथिं खोमाना लादोंब्लाबो गोसोखौ खोमाना लायाखै। बुहुमनि गोबां गेदेमा जाफुंसार मानसिफोरनि बुंथि– “गोसोआनो बयनिख्रुइबो देरसिन हाथियार” बे बाथ्राखौ अरुनिमाया फोरमान खालामना दिन्थिबाय। जायनि थाखाय अरुनिमाया दा रोजा रोजा सुबुंफोरनि थाखाय मिजं आरो थुलुंगानि रादाब फोसावो।

8. क्रिकेट गेलेगिरि युवराज सिङा अरुनिमाखौ माबादि थुलुंगा होदोंमोन?

फिन : क्रिकेट गेलेगिरि युवराज सिङा अरुनिमाखौ बिना गोसोन बोलाखौ बांहोनानै थांखियाव सहैनो थुलुंगा होदोंमोन। युवराजआ मिथिदोंमोन अरुनिमाया एभरेष्टआव गाखोनोब्ला बिनि गोसोनि बोलोआ दबथायहायै जानांगोन। गावबोदि केन्सार बेरामाव गोलैनानै दबथायहायै गोसोन्थियारि बोलोजोंसो बेरामनिफ्राय मोजां जानो हादों। अरुनिमाया युवराजनियाव नुनो मोनोदि गोसो बोलो आरो गाव फोथायथि थायोब्ला देहायारि जेंनाया जेबो हेंथा सोरजिनो हाया आरो जिउनि जौगानाय लामायावबो गसंथेनो हाया।

9. सुंद ‘यै लिर:

बाचेन्द्रि पाल, टेनजिं नर्गे, ष्टिफेन हकिं।

फिन : बाचेन्द्रि पाल : बाचेन्द्रि पाल इं 1954 मायथाइनि 24 मेआव उत्तरान्चलआव जोनोम जादोंमोन। बिथांनि बिफानि मुङा किसान सिं पाल आरो बिमानि मुदा हानसदेवी। उन्दैनिफ्रायनो बियो मेलेम गोनां फरायसामोन। फरायसालियाव फरायबाय थानाय समावनो बियो हाजो गाखोनायनि थांखि लादोंमोन। थांखिबादियै बियो 1984 मायथाइनि 23 मे खालि माउन्ट एभरेष्ट हाजो थिखिनियाव गाखोयो। बिथाङा माउन्ट एभरेष्ट हाजो थिखिनियाव गाखोग्रोनाय गिबि भारतारि आइजो। बिथांनो भारत सरकारा पद्मश्री आरो पद्मभुषण बिमुंजों मान बावनाय।

टेनजिं नर्गे : टेनजिं नर्गेआ सेरपा फोलेरनि मानसि। बिनि जोनोमा नेपाल खुमबु मुंनि जायगायाव 1914 मायथाइयाव जादोंमोन। बियो उन्दै समनिफ्रायनो हाजो मानखोनायनि सोलोंथाइ मोनदोंमोन। मानोना खुमबु मुंनि जायगाया हिमालय सेरावनोमोन। 1953 इं मायथाइनि 29 मे खालि निउजेलेण्डनि एडमण्ड हिलारिजों लोगो नांना माउन्ट एभरेष्टआव गिबिसिन गाखोना जारिमिन सोरजियो। 1986 मायथाइनि 5 सेप्तेम्बर खालि टेनजिं नर्गेआ सोरगोआरि जालाङो। बिनि सोरजि लांनाय अट’बाय ‘ग्राफिया जाबाय मेन अब एभरेष्ट।

ष्टिफेन हकिं : ष्टिफेन हकिंनि आबुं मुङा जाबाय ष्टिफेन उइलियाम हकिं। बिथाङा सासे मुंदांखा गोनोखोगिरि। बिथांनि जोनोमा इं 1942 मायथाइयाव इंलेण्डनि अक्सफर्दाव जायो। बि.ए. खौ इउनिभारसिति अफ अक्सफर्द M.A. Ph.D खौ इउनिभारसिति अफ केमब्रिजाव लायो। इउनिभारसिति अफ केमब्रिजाव प्रफेसार महरै खामानि मावो। बे गेदेमा बिगियानगिरिया थांनाय इं 2018 मायथाइनि 14 मार्सखालि 76 बैसोआव रुंसारि जालाङो। बिथाङा जिउनाङै मटर निउरन बेरामजों नाख्रेबजादोंमोन। बिथांनि लिरनाय मुलुग दांखा गांसे बिजाबा जाबाय- A brief history of Time.

उफेरा सोंथि

1. अरुनिमानि बैसोआ बेसेबां?

फिन : नैजिब्रै बोसोर।

2. अरुनिमानि साखाथिजों बेसेबां रेल बारलांनाय?

फिन : गं 39।

3. चामसेर कांरिनि थिखिनि जौथाया बेसेबां?

फिन : 21,798 फुट।

4. ‘एमेजिं इण्डियान एवार्ड ‘खौ अरुनिमाया सोरनिफ्राय मोननाय?

फिन : बारग’ हादरारि ड० ए.पि.जे. आब्दुल कालाम।

5. बुहुमनि सुबुंनि गोखोखौ माजों जै खालामनो हायो?

फिन : हारोंथाइनि गेजेरजों।

6. अरुनिमाखौ मा मा हस्पितालाव फाहामनाय?

फिन : अरुनिमाखौ गिबियाव बेरिली हस्पितालाव फाहामनो थिसनो। बेनि उनाव गोदान दिल्लीनि इण्डियान इन्सटिटिउट अब मेडिकल साइन्साव फाहामथाय राहा खालामो।

7. मेडिकेलाव अरुनिमाया मा रावखौ दुखु मोनदोंमोन?

फिन : मानसिफोरा मेडिकेलाव अरुनिमाखौ बायदि रावजों सोंखारिदंमोन। खायफाया बुङो-टिकेट गैयालासिनो दावबायनाय अरुनिमाया कण्डाकटरा टिकेट नागिरनायाव रेलगारिनिफ्राय बाज्रुमदोंमोन, खायसेया बुंबाय गावखौनो फोजोबनो लानो रेल लाइनाव थांदोंमोन। बेबादि रावखोनाना अरुनिमाया दुखु मोनदोंमोन।

8. गोसोनि बोलोखौ थियै लाखिनो अरुनिमाखौ सोर सोर मदद होनाय?

फिन : क्रिकेट गेलेगिरि युवराज सिं, बाचेन्द्रि पाल आरो बिनि फंबाइ।

9. अरुनिमाया सोर सोरनिफ्राय बेसेबां मायथाइयाव मा मा बान्था आजावखो?

फिन : अरुनिमाया 2015 मायथाइयाव बै समनि हादरगिरि प्रणब मुखार्जीनि आखाइनिफ्राय ‘पद्मश्री’ आरो ‘टेनजिं नर्गे सन्मान’ बान्थाखौ आजावो। 2014 मायथाइयाव बारग’ हादरगिरि ड० ए.पि.जे. आब्दुल कालामनि आखाइनिफ्राय ‘एमिजिं इण्डियान एवार्ड ‘खौ आजावो।

10. माया सुबुंनो मिजिं आरो थुलुंगानि रादाब लाबोयो?

फिन : गुबुन गुबुन समाव आरो बायदि बायदि थासारियाव साफा साफा सुबुङानो गाव गावनि हारोंथायजों मिजिं आरो थुलुंगानि रादाब लाबोयो। थुलुंगा गोनां सल ‘फोरा मानसिफोरनि गोसोनि बोलोखौ गोख्रों खालामो।

11. लिरगिरिनि सिनायथि हो।

फिन : ड० जयश्री गस्वामी महन्तआ सासे सोलोंथाइगिरि, बारग’ एम.पि., सल’, सल’मा, गथ ‘फोरनि थुनलाइ रनसायनायनि अनगायैबो समरा समरि समाजारि आरो राजखान्थियारि बिथिंनि गोथौ रायथाइफोरबो लिरदों। बुहुम थुनलाइनि गोबां मख ‘जाथाव बिजाबफोरखौ राव सोलायनानै बिथाङा असमीया राव सोलायनाय थुनलाइयावबो बिहोमा होदों। 

कटन कलेजनि जिब बिगियान बिफान आरो गुवाहाटी मुलुग सोलोंसालिनिफ्राय बे बिफाननिनो प्रफेसार महरै खामानि मावनानै आजिरा मोननाय ड० महन्तआ बिगियान आयदायावबो गोबां नायबिजिरसाङारि रायथाइ हादरारि आरो बायजो हादरनि सिगांसारिनि लाइसिफोराव फोसाबजादों। ड० जयश्री महन्तआ 1999 निफ्राय 2002 मायथाइसिम राज्यो सभानि सोद्रोमा महरै आसामनि थान्दैमोन। 

महाकबी, गान्धारी, चाणक्य गुबुन गुबुन सल’माफोर, अन्य एख रत्नाकर, उँवलि जोवा चादर बायदि बायदि सल’ जथाइ, अशम आन्दलन-युगमीया चिन्तार प्रतिफलन बिमुंनि रायथाइ जथाइफोरा बिथांनि मख ‘जाथाव बिजाबफोर। चेमनीयार बिश्व साहित्य, बिश्वर श्रेष्ठ साधु बायदि गथ ‘फोरनि बिजाबफोरा बिथां महन्तनि मख’जाथाव सोरजि। आथिखालाव “एदिनर संबाद” रादाब बिलाइनि गाहाइ सुजुगिरि खामानि मावबाय थानाय महन्तनो 2018 मायथाइयाव भारत सोरखारा पद्मश्री बिमुंजों मान बावो।

12. फरानि गुबै रावखौ नोंनि रावजों लिर।

फिन : अरुनिमा सिन्हा मुंनि नैजिब्रै बोसोर बैसोनि सिख्लाया रेलगारियाव लक्ष्नौनिफ्राय दिल्ली फारसे फैगासिनो दंमोन। बियो हादरारि भलिबल गेलेगिरि। बे समावनो हावजासे डकायतआ रेलगारियाव फारसेनिफ्राय लुत खालामनो हमबाय। अरुनिमानि सेराव सासे डकायतआ फैनानै गोदोनानि जिनज्रिखौ बिनो हमबाय। नाथाय अरुनिमाया जिनज्रिखौ दकायतनो हरनो राजि जायासै। डकायतआबो अरुनिमायाव गले गले जिनज्रिखौ बिबाय थाबाय। थेवबो अरुनिमाया हारासै। बे समावनो सानै डकायतआ आवगायबोनानै अरुनिमाखौ खारबाय थानाय रेलगारिनि दरजाजों खोमसियाव गारहरबाय। 

अरुनिमानि सोलेरा रेलाव सौग्रावनानै गोलैहैबाय। स्नि घण्टासो सम बियो रेल लामा सेराव गोग्लैना थाबाय आरो बिनि साखाथिजोन गं 39 रेलगारि बारलांबाय। फुङाव बयबो नुनो मोननायसैदि लक्ष्नौ-दिल्ली थांग्रा रेल लामानि सेराव सासे सिख्ला गोग्लैनानै दङ। गिबियाव बेरिली हस्पितेलाव बेनि उनाव गोदान दिल्लीनि इन्डियान इन्सटिटिउट अब मेडिकल साइन्सआव बिनि फाहामथाइनि राहा खालामनाय जाबाय। 

सोरबा सोरबाया बुंबाय टिकेट सेक खालामनायाव रेलगारिनिफ्राय बाज्रुमदों आरो खायसेया बुंबाय थैनो थांदोंमोन जानांगौ। अरुनिमाया बाथ्राफोरखौ खोनानानै दुखु मोनबाय। थेवबो बियो जिउआव गोदान चेलेन्ज लाना दावगानो लाबाय। बे जाथायनि उनाव बियो थोंसे आथिंआव लहानि रड लगायबाय आरो गुबुन थोंसेयाव बायनाय आथिं लगायबाय।

देहा फाहामसालियाव उन्दुबाय थानाय समावनो बिनि गोसोआव एभरेष्ट हाजो थिखिनि गाखोनायनि सिमां सोमजिबाय। बबेयाव माबादि सोलोंथाइ लानांगौ बेखौबो सुलु लाबाय। बेबादिनो बियो एभरेष्ट देरहागिरि बासेन्द्रि पालनि सेराव थांनो सानबाय। दानब्रैनि उनाव हस्पितालनिफ्राय न’आव थाङालासिनो बासेन्द्रि पालनि सेराव थांबाय। बिनि मेगनाव बुहुमनि जौसिन हाजो थिखिनि एभरेष्टनि गोख्रों मिजिं।

बासेन्द्रि पालआ बिनि बाथ्राफोरखौ गोसो होनानै खोनासंबाय। थोंसे बायनाय आथिं आरो थोसेयाबो दङबाबो गैयैबादि हिनजावसाया हिमालय गाखोनो ओंखारनायखौ नुनानै गोबाडांनो सोमो नांदोमोन। गोबांआनो बिखौ बादा होदोंमोन। जिउखौ आरोबाव खैफोदाव खोलैना लानो नाङा होनना बुंदोमोन। नाथाय अरुनिमाया देरहासारनायनि सिमां आरो गोरबोआव गोख्रों साहस आरो गाव फोथायथि लानानै दावगालांबाय। गोबां खुंफुं खालामनानै बियो गोदान आथिं लगायबाय। बिदिनो बियो टाटा स्टील एडभेन्सार फाउण्डेचना सामलायनाय फोरोंथाय केम्पाव एभरेष्ट देरहासारगिरि बाचेन्द्रि पालनि सामलायनायाव फोरोंथाय लाबाय।

अरुनिमानियाव देहेयारि आरो गोसोन्थियारि मोननैबो बिथिङावनो गोख्रोंथि आरो फोथायथि दङमोन। बोसोरसे सम गोख्रों थुलुंगाजों नारा नाथा नाजाथाबनानै फोरोंथाय बादायाव गावखौनो बावसोमबाय।

बिखौ हाजो गाखोनाय हाबाफारियाव मदद खालामनाय सेरपायाबो अदेबानि बिनि थैजों जाहाबनाय आथिंनि थासारिखौ नुनानै गले गले जिउखौ रैखा खालामनो थाखाय सुबुरुन होदोंमोन। अरुनिमाया नाथाय जायखिजाया हेंथा आरो खैफोदनि सेराव बर’ गंग्लायनो सोलोङाखैमोन।

जोबथारनायाव बियो बोथोर गाज्रि समावनो लाडाखआव थानाय माउन्ट सामसेर कांरिनि 21,108 फुट जौथाइखौ गाखोबाय। बेनि उनावनो बिनि गोसोआव माउन्ट एभारेष्ट गाखोनायनि मिजिंआ गोख्रोंसिन जायो। केन्सार बेरामाव गोलैनाय युवराजआ बिनो गावनि थांखियाव सहैनायनि गोख्रों गोसोनि बोलो लाबोना होदोंमोन।

माउन्ट सामसेर कांरिनि थिखिनियाव 21,108 फुट गोजौसिम थांनो हानाया माउन्ट एभारेष्टसिम थांनो हानायनि जाथावनाखौ गोख्रोंसिन खालामना होयो। बे खेबाव बियो माउन्ट एभरेष्ट गाखोनो थियारि जाबाय। लोगोआव बियो गंनै केमेरा, दै आरो अक्सिजेन लांदोमोन। लोगोआव लांनाय अक्सिजेना जोबहां जोबहां। लोगोआव थांनाय सेरपाया अक्सिजेन जोबहां जोबहां जागोननि बाथ्राखौ फोरमायबाय। नाथाय अरुनिमाया ओंखारनायनि बाथ्रा सानखैमोन।

दबथायहायि साहस आरो थुलुंगाजों बियो दावगालांबाय। आनथु फारनैनिफ्राय थै गसेयावबो बियो थाबथायासै। काठमाण्डुनिफ्राय दावबायनो जागायजेननायनि 52 साननि उनाव हरनि 8 रिंगायाव 8848 मि. जौथाइयाव थानाय माउन्ट एभरेष्टनि थिखिनियाव बियो आगान हैनो हाबाय। बै समा 21 मे 2013 इ मायथाइमोन।

बे बादि गोसोखांथाव जाफुंसारनायनि थाखाय भारत सोरखारा 2015 मायथाइयाव बिथांखौ पद्मश्री बिमुंजों मान होयो। बै समनि मानगोनां हादरगिरि प्रनब मुखार्जीनिफ्राय बान्थाखौ आजावो। 2015 मायथाइयाव टेनजिं नर्गे सम्मान खौबो मोनो। 2014 ‘मायथाइयाव बारग’ हादरगिरि ड० ए.पि.जे आब्दुल कालामनिफ्राय ‘एमेजिं इण्डियान एवार्डखौ नाजावो।’

गुबुन गुबुन थासारियाव बेबादिनो साफा साफा सुबुङा गाव गावनि हारोंथायजों माहारियारि जिउआव जाफुंसारनानै गुबुन रोजा रोजा सुबुंनि थाखाय मिजिं आरो थुलुंगानि रादाब लाबोना होफैयो। बे बेलायाव जों एकालब्यनि सल ‘खौ गोसोखांनो हायो, जाय गावनि साधना आरो नाजाथाबनायनि बोलोआव जाफुंसारनो हादोंमोन।

गोसोआव लाबोनो हायो महाभारतनि थामथि पाण्डब आरो नांथाबनाजानि सल ‘खौ। अरुनिमाबादि लाख लाख सुबुं जोंनि गेजेराव दं बिसोरनि गेजेराव थाखुमानानै थानाय हारोंथायखौ जौगाहोनायनि बेलायाव एसे अनसायनायनि गोनांथि दं। अरुनिमानि रावाव-आं सासेल’ अरुनिमा नङा, आंबादि रोजा रोजा अरुनिमा दं, “नोंथांमोना बिसोरखौ सिनायथिनानै जिउनि लामायाव आगान सुरलांनो, थांखियाव सहैनो थुलुंगा होयोब्ला थार ओंथियाव हादरनि खामानि मावनाय जागोन।”

Leave a Comment

Your email address will not be published. Required fields are marked *

Scroll to Top